دمعــــة حنينــــي ــــ نثرتــهــــا عينـــــــي
يا جاســم اتمنيت ــــ دونــك متت ياريت
دمعـــة حنينـــي ــــ نثرتــهـــــا عينــــــــي
ــــــــــــــــــــــــــــــــــــــــــــــــــــــــــــــــــــ

غصن النبت بالروح ــ طِيب وملاحه يفـــوح
لروحــــي أملهــــــــا
معقوله عنــي تروح ــ رحت وعفت لجروح
تسعــــــر عللهـــــــا
وَنّيت الك والنــوح ــ ونَّــت حمـــام الــدوح
بساعــة وجــلهـــــا
يوليدي يالمذبـــوح ــ دونــك عسن هالـروح
يگـــــرب ٲجلهــــــا

خنجـــــر دمعتـــي ــــ يحفــــر وجنتــــي
يا شمعتي البالبيت ــــ دونك متت ياريت
دمعـــــة حنينـــــي ــــ نثرتــهـــا عينــــــي
ــــــــــــــــــــــــــــــــــــــــــــــــــــــــــــــــــــ

يــا شطبــة الريحان ــ يا طيب الوجــدان
تگطـــــع وصالـــــي
گلبـي استعـر نيــران ــ عالبال ابد ماچـان
حتـــــه بخيـــالـــي
ضنوة ابو الاحسان ــ دامي وعلى التربان
طايــــــح گبالـــــي
موعد زفافك حان ــ لاچن صفــه الميدان
عرســــك يغالـــــي

الحنـــه اعلــه ايـــدك ــ مـــن دم وريــــدك
بسوح الوغى انزفيت ــ دونك متت ياريت
دمعـــــة حنينـــــي ــــ نثرتــهـــا عينــــــي
ـــــــــــــــــــــــــــــــــــــــــــــــــــــــــــــــــــ

ربيتك آنه سنيــن ــ بيـن الجفــن والعيــن
يبنـــي يجاســــم
واذخرتك لهالحين ــ يــاضنـــوة الطيبيــن
يبـــن الهـــواشــم
توفيلي هذا الدين ــ تفــدي النحـر لحسين
بســـوح الملاحــم
تعرف طريقك زين ــ درب الشهــاده منين
تگصدلـــه عــــازم

يبنـــي وذخــرتك ــــ لـهـالشــده ردتــــك
لهذا الوكت ربيت ــــ دونك متت يـاريت
دمعـــة حنينــــي ــــ نثرتــهـــا عينــــــي
ــــــــــــــــــــــــــــــــــــــــــــــــــــــــــــــــ

يبني لزمان الجور ــ عمـرك صفه مذخــور
بساعــة طفوفــــك
هسه اجـاك الـدور ــ ربيتـــك لعاشــــــــور
خلينـــي اشوفـــك
تستقبـــل المگدور ــ لهـــذا الوكــت منـذور
اشهـــر سيــوفــك
نحرك تفايض نور ــ مـــا گصـــرت مشكـور
تسلـــم چفوفــــك

بالدمعـــه عمــك ــــ يمــــــك يكلمـــــك
ماگصرت وفيـت ــــ دونك متت ياريت
دمعـــة حنينـــي ــــ نثرتــهـــا عينــــــي
ــــــــــــــــــــــــــــــــــــــــــــــــــــــــــــــــــ

طيفك يظل ايحوم ــ يبن الحسن للـدوم
كلســـا يجينـــــي
مـا مـر علَيـَّه النـوم ــ مــن غيبِتَك لليـوم
سهرانـــه عينــــي
جازاني دهر الشوم ــ من غَيَّب المسمـوم
تالـــــي يجينــــي
بمصابك المحتوم ــ نحت وبچيت دموم
واشتــــد ونينـــي

اثنيـــن افگدتـــهــم ــــ ذخــري ردتـهــــم
اتعيفوني ما ظنيت ــــ دونك متت ياريت
دمعـــــة حنينـــــي ــــ نثرتــهـــا عينــــــي
ـــــــــــــــــــــــــــــــــــــــــــــــــــــــــــــــــــ

عگب الجـره والصـار ــ ما نشفت الاعبــار
مــن الغــاضريــه
مسبيـــه عــالاكـــوار ــ لا والــــي لا نغــار
من اهل الحميــه
يعصف هوى الاخطار ــ شايــل عذاب ونار
شفـــت الاذيـــــه
ظــل الفكـر محتــار ــ مشبوحه ليك انظار
عفتــــك رميــــه

عگــبـــك ولونــي ــــ يبنـــي وسبــونــي
كل هذا واترجيت ــــ دونك متت ياريت
دمعــــة حنينــــي ــــ نثرتــهـــا عينـــــي

كلمات عمار الراشدي

اللحن
بس دمع عيني ... ظل يواسيني
ماظن زماني يعود .. عگبك يبحر الجود
بس دمع عيني ... ظل يواسيني

من تراث الحاج باسم الكربلائي

‏مقطع صوتي من Ammar Alrashidy

ليلة مسلم ابن عقيل عليه السلام
،،،،،،،،،،،،،،،،،،،،،،،،

انه بت مسلم حميده مضيعه نور عيوني
والدمع حگي من ازيده ابد لتلوموني



٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

ماكو طارش منه جاني كلبي تلهب ناره
انتظر جيت الغالي علدرب محتاره
يمته يرجع يمي اريده وهم تريده ادياره

هذا ابوي انه وطن
بس غدر بينه الزمن

يابويه ذبلني السهر
يخنكني كل ساعه القهر

انه بنتك كلبي حاير ودمع كلهه عيوني


٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
السفر طول عليه والحزن يمي نزل
يلابو وخيمه علينه ارد احلفك بلفحل
ترد سالم يا املنه كلبي نيران اشتعل


ترضه لبنيتك حميده
بنص الاجناب ووحيده

ما اجه منك خبر
بويه تعبني السهر

والله مشتاكه يهلنه بلكت تردولي




٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

حتى لو بلطيف مرلي ورد عليه وحشتي
الخاطر الغالي ابو الغيره تردلي وتفك شدتي
منذكرك يجري دمعي حيل صعبه مصيبتي

بحسين احلفك وبعلي
اشتاك ألك بس رد ألي

بويه احلفك كلي وين
انه خانكني الحنين

انه بنتك يا هضمهه لا تخيب ضنوني


٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

اذكرك تخنكني عبره وكمت اشم بثيابك
وروحي ملهوفه عليك بس دمع بغيابك
العمر مابي طعم يابويه يلتركت أحبابك

مكتوب منك ما أجه
ولا طارش لبتك حجه

عبره تخنكني بفركتك
يلمشيت وما تركتك

اتكلب ليل ليمرني وحدي لتعوفوني

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

من يجي لغروب بويه اذكرك وتحسر
جن اشوفك يمي كاعد وجنه روحك تفتر
من رحت ماودعتني شوكي نار وتسعر

روحي وبدار الحزن
يلمشيت وكمت اون

بويه تعبني الهظم
والله احس جني بحلم

اذكر وزايد حنيني بويه لا تنسوني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠


كلمات خادم الحسين عليه السلام
حيدر ناجي الدراجي
1442 للهجرة

كروب أحزان مأسي الطف لتلحين القصائد والنشر الديني
يفتح الساعة5:00 ص
ويغلق الساعة 12:00 م
ممنوع ((نشر صور غير لائقة والخاص))


الإدارة--> خادمة المنبر ام رائد زوين
الإشراف -- > الملا ابو محمد الدراجي



https://t.me/joinchat/EWKamEvS4nFg4EZ--NYvgg

تم نشر قصائد استشهاد مسلم بن عقيل ع مع الالحان
#للاشتراك
https://t.me/ahmed_alziwar1/100215

تم نشر قصائد مسلم بن عقيل ع

#قصائد_مسلم_ع_ع1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ



قصيدة أساس ليلة 5 محرم

يابنتــي الوحيــــده ياحميــــده رسمـي لــو غاب
قـولي أنتـي عليــه هالمسيــــه صــاير أمصـــاب
تلقيـــــن الإشــــاره على قصـر الإمـاره

1

بينـي ومــابينــج هاليلــه فركه وحسره بدمع العين
باجــر لــــو اتاخـر عنــج معنـاها صــوبني البيـــن
ياطفلــه كفيهـا ادموعـج زغيــره أنتي ومااتحملين
انه مصابي اهون يابنتي مــن مصاب الغالي حسين


لو عنـــج أسافــر أبقـــى حايــــــر قلبي مجروح
امشي ودمعي يجري وانـــــــــه ادري يمـج الـروح
قلبي شيطفي ناره على قصــر الإماره



2
ياطفله لصدرج ضمينــي خـل نتــوادع انه اويـــاج
انــه احتــار بهمــي ووني وتحتـاريـن أنتي بدنياج
ادري أفراقي يصعب لكن عندي أزيد يصعب فركاج
أنتي بروحي وداخــل قلبــي لتظنين ابـعـد وانساج

كومـي وودعيني وقبلينــــي قبلـــــــة اوداع
ضميني بحسرتج وبدمعتــج بيــن الإضــلاع
كتبت آخر عباره على قصر الإماره

3
بالكوفه اعلم شنهو الخافي كل اليجرالي بحسبان
يتلقوني بفرحه وبهجه وانه اعرف بيهـم عدوان
حيدر ماناسيه أمصابـه مـن طبـروا رأس القـرآن
اعــرف نيتهــم بالتــالي ظهــرت بعيوني الإحزان

أبقى ابــــلا كرايب عالتــرايب جسمي مسلوب
وحدي وبالي يمج من اذكــرج تبجي القلـــوب
انه جفي انتصـــاره علــى قصر الإماره
4
عـدواني مـن أتهاجمنـي يـم طـوعه اتلـف الأنــذال
ارفـع سيفـي وما أتنــازل تركــع جــدامي الإبطــال
مـــن يلتفـون أبكـل جـانـب وعليـه أيسـوون إنـزال
يـرمونـي برماح ونبلـه وبجفـوفي أتصيــر الأغلال

صـاحت وسمعتها جاوبتهــا بدمعــة العيـــن
راحــوا يذبحوني يسلبوني مثـــل الحسيــن
انه دمعي يتجاره على قصر الإماره
5
استشهـد مــن اجــل الغــالي ماهمـــاً والــدم منذور
انصاره اليفدون المنحر شلون ابخل ماافدي أنحور
لــو أتقطــع لــو اتــوذر لو اصيــر أرمــاد ومنشور
ما أتبره مـن حسينــي جلمــه ومكتوبـه مـن النــور

رد ليه سلامـــي وجـــن إمامي جـــاني ملهوف
مد ايده وشبكني لصدره ضمني وناظري يشوف
أخذني وترك ثاره على قصر الإماره



شطره
امجـــد صــــاحب ألشطـــــــري

✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

بسم رب الشهداء والصالحين 🌱
من افضل القنوات الدينية، انضم وشاهد👇👇

♥️|@zhraa9898a| أنصار الحجة
♥️|@lFlFlFlFlFF| نقــــاء
♥️|@kokhv| وفاية ولدك يالشايب

♥️|@ranosh2000_4| لاجلك ي ابن الحسن
♥️|@zamr_n| زمـــرد
♥️|@tahr_fatim| فاطمة

♥️|@mhhdidhj| أنصار الحجة عج
♥️|@ahmed_mhana24| درست في مدرسة الشهيد احمد مهنة

♥️|@rooh_88_313| روح 313
♥️|@AHSEN_313| حب الحسين
♥️|@httpsm80100000| الرادود الحسيني حسين السعد

♥️|@sallel8| سليل
♥️|@fatimahilal| المناسبات الولائية

♥️|@alisamalisam855| محبة باسم الكربلائي
♥️|@mahdikhasmzainab| زينب المهندس
♥️|@ILsaep| الشيعة الشيعة

♥️|@ffaameat| فاطميات

♥️|@Radhwa_313| لذات العباءة
♥️|@Science_Culture| الفلك والفيزياء
___
❗️ غير مبرئ الذمة الذي يحذف البوت دون علم صاحب الدعم
🔹 للأشتراك باللستة +600 @Radwa_bot
🔹حذف اللستة بعد اربع ساعات من نشرها ، والحذف الفردي ايضا. ذمة الذي يحذف قبل الوقت
_____

https://t.me/Radhwa_313

#قصائد_مسلم ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

➰هل محــرم ونــذبح راس الشريعة ➰
ــــــــــــــــــــــــــــــــــــــــــــــــــــــــ


#القصيدة_الاولى #مسلم_ابن_عقيل_ع
............
مسلم وروحي الحسين
اضرب بيسره ويمين
عن امامي الموت اسمي عن امامي
....
اضرب بصارمي ركاب الزلم واصرخ
ياحسين اله اخلي جيوشهم ترضخ
انه ابن طالب گبالي الجبل نوخ
اكشخ بزودي لو طب للحرب اكشخ

رايتي وي النجم
وروسهم سيفي يلم
عن امامي الموت اسمي عن امامي
....
الما عرفني انه مسلم بالحرب يسأل
يسأل الحومه تعرف جدمي لو زلزل
بالحرب ما تظل بس مهرتي تصهل
الموت يم سيفي برگاب الكفر حمل

مايظل واحد وراي
ولا گبلني وظل له راي
عن امامي الموت اسمي عن امامي
....
الكوفه المها بيميني واگطع الانفاس
اخبط البيها بيدي راس اطگ براس
الخاينه ابن النبوه ويلكم يا ناس
ربي بسمي كتبكم ما اعيفاً ساس

ارسم الموت بمزاج
انزل عليكم عجاج
عن امامي الموت اسمي عن امامي
......
اگلب اليمنه يسره وبشمسهم ليل
بيدي سجيل اقاتل ريح لجلي تميل
ضربتي الهاشميه عليها تنزل سيل
صبح جن قوم عاد وجنها اهل الفيل

غضب ايات الجليل
لجل امامي بكلبي اشيل
عن امامي الموت اسمي عن امامي
.....
تشهد العميه اخلي عيونهم عني
لمعت الضربه اراوي للنجم مني
بيها اصيحاً حسيني وعشگه جنني
انه مجنونه اگله الرايد يضدني

وافدي اله كلشي بفخر
اگلب بأسمه القدر
عن امامي الموت اسمي عن امامي
...
حيدر عيسى البديري




▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar5

(كروب مؤسسة منبريون)

https://t.me/joinchat/Dw92Dj9pmspPx7OpNRYqtA