بندريه

الرادود سيد سلام الحسيني
الشاعر عزيز الفيصلي

خيمتك نصبوها
حنتك عجنوها
شمعتك علكوها

روح يبني
روح يبني عرس المبارك
//////////////////////////////////////////

يبني بالك لو رحت بهيده انكل اجدامك
خلي عينك عالدرب مو كلبي كدامك
يبني من عمري شيضل لو خذت ايامك
شلي بأمآلي بعد لو ماتت احلامك

يالعيني تبرالك
وتماشي اخيالك
وتشوبش آمالك

روح يبني
روح يبني عرس المبارك
///////////////////////////////////////////

يبني يا ما سلهمت عيني بهوه طيوفك
شفتك بثوب العرس ومحني أجفوفك
وآنه احبن وجنتك وأمشطلك أزلوفك
روحي بيك أمعلكه وما تقبل أتعوفك

ما مر على بالي
هذا العرس تالي
بالحومه يبرالي

روح يبني
روح يبني عرس المبارك
///////////////////////////////////////////

يمه آنه الحك علي لهالساعه ربيتك
واكثر من ام الولد بعيوني باريتك
تكبر وعندي امل راح اكعد أبيتك
ياما عرسك مر علي وبطيفي زفيتك

جنت أحسب اليومك
ومفصله أهدومك
وزفافتك كومك

روح يبني
روح يبني عرس المبارك

//////////////////////////////////////////

ودع امه وعمته وتخيل الشكره
وبيده عيني كلادته الجانت على صدره
اوصيته من عوده الحسن مكتوبه بالعبره
عمك أبطف كربله لا تبخل أتنصره

سد نوبي بيومك
وسجلني بعلومك
وأتحنه بدمومك

روح يبني
روح يبني عرس المبارك

//////////////////////////////////////////
من ظهر مهره نزل حين أكبل العمه
قدم أوصيته أبفرح وأثنه الركب يمه
من قره أوصيت الحسن هل دمعه أبو اليمه
شابك المعرس شبك ويحبه ويشمه

بيده المهر جابه
وجن أسمع أجوابه
لوح على أرجابه

روح يبني
روح يبني عرس المبارك
///////////////////////////////////////////

يبني راح أبزفتك شيعتنه أوصيها
كل محرم من يهل زفتك تسويها
أطلع أصواني وشمع والحوفه تبنيها
وتعجن الحنه بدمع عبرة نواعيها

تذكر أجروحك
وبزفتك أتنوحك
يالرايح أبروحك

روح يبني
روح يبني عرس المبارك

تمت بحمد الله

(7) نزلة ...... في رثاء فاطمة العليلة عليها السلام


لا تفارگني لا تفارگني
يانبض گلبي وحياتي لا تفارگني
.....................

الطفله لو فارگها ابوها مـن يسلّيــها
تـنـتـظــر رحـمـة ابوها يعطف عليها
وانت عندك طفله بويه وتعلم شبيها
بويه حتى الطير يبچي وي بواچيها
لا تعذّبني لا تعذّبني
لو رحت تگرب وفاتي لا تعذّبني
...................

آنه طبع الوردة طبعي اذبـل بدونك
بشوفتك آلامي تشفه بويه وعيونك
هـونـك عليّة حبيبـي والــدي هـونك
ادري بالعــدوان ادري ما يرحـمــونك
لا تيتّمني لا تيتّمني
من يحقق امنياتي لا تيتّمني
.......................

آنـه مـتـعــــوّده عليـك بكل فجر يمّي
يشفه جرحي منّ شوفك ينجلي همي
بصوتك الـدافـي يبويه ياحلات اسمي
واحله صوره لو گعدتّوا انت وي عمي
لا تأذّيني لا تأذّيني
يمي من تبقه رضاتي لا تأذّيني
........................

ياحبيبي حسين بويه يانظر عيني
لا تـفـــارگـنـي دخيـلـك لا تخلّيني
ابقه محتـاره وعليله من يبـارينـي
آنه يابويه العـزيـزه عليـك تدريني
لا تحيّرني لا تحيّرني
كل فرض ادعي بصلاتي لا تحيّرني
.......................

لا تـگـلّي صبــري بـويـه ياصبـر ينـفـع
يختنگ صبـري بغيــابـك گلبي يتگطّع
حفرت خدودي وچوتني جمرة المدمع
كـلـمـة مـــوادع يبويه ما اريــد اسـمـع
لا تودعني لا تودعني
وداعك اصعب من مماتي لا تودعني
...........................

بويه يحسين عله بختك ارحم بحالي
عـدمـن تـخـلّي العليله بـويـه يالغـالي
لو رحت عني وعفتني منـهـو يبــرالي
خل امـوت ويـاك بويه موتي يحـلالي
لا تضيّعني لا تضيّعني
خذني وي باقي خواتي لا تضيّعني

سيد زيد الفحام
__________________

قصيدة : ياشهر عاشور
الشاعر : #ياسين_الكوفي
الرادود : #محمد_الجنامي
#قصاید_محرم

🏴🏴🏴🏴🏴🏴🏴🏴🏴🏴

يا شهر عاشور ما مثلك شهر
بيك ابو السجاد دلاله انفطر

ياشهر عاشور هيجت الحزن
بيك جسم حسين ظل ابلا دفن
حسين خله الدمع يجري اعله الوجن
وانفجع چبد النبي سيد البشر
@@@

ياشهر عاشور بيك اش چم شباب
وبيك ظل ابلا دفن فوگ التراب
ياشهر عاشور حرگوا للاطناب
وبيك دين المصطفى دامي النحر
@@@

ياشهر عباس خسفوا هامته
وبيك ابو فاضل انگطعت يمنته
وابسهم صابوه وشگوا جربته
ع الشريعه من وگع جسمه او خر
@@@

ياشهر عاشور بيك اتچتلت
آل عدنان وعله الغبره هوت
والحرم ياشهر بيك اتسلبت
وبيك تتراجف غدت من الخطر
@@@

ياشهر عاشور وانصار الشهيد
بيك كلها اتذبحت فوگ الصعيد
واليتامه اتچتفت من ايد ليد
عگب ابو السجاد والسبعه وعشر
@@@

ياشهر عاشور هليت الدمع
وبيك گلب ام الحسن ظل منفجع
ياشهر عاشور رديت الرضع
بالحزن وانتشر بالبر او بحر
@@@

ياشهر عاشور ذوبت الگلب
بيك الاكبر ظل على وجه الترب
وزينب الحره مشت ويه الغرب
تصيح وينك يامن الهاشم گمر

🏴🏴🏴🏴🏴🏴🏴🏴🏴🏴

⛔ *لایجوز شرعاً حذف رابط الخدمه*

القصاید المکتوبه للرادودين حسن الصالحي و محمد الجنامي

🎙#باسم_الكربلائي_Bk
📜القصيدة : راية الله رايتك
✒الشاعر : سليم الغزالي
📆الزمان : ليلة 18 محرم الحرام 1438 هجرية
🕌المكان : حسينية داود العاشور _ البصرة
https://youtu.be/0oEAk5XbVJM

راية الله رايتك تنتظر بس جيتك
ياموعود يا موعود
💠💠💠💠💠💠
سنيني طف ودمعتي بلا خد تطيح
من غيابك هوس بجرح المسيح
من الطفوف الراية متحزمة وتصيح
يالثارات الزجية ويالثارات الذبيح
راية تتنطر خبر
منقذ العالم ظهر
ياموعود ياموعود
💠💠💠💠💠💠
الراية محنية على عمك لسه تدري
زينب بسدها تنادي خدري خدري
يامه وي خيمة رقية احترق عمري
يلا يالمهدي تعال وطفي جمري
يمتى اشوفك منتجي
حتى ينكف الحجي
ياموعود ياموعود
💠💠💠💠💠💠
بيها من الباب أشعر غافي بسمار
بيها من دمعة سكينة باقي آثار
جن اشوف بساريتها تسولف النار
رغم كل هذا وترفرف على الزوار
يابوصالح رايتك
عطشت لجف يمنتك
ياموعود ياموعود
💠💠💠💠💠💠
غير الملاقه يغايب قلي شيفيد
مو ذبلنا من انتظارك والمواعيد
هسه ها باجر تجينه ولنك بعيد
وجوه ماضلت يمهدي من التجاعيد
شوفتك دعوة نبي
يرجع الشايب صبي
ياموعود ياموعود
💠💠💠💠💠💠
وداعة دموع الزجية وخنصر حسين
ماحصدنا من عمرنا بس الونين
طلعتك واجب يمهدي بهاي السنين
من يمر اسمك يمهدي اتبدت العين
بغيبتك يبن الحسن
صارت الدمعة وطن
ياموعود ياموعود
💠💠💠💠💠💠
انته تدري يابو صالح دمنه منذور
للحسين وعالحسين القلب مجمور
بس تعال وشوف بينه شسوه عاشور
والله لو يرضاها الله نطبر نحور
شيعتك مثل النده
توقع بدربك فده
ياموعود ياموعود
💠💠💠💠💠💠
◇◈◇⇩..تابعونا..⇩◇◈◇
💠مجموعة طلبات القصائد #باسم_الكربلائي_Bk
یرجی اتباع القوانین المجموعة 💠
https://t.me/joinchat/ELKbwE7PHy2VrOMqW0DpJA
💠💠💠💠💠💠💠💠💠💠💠💠
#باسم_الكربلائي_Bk
#مختصة_بنشر_كل_قصايد_صوتيات_مرئيات_باسم_الكربلائي
#لطميات_مواليد_نعي_ابوذيات_تواشيح_بطريقة_الكتابة
https://t.me/joinchat/AAAAAD7frnQJBFrXLmsbNg
💠💠💠💠💠💠💠💠💠💠💠💠

#شارك_تؤجر
🌐 https://telegram.me/alsafiir56111

🎙#باسم_الكربلائي_Bk
📜القصيدة : كون اموت
✒️الشاعر : احمد الذهبي
🕕الزمان : ليلة 14 جمادي الأولى 1441
🔖المناسبة : ليالي الفاطمية س
🕌المكان : حسينية داود العاشور _ البصرة
https://youtu.be/iTxWp3wBgG0

كون اموت.....لا اشوف امي الحنينه جنازة
كون اموت.....ما اعيش بلا حضنه ابعازة
توسلت الموت الخذاها
بالكي ياخذني وراها
كون اموت كون اموت
💠💠💠💠💠💠
أمي كلمة عافية وشجرة محنه
أمي وحده وشايله كل طيب اهلنه
هيه جنة وهم تحت رجليه جنة
كلشي بيها أمي وابد ما بيها منه
وين اروح.....وأمي شالت والحنان اوياها
وين اروح.....كل مكان بروحي بي ذكراها
صدري يتنفس هواها
توسلت الموت الخذاها
كون اموت كون اموت
💠💠💠💠💠💠
أمي مو كل أم ترى أم الزجيه
شكد فضلها وخيرها زايد عليه
لو ردت منها العمر تنطي اليه
كلشي تنطيني قبل لامد ايديه
ما تشوف.....عيوني يوم الما اشوف عيونها
ما تشوف.....سنيني راحه وانه عيش بدونها
عميه عيني بلا ضواها
توسلت الموت الخذاها
كون اموت كون اموت
💠💠💠💠💠💠
گتله يا موت انتظر خليني اشمها
خله اقبل ايدها وباطن قدمها
الچانت اتضمني من العيون ابهدمها
والله مو سهله علي بتراب اظمها
ما يفيد.....عمري لو بدله وي عمر الوالده
ما يفيد.....الفارگ أمه ادعوله الله يساعده
لو يصح بيده شتراها
توسلت الموت الخذاها
كون اموت كون اموت
💠💠💠💠💠💠
أمي وانه ادري شنو خالقها ربها
ادري ليش الله وعباد الله تحبها
حتى من تعتب ولا يجرح عتبها
اتغار حتى طيبه من طيبة گلبها
كل صلاة.....اتشيل ايديها وهيه ما محتاجه
كل صلاة.....تدعي للناس بقضاء الحاجه
والله يتقبل دعاها
توسلت الموت الخذاها
كون اموت كون اموت
💠💠💠💠💠💠
أمي من ماتت وگف كلشي بمكانه
وانه واخواني صحت شالوا غطانه
چنه دافين بأمان الله وحنانه
ستعجل اعلينه اليتم وزغار إجانه
كل يتيم.....الفاگد أمه يعيش جرحه ابطوله
كل يتيم.....يحجي ضيمه المن بعد ويگوله
ادور أمه وما لگاها
توسلت الموت الخذاها
كون اموت كون اموت
💠💠💠💠💠💠
كلمة أمي وأعتقد معناها دمي
صدري يتنفس عطر شيلتها يمي
عمت عيني وما متت من ماتت أمي
يا حنين الي بعد أشكيله همي
شي أكيد.....قلبي يذكرها ويكتله اغيابها
شي أكيد.....أبقى اشتاق وأشم بثيابها
عمت عينه إلي نساها
توسلت الموت الخذاها
كون اموت كون اموت
💠💠💠💠💠💠
ردت من أمي تظل خيمه اعله عمري
وعايشه الحد ما شمر يجذي اعله صدري
ويلي يمه تصيح اذا يقطعلي نحري
گبل لا دمي يصب دمعتها تجري
لو اطيح.....اسم الله يبني تصيح وتحاچيني
لو اطيح.....تگول يا يمه سهام بعيني
في تسويلي ابعاها
توسلت الموت الخذاها
كون اموت كون اموت
💠💠💠💠💠💠
تمت بواسطة : #محمد_الصياد_البصراوي
◇◈◇⇩..تابعونا..⇩◇◈◇
💠مجموعة طلبات القصائد #باسم_الكربلائي_Bk
یرجی اتباع القوانین المجموعة 💠
https://t.me/joinchat/ELKbwE7PHy2VrOMqW0DpJA
💠💠💠💠💠💠💠💠💠💠💠💠
#باسم_الكربلائي_Bk
#مختصة_بنشر_كل_قصايد_صوتيات_مرئيات_باسم_الكربلائي
#لطميات_مواليد_نعي_ابوذيات_تواشيح_بطريقة_الكتابة
https://t.me/joinchat/AAAAAD7frnQJBFrXLmsbNg
💠💠💠💠💠💠💠💠💠💠💠💠

#شارك_تؤجر
🌐 https://telegram.me/alsafiir56111

قصيدة : ما اعوف ياحبيبي
الشاعر : #وسام_الشویلی
الرادود : #محمد_الجنامي
#استشهاد_الامام_العسکری

🏴🏴🏴🏴🏴🏴🏴🏴🏴🏴🏴

كلمه والساعة مغيبي
مااعوفك ياحبيبي
خلصت ايام التعازي
وماخلص دمعي ونحيبي



رزق وأعظم رزق
ضگت طعم العشگ
دخلت العالم الحب الحقيقي

اهيم ابعالمك
ارتباطي إبمأتمك
حسين وخدمتك هي طريقي


زغير ومجلسك كبرلي عودي
لحد ماصار حبك كل وجودي
على سلم مجانينك صعودي
وجهوي وجهودي


امسجل بجيش العوابس
اني مجنون المجالس

إمن الطفوله والشبابي
والعشگ تلگاه بشيبي

~

البشر الهم طبع
إله وكته الدمع
وآنه ماله وكت وياك دمعي

الفرح عندي البچي
وإذا صار الحچي
السوالف بيك وآنه اعليك انعي


عليك اتعلمت حتى صفنتي
واذا اغفل تنبهني دمعتي
اعيش بنومتي اوياك وگعدتي
وشربتيوشربتي

من اشوف الماي اشوفك
اشرب واقرأ بحروفك

العطش صاير من نصيبك
والحزن صاير نصيبي

~

الگلب يابو علي
بغرامك مبتلي
وأسمعه بكل وكت يسألني عنك

وأحسه من يدگ
يوزع بالعشگ
ويگلك عاشگك ماجوز منك


شگلك يا اعز من هاي روحي
اريد الخاطرك تكبر جروحي
أنه بهاي الحياة اعليك نوحي
وطموحيوطموحي


اجروحي اكتبهن قصيده
اتگول غيرك ما اريده

مستهل عمري كتبته
شايفك جرحي وطبيبي



محرم وصفر
گضن بس بقهر
فلا يگضي واظل الدمعه اهلها

الظعن رد للوطن
ابنات ام الحسن
وتصد زينب خليه اديار أهلها


وأنه ابچي وأگول شلون بيها
زينب بعد من يسأل عليها
وحشه الدار إذا غايب وليها
اش يجيها اش يجيها


مظلمه و وحشه المنازل
لا حسين ولابو فاضل

الإخت من تفگد أخوها
ماتشم نسمة اعذيبي

~

ارد المنزلي
وأسولف وي هلي
ولكن زينب ويامن حچيها

يجي منين الفرح
وابو اليمه إنذبح
وأبو الغيره الكفلها ما يجيها


اشكثر صعبه اعله زينب هالليالي
وتظل متعذبه وماعدها والي
يبو اليمه مكانك هذا خالي
يغالي ~~ يغالي

والأخو لو عاف اخيته
تنحسب بالدنيا ميته

وآنه من حزني يحگلي
على زينب اشگ جيبي

🏴🏴🏴🏴🏴🏴🏴🏴🏴🏴🏴

القصائد المكتوبه للرادودين حسن الصالحي ومحمد االجنامي

📜قصيدة : يمه اطمنج عليه
✒الشاعر : ايهاب المالكي
📌📌📌📌📌📌
یُمَّه أطمنچ علیه گطّعتهن إدیه
وفّیتچ ابعیني و چفّیني و اسنیني
یَم المشرعه
یا حُرّه ربّیتي و ضَحّیتي و إنطیتي
لحسین أربعه
📌📌📌📌📌📌
إطمَئني و آنه جایبچ خبر زین
أربعتنه یمه رحنه فدوه لحسین
مِن تسئلیني إعله روحي و النفس وین
روحي یمه للإخُوّه وَفّت الدِین
سُوغِتي امنل طف یا یمه ذَنّي الإثنین
خبر گطع اچفوف إدیه و نبلت العین
یمه وِلدِچ نشامه ما رِجَعنه بسلامه
آني أوصي بإخواني بإیماني و إمتاني
ما واحد یظل
و لخاطر العشره و العتره و الزهره
نتگطّع وِصَل
و آنه آخر مِنیَّه گطّعتهن إدیه
📌📌📌📌📌📌
أحمِد الله یمه صدري خلّص أنفاس
روحي صعدت للسمه ویاهه حُرّاس
انتي خلیتي المِنیّه عدنه مقیاس
گلتي تنذبحون لازم و أرفع الراس
چان رایه ارواح إخوتي یوصل إحساس
لـ اُمنَه گالوا و الیوصله انت عباس
حَمّلوني أمانه رُفعي راسچ ورانه
شلت الصبر رایه و الغایه من هایه
دین المصطفی
بِیّه الجمر ضَوّه للنخوه و الخِوَّه
بعده ما طُفَه
مِن خذتني الحمیه گطّعتهن إدیه
📌📌📌📌📌📌
آني أوصیچ بوصیّه یالأصیله
یمه ودیلي سلامي للعقیله
آنه ادوّر لصبرها عن مثیله
مِن سِبوها ماکو واحد تشتکیله
هیه تدري بالکفاله مو قلیله
و آنه ادري عُگبي هیه هم کفیله
یمه لآخر عمرها آنه حارس خِدِرها
آنه اللي عرفوني وصّوني سَمّوني
سبع الگنطره
یا یمه واسیها طمنیها بلغیها
عني المعذره
عني راحت سبیه گطّعتهن إدیه
📌📌📌📌📌📌
من تلگیت السهم و إنطیته دمي
گتله من تذبح نظرتي آنه أسَمِّي
گتله راح أکتب خلودي و أجلي هَمّي
یا سهم و الدم مِدادي و انتَ قَلمي
السهم حیّر فضوله هذا عزمي
گتله ارید ابهذا موتي تفرح اُمي
اشلون أضیّع رِباهه الله یرضه لرضاهه
هاي اللي بأفکاري بأسراري و الباري
إلها جَنِّتَه
و اشلون ابن حیدر یتعذر ما یگدر
و اُمه اتنخِتَه
عالعهد یالأبیه گطّعتهن إدیه
📌📌📌📌📌📌
آنه عند ظنچ یا یمه شوفي قدري
حسین گلّي من أترکه أحني ظَهري
عندي منزلته یا یمه بیها یدري
هو خویه و هو إمامي و هو ذخري
نحره من إنحَز یا یمه گبله نحري
صدره مِن إنرَض یا یمه گبله صدري
صاح من طاحت إیدي راح أخویه و عضیدي
شفت إنخطف لونه وعیونه وجفونه
غِرگت بالدمع
و اگبال شماته آهاته حسراته
صارت تنسمع
رِدت أدّي التحیه گطّعتهن إدیه
📌📌📌📌📌📌
انتي مو بس إمراه و حیدر رضاهه
چان نَسَّاب العرب یعرف أباهه
غیرتچ محد عرف سِر محتواهه
وین أکو مثلچ مره اتضحي بضناهه
سیرتچ من یدري بیها الما قِراهه
ایگول ماتت فاطمه و الله حِیاهه
ماتِمُرني الهزیله و اُمي هاي العظیمه
انتي الورف عالي و إبالي للتالي
بسمچ أفتخر
یا نور البگلبي و ابدربي من حربي
جایبلچ نصر
هذا نصرچ هدیه گطّعتهن إدیه
📌📌📌📌📌📌
آنه ضامي ماترکته جمري یخمد
اشلون یم نیران زینب گلبي یبرد
روحي جَفَّت بس ضمیري شفته وَرَّد
و النهر من عاینتله بیّه ما صَد
متت ضامي ما شربته رَبّي یشهد
آنه هسه یمه گاعد یم محمد
گَلّي إخذي البشاره صار چفک مناره
لمن تلگاني ضماني کنّاني
راعي الأوله
شفته ابتسم قائل یا کافل تستاهل
گُبّه کربله
هاي ثمره قضیه گطّعتهن إدیه



📌📌📌📌📌