🌙 الدعم المهدوي للقنوات الحسينية 🌙
📢 عندك قناة حسينية على التليجرام وعدد أعضائها 150 عضو وفوك؟
✨ انضم إلى قائمتنا للدعم المهدوي، وخلّ قناتك تكون ضمن قنواتنا المميزة!
🤝 دعم متبادل | تنظيم احترافي | تعاون مستمر
📌 هدفنا نرتقي بالقنوات الحسينية ونساهم بنشر محتواها وخدمة القضية المهدوية.
💬 للانضمام والاستفسار راسلنا على الخاص:
👇
@Ahmepo11
🌹 معاً لدعم القنوات الحسينية ونشر نور أهل البيت (عليهم السلام) 🌹

📜:أريد أنساك
✒️:كرار حسين الكربلائي
📌:الليالي الفاطمية
📅:ليلة 15 جمادى الاولى 1448 هـ


أريد أنساك .. صعب ملگاك
وأسافر عنك بدمعي وجرحي غالي
يباب الآه .. قسم بالله
أموتن من أشوفك واگف گبالي
أريد أنساك
▪️▪️▪️▪️▪️
جنت بابي صرت جرحي
يسمونك ستر بس فاضح دموعي
علي انه وخشب أنته
أريد إنسان أسولفله على موضوعي
أنا ضلوعي كسر بيها
التفت وشفتك أنت الكاسر ضلوعي
خذت مني شمس بيتي
وبقيت بظلمه تكسر خاطر شموعي
أسافر وين .. وأغمض العين
يجي الليل وتفز اجروحك ببالي
تعبت هواي .. عشت وياي
أموتن من أشوفك واگف گبالي
أريد أنساك
▪️▪️▪️▪️▪️
أريد أرحل بلا رجعه
البشر من ما تقدرك لازم تسافر
مدينتنه اتعبت منها
أريد ألگه وطن ما يكسر الخاطر
أريد امشي لبلد ثاني
وأدور صاحب ابلا مصلحه يعاشر
عشت غربة ابخيانتهم
يريد أهل الأمان الطير المهاجر
شيعوض الراح .. صعب أرتاح
النجم يغفى وينام ودمعتي تتلالي
بجيت سنين .. على أم حسين
أموتن من أشوفك واگف گبالي
أريد أنساك
▪️▪️▪️▪️▪️
يلوموني على دموعي
إيديهم بالثلج وأنا إيديه بالنار
القلب وأنت سوى احترگن
ولا جار الفزعلي وأنا حامي الجار
على بسمارك شفت دمها
عليك أعتب يبابي لو على البسمار؟
صعب نبقى بسگف واحد
بعد لو أنا لو أنت اللي يظل بالدار
أيش تريد تگول .. العذر مقبول
إجيت بيا وجه تسأل على أحوالي
صرت يا باب .. جرح ما طاب
أموتن من أشوفك واگف گبالي
أريد أنساك
▪️▪️▪️▪️▪️
إذا شفتك تذكرني
اشكثر يمك وجه فاطم تلگاني
تگلي يا بعد أهلي
عطر ليها بحجيها اشتمه جيراني
سوالفها بقت ذكرى
وراها الدم بقى ذكرى على حيطاني
شجاك أنت صرت ضدها
وتكسر بالضلع واحد وره الثاني
أطلبك ثار .. يباب الدار
بكسرتك للضلع صرت أنته كتالي
يماخذ روح .. صحت مجروح
أموتن من أشوفك واگف گبالي
أريد أنساك
▪️▪️▪️▪️▪️
يسألونك على الزهره
وجواب الناس يمك أنته جاوبها
اشكثر صاحت اشكثر طاحت
اشكثر بالصوط قنفذ جان يضربها
أثر جفه بقى بخدها
وبعد سطرتها تسمع واحد يسبها
يبسمارك طفل ذابح
ونبت بين الضلوع وحيل عذّبها
دفنت الحيل .. ابسواد الليل
ورجعت ابلا ضواها والنعش خالي
أنا معذور .. جبل مكسور
أموتن من أشوفك واگف گبالي
أريد أنساك
▪️▪️▪️▪️▪️
الگلب خايف على أولادي
يموتون بقهر لمن يشوفونك
يجي المغرب وأشوفنهم
على ريحة أمهم الراحت يشبگونك
خذت أمنه ومحنتها
بعد هم ترجع الزهره يسألونك
بعد عدهم أخو ميت
يباب بدم أخوهم منصبغ لونك
أخوهم راح .. بعتبتك طاح
يالمرخص دمعتي ودمعة عيالي
عشت مشتاگ .. متت بفراگ
أموتن من أشوفك واگف گبالي
أريد أنساك
▪️▪️▪️▪️▪️
الحجي عندي خلص كله
بعد بس كلمة عندي والگلب شيب
إذا تسمع خبر موتي
أوصيك على زينب وارحم بزينب
وره مصابي يجيها مصاب
مثل بابك تره عليها الخيم تلهب
مثل أمها يضربوها
وتشوف حسين أخوها عاري ومسلّب
الحرگلي الباب .. يرد سلاب
يجتف زينب وتمشي بلا والي
بخرابة تنام .. وتحاجي الشام
أموتن من أشوفك واگف گبالي
أريد أنساك
▪️▪️▪️▪️▪️
#اللهم_عجل_لوليك_الفرج

https://t.me/httpsm80100000

🌙 الدعم المهدوي للقنوات الحسينية 🌙
📢 عندك قناة حسينية على التليجرام وعدد أعضائها 150 عضو وفوك؟
✨ انضم إلى قائمتنا للدعم المهدوي، وخلّ قناتك تكون ضمن قنواتنا المميزة!
🤝 دعم متبادل | تنظيم احترافي | تعاون مستمر
📌 هدفنا نرتقي بالقنوات الحسينية ونساهم بنشر محتواها وخدمة القضية المهدوية.
💬 للانضمام والاستفسار راسلنا على الخاص:
👇
@Ahmepo11
🌹 معاً لدعم القنوات الحسينية ونشر نور أهل البيت (عليهم السلام) 🌹

عشرتنا خلصت فاطمه   ظل وحده حماي الحمه

مكسور ظهري ودمعي جاري

&&&

عشرتنا خلصت وانتهت  انتي بگبر وانه بهم

مو دمع ظل يبچي علي  يا فاطمه يبچي بدم

ماتت ضحكتي بموتتچ  من رحتي ما اتبسم

روحين بس نفس الجسد  ليش الجسد يتقسم
فراگچ الي اكبر جرح     عايش ولكن منذبح

محـــــد يطفي بگلبي ناري

&&&&

انه علي يا فاطمه      منچ ارید انه اجواب

قالع الباب وخيبره      واليوم كاسرني الباب

انه ابو تراب ومنعرف  بس هلت فوگاچ تراب

متألم انه من المضلع  ما دام ضلعچ ما طاب
شيعتچ وظهري انحنه   كل ساعه انه اكبر سنه

صار الــــــدمع مــو بختياري

&&&

عفتي العلي بس الدمع   ما ردت هاي الفرگه

صح دارچ اعلیچ احترگ  بس روحي هم محترگه

من رحتي يا ام الحسن    ليله اشهگ شهگه

حيدر ولا شم الهوه    انفاسي هم مختنگه
بعدچ علي لا مو علي   وهمومي لا ما تنجلي

حتى الحزن اصبح شعاري

&&&

يا زهره مدفونه بگبر   الزهره تنحط بالدار

الزهره تنحط للعطر  مو تشتعل يمها النار

بالماي لازم تنسقي    مو تندفع عالبسمار

محترگ بيتي بيا وكت  وانه علي حامي الجار
اشعنده وياي الدهر    هسه انه مكسور الظهر

ظل وحشه ما ينچهب داري

&&&

هاي انتي لو انه بلحد  مختنگه حتى انفاسي

ارموشي شيبها الحزن  مو فقط ابيض راسي

مجروحه يا مهجة علي   والجرح نص احساسي

بابي احترگ والكل نظر   ما فزعت اعليه ناسي
سعفه ويهز بيه الهوه   چفي انه بالباب انچوه

انتظر مـــــلاني انتظاري

&&&

علي جبار الكعبي

الفاتحه لوالدي

https://t.me/httpsm80100000

خدمة الزهراء.
ـــــــــــــــــــــــ

عهــد كل عـــام. نضل خدام
مـــــــا نــًّزعل فاطمه.
ــــــــــــــــــــــــــــــــــــــــــــــ

عهد معهود الج يم الحسن.
نبقى خـــدام على مّـرالزمن
مو مهم كلشي ترضين المهم
انتي خيمه على الراحن واجن.

خدمتج هاي. . منابع ماي
تروي من حر الضمه
ــــــــــــــــــــــــــــــــــــــــــــــــ

ولله مفروض نجي بسجدت شكر.
لان ويــــــــاج فتــح بابه العمــــر.
انتي بالـــــروح بالگلوب التــدگ.
يــم الحسين. ترى امحبتج أجر.

يدرت ماس.. يتاج الراس.
نافعه ابرض وسمه.
ـــــــــــــــــــــــــــــــــــــــــــــ

انتـي ميراث نبي اتفايض نعم.
واحنه معلوم حدر جدمج خدم
كــــوثر الكون ينور الله اليشع.
ذاك من ذاك قره وبيج افتهم.

سكينة ليل... مغارت هيل.
للعقول الفاهمـــه
ــــــــــــــــــــــــــــــــــــــــــــ

يــم الحسين يسورت قل هوه.
اسمج احساس يمر مثل الهوى.
واليخدمـــون يشــوفونج صدگ..
مثل مكفوف كشف دربه الضوه.

رواية نوح.. . تحبها الروح.
بالنهايه المــؤلمه
ـــــــــــــــــــــــــــــــــــــــــ

يانفس شـــــوگ يروح المصطفى.
طبعج الخير. عله الطبعه الوفه.
يوم الحساب. شفيعه وحاضره
لليخــــدمون امـــــان وعاطفه

من تحضرين. . يم الحسين.
كل حضورج غانمــه
ــــــــــــــــــــــــــــــــــــــــــــــــ

✍️ ابو منتظر الحجامي.. 2026


https://t.me/httpsm80100000

كل دعوه توصل فاطمه .. من ايدج الباب السمه
يا مكثر اسرارچ
رب العُلى اختارچ
يا فاطمه … يا فاطمه

📃 1
عند الله منزلتچ عضيمه اشكثر
كلمن يندبچ ما يضل ينتظر
عسره تحولينه ابعجل لليسر
كل حاجه يمج تنكَـضي ابلا صبر 

منزلتچ .. عند الله .. أكبر واكبر امن الفرض
والشاهد .. عرش الله .. الأسمج فوكَـه طول بعرض

يافاطمه يم الحسن   .. ربج جعل أسمج وطن

منقوله بخبارچ
رب العُلى اختارچ
يا فاطمه … يا فاطمه

📃📃 2

كل المناقب بسمچ امسجله
يا سورة الكوثر مع  البسمله 
لومه انتي ما دار اويدور الفله
محد مقامچ قادر ان يوصله

لو منتي .. يا زهره .. چا حيدر علي منخلق
لا واكثر .. من هذا . چانور النبي منبثق

كلشي انخلق لجلچ نعم .. والعالم ابأسره افتهم

منصوره انصارچ
رب العُلى اختارچ

يا فاطمه … يا فاطمه


📃📃📃 3

توصل مباشر دعوتچ للعلي
كل دعوه بسمچ فاطمه ادللي
والشاهد الأول أكيداً علي
وتحت الكساء اسمچ بقه معتلي

كل دعوه .. تدعيهه .. تتزاحم عليهه السمه
تتبارك  .. املاكه  .. الدعوه الجايه من  فاطمه 

كلمن يبشر صاحبه  .. ابدعواتچ الكل ذايبه

وجبريل خطارچ
رب العُلى اختارچ

يا فاطمه … يا فاطمه



📃📃📃📃 4

من رحمة الله فاطمه رحمتچ
نال الشرف كلمن حضه ابخدمتچ
ما حاجه اليجمل يجي ابصورتچ
الله جعل كلشي تحت أمرتچ

أنتي اكبر .. من كلمن .. حاول يوصفچ بالشعر   
ميعرفچ .. بس ربچ .. هذا الواقع الينذكر

سر الله انتي المنخفي .. ابهذا القدر راح اكتفي

ما تنطفي انوارچ
رب العُلى اختارچ

يا فاطمه … يا فاطمه



📃📃📃📃📃 5

يا فاطمه يا سر كمال العقل
صك الشفاعه ما يجي بالسهل
ايحصله الصدگ گلبه ألچ مشتعل
الباچي اعله كسر اضلوعچ وعالطفل

مو كلمن .. كال اني .. معناهه انشمل باللطف
كل واحد  .. ما حبچ  .. لجّهنم يطب معترف

هاي الحقيقه الباقيه .. ناس التبغضج فانيه

وينه الحرگ دارچ
رب العُلى اختارچ

يا فاطمه … يا فاطمه



📃📃📃📃📃📃 6

يظهر المهدي وشيعته تتفق
تبني ضريحچ من ورد من عشق
وحتما تؤدي المرقدچ هالطرق
من كُل اراضي الدنيا غرب وشرق

والرايح .. والجايچ  .. كلهه ابحضرتچ تنجمع
زوارچ .. يم بابچ .. توكَـف تنحب اعله الضلع

ابدولة المهدي المنتظر .. صحنج يضم كل البشر

ويا محله زوارچ
رب العُلى اختارچ

يا فاطمه … يا فاطمه
==================
✍️🏻 كلمات #موسى_الخادم

https://t.me/httpsm80100000

#اللهم_عجل_لوليك_الفرج
#القصائد #يازهراء

📜قصيدة: ذبیح امسلب ابن أمي
✒الشاعر: سعید الصافي الرمیثي




ذبيح ﻣﺴﻠﺐ ﺑﻦ ﺃﻣﻲ ﻣﺸﻴﺖ ﻭﻋﻔﺖ ﻋﻠﻰ ﺍﻟﻐﺒﺮﻩ
ﺇﺟـﻴـﺖ ﺃﺗـﻌـﺜـﺮ ﺑﻬﻤﻲ ﺃﺷﻮﻑ ﺑﻴﺎ ﻛﺘﺮ ﻗﺒﺮﻩ
ﺍﺑــﺤــﺰﻥ ﺑـﻠـﻮﺍﻱ  ﻭﺃﺑـﺚ ﺷـﻜـﻮﺍﻱ
🔸🔸🔸🔸🔸🔸
ﺭﺣـﺖ  ﻋـﻨـﻪ  ﻟـﻮﻥ ﺑﻴﺪﻱ ﻓﻼ‌ ﻭﺍﻟﻠﻪ ﺭﺣﺖ ﻋﻨﻪ
ﻳـﺎ  ﺭﻳـﺘـﻪ ﺃﺗـﻮﺳﺪ ﺑﻄﻮﻟﻪ ﻭﺃﺷﻢ ﺃﻃﻴﺐ ﻋﻄﺮ ﻣﻨﻪ
ﻋـﻔـﺎﻧـﻲ  ﻭﺷـﻜﺜﺮ ﺻﺒﺮﻱ ﻭﺃﻧﻪ ﺑﻬﺎﻟﺤﺎﻝ ﺃﺷﻮﻓﻨﻪ
ﺃﻋـﺎﻳـﻦ  ﺟـﺴـﻤﻪ  ﺍﻟﻤﻘﻄﻊ ﻭﺃﻗﻮﻝ ﺷﻠﻮﻥ ﺃﻋﻮﻓﻨﻪ
ﻣـﺸـﻴـﺖ ﻭﻏـﺼﺒﺎ ﻋﻠﻴﻪ ﺃﺧﻮﻳﻪ ﺑﻼ‌ ﺩﻓﻦ ﻋﻔﺘﻪ
ﺧـﺬﻭﻧـﻲ ﻋـﻨـﻪ ﻣـﺴﺒﻴﻪ ﻭﺩﺍﻉ ﺍﻟﻐﺮﺑﺔ ﻭﺩﻋﺘﻪ
ﻋــﻔــﺖ  ﺭﺟـﻮﺍﻱ  ﻭﺃﺑـﺚ ﺷـﻜـﻮﺍﻱ
🔸🔸🔸🔸🔸🔸
ﺭﺣـﺖ ﻟـﻜـﻦ ﻋـﻔـﺖ ﻗﻠﺒﻲ ﻳﻔﺮﻓﺮ ﻳﻢ ﺃﺑﻮ ﺍﻟﻴﻤﺔ
ﻳـﻘـﻮﻟـﻲ ﺭﻭﺣـﻲ ﻳـﺎ ﺯﻳﻨﺐ ﻭﺗﺮﻳﻜﻴﻨﻲ ﺃﺿﻞ ﻳﻤﻪ
ﺃﺭﻳـﺪﻥ ﺃﺣـﺴـﺐ ﺟـﺮﻭﺣـﻪ ﻭﺃﺭﻳﺪ ﺃﺗﻌﻔﺮ ﺑﺪﻣﻪ
ﻭﺃﺟـﺒـﺮ ﻛـﺴﺮﺓ ﺿﻠﻮﻋﻪ ﻭﺃﺣﻦ ﻭﺃﺫﻛﺮ ﺿﻠﻊ ﺃﻣﻪ
ﺻـﺤﺖ  ﻳﺎ ﻗﻠﺒﻲ ﻻ‌ ﺗﻘﻮﻟﻲ ﻳﺎ ﺯﻳﻨﺐ ﺭﻭﺣﻲ ﺧﻠﻴﻨﻲ
ﺃﺭﻳـﺪﻙ  ﺑـﺎﻟـﺪﺭﺏ  ﺧـﻠﻲ ﻋﻠﻰ ﺍﻟﻮﻧﻪ ﺗﺴﻠﻴﻨﻲ
ﺃﺳــﻴــﺮ  ﻭﻳــﺎﻱ  ﻭﺃﺑـﺚ ﺷـﻜـﻮﺍﻱ
🔸🔸🔸🔸🔸🔸
ﺗـﺼـﻮﺏ  ﻣـﻦ ﺯﻏـﺮ ﻗـﻠﺒﻲ ﻟﻮﻥ ﻳﻨﻮﺡ ﻣﺎ ﻟﻮﻣﻪ
ﻟـﻮﻥ ﻣـﺎ ﻟـﺰﻣـﺖ ﺿﻠﻮﻋﻪ ﻭﻗﻊ ﻣﻦ ﺷﺪﺓ ﻫﻤﻮﻣﻪ
ﺳـﺒﻴﺔ  ﻭﻣﻦ  ﻋﻠﻰ ﺍﻟﻨﺎﻗﺔ ﺷﺒﺤﺖ ﻋﻴﻮﻧﻲ ﻋﻠﻰ ﺍﻟﺤﻮﻣﺔ
ﺷـﻘـﻮﻝ  ﻭﺷﻔﺘﻪ ﻋﻠﻰ ﺍﻟﻐﺒﺮﺓ ﺃﺧﻮﻱ ﻣﺴﻠﺒﺔ ﻫﺪﻭﻣﻪ
ﻭﻋـﻠـﻰ  ﺍﻟـﺮﻣـﺢ  ﺩﺍﻣـﻲ ﺃﻋﺎﻳﻦ ﺭﺍﺳﻪ ﻳﺒﺮﺍﻟﻲ
ﻭﺃﺻﺪ  ﻟﻪ  ﺑﻨﻈﺮﺓ ﻵ‌ﻻ‌ﻣﻲ ﻭﺃﺻﻴﺢ ﺷﺒﻴﺪﻱ ﻳﺎ ﺍﻟﻮﺍﻟﻲ
ﻭﻟــﻮﻧــﻲ ﻋــﺪﺍﻱ  ﻭﺃﺑـﺚ ﺷـﻜـﻮﺍﻱ
🔸🔸🔸🔸🔸🔸
ﺑـﻌـﺪ ﻏﻴﺒﺔ ﻫﻀﻢ ﻃﺎﻟﺖ ﺍﺟﻴﺖ ﺃﻧﺸﺪ ﻋﻠﻰ ﺑﻦ ﺃﻣﻲ
ﺷـﻔـﺖ  ﻃـﻒ ﻛﺮﺑﻼ‌ﺀ ﺑﻌﻴﻨﻲ ﻭﺗﻬﻴﺞ ﺑﺎﻟﻘﻠﺐ ﻫﻤﻲ
ﺫﻛـﺮﺕ ﺍﻟـﺨـﻴﻞ ﻣﻦ ﻏﺎﺭﺕ ﻋﻠﻲ ﻭﺣﺮﻗﺖ ﺧﻴﻤﻲ
ﻳـﺘـﺎﻣـﻪ ﻭﻋـﻴـﻠﺔ ﻣﺬﻋﻮﺭﺓ ﻭﻋﻠﻴﻞ ﺑﻴﺎ ﻭﺿﻊ ﻳﻤﻲ
ﻃـﺤﺖ ﺑﻴﻦ ﺍﻟﻲ ﻳﻠﻮﻋﻨﻲ ﻋﻠﻰ ﻣﺘﻨﻲ ﺑﺼﻮﺕ ﻳﻀﺮﺑﻨﻲ
ﻭﻫـﺬﺍﻙ  ﺍﺑـﺠـﻔﻪ ﻳﺪﻓﻌﻨﻲ ﻭﻫﺬﺍﻙ ﺍﻟﻴﺴﺮ ﻳﺴﺒﻨﻲ
ﺫﻫــﻴــﻠـﺔ  ﺗـﺮﺍﻱ  ﻭﺃﺑـﺚ ﺷـﻜـﻮﺍﻱ
🔸🔸🔸🔸🔸🔸
ﻭﻋﻠﻲ  ﺍﻟﺴﺠﺎﺩ  ﺍﻟﻲ ﺑﺠﻔﻪ ﻋﻠﻰ ﻗﺒﺮ ﺣﺴﻴﻦ ﺿﻞ ﻳﻮﺣﻲ
ﻣـﺜـﻞ ﻃـﻴـﺮ ﺍﻟﻔﻘﺪ ﻭﺗﺮﻩ ﺗﺤﻮﻡ ﻋﻠﻰ ﺍﻟﻘﺒﺮ ﺭﻭﺣﻲ
ﺃﺩﻱ ﻋـﻠـﻰ ﺍﻟـﻘﺒﺮ ﺩﺍﺭﺕ ﺣﻀﻨﺘﻪ ﺑﻠﻮﻋﺘﻲ ﻭﻧﻮﺣﻲ
ﺻﺤﺖ ﻳﺎﻟﻲ ﻧﺸﻔﺖ ﺟﺮﻭﺣﻚ ﺑﻌﺪ ﻣﺎ ﺗﻨﺸﻒ ﺟﺮﻭﺣﻲ
ﻳـﺎ ﺧـﻮﻳﻪ ﻣﻦ ﺳﻜﻦ ﻭﻧﻚ ﻭﺣﻘﻚ ﻣﺎ ﺳﻜﻦ ﻭﻧﻲ
ﺍﺫﺍ  ﻗـﻠﺖ ﻟﻲ ﻏﺒﺖ ﻋﻨﻚ ﻓﻼ‌ ﺳﺎﻋﺔ ﺍﻟﻲ ﻏﺒﺖ ﻋﻨﻲ
ﻧــﻈـﺮ ﺑـﺤـﺸـﺎﻱ  ﻭﺃﺑـﺚ ﺷـﻜـﻮﺍﻱ
🔸🔸🔸🔸🔸🔸
ﻟـﻮﻥ  ﻳـﺎ  ﺣـﺴـﻴﻦ ﺗﻨﺸﺪﻧﻲ ﻳﺎ ﺧﻮﻳﻪ ﻭﻳﻦ ﻭﺩﻭﻧﻲ
ﻭﻋـﻠﻰ  ﻣﺼﺎﺏ  ﺍﻟﻲ ﺟﺮﻯ ﻋﻠﻲ ﺗﺠﺎﻭﺏ ﺩﻣﻌﺔ ﻋﻴﻮﻧﻲ
ﺗـﻤـﻨـﻴـﺘـﻚ  ﺗـﻄـﺮ ﻗﺒﺮﻙ ﺗﻘﻮﻡ ﺗﻌﺎﻳﻦ ﻣﺘﻮﻧﻲ
ﻭﺃﺷـﺪ ﻣـﻮﻗـﻒ ﻳﺎ ﺑﻮ ﺍﻟﻴﻤﺔ ﻟﻴﺰﻳﺪ ﺍﻟﻄﺎﻏﻲ ﺟﺎﺑﻮﻧﻲ
ﺷـﻤـﺎﺗـﺔ  ﺿـﻞ ﻳﻨﺎﺷﺪﻧﻲ ﻭﻋﻠﻰ ﺍﻟﻜﻔﻦ ﺿﻌﻨﻲ
ﻭﺍﻧـﻪ  ﻗـﺒـﺎﻟﻪ ﻭﻳﺸﺎﻫﺪﻧﻲ ﺳﺒﻴﺔ ﻭﺩﻫﺮﻱ ﻓﺎﺟﻌﻨﻲ
ﺑــﻘـﺖ ﺑـﺤـﻤـﺎﻱ  ﻭﺃﺑـﺚ ﺷـﻜـﻮﺍﻱ
🔸🔸🔸🔸🔸🔸
#اللهم_عجل_لوليك_الفرج


https://t.me/httpsm80100000