عدنه جريمة ناتجها أم وطفل

والجاني رد يعترف. واحنه فتحنه السجل

بأداء الرادود الحسيني ملا مصطفى السعد 😢😔

📜قصيدة : كون أموت
🎙باداء. : الرادود مصطفى السعد
✒️للشاعر : احمد الذهبي


كون اموت .. ولا اشوف امي الحنينة جنازة
كون اموت .. وما اعيش ابلا حضنها ابعازه
اتوسلت موت الخذاها
بلكي ياخذني وراها
كــون امـــــــــــوت
🔹🔹🔸🔸🔹🔹
امي كلمة عافيه و شجرة محنه
امي وحده وشايله كل طيب اهلنه
هيه جنه وهم تحت رجليها جنه
كلشي بيها امي وابد ما بيها منه
وين اروح .. وامي شالت والحنان وياها
وين اروح .. كل مكان بروحي بي ذكراها
صدري يتنفس هواها
اتوسلت موت الخذاها
كــون امـــــــــــوت
🔹🔹🔸🔸🔹🔹
امي مو كل ام تره امي الزجيه
اشگد فضلها وخيرها زايد عليّه
لو ردت منها العمر تنطي اليّه
وكلشي تنطيني قبل لا امد اديه
ما تشوف .. عيوني يوم الما اشوف عيونها
ما تشوف .. اسنيني راحة واني اعيش بدونها
عميه عيني ايلا ضواها
اتوسلت موت الخذاها
كــون امـــــــــــوت
🔹🔹🔸🔸🔹🔹
گتله يا موت انتظر خليني اشمها
خل اقبل ايدها و باطن قدمها
الچانت تظمني من العيون بهدمها
والله مو سهله عليّ بتراب اضمها
ما يفيد .. عمري لو ابدله اويه عمر الوالده
ما يفيد .. الفارگ امه ادعوله الله يساعده
ولو يصح بيده اشراها
اتوسلت موت الخذاها
كــون امـــــــــــوت
🔹🔹🔸🔸🔹🔹
امي وانه ادري شنو خالقها ربها
ادري ليش الله وعباد الله تحبها
حته من تعتب ولا يجرح عتبها
تغار حته الطيبة من طيبة گلبها
كل صلاة .. تشيل اديها وهي ما محتاجه
كل صلاة .. تدعي للناس ابقضاء الحاجة
والله يتقبل دعاها
اتوسلت موت الخذاها
كــون امـــــــــــوت
🔹🔹🔸🔸🔹🔹
امي من ماتت وگف كلشي ابمكانه
واني واخواني صحت شالوا غطانه
چننه دافيين بأمان الله وحنانه
استعجل اعلينه اليتم وزغار اجانه
كل يتيم .. الفاگد امه يعيش جرحه ابطوله
كل يتيم .. يحجي ضيمه المن بعد ويگوله
الدوّر امه وما لگاها
اتوسلت موت الخذاها
كــون امـــــــــــوت
🔹🔹🔸🔸🔹🔹
كلمة امي واعتقد معناها دمي
صدري يتنفس عطر شيلتها يمي
عمت عيني وما مت من ماتت امي
يا حنين اللي بعد اشكيله همي
شي اكيد .. گلبي يذرها ويكتله غيابها
شي اكيد .. ابگه اشتاگ واشم بييابها
عمت عينه اللي نساها
توسلت موت الخذاها
كــون امـــــــــــوت
🔹🔹🔸🔸🔹🔹
ردت من امي تظل خيمة اعله عمري
وعايشه الحد ما شمر يجيثي اعله صدري
ويلي يمه تصيح اذا يگطعلي نحري
وگبل لا دمي يصب دمعتها تجري
لو اطيح .. اسم الله تصيح وتحاجيني
لو اطيح .. تگول يا يمه يالسهام بعيني
فيّ تسويلي بعباها
توسلت موت الخذاها
كــون امـــــــــــوت
🔹🔹🔸🔸🔹🔹

https://t.me/httpsm80100000

كون اموت ولا اشوف امي الحنينه جنازة
كون اموت وما اعيش ابلا حضنها ابعازه
اتوسلت موت الخذاها
بلكي ياخذني وراها
كون اموت


بأداء الرادود الحسيني ملا مصطفى السعد 😔😢💘

دعم الرواديد والشعراء  بالتيلكرام😍👇✅

بسم الله الرحمن الرحيم...

على بركة الله...يعود اليكم من جديد...《《الدعم المهدوي المجاني 》》

شروط الدعم >>>>>>●
1 _يتم قبول القنوات من عدد 150 عضو فما فوق
2 _ينشر الدعم مرتين في اليوم
3_ مشكول الذمةمن يقوم بألغاء الدعم دون اعلامنا بذلك..
          يكون حذف الدعم عليكم

الدعم بأدارة...( الناشر احمد الفاطمي)
للاشتراك بالدعم مراسلة ادارة القناة على المعرف التالي 👇👇👇
✅تواصل معنا  للاشتراك 😍👇✅
 
  [ @Ahmepo11  ✅   @Ahmepo11 ]




[✅✅✅✅✅✅✅✅✅✅✅✅✅✅]
✅@Alittio99
✅الناشر احمد الفاطمي

✅ @Housen_hamed_85
✅ قصائد والحان حسين حميد


✅ @NahjElsahih
✅ النهج الصحيح لتربية الرادود الفصيح

✅ @saagtupe
✅ الشاعر عبد الله ثامر الجبوري


✅ @mulasajjed
✅خادم العترة ساجد الكربلائي

✅ @yassen1967
✅ملا  ياسين الوائلي

✅ @ya_zahra_albtool
✅الشاعر والملحن خضر عبد الخالق

✅ @ML_mahhde
✅الرادود والملحن ملا مهدي

✅ @HTM_HTM_2020
✅تعليم المقامات للرواديد

✅ @mumuggeeww
✅الشاعر والملحن ملا مهدي الكليباوي


✅ @Mohammed_almassl
✅الشاعر محمد مشعل


✅ @FATIMA99991111
✅الشاعرة فاطمة الحلفي

✅ @wwwertyyuiuooww
✅الخطيب والشاعر سيد محمد الموسوي

✅ @gggkkkkHal
✅قصائد مكتوبة

✅ @hussein_almajjidi
✅ الملا حسين الماجدي

✅ @bilal_alnajar
✅ الملا بلال الفتلاوي

✅ @abadalamear
✅الشاعر الشيخ عبد الامير الكعبي

✅ @httpsm80100000
✅الرادود مصطفى سعد

✅ @muhigdoohhk
✅قصائد منبرية مكتوبة


✅ @Fal4wQQAAAAAFFZbSs
✅ ملا عمار للقصائد والألحان

✅ @mhsui
✅قناة الشاعر محسن الجنابي


✅ @wwmka
✅ الشاعر ايهاب الحميدواي


✅ @omadnanmvalib
✅ افراح ومواليد أهل البيت عليهم السلام

✅ @tteef
✅ الشاعرة أم علي الساعدي


✅ @ttrre
✅ قناة رثاء  العترة

✅ @azizalfesli
✅ الشاعر عزيز الفيصلي

✅  @falehalameri
✅ قناة الشاعر فالح العامري

✅ @falehalameri111
✅ قناة أفراح آل محمد للقصائد

✅ @aseel1278
✅ خادمة الزهراء ام حيدر للقصائد

✅ @fvyhbib
✅ قناة خادمة الزهراء ع للقصائد

✅ @yahassN
قناة الحسن للشاعرة ام ليث المالكي

✅ @Yazahraaa655
قناة رابطة مسلم ابن عقيل ع

✅ @ashaghalhossein3  2k
✅ قناة  الأبوذیة مكتوبة

✅ @ghsahdhossinyat 7k
✅ قصاید نسائیة فقط


✅ @ashaghalhosseinmidya 1k
✅ لطمیات صوتیات


✅ @ashaghalhossein  5k
✅ تلحين قصاید الحسينية


✅ @madahifarsii
✅قصايد فارسیه مکتوبة

✅ @qwrrrtyyup
✅قناة أهل البيت ع للقصائد

✅ @dhdhddkp
✅ قصائد حسينية مكتوبة

✅ @jzlaf
✅ الشاعر احمد الخفاجي


✅ @ayy264
✅ قصائد حسينية نزال 

✅ @mkmkmk313
✅قصائد والحان ملا احمد السالمي

✅ @yuioptre
✅ الشاعر مؤيد العامري

✅@falehalameri
✅الشاعر فالح العامري
✅@haideralasadi3
✅الشاعر حيدر قاسم

✅@hepaam
✅الشاعرة هبة الموسوي

✅@paaaaaaaaae

✅ الشاعر موسى الزيدي

[✅✅✅✅✅✅✅✅✅✅✅✅✅✅]

❗️#غير_مبري_الذمة_الي_يحذف_البوت❗️
‏
https://t.me/Alittio99

يا بو فاضل...طيحت إيدك مو وكتها
يا بو فاضل...ضربوا امتوني و ردتها
يا بو فاضل...زينب آنا الواعدتها...يا بو فاضل

و الله دنيه و صارت أخبارك بعيده...و انت ذاك العشت كل عمري بوريده
أذكر الشامت قبل من يرفع إيده...ما أميز بينك و بين الرعيده
أشتكيلك...و الشمس صبغة عباتي
أشتكيلك...جنت وياك اشحلاتي
أشتكيلك...روحي ورده وذّبلتها...يا بو فاضل

خويه مشتاقة لك بقد ما نخيتك...خنقه صارت بالمخيم و اعتنيتك
قبل لا أوصل إلك وصلت منيتك...عمت عيني امخضر الدم بلحيتك
هذا حالي...قصتي انطبعت بيديه
هذا حالي...ليش ما دفنوك بيه
هذا حالي...دمعتي بخدك عفتها...يا بو فاضل

قلبي ما ينطيني سهم العين أعوفه...لون وجهك حيل متغير أشوفه
خويه دليني اعله جرحك حته أروفه...قلي وين اليوجعك خليني أطوفه
آنا و أنت...نشبه اشراع السفينه
آنا و أنت...امتون و اجفوف إلتقينه
آنا و أنت...وحده موتتنه ردتها...يا بو فاضل

راسك اعله الرمح و اجفوفك قطيعه...ما عرفتك من لقيتك عالشريعه
ليش ساكت ضاقت بعيني الوسيعه...احجي حرقت خيمتي نار الفجيعه
يا هضيمه...الماي يتبده اويه عمرك
يا هضيمه...امدافع اسهام اعله ظهرك
يا هضيمه...خويه رايح ما قلتها...يا بو فاضل

يوجع افراق الاخو وداعت شبابك...من بعيد ايبّين بوجهي غيابك
راح أوزع جم نهر خويه بثوابك...و أقضي كل العمر منتظره اعله بابك
ما أعوفك...لحد ما تعمه النواظر
ما أعوفك...أدري ما تكسر لي خاطر
ما أعوفك...يا أخو الما رخصّتها...يا بو فاضل

اشلون أردن للخيم و اعيوني حمره...لو سإلني حسين عنك بيش أصبره
هاي أول مره أشوف إيده اعله ظهره...فرقة الخوان ما توصلها كسره
بربعينك...خويه مشّايه أعتنيلك
بربعينك...أترس اعيوني و أجيلك
بربعينك...أرسم اهمومي العشتها...يا بو فاضل

دارت الدنيه و تفارقنه بسهوله...انت طايح و الخصم يمشي اعله طوله
ابداخلي ديرة حجي خليني أقوله...بعدك اتصبح فعل ماضي الرجوله
ما أعاتب...لا تظل تحرق ابدمك
ما أعاتب...عفت كسرة ظهري يمك
ما أعاتب...أنت روحي الما عفتها...يا بو فاضل

ما أقلك ارجع أعرف مستحيله...بس أقلك طيحت المالح ثقيله
خويه جاملني أحلفك بالعليله...قلي بس فترة غيابك مو طويله
ما أريدك...تعتذر يا خويه مني
ما أريدك...تنقهر و اتزيد وني
ما أريدك...بس أريدك إي قلتها...يا بو فاضل


الشاعر السيد رفعت الصافي


https://t.me/httpsm80100000

يا بو فاضل طيحت ايدك مو وكتها
يا بو فاضل ضربوا امتوني وردتها
يا بو فاضل ...زينب ٱنام الواعدتها.. يا بو فاضل

بأداء الرادود الحسيني ملا مصطفى السعد 😢😔💘

بأداء الرادود الحسيني ملا مصطفى السعد
✒️للشاعر: ميرزا عادل اشكناني


خطَّار إجاني يا هله ابْـجَـيْـته
مَحله الأبو لو مَرْ عله ابْـنَيْـته
بس ما تطيح اعيونه بِعْـيوني
اِشْلونه أسِأْله اْو يسألِ اِشْلوني
▪️▪️▪️▪️▪️
ضيفي ابْـ طيفي
سيَّر عَلَيْ نسْمه اعْله مختنگه
جاني وآني
مابين مُـوش اِمْصَدگه و اِمْصَدگه
أهْـلاً سَهْلاً
بالرَدلي رُوحي ابْساعة المَلگه
شفته اْو شِفته
امْن الخيزرانه اِمْجَرَّحه اْو زرگه
هذا العِـزيز اْو عاش مِن شافه
لاچن أشوفه امفطّره اِشفافه !
إن چان هذا احسين خـبْـروني
اِشْلونه أسِأْله اْو يسألِ اِشْلوني
▪️▪️▪️▪️▪️
ابحِلمي يمِّي
شفته اْو عساني ميْته بحْلامي
مَرْنِي سَرْني
اْو من فـرْحِتي مَتْشيلْنِي اَجْـدامي
أغفه ابلهفه
و أگعِـد اْو طشْت الذّهَب جِدَّامي
شصْـبُـر و أنظـُـر
شيبه الكريم امترَّب اْو دامي
اتْمَنِّيت راسي ابْحضنه لاچِـنـي
شفْت الأبو راسه ابوسَط حِضني !
ويْ راس أبويه احسين خلّوني
اِشْلونه أسِأْله اْو يسألِ اِشْلوني
▪️▪️▪️▪️▪️
تِجرَح تِذبَح
منِّ الِيتيمه چلمة الـ بابا
ذخري لـ صدري
ضمِّيته و إيدي اتْمُر عله اِصوابه
اِبْچفِّي اْوعَطفي
من راس أبويه أنفض اِترابه
أسرَحْ و أمسَح
دمَّه الذي جامِد عله اَهْدابه
گمْت أسْأله اْو راسه وسَط حِجري
( مَنِ الِّذي أيْتَمَنِي ) ابزغـري ؟
لمّن أشوفه چانت اظنوني
اِشْلونه أسِأْله اْو يسألِ اِشْلوني
▪️▪️▪️▪️▪️
أَحچي شَـ حْچي
بعض المصايب صعبه تتفصّل
صعبه او گلبه
احْنَـيِّـن وَ لا يرضه عَـلَيَّ أنذَل
طفله اْو گتله
خل نحچي بس خل نحچي بالمُجمَل
انْخيـتـك ريتك
عن خدِّي الاحمَر بويه لا تسألْ
اْو عن خاتَمَك ما سِألكَ اْو شَـرْطي
يا بويه ما تسألني عن قُـُــرْطي
خَيْعوني راسك بيدي خَيْعوني
اِشْلونه أسِأْله اْو يسألِ اِشْلوني
▪️▪️▪️▪️▪️
أنعي اْو طبْعي
مِتْعَوده أقَبْله ابموضِع اِجْبينه
اْو لنَهُم چنْهُم
ابْرَمْيَة حَجَر ويلي اِمْصَوْبِينه
اِشبگته او شِلته
و ابهيده بِچْفوفي اِفْتَحِت عينه
صِـدْ لي گِـلّي
من غيِّر اِرسومك يبو اِسكينه ؟
اِعْلَيَّه ملامِح وجهه مِتغَيْره
و ابْحاجِبه اِمبَيْنه أثَر طَبره
طمْنوني عنَّه لوْ دَعوفوني
اِشْلونه أسِأْله اْو يسألِ اِشْلوني
▪️▪️▪️▪️▪️
ابحَسره نَحره
ابچفّي الزّغيره اِمْن الطَشِت شِلْته
و أنشِد دَگعِـد
هذا إنته بويه ولّا مو إنته !؟
تدري عمري
يخلَص اْو راسك بيدي شابِگْته
انسألك قَبلك
جاوبني يا والد ذِبَح بنته ؟
يا نظر عيني مو عمِت عيني
يموّتني طيفك مَدري يِحْييني
راسك شبَگْته او منخطف لوني
اِشْلونه أسِأْله اْو يسألِ اِشْلوني
▪️▪️▪️▪️▪️
كاسِر خاطِر
بنته لچَـنَّه ايْمُون عالخاطِر
ابْـ حيره اچْبِيره
خلّاني لمَّن گالوا اِمْسافِر
ويلي ليلي
شِيْخَلصه عاللّي لْجَـيِّـته ايْساهِر
أندِب و أحسِب
هلبَت يرِد باچِر ,عگب باچِر
تالي إجه اْو ويَّاه أتعنَّه
من الخرابه انروح للجنَّه
و اهناك لمَّن ينظر اِمتوني
اِشْلونه أسِأْله اْو يسألِ اِشْلوني
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇

https://t.me/httpsm80100000

خطار اجاني يا هله ابجيته
محلة الابو لو مر عله ابنيته
بس ماتطيح اعيونه بعيوني
اشلونه اساله او يسال اشلوني

بأداء الرادود الحسيني ملا مصطفى 😔💘😢

الدرب الرضا حن الكلب
مشتاگ اشوف ذاك الدرب
كالو صعب دربه وگلت
عند اليحب مامش صعب

مليت كد ما احسب انجومي -
ليليه احضر كمت بهدومي -
بلكي الله ويسهلي الازياره -
اوصل ضريحه وانفض همومي -

اوصل ضريحك - وابجي اعله بابك - وندبك
مولاي اشكرك - وفقته جدمي - اعله دربك
احجيلي جلمه - وداعت غربتك - احبك

مولاي يا انيس النفوس
—————-

ضامن غزال اضمن محب
شارد وجاك من الذنب
ماريد اثر وضعي ابتعد
ايموته العشك كلب اليحب

شتاكيت اشمن ربحة الحضره —
محضر جوازي ويومك انتظره —
لو ربعي راحت وانه خلوني —
موقف صعب مولاي ما كدره —

هذبلي روحي - نضفهه عيني - التشوفك
خليني اجيلك - وابجي بضريحك - واطوفك
راحت دليلي - ليليه اسكنه - بحروفك

مولاي يا انيس النفوس
—————

طبع اليحب يملك صبر
انه اختلف ما انتظر
اشتاكيت ازورك يالرضا
ما اقبل اسمع اي عذر

انه اختلف عن البشر كلهه —
عيوني التعشكك دوم ادللهه —
هذا العشك ماشايفه ابواحد —
اشتاك الحضرتك لازم اوصلهه —

عينك عليه - وانت التريده - تجيبه
عشك اليفارك - امنيته يوصل - حبيبه
كلب اليحبك - ليليه يغفه - بنحيبه

مولاي يا انيس النفوس
——————
شوف العمر يركض ركض
ياساعه يوكف هل نبض
خل موتي يوصلني بشرط
زرتك بعد ما اعترض

بس الله يدري بكلبي و بنيتي -
وصيت ربعي وكل اهل بيتي —
يدعولي من اوصل واجي البابك —
بصحنك اموتن يالرضا امنيتي —

كون التحبه - هو اليسبب - وفاتك
مولاي احبك - وأمنيتي اموت - بغلاتك
ادعيلي اوصل - يبن الزجيه - بصلاتك

مولاي يا انيس النفوس
————————
الخادم موسى البطلي

https://t.me/httpsm80100000

الدرب الرضا حن الكلب
مشتاڰ اشوف ذاك الدرب
كالو صعب دربه وكلت
عند اليحب مامش صعب

بأداء الرادود الحسيني ملا مصطفى السعد 💘😔😢

اوتار التكبير گطعوها گطعوها
وعيون التوحيد صابوها صابوها

آه محتار والوادم غريبــه
آه عطشان والماي اشيجيبه
ـــــــــــــــــــــــــــــــــــــــــــــــــــــــــــــــــ
ياصُبح قبل الصُبح
تنظر لأطول رمح
بابتسامة

وجهك ووجه الشمس
ياضوه الما ينحبس
للقيامة

ماكو داعي تلتفت
وانتَ من ظهرك شفت
كل علامة

منحني قرب الجرف
شجرة ضاربها العصف
يامه يامه

مو كل دمعة اتطيح
محسوبة محسوبة

بس الدمعة اعليك
مهيوبة مهيوبة

آه شنگول للذبحوا حبيبه
آه عطشان والماي اشيجيبه
ـــــــــــــــــــــــــــــــــــــــــــــــــــــــــــــــــ
وكر اعليك العطش
وانتَ جفنك مارمش
ظل يألمك

والتجأ ليك الضوه
والهوه يريدك هوه
خل يشمك

شفافك يريدن برد
والندى عاف الورد
ماكو يمك

مبتسم بس بزعل
مغضب وتنضح خجل
من يلمك

ليش اچفوف الخير
مبتوره مبتوره

ليش الگمرة اتغيب
منحوره منحوره

آه سلطان وخدوك تريبه
آه عطشان والماي اشيجيبه
ـــــــــــــــــــــــــــــــــــــــــــــــــــــــــــــــــ
طولك وطول الدهر
بانحنائك ع النهر
انحنالك

صدرك ايريده العدو
ظهرك ايدور اخو
مابگالك

سولف وياك السهم
قصة الچف والعلم
من اجالك

طيحتك فزعة شهم
نومتك وگفة زلم
من مثالك

مو خلوك اوصال
يموافي يموافي

حتى الحافر صاح
مو كافي مو كافي

آه مسلوب وتحشمك سليبه
آه عطشان والماي اشيجيبه
ـــــــــــــــــــــــــــــــــــــــــــــــــــــــــــــــــ
واضح ابگلبك حجي
تارس خيامك بچي
ماتبدت

شفتك ابأخر نبض
تضرب ايدك ع الارض
واستقرت

انتَ صليت الظهر
والعصر صلىٰ للعصر
دنيا سجدت

خيمة اختك أذنت
بالطفوف اتيممت
ماتوضت

ادري اضلوعك ليش
كسروها كسروها

بس اخيامك ليش
حرگوها حرگوها

آه حنيت واختك مو قريبه
آه عطشان والماي اشيجيبه
ـــــــــــــــــــــــــــــــــــــــــــــــــــــــــــــــــ
مطرت اسهام الحرب
وانتَ عينك عالدرب
عالشريعة

يابوفاضل مدلي چف
مدها لكن للأسف
چف گطيعة

ايست محد يرد
تهجم وعينك تصد
عالوديعة

والسؤال الينسأل
يعني زينب تحتمل
هالفجيعة

يدري الناس اتصيح
طلعوها طلعوها

هاي أخت العباس
شوفوها شوفوها

آه شمات وهوايه المصيبه
آه عطشان والماي اشيجيبه
ـــــــــــــــــــــــــــــــــــــــــــــــــــــــــــــــــ
اقسى انواع القتل
قتلوا ابحظنك طفل
مارويته

دمك ودمه انمزج
بالسمه السابع عرج
من رميته

ابيا لغة ادموعه حچت
من لوه الرگبة وسكت
ودعيته

گتله ياماي اشبعد
حتى هذا الـ بالمهد
ماحميته

حرگت وجه الماي
حسراتك حسراتك

خسفت صدر الگاع
دمعاتك دمعاتك

آه رديت ما تسمع نحيبه
آه عطشان والماي اشيجيبه
ـــــــــــــــــــــــــــــــــــــــــــــــــــــــــــــــــ
- أوتار التكبير
الرادود | ملا مصطفى السعد
الشاعر | عبد الخالق المحنه

https://t.me/httpsm80100000

اوتار التكبير كطعوها كطعوها
وعيون التوحيد صابوها صابوها

أه محتار والوادم غريبه
أه عطشان والماي اشيجيبه


بأداء الرادود الحسيني ملا مصطفى السعد 💔😔😢

يـا يـوم أشـوف أعـتـابـك - وأوگف حـزيـن بـبـابـك
وأرجــع أزورك يــا حـــيــــــدر
طـول عـلـيـه غـيـابـك - مـشـتـاگ أشـم تـرابـك
وأرجــع أزورك يــا حـــيــــــدر
آنــه إلــهــويــتــك - لا تــظــن نـسـيـتـك

عـلـي وهذا الإسم يسري بشرياني - نبع يل ما تمل شوگك رياحيني
عـتـب ويـاك عـندي يراوح بعيني - يمن فرگاك كدر صفوة سنيني
أريـد أحچي بـصـراحة وياك خليني - أخاف مكدرات الجو تنسيني
يـا بـا الـحـسـن مـا تـدري - صـرت أشـتـريـها بعمري
شـوفـت ضـريـحـك يـــا حـيـدر
مـن الـفـرگة نـافـذ صـبـري - وظـلـت تـعـيش بفكري
شـوفـت ضـريـحـك يـــا حـيـدر
بــروحــي إشــتــريـتـك - لا تـظـن نـسـيـتـك

عـشـت أعوام يمك يا ربيع الحي - ما أعوفك چنت مثل الجرف والمي
لـو صرت بهجير أگصد إلك يا في - ولو ليل الوكت دلهم أشوفك ظي
غـصـب من جنتك طلعوني أهل الغي - وخلوني أظل لا ميت ولا حي
مــن جـنـتـك حـرمـونـي - بـرجـوة أمـل خـلـونـي
كـل فــكـري يـمـك يــا حــيــدر
عـنـك غـصـب بـعـدونـي - أمـشـي وأديـر عـيـونـي
كـل فــكـري يـمـك يــا حــيــدر
عــشــت بــثــنـيـتـك - لا تـظـن نـسـيـتـك

مو بيدي غصب عفتك يا بو الحسنين - وعنك رحت أتلفت وأدير العين
گلـت هالفرگة بالميت شهر شهرين - وطالت يا علي لا سنة ولا سنتين
أنـاشـد عالصبر ما أدري دربه منين - خذن ثلثين حيلي مخلفات البين
دنـيـايـه نـفـرت عـنـي - وحـتـى الـصـبـر مـل مـني
مـشـتـاگ أشــوفــك يــا حـيـدر
أغـفـى بـوسـادة ظـنـي - وأصـحـى عـلـى دمـعي ووني
مـشـتـاگ أشــوفــك يــا حـيـدر
يــا مــا نــخــيــتــك - لا تـظـن نـسـيـتـك

البعد شيبني يا من فرگتك كلفة - وجرح شوگي غميج وما وگف نزفه
لـيـالـي الظيم باگن بسمة الشفة - وسنيني إنگضت بالحسرة واللهفة
لچن بـعده الأمل بالروح ما يخفه - وأحس روحي بعدها لهالوكت ترفه
مـن عـيـنـي يـنـزف مـوحـي - وآنـه بـتـرافـة روحي
أرســم خـيـالـك يــا حــيــدر
هـالـحـبـر دم جـروحـي - وصـرت بـصـحـيـفة نوحي
أرســم خـيـالـك يــا حــيــدر
بــروحــي لگيــتــك - لا تــظــن نـسـيـتـك

بـخـيالك عايش من سنين وأتحسر - ولا أدري مصيري شلون يا حيدر
صـرت مـا أشعر بطعم البرد والحر - وإذا نسمة هوى تزاجمني أتكدر
جـمـر ظـيـمي بصميم حشاي يتوجر - وبعيني غدت عبراتي تتكسر
مـا عـنـدي غـفـوة بـنـومـي - ولا صـحـوة تجلي همومي
حـيـرنــي بـعـدك يــا حــيــدر
مـا مـش سـعـد بـنـجـومـي - ولا فـرحـة تـسعد يومي
حـيـرنــي بـعـدك يــا حــيــدر
تــرحــمــنــي ريــتــك - لا تـظـن نـسـيـتـك

يا وهجة عشگ ناغت خلايا الدم - خلافك عمري ذرة وضايعة بمنجم
بـغـيرك شمل روحي ما بعد يلتم - يا بو الحسنين إنت الجرح والبلسم
يا يوم أوصلك وأكشف سحاب الهم - وأنفض يم ضريحك كل غبار الهم
يـا يـوم أصـل يـم گبـرك - وأنـصـب مـنـاحـة بـكترك
و أبچي لـمـصـابـك يــا حــيــدر
يــل مــا صـفـى لـك دهـرك - أذكـر مـرارة صـبـرك
و أبچي لـمـصـابـك يــا حــيــدر
وأذكــر رزيــتــك - لا تــظــن نــســيــتـك

أتـمـنـى مـثل هاليوم چنت هناك - وأجدد يم ضريحك هالعهد وياك
وأنـصب مأتم على مصابك وأنعاك - وأون ون الثكالة لگقدك وفرگاك
لـكن ما نسيتك عايش بذكراك - وضميري من البعد يا با الحسن ناداك
بـيـن الـدمـع والـحـسـرة - أذكـر لـهـيـب الـطـبـرة
يـصـعـب مـغـيـبـك يــا حـيـدر
مـن عـيـنـي تـجـري الـعـبـرة - وبـيـن الـجـوانح جمرة
يـصـعـب مـغـيـبـك يــا حـيـدر
بــالــهــم بچيــتــك - لا تــظــن نـسـيـتـك

الشاعر الاديب جابر الكاظمي

https://t.me/httpsm80100000

يا يوم أشوف اعتابك _ وأوكف حزين ببابك
وارجع ازورك يا حيدر
طول عليه غيابك _ مشتاگ أشم ترابك
وارجع ازورك يا حيدر
انه الهويتك ____ لاتظن نسيتك

بأداء الرادود الحسيني ملا مصطفى السعد 😢💔😔