معقوله حسين اوليدي معقوله انت حسين
براسك شمسوين احجيلي براسك شمسوين
تنزف من عاشور .. تشبهني ومطبور
▪️▪️▪️▪️▪️
ابو حسين بقهر ينظر عله حسينه
انكسر ظهره ويشم الراس بونينه 
بعد ماكو اثر تربه عله اجبينه
الحجر غير ملامح وجه ابو سكينه
الشمر شمسوي من گاطع شرايينه !
دخيلك ياعلي دم يجري من عينه
روح وتشبگ روح الليله روح وتشبگ روح
اهلاً بالمذبوح  الغالي اهلاً بالمذبوح
نور وحاضن نور .. تشبهني ومطبور
▪️▪️▪️▪️▪️
بكل خطوه اجيتك جان الي عثره
نفس شكلي بطلعتي بدفنة  الزهره
اواسيك واجيت بطبرتي بحسره
لكيتك بويه عابرني اثنعش طبره
عجيب حسين ليش اشفاك متفطره
شنو العباس ما جايب ولا كطره
من طاري العباس اذكرته من طاري العباس
دم ضل يبجي الراس اتحسر دم ضل يبجي الراس
وتجاوب معذور .. تشبهني ومطبور
▪️▪️▪️▪️▪️
گمر يم الشريعه اهناك  ضيعته
شفت بعيونك شكد باجي من شفته
امشيبه لحيتك فاكد  ابن انته
المسمي عله اسمي وذر  جثته
وشفت خدك  ادين  اصغار  لازمته
ذبح عبد الله تخنگني  يسالفته
راس ابنك شالوه من جسمه راس ابنك شالوه
ما يثبت شدّوه برمحه ما يثبت شدّوه
بوليدك ماجور .. تشبهني ومطبور
▪️▪️▪️▪️▪️
يوجه اللي رسول الله يشتمك
ويبوس ايديك جبرائيل ويخدمك
هضيمه ابنَ انس من شعرك يلزمك
على الدنيا السلام الاشعث ايشتمك
يراس حسين ليش ايفور ضل دمك
شنو شگالتلك اختك من اجت يمك
ماضل عندي اخيام اتنادي ماضل عندي خيام
للكوفه وللشام اتيسر للكوفه وللشام
يالبرماح اتدور .. تشبهني ومطبور
▪️▪️▪️▪️▪️
على وجهك اشوف ارماد متناثر
وانه ادري بيك حرگ اخيام ما حاضر
عرفته هالالم مو من وره العاشر
ابيت الاصبحي ادري شنو صاير
بالتنور من خلوك وتساهر
اجتك فاطمه ومكسورة الخاطر
لاما تبجي ادموع الزهره لا ما تبجي ادموع
ظلت تبجي ضلوع وتلطم ظلت تبجي ضلوع
يالبجيت الحور .. تشبهني ومطبور
▪️▪️▪️▪️▪️
علي عيونه عله عيونك عسه يعمن
بعد عندك جروح هواي ما خلصن
تضل فوگ الرمح يحسين واطمن
بناتك عندي لا تسأل بقن عدمن
اداريهن بعد يحسين ما يبجن
الى أن بأربعينك مجلس يسون
ايتامك وياي احسيني ايتامك وياي
انه اسكيهم ماي الكوثر انه اسكيهم ماي
يا ظامي ومنحور .. تشبهني ومطبور
▪️▪️▪️▪️▪️
اذا هو علي من شافه ضل ينعه
شنو نسوي ونجازي المنكسر ضلعه
وسمعتو شصاير براسه ابو التسعه
ويجي واحد يگول حسين مو دمعه
يزعجه صار حتى الزاد النوزعه
ولون بيده اللطم بالمجلس ايمنعه
خليهم يحجون شرادو خليهم يحجون
ما راح ياثرون  اعلينه ما راح ياثرون
وننعه البيت بطور .. تشبهني ومطبور



حمزه السماوي


https://t.me/httpsm80100000

معقوله انته حسين اوليدي معقوله انته حسين
براسك شمسوين احجيلي براسك شمسوين
تنزف من عاشور تشبهني ومطبور


بأداء الرادود الحسيني ملا مصطفى السعد 🥹🥺💔

📜 قصيدة : شِعوض الحب
✒️ الشاعر : السيد رفعت الصافي

شيعوض الحب وينسيني
يم رمحك الشوگ يوديني
مو تدري احب صوتك يحسيني
من يمته بالنظرة تحاچيني
بالسبي بالسبي
▪️▪️▪️▪️▪️
أولاً من فتحت عالدنيا شفتك
ثانياً تعرفني كلشي ولا فرگتك
ثالثاً مهمومة كلش زينب اختك
رابعاً بس ارد اگلك مفتقدتك
يبن أمي متعوبة أرد احجيلك
مو قصدي اهضمك من ابچيلك
بس متني يوجعني واشكيلك
خلصني من الحادي دخيلك
بالسبي بالسبي
▪️▪️▪️▪️▪️
عالرمح من تلفت وتصد عليه
اعرف بنظراتك اشتقصد إليه
نظرة بيها تگلي بيها زينبنا سببة
نظرة بيها تگلي جيبيلي رقية
هاي العزيزة المشتاگلها
تعبانة وغيابك ذبلها
ما اريد اجرحك بس تقبلها
ذبحاك بسوط ايعاملها
بالسبي بالسبي
▪️▪️▪️▪️▪️
شلون اغمض لا تگلي لحظة غمضي
طفلة طاحت كلها صاحت عمة ركضي
خولة عثرت سكنة ضاعت عمة ركضي
وانا اگلهم عمة صبروا عمة تگضي
ايدي لعباتي وايدي لكلهم
والحادي بس اعثر يكتلهم
يتعمد ابظلمة اينزلهم
كلساعة سلاب ايقابلهم
بالسبي بالسبي
▪️▪️▪️▪️▪️
الحز وريدك يمشي بينه ونمشي بعده
مره هيمة ومرة وادي ومرة بلدة
وانا وحدي وهذا اصبر وذاك اگعده
وانت ضايگ كسرة اللي يبقى وحده
آه اليضوگ فراگ الخوة
من ينولي يتنفس گوه
ايده اعله خاصرته ويتلوه
ما بيها هاي الناس مروة
بالسبي بالسبي
▪️▪️▪️▪️▪️
الحادي يرفض عالمناحر نبچي سكته
لو صرخنه يبدي يضرب راسك انته
هذا الاكبر هذا جاسم دمه حنته
ذاك راس ابعينه نبلة كافل اخته
انا وكفيلي من اتلاگينه
ردت اوگع وسندتني سكينة
يابو الفضل گتله اشتاگينه
شفت السهم شمسوي بعينه
بالسبي بالسبي
▪️▪️▪️▪️▪️
كلها سهلة والمصيبة شلون اضمه
راس عبدالله اعله رمحه يصد عله امه
تنادي نزله من حناني لا تحرمه
هذا ابني نحره يابس لا تفطمه
عبدالله جذريا متغير
رمحه جبير ونحره زغير
ياخويه هاي مصيبة تحير
ذوله أبد ما بيهم خيّر
بالسبي بالسبي
▪️▪️▪️▪️▪️
الثورة نجحت وانتصرنا اعله النواصب
هذا دمك باچر يخضر مواكب
وانا اختك راح اذهلهم وانته راقب
امشي للشام وادوس اعله الشوارب
باجر اشوفك لمن النصرة
بس اوصل يا روح الزهره
إلا خطبتي تزلزل قصره
واللي يعارض اكسر ظهره
بالسبي بالسبي
▪️▪️▪️▪️▪️
#اللهم_عجل_لوليك_الفرج

https://t.me/httpsm80100000

شيعوض الحب وينسيني
يم رمحك الشوڰ يوديني
مو تدري احب صوتك يحسيني
من يمته بالنظرة تحاچيني
بالسبي بالسبي

بأداء الرادود الحسيني ملا مصطفى السعد 🥺🌺💔

📜:ابخرابه
✒️:علي السقاي


ابخرابه إلك راح اَنصب المأتم
ابخرابه اشبديّه يالحسن تعلم
سبيّه اْو منّك اَتعذّر
عزاءك هالسَّنه اتغيّر
ابخرابه
▪️▪️▪️▪️▪️
زينب أنا اْو لازم عزاءك أنصبه
عالعاده كل سابع صفر يالمجتبه
هاي الخرايب أدري ماهي اِمناسِبه
نِزْل السَّبي شِـيـعَـدِّله اْو شِـيرَتِّـبه
مَگدر أعلّگلك سواد ، امحودِبه
اْو لا قِطعه عندي بس عبايه اِمتـرّبه
ذكرتك رغم ما منشده بالي
ذكرتك وانا المتدوهنه ابحالي
شَقدّم بالسبي أكثر
عزاءك هالسَّنه اتغيّر
ابخرابه
▪️▪️▪️▪️▪️
الشام اِختلَف بيها الوضع بس مو مهم
ايصير العزا اْو يكفيني حايط منهدِم
بالفاتحه ويّه الفواطم مِن أهِم
ما نسمع اِهنا تعزيه نسمع شتِم
خويه اْو أبشرك أكثر اْو لا تنصدِم
صرنه خوارج خاف ما عندك علِم
الفواطم ابعلي صاروا يسبوهن
الفواطم إذا يبچن يضربوهن
على العيله حرس يفتر
عزاءك هالسَّنه اتغيّر
ابخرابه
▪️▪️▪️▪️▪️
إعذرني عن تقصيري خويه ابهالوضع
من أبچي مضطره ابسكوت اَجري الدمع
أُوصي خواتك لا بچاهن يرتفع
لا نزعج ايزيد اْو عگبها ننفجع
لا وحده هَم تلحگ رُقيّه اْو تنصرع
لو دَز طشت بي راس أخوك المنگطع
رُقيّه بچت والطاغي سَكّتها
رُقيّه البچي ايودّي اعله سِكّتها
وجوب الليله نتحذّر
عزاءك هالسَّنه اتغيّر
ابخرابه
▪️▪️▪️▪️▪️
لا شك رُقيّه ابّرزخك هم حاضره
سلملي خويه اعليها واَرجو المعذره
عمها اْو عليك اتعرُّفَت هل يا تره
لو لسه مشغوله ابأبوها اْو منحره
چانت إذا تسألني وينه امحيّره
اِمسافر أگلها والقصِد للآخره
الحقيقه الچنت عالطفله أخفيها
الحقيقه خل اتسامحني اعليها
ابعزا الماتت على المنحر
عزاءك هالسَّنه اتغيّر
ابخرابه
▪️▪️▪️▪️▪️
الطشْت اللي بي راس الأخو شفته ابقهر
اْو طشتك ذكرته يالحسن وابّالي مر
واعيوني لمصابك بدت تعرض صور
مِن سَمّتك جعده اْو وصل لينه الخبر
احسين ابركضته اِلدارك اگبالي عثر
اْو جيت اْو لگيتك شاحب اْو دم عالثغر
تحاول يخَي تخفي الأمر عنّي
تحاول رغم حالك تطمنّي
الدهر عگبك عَلَي كشّر
عزاءك هالسَّنه اتغيّر
ابخرابه
▪️▪️▪️▪️▪️
أستشعر ابروحك تحِفني ابكل وكِت
لو حتى ماهي ابجسمك اْو يمّي چنِت
تذكر لمن عن عيني غطّيت الطشِت
لو تاركه اْو شايفته بلكي اتهيّئِت
مو بس چبد بالطف يبو امحمّد شفِت
روس اْو جثث وادموم بيها اتخضّبِت
مناحر شفِت جدامي گطعوها
مناحر ولا عن عيني غطّوها
شسولف خويه شتذكّر
عزاءك هالسَّنه اتغيّر
ابخرابه
▪️▪️▪️▪️▪️
أدري تشاهدنا اْو دليلك منسحن
الله يعظم أجرك ابهذا الحزن
رمله يخويه ابخير أمِّن واطمئِن
من السياط اَحميها واَعرض هالمتن
لاچنها تبچي اِلجاسم ابحرگه اْو تحن
وانته اعله أُولادك همْ ايحگلك تون
اعله غفله ركض عبدالله يم عمّه
اعله غفله اِگطعوا إيده اْو نزف دمّه
أمِنعه ما چنت أگدر
عزاءك هالسَّنه اتغيّر
ابخرابه
▪️▪️▪️▪️▪️
تطلبني ختمه الليله لاچن مطلبي
تدعيلي خويه ابجاهك ايخلْص السبي
تعبانه والدنيا بعد مني اشتبي
ثگل الكفاله يالحسن هد منكبي
يايوم اَعود اِبضعني لديار النبي
كافي انخزينا مِن عيون الأجنبي
دعاءك أطلبك خويه هالليله
دعاءك أرِد اِبّاقي هالعيله
اِلبقيعك أرجع اَتشكّر
عزاءك هالسَّنه اتغيّر
ابخرابه
▪️▪️▪️▪️▪️
#اللهم_عجل_لوليك_الفرج


https://t.me/httpsm80100000

ابخرابه إلك راح آنصب المأتم
ابخرابه اشبديه يالحسن تعلم
سبيه أو منك اتعذر
عزاءك هالسنه اتغير
ابخرابه

بأداء الرادود الحسيني ملا مصطفى السعد 🥺💔🤲🏻🥹

🕋#أذان_الظهر

إِنَّ الصَّلَاةَ كَانَتْ عَلَى الْمُؤْمِنِينَ كِتَابًا مَّوْقُوتًا
حي على خير العمل ان الله يدعوك فقد حان الان
موعد اذان الظهر في العتبة الكاظمية المقدسة

🌺اللَّهُمَّ صَلِّ عَلَى مُحَمَّدٍ وَآلِ مُحَمَّدٍ🌺

دعم الرواديد والشعراء  بالتيلكرام😍👇✅

بسم الله الرحمن الرحيم...

على بركة الله...يعود اليكم من جديد...《《الدعم المهدوي المجاني 》》

شروط الدعم >>>>>>●
1 _يتم قبول القنوات من عدد 150 عضو فما فوق
2 _ينشر الدعم مرتين في اليوم
3_ مشكول الذمةمن يقوم بألغاء الدعم دون اعلامنا بذلك..
          يكون حذف الدعم عليكم

الدعم بأدارة...( الناشر احمد الفاطمي)
للاشتراك بالدعم مراسلة ادارة القناة على المعرف التالي 👇👇👇
✅تواصل معنا  للاشتراك 😍👇✅
 
  [ @Ahmepo11  ✅   @Ahmepo11 ]




[✅✅✅✅✅✅✅✅✅✅✅✅✅✅]
✅@Alittio99
✅الناشر احمد الفاطمي

✅ @Housen_hamed_85
✅ قصائد والحان حسين حميد


✅ @NahjElsahih
✅ النهج الصحيح لتربية الرادود الفصيح

✅ @saagtupe
✅ الشاعر عبد الله ثامر الجبوري


✅ @mulasajjed
✅خادم العترة ساجد الكربلائي

✅ @yassen1967
✅ملا  ياسين الوائلي

✅ @ya_zahra_albtool
✅الشاعر والملحن خضر عبد الخالق

✅ @ML_mahhde
✅الرادود والملحن ملا مهدي

✅ @HTM_HTM_2020
✅تعليم المقامات للرواديد

✅ @mumuggeeww
✅الشاعر والملحن ملا مهدي الكليباوي


✅ @Mohammed_almassl
✅الشاعر محمد مشعل


✅ @FATIMA99991111
✅الشاعرة فاطمة الحلفي

✅ @wwwertyyuiuooww
✅الخطيب والشاعر سيد محمد الموسوي

✅ @gggkkkkHal
✅قصائد مكتوبة

✅ @hussein_almajjidi
✅ الملا حسين الماجدي

✅ @bilal_alnajar
✅ الملا بلال الفتلاوي

✅ @abadalamear
✅الشاعر الشيخ عبد الامير الكعبي

✅ @httpsm80100000
✅الرادود مصطفى سعد

✅ @muhigdoohhk
✅قصائد منبرية مكتوبة


✅ @Fal4wQQAAAAAFFZbSs
✅ ملا عمار للقصائد والألحان

✅ @mhsui
✅قناة الشاعر محسن الجنابي


✅ @wwmka
✅ الشاعر ايهاب الحميدواي


✅ @omadnanmvalib
✅ افراح ومواليد أهل البيت عليهم السلام

✅ @tteef
✅ الشاعرة أم علي الساعدي


✅ @ttrre
✅ قناة رثاء  العترة

✅ @azizalfesli
✅ الشاعر عزيز الفيصلي

✅  @falehalameri
✅ قناة الشاعر فالح العامري

✅ @falehalameri111
✅ قناة أفراح آل محمد للقصائد

✅ @aseel1278
✅ خادمة الزهراء ام حيدر للقصائد

✅ @fvyhbib
✅ قناة خادمة الزهراء ع للقصائد

✅ @yahassN
قناة الحسن للشاعرة ام ليث المالكي

✅ @Yazahraaa655
قناة رابطة مسلم ابن عقيل ع

✅ @ashaghalhossein3  2k
✅ قناة  الأبوذیة مكتوبة

✅ @ghsahdhossinyat 7k
✅ قصاید نسائیة فقط


✅ @ashaghalhosseinmidya 1k
✅ لطمیات صوتیات


✅ @ashaghalhossein  5k
✅ تلحين قصاید الحسينية


✅ @madahifarsii
✅قصايد فارسیه مکتوبة

✅ @qwrrrtyyup
✅قناة أهل البيت ع للقصائد

✅ @dhdhddkp
✅ قصائد حسينية مكتوبة

✅ @jzlaf
✅ الشاعر احمد الخفاجي


✅ @ayy264
✅ قصائد حسينية نزال 

✅ @mkmkmk313
✅قصائد والحان ملا احمد السالمي

✅ @yuioptre
✅ الشاعر مؤيد العامري

✅@falehalameri
✅الشاعر فالح العامري
✅@haideralasadi3
✅الشاعر حيدر قاسم

✅@hepaam
✅الشاعرة هبة الموسوي

✅@paaaaaaaaae

✅ الشاعر موسى الزيدي

[✅✅✅✅✅✅✅✅✅✅✅✅✅✅]

❗️#غير_مبري_الذمة_الي_يحذف_البوت❗️
‏
https://t.me/Alittio99

قصيدة ( مهدينه ) بمناسبة ذكرى شهادة الامام الحسن العسكري عليه السلام



الليله بيا حــال مهدينـه مهدينــه
دمع الهم سال من عينه من عينه
بآهات ورزيــه يبديها العزيــه
مهدينــه مهدينــه

***

شحال گلبك سيدي شكبره مصابه
آه يــا لــوعــة دليــلك يــا عــذابــه
ذكّــرك بالــدار مــن دفعــوها بـابـه
لــو بطـف كربلــه وليــل الخــرابــه

ردت آلام هل الليله هل الليله
صرخت ايتام تبچـيلـه تبچيــلــه
بلوعات الزچيه يبديها العزيـــه

****

ادري گلبــك سـيدي نيـرانــه تسعـر
من شفت چبد الحسن بالسم تفطر
تذكريت حسين لمـن شــاف الأكبـر
يــا چبد مـن العطش يتلاهب أكثـر

تذكــرت حسين ومصــابه ومصــابه
وجــت نـــاريـن لــهــابــه لـــهــابــه
يــوم الغاضريه يبديها الـعزيــه

***

شيّعـتْ نعـــش الابو تجــريله عبـره
اوسديته وگلبك الطــگ منــه صبـره
اتذكريت حسين مـن وسدِوله نحـره
اخ يا طــف كربلــه الما يطفـه جمـره

جمرات الروح مــا تطفه مــا تطفه
منْ المذبوح منْ طفّــه منْ طفّــه
منْ الاعوجيــه يبديها العـزيــه

***

عظم الله اجرك امامي بهــل المصيبه
صعبــه ادري اليــدفن بأيــده حبيبيه
ادِفنته رحمه حسين ظل جثه سليبـه
عالرمــل مطــروح والحـــره غــريبــه

فــوگ التــربان ظل جسمه ظل جسمه
وحرگو صيوان للحشــمّه للحشــمّــه
وللراحت سبيه يبديها العــزيــه

****

يا جرح گلبــك يحمله ويــا فجيعه
طبــرة الهامــه وكـسر ظل الوديعه
صــدر أبو اليمه والأكبــر لو رضيعه
سبـي عمتــك لــو الچفينــه گطيعه

تحـمــل يا آه يالغــايــب يــالغـــايب
ودمع الويلاه ظل ساچب ظل ساچب
من محنت رقيه يبديها العـــزيه

***
الشاعر
موسى البديري


https://t.me/httpsm80100000

الليله بيا حال مهدينه مهدينه
دمع الهم سال من عينه من عينه
بآهات ورزيه يبديها العزيه
مهدينه مهدينه

بأداء الرادود الحسيني ملا مصطفى السعد 🥺🥹💔

على الحسن ويلي وويلاه
......
يالناعي انعى بعالي الصوت
شد الرحال السفرت الموت
اشلون العظيم ايضمه تابوت
يونس بجاله من بطن حوت

بكسرت الخاطر صار ينعاه
.....
مات بغدر سم اليكرهون
واعليه جرت دمعات العيون
اظلم صبح من بعد هالكون
والعرش ناح اويه الينوحون

عظمه المصيبه يلي تهواه
.....
هالساعه روح المهدي ياناس
متوجرة ابنيران الارجاس
ازغير بعدة وشيب الراس
بفراك ابو ما ظلت انفاس

جم لوعه عاش بسبب فركاه
......
وين اليواسي بدمعت العين
قائم محمد ناصر الدين
ذايب دليله من الونين
ما شاف راحه بهاي السنين

سهم اليتم من زغرة صاباه
......
يم النعش متمدد يصيح
ساعه يكوم وساعها يطيح
اشبه بسعفه وتاخذا الريح
فاكد الحيل ودمعته تسيح

من البواجي انعمت عيناه

.......
شيع المهدي والدة اليوم
مو بالمدامع لا بالدموم
عظمه المصيبه حكه مالوم
بيه انزرع كل حزن معصوم

الله يعينه العظم بلواه
.....

للمهدي نرفع تعزيتنه
بلطمت صدرنه الشرفتنه
تحت امره نوضع تضحيتنه
ما نخلف اويا قافلتنه

لخر نفس باقين وياه
......
الحمدالله رب العالمين
اللهم صل على محمد وال محمد
موسى الخادم


https://t.me/httpsm80100000

على الحسن ويلي وويلاه

بأداء الرادود الحسيني ملا مصطفى السعد 🥹💔🥺

رئيسيه للامام الحسن العسكري ع

يالعسكري    بنار المصاب
يالعسكري    دلالـــي ذاب
يالحســـن رايـــات حزنك علگتهن
وحتى دمعاتي المصابك حضرتهن
ــــــــــــ ــــــــــــ ـــــــــــــ ـــــــــــ

مغبـر ومهموم اروح المجلسك دوم
ولابس اهدوم السواد وگلبي ملچوم
بيـك غدرو ياحسـافه ومتت مسموم
مـــن عزائـك ســـيدي ما بطلت يوم

مأتم قمت       لمصيـــبتك
ما بطـــلت       من خدمتك
عالطـــم چفــــــين اديــه علمتهن
وحتى دمعاتي المصابك حضرتهن
ــــــــــــ ــــــــــــ ـــــــــــــ ـــــــــــ

المهدي رامي عماته ويبچي لمماتك
وفاطـــمه اتگلـه البقــيه فـي حيـاتك
ابگلـبه يتمــنه يدفــنك گـد غـــلاتك
ذكريـــــاتك باقـــيه اوياه وعبـــــــاتك

اهموم الدهر   ماينتهن
طــول العمــر   يتجددن
بمجلســك كل المواجــع گلبتهن
وحتى دمعاتي المصابك حضرتهن
ــــــــــــ ــــــــــــ ـــــــــــــ ـــــــــــ
امتـــداد العلــم جــدك چان دورك
ورغــم انف الحـاربك شامخ ظهورك
ياشمس رب العلى الما يطفه نورك
روضه قبــرك صـار هنـياله اليزورك

جمر القضى     بگلب المحب
بمصيـــبتك      يلهـب لهــــب
اجروحي تبچي ادموم لجلك عودتهن
وحتى دمعــاتي المصـابك حضـرتهن
ــــــــــــ ــــــــــــ ـــــــــــــ ـــــــــــ

يالقـدت أمه رغم شــدة حصـارك
الصار كله اوياك ما عرقل مسارك
ضـد بني العباس حققت انتصارك
كلا للــذل والظلــم رافــع شعارك

رغـم الظلم     شامخ متت
وانه بشغف    حبك عشت
اسرار حبي اوياك كلهن سولفتهن
وحتى دمعاتي المصابك حضرتهن
ــــــــــــ ــــــــــــ ـــــــــــــ ـــــــــــ

مـن الزغر گلبي الك اعلن وداده
ومجلس عدنه صبح مولاي عاده
الزارك ودگ بابك ايحصل مراده
وبالصحن انفاسه تتسـجل عباده

انته العشگ      ونتـه الهوه
ذكرك صبح      راحـه ودوه
والكرامات بوسط صحنك شفتهن
وحتى دمعاتي المصـابك حضرتهن
ــــــــــــ ــــــــــــ ـــــــــــــ ــــــــــــ

  ✍الخادم
كامل السعيدي


https://t.me/httpsm80100000