#قصائد_ليلت_الحادي_عشر_
ويوم العاشر نزله



ارده سئلچ  ليش ياشمس الغروب

حمره صرتي هواي عذبتي الگلوب

::

حمره صرتي شبيج ياشمس العصر

ونتي  من سا عات   تزهين   الظهر

لئن شفتي حسين  حز راسه الشمر

لو لئن  عريان  ضل اعله  التروب

::

ارده اسئلچ ليش ونتي جاوبي

حرگو   بنيران   صيوان   النبي

اطفي  بلا ماي    زينب  بالعبي

خايفه  السجاد ويا هم  يشوب

::
خايفه   السجاد  محد  ضل اله

اتحرگه   نيران ال اميه ابكربله

حيره   بي   تحتار   لو بالعايله

ابين نارالگوم وصياط وظروب

::
خايفه  تشوفين  زينب  خايفه

ونتي  حمره اولا عبالك شايفه

حته  كلهه  تگول  هاي ارهيفه

التصهر الأ جساد بدن ماتتوب
::

التصهر الأجساد وهيه  اعله  الثره

تصهر    النسوان    وهيه   اميسره

انسيتي ياشمس امس ردچ حيدره

مثل ريح  الهاب  ويجر   ابسحوب

::

لوحمارچ خجل من شفتي الخبول

داست عله حسين ابن بت الرسول

كسرت   اظلوعه  مثل ظلع البتول

هو  هو   اسلو  بهم  ابشع  سلوب

::

هو هو  سلو بهم    شنهي  اختلف

الحرگ خيمت شعر لوباب السعف

تدري  بالبسمار   ياصدر  انخسف

وبا المثلث ياصدر چبده  يذوب

:
#الشكرلله خادم الزهراء ع ملا علي
:::
@httpsm80100000 انضام إلى قناة

https://t.me/Muip1233 تواصل

كون اموت ولا أشوف ابعيني هاي
باب تعزيتك ومحد الها جاي


لو صدك هذا جره ،،،، دخيل سبع الكنطره

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

أبمحرم هالسنه لو ما اشوف
ينعقد مجلس أمن احزان الطفوف
لحظه ماريد انا أعيش بهالظروف
وادعي الله مني ياخذ هالجفوف

جفوفي متعودات انا من الزغر
أبمحرم كل سنه توسم الصدر

بقلبي حسره أموجره ،،،، دخيل سبع الكنطره
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

شمحلى ايام المجالس من تجي
وشكثر هذا الشهر يحمل حچي
أصغي للرادود ولصوته الشجي
حتى أكضي كل لياليه بچي

المجالس أصبحت عندي وطن
أغرك أبلولاهه في بحر الفتن

ذخر يوم الأخره ،،،،،، دخيل سبع الكنطره

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

لو صدك هذا الأمر فعلآ حصل
أدعي ياربي تعجلي الأجل
بعد شلي بالعمر والمن أظل
حسين أمامي رأسه عالرمح انحمل

أنا كل أيام عمري كربلاء
شلونه جا هالسنه ما احظر عزاء

روحي تصبح مكبره ،،،، دخيل سبع الكنطره

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

احنه هاي السنه كلش خايفين
شلون تصفه دخيل رب العالمين
هم مثل عام المظى ولطم الأدين
خاف ماينعقد مجلس للحسين

لو حصل لايكول الله هالأمر
وين ننطي اوجوهنه ولياكتر

كون تبقى عامره ،،،،، دخيل سبع الكنطره

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

تنكطع من يمتى هاي ازيارته
صارت ويا حيف سدو حظرته
كلشي خل ايروح بس لا خدمته
خايف وخوفي لوّن مشايته


تنمنع وايرد مثل ذاك الزمان
ماكو غير انكول يامهدي الامان

أبصوت واحد نذكره ،،،،،، دخيل سبع الكنطره

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

رامي أبو سكينة السماوي

https://t.me/Muip1233 تواصل

اخواني راح ننشر قصائد محرم الحرام 1442
@httpsm80100000

اليوم أحنه اهنانه باجر نندفن
وبعد أيام ويجي شهر الحزن

الف هنياله الخدم ... بشهر الحسين ولطم

وبعد أيام ويجي شهر الحزن
وبعد أيام ويجي شهر الحزن
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

الدنيا فرصة وكلنه باجر رايحين
ياهوه ألنه بالكبر غير الحسين
نحمد الله الباري رب العالمين
هالسنة لو هل هلاله عايشين

والله صعبة الفركة لا ماتنحمل
وأحنه صار ألنه سنة انتاني تهل

انريد نرفعلك علم .... بشهر الحسين ولطم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

ماندور أجر أحنه ولا ثواب
ألك مشتاقين ياشهر المصاب
أبشهرك الكل يجتمع شيب وشباب
تحيي أيام الي ظل فوك التراب

حسين ظل عريان في سوح الطفوف
وأبوفاظل كطعو منه الجفوف

وعينة صابوهه أبسهم ... بشهر الحسين ولطم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،


أنت وحدك منفرد عن الشهور
من يهل اهلالك أدمانة تفور
عيونة تدمع ونلطم عالصدور
عالظامي اللطم لازم كله شور

بيك ذكر حسين باقي للأزل
تموت كلهه وتندرس هوه يظل

خالد وأحنه عدم ... بشهر الحسين ولطم

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

من العمر أيامه لا ماتنحسب
أبهالشهر يجتمع قلب اعله القلب
وبثواب ألي انحرم ماي العذب
نشوف بالمجلس يوزوع للشرب

بجاه أبو صالح وجده المرتظى
يرجع امحرم مثل عام المظى

شهر بي حرك الخيم ،،،،،، بشهر الحسين ولطم

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

ياشهر بيك المواكب تستعد
من يهل اهلالك أتخظر ورد
على درب المشي تنظر من بعد
يمته زوارك يبو الاكبر ترد

المواكب على حر من الجمر
لأربعينك سيدي ظل تنتظر

تنتظر وبكل ألم ... بشهر الحسين ولطم

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

رامي أبو سكينة السماوي

@httpsm80100000 ملا مصطفى السعد


https://t.me/Muip1233 تواصل

@mustafa0984 استوريات الحاج باسم الكربلائي