#قصائد_العشرة_الاولى

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



خويه جيت أحجيلك شنهي صار بحالي
من بقيت بحيـــــره لا حمـــــه ولاوآلي
خويـــه مارحموني من غبت يالغالـــي

* * *

عجبه ياحجة الباري من طحت بالغاضريه
يجري دمك

أبجي يبن أمي أجيتك وأنته شوف شصاربيه
جيت أحشمك

بالسياط آنه ولوني من لكوني آل أميه
أنعه يمك

ولن نسيت أهمومي شفتك أموذرينك
خويــــه وأمسلبينك بالعرى أمخلينك
صحـت يمـــه يمـــه كطعوا دلالـــــي

* * *

ماتت بموتك يغالي بلحظة الغمضت عيونك
أمنياتي

صعبه ياخويه عليه أكبال عيني يذبحونك
ياحياتي

وأبد مارحمت بحالي من شفتهم يسلبونك
نايباتي

ريــت راحت روحي ولا أظل ياروحــــي
وريت هاي جروحك خويه كون جروحي
ولا أظلن خويــــــــه ما أخو يبرالــــــــي

* * *

من بعدكم يالغوالي بخيلهم فزعوا علينه
عذبونه

وحيرونه ومرمرونه وشبوا النيران بينه
وسلبونه

كمت أنادي حسين وينك وليه يبن أمي أنولينه
شتتونه

عاليتامــــــــه خيامك من رحت حركوها
والعزيزه سكينــــــــه يالولــي سطروها
والشمر بغيابــــــــــك بسوطــــه أتعنالي

* * *

والشمر لمن سطرني وكلهم ألتموا عليه
وحرت حيره

صحت وينك ياأبوفاضل هم دريت شصاربيه
يبو الغيره

حيره وأشجندوب أشاجف زوركت ياخويه أديه
وصرت أسيره

زوركت ياخويــــــه أمن السياط أمتوني
راح أظل كل عمري سيـل تجري عيوني
من ذبـح ذبحوهـم كل أخوتي أكبالـــي

* * *

خويه من شتموا الزهره ريت روحي مني راحت
ريت ميته

الوي علي ثارات عنده خل يجيها الكوم صاحت
هاي بنته

الرجع من عباس دامي واللي منه قطره طاحت
يجي لخته

شلون أحمي روحي بكربله محتـــــاره
اليطلب أتعنالــــي مني ياخذ ثــــــاره
لن لكوني أوحيــده وأهل بالطف مالي

* * *

أطفالكم مرعوبه هامت حين نيران الفجيعه
اعليها شبت

البعض سحكتها الحوافر والبعض صوب الشريعه
خويه هامت

وشي حرك بالنار ماتت شي عطاشه شي صريعه
يمي ماتت

مره أحامي روحـي ومره أرد أحميها
والاطفـــال الماتت مالحكت أعليــها
كمت أشاجف عنهم بيمنتي وشمالـي

* * *
سلام المشعل

https://t.me/Muip1233 تواصل

#قصائد_محرم1440
#لحن_الحاج_باسم_الكربلائي
#بصوت_خادمكم_الرادود_احمد_الزوار

1..#الهلال
لحن باسم محرم ياهلا بشهر الحزن
https://t.me/ahmed_alziwar/6777

2..#ام البنين ع


3..#الخدام
لحن باسم نسيتك ثواني
https://t.me/ahmed_alziwar/6786
لحن باسم حتى لو ما عاجبك
https://t.me/ahmed_alziwar/7245

5..#العليلة
لحن باسم صحوة موت
https://t.me/ahmed_alziwar/6777
لحن باسم لاتبجين
https://t.me/ahmed_alziwar/6774

6..#مسلم
.لحن باسم دنيا
https://t.me/ahmed_alziwar/6790
لحن باسم شيعتك يكرار
https://t.me/ahmed_alziwar/6768
لحن ثار الضلع
https://t.me/ahmed_alziwar/7285

7..#اولاد مسلم
لحن باسم عليمن جايني العيد
https://t.me/ahmed_alziwar/7234

8..#الانصار
لحن باسم يمك مخليها
https://t.me/ahmed_alziwar/7240


9..#العباس ع
لحن باسم يابو فاضل
https://t.me/ahmed_alziwar/6617
لحن باسم يقارورة
https://t.me/ahmed_alziwar/6783
لحن باسم نسيتك ثواني
https://t.me/ahmed_alziwar/6464
لحن باسم رايح الغالي
https://t.me/ahmed_alziwar/6762
لحن باسم اني خايف
https://t.me/ahmed_alziwar/6780
لحن باسم نسيتك ثواني
https://t.me/ahmed_alziwar/6614

10..#القاسم ع
لحن باسم بسملة كلامي
https://t.me/ahmed_alziwar/6765
لحن باسم ليلة وحدة لو تضل
https://t.me/ahmed_alziwar/7243

11..#الاكبر ع

12..#الامام االحسين ع
لحن باسم كومن بنات النبي
https://t.me/ahmed_alziwar/6455
لحن باسم نسيتك ثواني
https://t.me/ahmed_alziwar/7276

13..#الرضيع
لحن باسم توجهت دعوه
https://t.me/ahmed_alziwar/7283

14..#رقية ع
لحن باسم صعبه صعبه
https://t.me/ahmed_alziwar/7248

15..#السبي
لحن باسم جريمة قتل
https://t.me/ahmed_alziwar/7237

تم غلق هذي القناة الرسميه

السلام عليكم

عبد الله الرضيع
الوزن جعب هجري
~~
وين عبد الله رحت انته ياضي عيني
يبني عالموت اعزمت الك افدي اسنيني
▪︎▪︎▪︎▪︎▪︎▪︎▪︎▪︎▪︎
يبنــــــــي ياريع الچبد الــــــــي ارحم حالي
اظن ليـــــــــــــه ماترد ويظل مهدك خالــــي
بعدك ابعمـر الـــــــــورد بيك كل أمالــــــــــ.ـي
ريت گبلك يالــــــــــولد دنت مني أجالـــــــــي

يبنـــــــي وحدي الكربله رايح اتخلينـــــــــــــي
▪︎▪︎▪︎▪︎▪︎▪︎▪︎▪︎▪︎▪︎▪︎▪︎
وين رايــــــــــــح للنهر ترتـــــــــــــو من العذب
خاف تروه من النحــــر دمك اتردلـــــــي يصب
امتاني الك سهم الدهر ابگلــــــي نيرانك تشب
يبني ياضامــــي الصدر افراگك اعليـــه صعب

خلي شربك للدمــــــــــع واستمع لونينــــــــــــي
▪︎▪︎▪︎▪︎▪︎▪︎▪︎▪︎▪︎
للشريعه انتـــه اصدرت الك تانه حرملــــــــه
موت لــــــــوماي الردت امنين اجتني كربلـــه
مهدك الخالـــ.ــــي عفت ابنوحي اناغي أنه اله
ريت بعـــــــــدك لاعشت اتظل دموعي هاملــــه

يبني شلــــــــــــي بالعمر الوادم اتعزينــــــــــــي
▪︎▪︎▪︎▪︎▪︎▪︎▪︎▪︎ـ
يبنـــــــــــي ريض انتظر هاي لحظات الــــــوادع
خل اشملك الصـــــــــدر اعليك احنيـــها الاضلاع
خل اقبلك نحــــــــــــــر من گبل يوم الضيــــــاع
اعليك حف بالطف خطر اتروح ياحلو الأطبــــاع

يالولد خلينـــــــي اودعك بالغرب تانينــــــــــــــي
▪︎▪︎▪︎▪︎▪︎▪︎▪︎▪︎▪︎▪︎▪︎
ماكمل عمرك سنـــــــــــــه ونتـــــه گاصد للأجل
للحزن ابگــــــــــه انه يمه يبنــــــي يابعد الأهل
صعب لوراح الضنــــــــــه الوالده تبگــــه ابوجل
يبگه احلامـــــــه ابنظرها ورد جنتـــــــــــها ذبل

يبنــــــــــــي اظلن للسهر اوصوتك ايناغينــــــي
▪︎▪︎▪︎▪︎▪︎▪︎▪︎▪︎▪︎
يبنـــــــــــي يابسمة عمر واختفت بسمـــــــاتك
اعليـــــــه نسمك من يمر چل الورد نسمـــــاتك
يامن ابعينــــــــــــــي بدر اسنينــي الك نجماتك
اضخرتك اليوم الكبـــــــر ارضعت طيب الذاتك

انــــــــــــــه هذا محسبت بالجفه اتجازينــــــي
▪︎▪︎▪︎▪︎▪︎▪︎▪︎▪︎▪︎▪︎
راح من عدهـــــــــا الولد بالخيـــــم ظلت رباب
مابگــــــــــــــه عدها بعد غير اهــــات اومصاب
خالــــــــي ظل منه المهد الگلب منعدهــــا ذاب
لورجـــــــــــــــع الها اشد صار اله دمــه خضاب

تصيح ياعبد الله يمـــــه امصابك السابينــــــي
▪︎▪︎▪︎▪︎▪︎▪︎▪︎▪︎▪︎
تمت
الشاعر فالح العامري
https://t.me/Muip1233 تواصل

#قصائد_محرم1440
#لحن_الحاج_باسم_الكربلائي
#بصوت_خادمكم_الرادود_احمد_الزوار
#هذه_القصيدة_على_لحن (نسيتك ثواني)

خدمتك كرامه...امانه وسلامه
تضل للدوم صافي
توافي ويه اليوافي
خدمتك كرامه

عده كل الجروح الالف والكسره
اشوفن وجهك بروحي السمه گمره
شوصفك وانت بس الخالقه يقدره
سلام الله على دموع الصفت حمره

دموعك دموعي...ضلوعك ضلوعي
جمر بضلوعي غافي
توافي ويه اليوافي
خدمتك كرامه

اهيم بعالم افكاري وارد خايب
اشوف مقصر شگد ماالك كاتب
اعتكفت بمعبدك حد ماصرت راهب
دمع عيني سجد بيك وصحت تايب

اجيت بنحيبي...العذر ياحبيبي
اريدن ليك اوافي
توافي ويه اليوافي
خدمتك كرامه

رضاتك عندي اهم من دنيتي وروحي
احس بيك انلچم واستلذ بجروحي
واحس هاي المجالس بالرضا توحي
اضد كلمن يعارض ونتي ونوحي

اليضدك اضده...اليجيسك ارده
لليضدك اجافي
توافي ويه اليوافي
خدمتك كرامه

اليطب المجلسك يتطهر بدمعه
وعلى صواني العرس يتبرع بصبعه
اللطم لجلك شرط لازم كسر ضلعه
اليطيح بمجلسك چف امك يرفعه

تجينه بدمعها...تون من ضلعها
المرض لجلك عوافي
توافي ويه اليوافي
خدمتك كرامه

نطوف بحظرتك واحرامنه الاسود
وسبع اشواط بين المرقد ومرقد
الحج بحظرتك والباري الك يشهد
وطريق الخدمه واضح واليضد ينضد

اموت على دربك...قسمتي احبك
ابد ماگول كافي
توافي ويه اليوافي
خدمتك كرامه



على لحن باسم الكربلائي (نسيتك ثواني)


خادمكم مصطفى الحافظ


https://t.me/ahmed_alziwar

#قصائد_محرم1440
#لحن_الحاج_باسم_الكربلائي
#بصوت_خادمكم_الرادود_احمد_الزوار
#هذه_القصيدة_على_لحن(لاتبجين)


لاترحون وتعوفــوني وحــدي
ويه الاحزان ودموعي اعه خدي
والدي چنت اشتكيله
عافني وانــه عليلــه
لاترحون لاترحون
✿✿✿✿✿《 1 》✿✿✿✿✿
ليش من حمل ظعنكم -- ماخذيتوني بسفركم -- والبعد طال
ابقه بهموم الهظيمه -- ادري تالي اصبح يتيمه -- تخيب الامال
ويالمرض ودموع عيني -- راح ابوي ومايجيني -- يصعب الحال
صعبه عفت اختي رقيه -- وچنه نومتنه سويه -- براحت البال
عمتي وين زينب فارگتها
وانه لحظات عمتي ماعفتها
راح ابوي ويالعقيلــه
عافني وانــه عليلــه
لاترحون لاترحون
✿✿✿✿✿《 2 》✿✿✿✿✿
ليش عايف بويه بتك -- للصلاه يامه انتظرتك -- ياضوه العين
يالتنومني اعله ايدك -- هسه سهرانه وريدك -- بويه يحسين
فاطمه بويه حسافه -- ذبلت بعيني الترافه -- يالمرحلين
الراح ابوها وفارگها -- بكسر خاطر عيشاها -- ولوعه وونين
بويه اوصيـچ گلي يالحنيــه
احنه للموت غصبن سافرينه
ادري جيته مستحيله
عافني وانــه عليلــه
لاترحون لاترحون
✿✿✿✿✿《 3 》✿✿✿✿✿
چن بلال وفوگه صخره -- مثل صحره بلايه مطره -- حالتي تصير
حزن يعقوب اعله ابنه -- يوسف والام سجنه -- والحزن بير
دمعتي تعمي النواظر -- صعب حالي من يسافر -- منبع الخير
الوكت بعدك عذباني -- رجع هم نفسه زماني -- ماكو تغيير
يمر الغروب والدمع يتجاره
والفرح شال وانه بنتظــاره
والدي امثالــه قليلــه
عافني وانــه عليلــه
لاترحون لاترحون
✿✿✿✿✿《 4 》✿✿✿✿✿
صعب عبدالله اعوفه -- تردلي روحي من اشوفه -- وحان الوداع
المهد گالولي خالي -- عافني مشدوه بالي -- والامل ضاع
اذكر مناغاه يمي -- ريت دمي ابدال دمي -- يجري عالگاع
صحت عبدالله اريده -- بسهم لاينحز وريده -- وموتته بساع
ريت مذبوح نحري ويه نحره
عمري شيفيد وهوه اباگ عمره
والعطش فتت دليله
عافني وانــه عليلــه
لاترحون لاترحون
✿✿✿✿✿《 5 》✿✿✿✿✿
ياهلي عفتوني بالهم -- والشمل هيهات يلتم -- اتهدم الساس
الگمر ناديت وينه -- سهم ليش يطفب عينه -- عمي عباس
والدي الحسين اذكره -- دوم يحچي بگطع نحره -- وگطعت الراس
بكربله ينذبح الاكبر -- القاسم يحزوله منحر -- وضاع الاحساس
كربله هاي مرت بالفواجع
انه ظليت بحزاني انازع
فارگت خـل وخليلــه
عافني وانــه عليلــه
لاترحون لاترحون


✏خادم العتره
الَشُاعٌر الَحًسِيِنِيِ فُرحًانِ الَبًزٍوٌني

https://t.me/ahmed_alziwar