ستا سترګو ته مي لپو کي رانجه راوړي دي
ما ګــله په بټــوه کي ســــتا باڼه راوړي دي

ډاډه دي يـــم پر نوم زه اي حــسينه منوره
روضي ته ما د اوښـــکو ميلمانه راوړي دي

عجیبه ده يو قبر باندی داسي وه ليکــــلي
زه هم وم مسلمان خو ما نن څه راوړي دي

يخ ژمي دی او واوري راوريــږي دزړه سره
له ځان ســـره مي ګله ښه ساړه راوړي دي

تکه توره شپه او ستا تصویر ته ګورم زه هم
بل څنګ کي مي يادونه بيا زاړه راوړي دي

غزل مــي دخپل زړه په وينو وليکه شاعره
کوچی زړګيه مـــــا لانده ليــــمه راوړي دي

خوږو ملګرو دازما نوی چينل دی دلته به تاسو ته نوي اشعار نشر کيږي

ستاسو ورور کوچی زړګی 🍂

زه هم لکه دستړي فلسطين په شانتي وران يم
تـــــــه هــم لکه عرب زما هيڅ نه کوي پوښتنه

چـــي کــله تا راوکتــــل ډيــر لـــري ولويــــدمه
سم دم دي پرما وکړله د ډرون په شان چاودنـه

زه هم لکه ودان افغانـــــستان غوندي زړګکــــه
جانان مي کــړي ورو ورو زما د زخم درمـــــلنه

درانه يو پښـــتانه يو يو مو قــوم يــو ملت ده
نور کاش په اتفاق شـــو ورکه‌ کړو د نفرت ونه

چي کله زه در ياد شومه موبايل ته دي ورشه
کوه پر خپل واټساب ماته مسيجي کله کلــــه

کوچی زړګیه دا درسره قــول کوم ګــــــــوره
ګنډم به دي هر زخم زه د زلفو په تار ګــــــــله

څومره درانـــــه درانه غـــمونه په زړګي مـاتوي
څوک انځورونه سوځوي او څوک بنګړي ماتوي

دورځي کار دشپي بيا ستا خـــواږه يادونه ياره
کله چي راشي بيا مي ټـــــوله زندګـــي ماتوي

ستا دتلو بعد ياره يــوه کيسه هم خوند نه کوي
تـه بيــرتــه راشــه مــا غمــونــه ليـــوني ماتوي

ته مانه هير نه يي خو زه دي اوس هير کړی يمه
ستا ناځــــواني زما دګل پشــــان ځواني ماتوي

زه چي کوشش وکـړم چي تا له خــياله وباسمه
خو مخ ته راشي بيا مــي ټوله بي وسي ماتوي

خدايه دا يـــو جانان لرمه چي کوچی زړګی دی
که څه پرې وسو بيا مي سم دم جدايي ماتوي

اي د خوږو سترګو جانانه
په ما يي ګرانه درپسي سلګی وهمه

يو څوک وه ستا کوڅه کي تر ســهاره ګرځيده
په زړه يي وه لاس ايـــښی په کــراره ګرځيده

يوه چيغــه به يي ووته له خولي دزړګي ســره
ګریوان بـــه يي وه څــــــيري له ازاره ګرځيده

خو کله به يي زړه ته لاس نزدي کړ چي داولي
اکثــــــــره به په کلي کــــــي بيـــماره ګرځيده

زه دي د انتظـــار په مـــوده دومـــره اوخوړمه
مــــين به لانـــدې ســــيوري د چــناره ګرځيده

له تـــــاسو ټولو غـواړمه چي وکړم يو پوښتنه
کوچی زړګی رښـــتيا خلــــکو بي ياره ګرځيده

ملګرو چينل درسره نشر کړي مننه 😘

ستاسو ورور کوچی زړګی

خپـــه ومه زړګيه سړی يــــار ته ګيــــــله وګړي
خوږیږي به زړګی خو څوک پرهار ته ګيله وکړي

منمه ډيرو وران کړلي ازار دي ورپســـي شـــــه
زخمي افغانســــتانه څـوک بمبار ته ګيلــه وکړي

زيړی ماذديګريه ته يو څــــــوک رايادوي بيــــا
سلګی مي دشهــيد جانان مـــزار ته ګيله وکړي

چي ما ســــره دستړي ژوند پرلاره ګرځيدلــــو
شهــيد سي پر سجده پرورديګار ته ګيله وکړې

که ته مي نه خپليږي رب دي ما درڅخه واخلي
سړی له خپل قسمـته خپل بادار ته ګيـله وکـړي

مجبوره شي؛؛کوچی زړګيه؛؛ځيني ځيني خــلک
له کلي ډک زړه راوړي بيا نو ښار ته ګيله وکړي

کوچـــــــــــــــــــــــــــــی زړګـــــــــــــــــــــــی

اي دربــــاب په منځ کي تاره
دآشنا خيـــاله زړه مي کړي نري دردونه

يوه ټپه🍁🍂

رانجه تسبي عطر دي ښي نښي دي
کوچی زړګی يـــي ښه له کار ايستلـــی

يو بيت🍂❤️‍🩹

ځوړند ستا تصـــوير په ديواله پټ ورته ګــورمه
ژاړمـــه قســــــم ورتــه له زړه پټ ورته ګــورمه

ما ته يي راکړی دي ستا مړاوو مړاوو سترګو تـه
جـيب کي مي راوړي دي رانجه پټ ورته ګورمه

غاړه کي يي واچــوي او ستا پر لور رامڼډه کړي
شـــرنګ کــوي ځنځير دبلتــانه پټ ورته ګورمه

ترنګ د ربابه او ســــتړی غږ دزړګي ســــره بس
دا مي ده دستړي ژوند قــيصه پټ ورته ګورمه

بس دکلي منځ د کليوالو شـــور ماشور او شپه
ومي کتــــه هـــره يوه کوڅــه پټ ورته ګورمه

خدايه پاکه خير کړي کوچی زړګی خفه ده بيا
ايښی يي دی سر په ځنګـــانه پټ ورته ګورمه

کله کله يو شعر دزړه له درده

هيله کوم لايک کاروی تر څو داسي خوندور اشعار نشر کړم

شهــــــــــيد‌ يحي سنـــــ ارـــــــو رحمه اللّٰه

موږه کوچـــيان خلک يو مـــوږه به رمي څروو
ميده ميده باران دغره پر منـځ کي اوزي څروو

خير پخلا شـــه ليوني خويــونه مه کوه جــــار
دوه ورځي ژوند کي دي غمونه پر سيني څروو

نښه کوم دي هر يو يـاد دزړګي ســره قربـــــان
که موقــــع راغله بيا پــــري سمي ارادي څروو

چي درته ووايي درځمه انتــــظار مــــي وکړه
کله دوکه شو موږ او کلــه بيا وعـــــدي څروو

راځه پريږده يي وخ کوچی زړګيه څه يي کوي
دشپــــيلی غږ د غره لمـــــن کي زمزمي څروو