នគរបាលខេត្តឧត្ដរមានជ័យ ចុះជួយសម្រួលចរាចរណ៍ជាប្រចាំ ដល់សិស្សតាមសាលារៀននៅតាមមូលដ្ឋាន
======
ឧត្តរមានជ័យ ៖ ថ្ងៃសៅរ៍ ១៤កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣០ ខែឧសភា ឆ្នាំ២០២៦ ដោយអនុវត្តតាមអនុសាសន៍ដឹកនាំដ៏ខ្ពង់ខ្ពស់របស់ ឯកឧត្តម នាយ ឧត្តមសេនីយ៍ ស ថេត អគ្គស្នងការនគរបាល ជាតិ និងការបទបញ្ជាផ្ទាល់ពី លោកឧត្ដមសេនីយ៍ទោ ខូវ លី ស្នងការ នៃស្នងការដ្ឋានខេត្ដឧត្ដរមានជ័យ កម្លាំងជំនាញការិយាល័យចរាចរណ៍ កម្លាំងជំនាញតាមបណ្ដាអធិការដ្ឋាននគរបាលក្រុង/ស្រុកទាំង៥ សហការណ៍ជាមួយកម្លាំងប៉ុស្ដិ៍នគរបាលរដ្ឋបាល បានបន្តចុះសម្រួលចរាចរណ៍ជូនសិស្សានុសិស្សជាប្រចាំ នៅតាមសាលារៀន ក្នុងភូមិសាស្រ្តខេត្តឧត្ដរមានជ័យ៕

សូមអរគុណដល់បង«PHALLY PEN» សម្រាប់ការចូលរួមថវិការ ដើម្បីទិញទឹកសុទ្ធ តង់ខៀវ កាហ្វេ ជូនកងកម្លាំងទល់មុខទិស«អូរខ្លាឃ្មុំ.ភ្នំបាក់» (អូរស្មាច់) ខេត្តឧត្តរមានជ័យ៕🙏❤️🇰🇭👮‍♂️

6:48យប់ នៅទិសឧត្តរ ដ្រូនស៊ើបការណ៍សៀម ចាប់ផ្តើមហោះមើលភូមិសាស្ត្រ!
30-05-2026

លោកអភិបាលក្រុង ផ្តួចផ្តើមយុទ្ធនាការបិទចំណាំងផ្លាតលើបង្គោលភ្លើងសូឡាតាមបណ្តោយផ្លូវជាតិលេខ៦៨ ដើម្បីលើកកម្ពស់សុវត្ថិភាពចរាចរណ៍នាពេលរាត្រី

​(ក្រុងសំរោង)៖ សុវត្ថិភាពក្នុងការធ្វើដំណើររបស់បងប្អូនប្រជាពលរដ្ឋ ជាពិសេសការបើកបរនៅពេលយប់ គឺជាការយកចិត្តទុកដាក់យ៉ាងសំខាន់របស់រដ្ឋបាលក្រុងសំរោង ដើម្បីកាត់បន្ថយអត្រាគ្រោះថ្នាក់ចរាចរណ៍ឱ្យនៅកម្រិតទាបបំផុត នាថ្ងៃសៅរ៍ ១៤កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣០ ខែឧសភា ឆ្នាំ២០២៦ នេះ៖ ក្រោមការគិតគូរ និងផ្តួចផ្តើមគំនិតផ្ទាល់ពី លោក ផុន ចាន់និល អភិបាល នៃគណៈអភិបាលក្រុងសំរោង បានចាត់វិធានការចុះអនុវត្តការងារ «បិទស្ទីកគ័រចំណាំងផ្លាតតាមបង្គោលភ្លើងបំភ្លឺផ្លូវ (សូឡា)»។

​ការចុះបិទចំណាំងផ្លាតនេះ ត្រូវបានអនុវត្តចាប់ពីចំណុចព្រំប្រទល់ក្រុងសំរោង ជាប់នឹងស្រុកចុងកាល់ ដោយធ្វើការបិទបន្តបន្ទាប់តាមបណ្តោយផ្លូវជាតិលេខ៦៨ ដែលនឹងផ្តល់សញ្ញាត្រួសត្រាយផ្លូវពេលយប់ ជះពន្លឺយ៉ាងច្បាស់នៅពេលត្រូវភ្លើងយានយន្ត ដែលជួយឱ្យអ្នកបើកបរអាចមើលឃើញគន្លងផ្លូវ និងទីតាំងបង្គោលភ្លើងបានពីចម្ងាយ ទោះបីជានៅតំបន់ដែលភ្លើងសូឡាខ្សោយពន្លឺ ឬងងឹតក៏ដោយ។

យន្តការនេះនឹងចូលរួមចំណែកកាត់បន្ថយគ្រោះថ្នាក់ចរាចរណ៍ជួយទប់ស្កាត់ហានិភ័យនៃការបើកបររេចង្កូតបុកបង្គោលភ្លើង ឬធ្លាក់ចេញពីគែមផ្លូវ ដែលធានាបាននូវសុវត្ថិភាពអាយុជីវិត និងទ្រព្យសម្បត្តិរបស់អ្នកធ្វើដំណើរ។ លើសពីនេះ ក៏ជាការលើកកម្ពស់សោភ័ណភាពដងផ្លូវ ធ្វើឱ្យដងផ្លូវជាតិលេខ៦៨ ក្នុងភូមិសាស្ត្រក្រុងសំរោង មានរបៀបរៀបរយ និងមានសោភ័ណភាពទាក់ទាញទាំងពេលថ្ងៃ និងពេលយប់។

​រដ្ឋបាលក្រុងសំរោង សូមអំពាវនាវដល់បងប្អូនប្រជាពលរដ្ឋ និងអ្នកប្រើប្រាស់ផ្លូវទាំងអស់ សូមចូលរួមថែរក្សាសមិទ្ធផលបង្គោលសូឡាទាំងនេះ និងសូមបើកបរដោយការប្រុងប្រយ័ត្ន គោរពច្បាប់ចរាចរណ៍ យោគយល់អធ្យាស្រ័យគ្នា ដើម្បីសុវត្ថិភាពរាល់ពេលធ្វើដំណើរ៕

នេះជាគណនីក្លែងក្លាយក្លែងបន្លំធ្វើជាសមាសភាពកងទ័ព!
ដែលបង្ហោះផ្សាយព័ត៌មានដើម្បីរកប្រយោជន៍ផ្ទាល់ខ្លួនតាមរយៈការប្រើឈ្មោះរបស់យោធា។

ដូច្នេះសូមបងប្អូនប្រជាពលរដ្ឋកុំយល់ច្រឡំនិងកុំជឿតាមអ្វីដែលជាការបង្ហោះផ្សាយទាំងអស់នេះ។