ឯកឧត្តម មាន ចាន់យ៉ាដា អភិបាលនៃគណ:អភិបាលខេត្តឧត្តរមានជ័យ បានដឹកនាំក្រុមការងារចុះត្រួតពិនិត្យនៃការរៀបចំព្រឹត្តិការណ៍សង្ក្រាន្តឆ្នាំថ្មី ដែលនៅទីតាំងជំរំភៀសសឹក វត្តគោកមន ខេត្តឧត្តរមានជ័យ ដើម្បីធានាថាការរៀបចំប្រព្រឹត្តទៅដោយរលូន សុវត្ថិភាព និងមានសោភ័ណភាព។

ក្នុងឱកាសនោះ ឯកឧត្តម បានពិនិត្យស្ថានភាពទូទៅនៃទីតាំងរៀបចំ ការតុបតែងបរិវេណ ការរៀបចំកម្មវិធីកម្សាន្ត និងសន្តិសុខសាធារណៈ ដោយបានណែនាំដល់ក្រុមការងារឱ្យបន្តពង្រឹងការរៀបចំឱ្យបានល្អប្រសើរឡើងថែមទៀត ដើម្បីទទួលស្វាគមន៍ប្រជាពលរដ្ឋ និងភ្ញៀវទេសចរណ៍ដែលនឹងចូលរួមក្នុងពិធីសង្ក្រាន្តខាងមុខ។

ជាមួយគ្នានេះផងដែរ ឯកឧត្តម មាន ចាន់យ៉ាដា ក៏បានឆ្លៀតពេលសួរសុខទុក្ខបងប្អូនភៀសសឹក ដែលកំពុងស្នាក់នៅក្នុងជំរំ ដោយបានលើកទឹកចិត្ត និងផ្តល់ការយកចិត្តទុកដាក់ចំពោះជីវភាពរស់នៅប្រចាំថ្ងៃ។ ការជួបសំណេះសំណាលនេះ បានបង្ហាញពីការយកចិត្តទុកដាក់របស់អាជ្ញាធរ ក្នុងការលើកកម្ពស់សុខុមាលភាព និងសាមគ្គីភាពសង្គម។

សូមបញ្ជាក់ថា ព្រឹត្តិការណ៍សង្ក្រាន្តនៅវត្តគោកមន គ្រោងនឹងប្រព្រឹត្តទៅនាថ្ងៃទី០១ ខែមេសា ឆ្នាំ២០២៦ ខាងមុខ ដោយរំពឹងថានឹងទាក់ទាញការចូលរួមយ៉ាងច្រើនពីប្រជាពលរដ្ឋក្នុងមូលដ្ឋាន និងតំបន់ជិតខាង។

អត្ថបទរូបភាពដោយ៖ សែង សុី

សេចក្តីជូនដំណឹងស្តីពី ការបម្រើសេវាដឹកជញ្ជូនសាធារណៈរថយន្តក្រុង ដោយមិនបង់ប្រាក់ រយៈពេល ០៦ថ្ងៃ ចាប់ពីថ្ងៃទី១២ ដល់ ថ្ងៃទី១៧ ខែមេសា ឆ្នាំ២០២៦ នៅក្នុងឱកាសពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំមមី អដ្ឋស័ក ពុទ្ធសករាជ ២៥៧០៕

«រដ្ឋបាលខេត្តឧត្តរមានជ័យ»