كيف احزن وانت ياالله ربي❤️

انتبه !!
انهارده الجمعة و ليله هايكون ليلة ٢٧ !!
يعني نهاره اجابة دعوات وليله من الليالي اللي كثر عليها القول انها احتمالية ان تكون ليلة القدر كبيرة !!

بكرة يوم مهم جدا كله !!!
بكره فرص ساعات وساعات من اجابة الدعاء وتفريج الهم !!
فشد حيلك ليلة الجمعه ويومه وليلة السبت دي فرصه عظيمه جدا ليك !!
لو الايام اللي فاتت كنت بتعمل طاعه معينه زود فيها الوقت دا !
لو كنت بتذكر اذكر اكتر انهارده وبكره وليل بكره لو بتصلي ع النبي صلي اكتر لو بتتصدق تصدق اكتر لو بتقيم قيم اكتر !!
"مع اتفاقنا اننا هانحافظ على طاعاتنا كل ليالي العشر ومش هانشن" !!

طب هانركز على ايه ؟!
اكتر ٣ وصايا بالله عليك ما تسيبهم ابدا مهما اتشغلت !!

1️⃣ الصلاة على النبي وانا قولتلك قبل كدا ان لو هاقولك سيب كل الطاعات وامسك ف الصلاة على النبي بس فأنا صدقتك القول ونصحتك اعظم نصيحه اولا لان كل العمل يقبل ويرد الا الصلاة على النبي تقبل ويقبل بشفاعاتها دعائك محبة من الله للنبي ولانه قاله انا سنرضيك في امتك
ثانيا لانك بالصلاة على النبي الله بيصلي عليك ودي كفيلة تغير حياتك لان ربنا قال هو الذي يصلي عليك ليه ؟! ليخرجكم من الظلمات الى النور ! كل ظلمه ف حياتك زي ظلمات سيدنا يونس كدا يخرجك منها كل هم ومرض وضعف ومشكله وسحر وحسد يخرجك منهم !!
يكفي ان اقولك ان النبي قال "ورأيت رجلًا من أمتي يزحف على الصراط، يحبو أحيانًا ويتعلق أحيانًا، فجاءته صلاته عليَّ فأقامته على قدميه وأنقذته" الصلاة على النبي اللي انقذته ف وقت مصيري ومحت كل ذنوبه وانقذته .. الصلاة على النبي تقدر تقيم حياتك وتنقذك !!

ال ٥٠٠ صلاة على النبي بتاخد ٥٠ دقيقة وانا مش بقولك لازم ٥٠٠ او بحدد ورد لحد انا بقولك خليها اقل حاجه تعملها !! وهانصحك بصيغه امسك فيها بايديك وسنانك شامله الصلاة الابراهيمية والقرطبيه وشوفت منها ف نفسي واخواتي والمقربين العجب من رؤي واحداث ومفيهاش اي شبهة مخالفه شرعيه لانها بترجع فضلها لصلاة الله عليك بسبب صلاتك على نبيه مش رابطه الفضل ف اجابة الدعاء بشخص النبي مع توقيرنا لمقامه العالي ولكن بشفاعة الصلاة عليه لصلاة الله عليك !!

الصيغه ..
"اللهم صل على محمد وعلى ال محمد كما صليت على ابراهيم وعلى ال ابراهيم انك حميد مجيد صلاة تصلي بها عليّ فتشفع لي عندك فتنفك بها العقد وتنفرج بها الكرب وتقضى بها الحوائج ويستسقى بها الغمام وتوسع بها الارزاق وتنال بها الرغائب وحسن الخواتيم عدد ما ذكره الذاكرون وعدد ما وسعه علمك"

احفظ البوست عندك وابعته للي يهمك وافتكر الصيغه دي دايما وهاتشوف العجب والله !! ومش لازم تقولها ٥٠٠ .. نوع قولها مثلا ٣٠٠ او ١٠٠ حتى وكمل بالصيغ البسيطه

2️⃣ الصدقه واللي النبي قال" «وآمُرُكم بالصدقة، فإن مثل ذلك كمثل رجل أسره العدوُّ، فأوثقوا يده إلى عنقه، و قدّموه ليضربوا عنقه، فقال: أنا أفديه منكم بالقليل والكثير، ففدى نفسه منهم …»

يقول ابن القيم رحمه الله في تعليقه على الحديث: هذا أيضًا من الكلام الذي برهانه وجوده، و دليله وقوعه، فإن للصدقة تأثيرًا عجيبًا في دفع أنواع البلاء، ولو كانت من فاجر أو ظالم، بل من كافر، فإن الله تعالى يدفع بها عنه أنواعا من البلاء، وهذا أمر معلوم عند الناس خاصتهم و عامتهم، وأهل الأرض كلهم مقرّون به لأنهم جرّبوه"

وافضل صدقه حاليا تطعم الطعام بإفطار صائم اجرها مضاعف وتاخد اجر صوم صائم لا ترد دعوتك

او فطر انت صائم بنفسك المهم ما تسيبش الصدقه دي ف اليالي دي ابدا وفك نفسك واعتقها من ابتلائات الدنيا وعذاب الاخره !!

3️⃣ تدعي وانت محسن الظن بالله تماما وعندك يقين انه قادر بصدق يقضي حاجتك النبي قال "ادعو الله وانتم موقنون في الاجابه " !! لعلمه ان مفتاح اجابة الدعاء اليقين فاكرين قصة الطبيب ؟! وخليك حريص جدا تدعي بالدعاء دا دا دعاء سيدنا عمر وقادر يخير اقدارك في الليله دي واحفظه
"اللَّهُمَّ إِنْ كُنْتَ كَتَبْتَنِي فِي أَهْلِ السَّعَادَةِ، فَأَثْبِتْنِي فِيهَا. وَإِنْ كُنْتَ كَتَبْتَ عَلَيَّ الذَّنْبَ وَالشِّقْوَةَ ، فَامْحُنِي وَأَثْبِتْنِي فِي أَهْلِ السَّعَادَةِ ، فَإِنَّكَ تَمْحُو مَا تَشَاءُ وَتُثْبِتُ ، وَعِنْدَكَ أُمُّ الْكِتَابِ "

421 viewsedited 14:08