قريب أكتر مما بتتخيل، وأقرب الك من نفسك، ومن أمك، ومن حبل الوريد نفسه اللي برقبتك 💖🙌 الله قريب وبسمع دبت النملة السمرا على الصخرة الصما في الليلة الظلما، وبسمع دقات قلبك والخوف والهم اللي جواتك وما حد داري عنه غيره. "أجيب دعوة الداعي إذا دعاني"؛ أي حد فينا، مهما كان حاله، برفع إيده وبقول يا رب، الله بسمعه وبستجيب دعاءه فورا، حطوا تحت "فورا" مية خط، الإجابة بتنكتب وبتحصل باللحظة، بس وقت النزول ووقت "كن فيكون" هاد علم غيب عند رب العالمين 🤲🕊️
​خلونا نضرب أمثلة من حياتنا البسيطة عشان نقرب الصورة، ولله المثل الأعلى طبعاً 🌟 لما الواحد فينا يمرض مرض شديد ويتعب، شو بيعمل؟ بيروح يدور على أشطر دكتور، وبس يوصل عنده وببلش الدكتور يفحصه ويكتبله الدوا، المريض بيسلم نفسه بالكامل، وبحس براحة فظيعة بس لأنه حط حاله بين إيدين هاد الدكتور الشاطر والموثوق فيه 🩺💊، بياخذ الدوا وهو متطمن ومصدق إنه هاد هو طريق الشفاء، وما بفكر أبداً إنه الدكتور ممكن يغلط. ولما يكون عندك قضية كبيرة ومهمة، بتروح توكل محامي شاطر وله اسمه، وبس توكله وبدفعله الأتعاب، بتحس إنه حمل كبير انزاح عن كتافك، وبتبطل تفكر بالقضية لأنك واثق إنه المحامي رح يعمل كل جهده ويستخدم كل خبرته عشان يطلعك منها، وأنت متطمن ومصدق قدرته 💼⚖️. ولما يكون عندك امتحان صعب ومصيري، وبتروح تدرس عند أستاذ شاطر ومشهور بأسلوبه، بتدرس المادة وأنت متطمن ومصدق إنه هاد الأستاذ رح يوصلك للنجاح والفهم الكامل، وما بيخطر ببالك إنه ممكن يقصر معك 📚🎓. طيب، إذا كنا بنثق بالبشر وبقدراتهم المحدودة والضعيفة وبنسلمهم أمورنا وحياتنا بهاد الشكل، فكيف لازم يكون يقيننا وتوكلنا وتسليمنا لرب العالمين؟ لرب القلوب والعقول والأكوان؟ للي خلق الدكتور والمحامي والأستاذ وكل الأسباب؟ للي قدرته مطلقة ورحمته وسعت كل شيء؟ 🥺💖
​تعالوا نكمل الآية "فليستجيبوا لي وليؤمنوا بي". 🥺 هون السر يا غوالي، الله بحكيلنا أنا قريب وأنا بستجيب، بس إنتوا هل استجبتوا الي؟ هل سمعتوا كلامي وطبقتوا أوامري وبعدتوا عن اللي نهيتكم عنه؟ هل استجبتوا بالصلاة وببر الوالدين وبالعبادات كلها؟ 🕌💖 لازم ناخذ الدين كامل مش بس اللي بعجبنا ونترك الباقي، الدين مش سلة تسوق بناخذ منها بس اللي على ذوقنا. "وليؤمنوا بي" هون بيجي دور اليقين الأكبر، إيمان تام وتصديق بقلب قوي، مش بس باللسان، بالله وبأسمائه وبصفاته وبكلامه المتين✨.
​اليقين هو إنك تعيش حياتك كلياتها، بكل تفاصيلها، مبنية على أسماء الله وصفاته وعيشها كواقع 🌟 لما تظلم وتحس بالقهر، شغل يقينك باسم الله السميع العليم العدل المنتقم وبترتاح لأنه الله رح ياخذ حقك من الظالم وبنشوفه بعيوننا 🔥 لما تمرض، شغل يقينك باسم الله الشافي المعافي وتوكل عليه بالدوا والدعاء 🩹 لما تحتاج شيء ويضيق فيك الحال، شغل يقينك باسم الله الوهاب المعطي الرزاق وبسعى بطلب الرزق وأنت مطمن 💰 اليقين هو إنك تصدق كلام الله لما قال "ادعوني استجب لكم" خلاص، قوله حق ووعده حق وما في ذرة شك 💯 اليقين هو إنك تؤمن إنه أمرك ما بيعجز الله أبداً، مهما كبر أو صغر، ومهما كانت الأسباب والظروف ضده، هو القادر والقدير والمقتدر اللي بيقول للشيء كن فيكون 💫🏔️
​اليقين هو إنك تغمض عيونك وتسكر أذانك عن كلام الناس المحبط وعن الظروف الصعبة والأسوار العالية، وترفع راسك للسما وتحكي مع رب البشر ورب الأسباب كلياتها 🌌🙌 اليقين هو إنك ترضى بقضاء الله وقدره خيره وشره لأنه ركن أساسي من أركان الإيمان ❤️ وتعرف إنه اللي أصابك ما كان ليخطئك وما في مخلوق على وجه الأرض مشيئته بتتعدى مشيئة الله🍃 عيشوا اليقين يا بنات، عيشوه شعور وحياة وقوة واقرؤوا عن الله واعرفوا أسمائه وصفاته وشوفوا كيف حبكم لربنا رح يتغير ويصير أعمق وكيف حياتكم كلياتها رح تتغير للأحسن والأجمل 💖🌻.
محبتكم حلا صبيحات 💞💞💗🌷🌼

‏"أستغفر الله"، ليست بالهيّنة!
‏بل هي كلمة عظيمة تنهد معها ذنوب العمر كله.
‏عندما تشعر بالضيق والألم أستغفر .. إستغفارك المتواصل سيبدل حزنك بشعور مختلف تمامًا ❤️.

اللهم أسعد مشتركين قناتي اء: سعادةً تملأ قلوبهم، وحقق لهم ما يتمنّون، وبارك لهم في أعمارهم وأرزاقهم، واجعل لهم من كل همٍّ فرجًا ومن كل ضيقٍ مخرجًا.🌿

*اجعل لك ورد يومي من القران الكريم بحيث تختم اسبوعيا او شهريا والله ان احنا قادرين زي مااحنا قادرين ندرس ونشتغل ونخرج ونذاكر قادرين نحدد لنا. وقت نقراء فيه قران* ❤️


قال الشنقيطي :
ما خذلَ القُرآن أهله قطّ لا في الدُّنيا ولا في الآخرة ، حتى إذا فارق العبد الدُّنيا ، ولُفّ في كفنه ، وأُنزل إلى لحدِه ، وأُوسِد في قبره ، أتى له القرآن شافعًا 🌱