ملاحظة بـنات: صحنكم مال الاكل ترسواا ترس خضروات وبلشوا بلخضروات اهمشيء وبعدين بلبروتين وبعدين اكلوا بروتين وكارب

هـوَ ؏ هـذا الجو المفروض هـوت كوفي بس اني عكس الناس الهوت ينعسني عكس الأيس 🤷‍♀️

اللهمّ اجعل جُل سعيي في الحياة الدُنيا أن أغدو عبداً صالحاً مُصلحاً طيّب الأثر ؛ اللهم رضاك والجنّة وحسن الختام يا رب… جمُعة مُـباركة 💜💕

أخر ساعات م̷ـــِْن يـوم الجُعمة لاتـبخلون بدُعاء بهاي اليلة المُبـاركة لعل الله يستجيب ✨💜

بداية شهر جديد:
اخر شهر من سنه 𝟐𝟎𝟐𝟒
اللهم أجعلة شهراً مليئ انجازات اللهم بدل فيه أحوالنا للأفضل 🦋💜

هذا الشـهر أخـر شهـر بـ هاي السنة خلووا مليء بلانجـازات الي تغير حياتك جيبوا ورقة وقلـم وشوفوا شنو الي ناقصكم وعاجبكم سووا بس دائـماً تتكاسلون ؏ـنة مثلا:

الي ممصلي يبلش صلاة
الي عندة تركمُات يكملهم
الي حاب يغير مـن شكلة
الي حاب يغير ديكور
الي حاب يترك عادة سيئة
الي حاب يتقرب من الله أكـثر
الي حاب يبلش بمشروع ومتراجع يبلش

خلواا هذا الشهـر هوَ بداية لكُلشيء حلوو بحياتك
والتغيـر وسعادة يجي من خطوة بسيطة
ونهاية هذا الشهر كافئوا نفسكم بشيء خاص الكم مثلاً:

اشتروا شيء عاجبكم
سواا اكلة تحبوها
سواا عناية سكين كير
اطلعوا طلعة بسيطة
وبسس خلوا هذا الشهر الكم وبسسس 🔮🪄💜

تجَـون نَـشرب چاي ونسمـع باسـم الكربلائي
ونَـخلي الدنـيا ؏ الله وأهـل البيـت؟

💡لويش نباوع ؏ نجاحات العالم لويش ما ننجح احنه هم لويش نبقى نراقب ونباوع ؏ الناس كل يوم يصعد ويحقق هدف من اهدافة واحنه باقين بنفس المكان لويش ما هم نشتغل ع نفسنا ويجي يوم اشخاص يباوعون علينا ونكون مثلا قدوة الهم او نكون ضمن افكارهم بتحقيق اهدافهم ، لويش ما نسعد نفسنا بنفسنا ونتعب عليها ؟ .. شعدنا بالدنيا غير نفسنا ؟ الله خلقنا للعبادة ونحقق احلامنا ونشتغل بهاي الدنيا ونفرح بيها ونختبر بيها ونحقق أهداف ونجمع رصيد للأخره هي هاي الدنيا اللي مصعبينها بسبب الضغط والتوتر والخوف، فـ أرحموا نفسكم واشتغلوا عليها 💜..

📣شغلات لا تصدكها بالسادس ...


1- درجاتك بالشهري مقياس لمستواك.
2- شعورك أنك ناسيها للمادة.
3- صديقتج تكول ماقريت مريضة.
4- الوزاري صعب.
5- انك ماتلحك.
6- السادس حظ.
7- مضروب عين.
8- الامتحانات بشهر الـ 5.
9- لازم تراجع مرتين او ٣ يلا تجاوب.
10- النجاح هو انك تجيب طبية.

خوش ؟