أدري بيك تحَبني
ما داعي الكلام
وأدري بدمُوعك صدُك تبچيلي
ومِن تجيلي لا تكلمنيّ بغَرام
وعفيه عوف
الشوگ لا تحچيلي
اني ليلي بلايه واهِس ما أنام
شلون لو صرت أنتَ
واهس ليلي ..

شايف فَرح فوز العراق
انا هيج افرح اذا اشوفك

بعَيني
كُل الناس غُربة
وانتِ مِن ضلچ أعرفچ
ياحَبيبي كُلشي
بالدُنيا فراغ بلايه چفج .

أعلمك عَ رمي وإنطيكّ مِني سلاح
وأول ماتجرب بيه ترميني؟
اجيتك شارد من الوجع مُرني هَواي
مارايد تهِد بس ردت تحميني
تسلمَني بأيديك لغُرفة التعذيب ؟
وتوصيهُم عليَ وين اليأذيني .

ثاري الگلب چذَاب بَس شافك أشتاگ .

أمِس ما رِحت عَن بالي
أمِس وَي كُلشي گِمت ألگاك
بضِحگتي ، بدَمعي ، بخياليّ
أمِس لو جايّني چَتال
أصيّحَن.    " هَلا بچَتالي ".

گُبر حُبي وملى گلبي
وصَرت دِنياي گُلها انتَ
يشَمعة ونَورت
دَربي
بهَوّاك كل حلو عَرفته .

يگولونَ التحِبة تضُمه بالعين
بيا عينَ أضمچ وانتِ عيني ؟

انا الخَاسر وطن
عادي أخسر انسان
واعيشَن وحَدي روحِي وعلمتها
انا نغشِيت بيك عيونَك كبار
بَس عيوبك أكبر مَاشفتها .

العشَگ مِثل الورد يرادله مَداراه
اذا مَالك خلگ لا تزرع وتمَشِي !

وتچي نِشرب جاي مُر
وصُوتَك يحلي أستكاني ؟
وخاف ماگُلك أحبك عيني
تحچيها بمُكاني .

وليشَ أرجف عليك
وينخطف لونيَ؟
وحتى الناس گامت
تعرف بهالحال ،
ما اعرف شگلهمَ
من يسألوني
يطبون بصفنتيَ وعنكَ
يدورون يلگوني افكر
بيك يلكوني "