دیسان بۆکانی گرت ماتەم
دیسان تووشی ئەو نەهاتەم
دیسان مەلێ گلا، پێکرا
بەرگی غەم لە بەر شار کرا
دیسان سەغیر کەوت تارێ
دیسان تازێبار بوو شارێ
دیسان لە مەیدانی هونەر
شاسوارێ باڵی بوون پەڕپەڕ
غەم،ژان،دەرد،پەژارە وئازار
دایانپۆشی دیمەنی شار
بگری بۆکان، بۆکان بگری
حەقە بەرۆکان دابدڕی
ناڵەشکێنە ئاگات لێیە
میوانی داوێنت کێیە
قالەمەڕە و زیرەک لاتن
بە سەر فەرازێوە هاتن
دیسان هونەرمەندێک گەورە
پاڵەوانێکی ئەم دەورە
بە بای نگریسی دژە ژین
ساردەوە بوو لەشی بێ تین
مەزراب و نۆتی پڕ ئەوین
بێ ناز کەوتوو ون سەر نەوین
کێ تار بلاوێنێتەوە
کێ بەرد بتاوێنێتەوە
کێ لە هیجری بەهار بڵێ؟
کێ لە فیراقی یار بڵێ؟
کێ باس کا لە هەواری چۆڵ؟
لە کێو لە دەشت،لە لاپێ و دۆڵ
کێ کۆڕی دڵداران خۆش کا؟
کێ شەڕابی ئەوین نۆش کا؟
ئەیوبی هونەرمەندم ڕۆ
مۆسیقارەکەی ڕەندم ڕۆ

حاتەم