نیهادو کەژوان باپیرین
دوو منداڵی خوێن شیرین
شۆرەت مەولاییە مەتین
فوتبالیستە بە یەقین
ڕۆزا و ڕۆهام مامەین
دوور بن لە گریان و شین
یەسنا کچێکی جوانە
گوڵی نێو گوڵستانە
هانییە جوان و بازدارە
غونچەی دەمەو بەهارە
سۆژین عاقڵ و ژیرە
جوانە بێ زێرو لیرە
ئەی هەموو خوێندەوار بن
چقڵی چاوی زۆردار بن
پڕ بار و پڕ سێبەر بن
خاوەن خامەو سەروەر بن.
18 ی موردادی 1404
سەراو شەوی شەممۆ
حاتەم سەراوی

ژیرو وریایە بە ڕاسی خانمی مەهیایە گوڵ
قەولی داوە هەر بخوێنێ تا بگاتە سایە گوڵ
چاوی کوێر بێ ئەوکەسەی وا خوار بڕوانێتە عەسەل
ئەی خودا ئاگاداریان بە تا دەگاتە پایە گوڵ
دایک و باوکانی بەڕێز با خوێندەوار بن ڕۆڵەکان
با بڵێن عالم بە عیلمە و جوانی بێ هاوتایە گوڵ
با کچی کورد خوێندەوار بن شان بە شانی لاوەکان
خۆ ئەگەر پاراو نەبێ قەت بۆنی خۆشی نایە گوڵ.
بۆکان
19ی موردادی 1404
ڕۆژی یەکشەممۆ
حاتەم سەراوی

ئەی کوردوستانی شیرینی سەراپا جوانی
داخی داخانم ژێر دەستی داگیر کەرانی

جەرگت زامارەو چوار مێخەت بە زۆر کێشراوە
تۆ قیبلەی ئەمن و یارانی هاودڵ و گیانی

خاکت پیرۆزە نیشتمان سوورمەی چاوانە
تۆ ئارام بە خشی دەروونی تۆ گیانی گیانی

تۆ ئەو خاکە لە مێژینەی لە تاڵان نایەی
تۆ خوێنی نێو دەمارمی مایەی ژیانی

کێوەکانت قیبلەی دین و ئائینن بۆ من
کەچی گوڕە پانی مەرگی گشت دوژمنانی

گۆڕ غەریبت زۆرن، ڕۆڵەی شێرت پەڕیوەن
ئاری تۆم قیبلەی ئائینی تۆم نیشتمانی

ئافرەتانت دایەی بەرزو ڕوو سووری مێژوون
تۆ قوببەی زێرینی فەخری کۆشکی جیهانی

حاتەم تا نەفەسی مابێ سەربازی ڕێتە
خۆیو شیعرو سامانیشی دەکا قوربانی.



22 ی گەلاوێژی 1404
سەراو. حاتەم سەراوی

کۆنە کتێب. 23 ی گەلاوێژی 1404
hatam
شۆڕە بی نیم، لە داری چاکی دەچم
بە تەنیامو وەک گەلی خۆم بە تەنیام
دەبمە شەمو دەسووتێم بۆ گەلی خۆم
ئەو تەنیاییە کۆتایی دێ دڵنیام


جا قەی چییە با من فیدای میللەت بم
لە ڕێی گەلا تووشی جەورو زیللەت بم
چوار مێخەم کەن بۆ ڕزگاری لەت لەت بم
تا ئازادی با پەڕیوەو پێ پەت بم


وای پێوتم ڕۆژێ کتێبێکی ژیر
تا یەک نەگرن هەر ئاوان دیل و یەخسیر
کۆت لە کۆڵ و لە پێتان دەبێ زنجیر
ئومێدوارم پەندم نەبێ بێ تەعسیر


گوتم بەڵێ زانای پڕ ئەزموونی جوان
کورد بێ وێنەن بۆ ئازایی لە جیهان
بەڵام ئەی داخ بۆ ناوخۆ گورگە مێشن
هەر کەلاکی تەڕ بۆ گورگە دەکێشن

کۆنە کتێب تا تۆم یارو هاودەنگی
بە دوور دەبم لە فێڵبازی و سەد ڕەنگی
نامشکێنن سەدساڵ غەم و دڵتەنگی
کڕنۆش بۆ تۆ چەن بێ دەعیە و بێدەنگی.

با همدلی و همبستگی سەراو را زندە و زیبا کنیم.


در تکمیل نامە اعتراضی و اخلاقی ،تحلیلی و دلسوزانە و مسئولانە و بسیار بجای جوان دلسوز روستایمان جناب مهندس محمد خضراللە نکات آتی رو بنا بە وظیفە حقوقی و ادبی و انسانی خود مینویسم،آنان کە لایق نیستند نخوانند.
شکر خدا کە روستای عزیزمان سەراو روز بە روز چهرەهای روشنفکر،باسواد و آگاە بە مسائل جدید روز را بخود میبیند.
شخصیتهای علمی،ادبی،حقوقی،پزشکی،مهندسی،ورزشی و فرهنگی بسیاری در دامن این آب و خاک پروردە شدە اند کە بجاست بە اسامی تعدادی از این فرزندان خلف اشارە شود.
دکتر مارکۆ مرزنگ، دکتر سید عەوڵا علایی، دکتر یوسف گلمحمدی، دکتر کۆمار گوڵمحمدی،خانم دکتر گڵمحمدی، مهندس صابر آقابیگی، مهندس سلیمان مامە،دکتر سید جمیل قادری،کاک هیوا حکمتی،سیدجعفر ساداتی و دهها شخصیت برجستە دیگر. کە مهندس محمد خضراللە جوانی بکر،پر،وظیفە شناس و مستعد در این مجموعە هستند.
نامە سرگشادە انتقادی ایشان را در کاناڵ تیلگرامی سەراو خواندم، هرچند در چند بند بسیار تند نوشتەاند ولی با این وجود هم بسیار خرسند وشاد شدم کە وجود چنین جوانانی نام سەراو را بلند و مستدام میدارند.
دوستان تاریخچە سەرچاوەی سەراو را در کتاب تاریخ سەراو مفصل آوردەام. سەرچاوەی سەراو جدا از مخزن و معبر اصلی از دو حوض (برکە) بنامهای حوضە چکۆلە و حوضە گەورە متشکل بود.بە موازات یک عمر طولانی آب سەرچاوە مسیر خود را ساختە و پرداختە بود کە آب آن در کمترین حالت اگر نفوذی بە حفرەهای زیرین بستر جوی آب داشت،داشت.
اما در کمال تاسف علی رغم اینکە بندە در آن سالها بارها هشدار دادم کە بافت و ساختار دو حوض برادر را دست نزنید کاملا غیر منطقی،غیر کارشناسی و برابر میل و سلیقە غیر علمی حوضها و مسیر گذر بسیار کهن و هزاران سالە آب را تخریب نمودند این اقدام غیر مسئولانە چهرە زیبای روستا را مخدوش نمود و باعث گردید کەنصف آب چشمە در مسیر گذر خود بە حفرەهای زیرین نفوذ کند و خسارات جبران ناپذیری بە سەرچاوە وارد گردد.
اینجانب ضمن اینکە اقدامات غیر کارشناسی هر چند با نیت خیر صورت میگرند را محکوم کردە و قبول ندارم. و انتظار و امید اینرا دارم کە کار بصورتی انجام پذیرد کە بیشتر از وضعیت موجود سەرچاوەکمان دچار خسران و کسالت و تنگی نفس نگردد.
بیشتر دوستان استحضار دارند کە بندە چند ماە قبل هشدار دادەبودم کە مبادا غیر کارشناسی و با علم خود درآوردی بە چشمە روستا دست بزنند.
حال کە لایروبی غیر اصولی صورت گرفتە بجاست کە با اقدامات بجا و شایستە از ضرر و زیان بیشتر جلوگیری کنیم.
این چشمە(سەرچاوە) این دختر زیبا و طناز قەڕاوڵخانە یەک ثروت بی بدیل و بی همتای تمام مردم سەراو بە درازایتاریخ بودە،هست و خواهد بود،نسلهای آیندە را نباید از این سرمایە ملی محروم نمایم.
باید همە مردم روستا،پیرو جوان،زن و مرد،پسر و دختر دست بە دست هم دهیم و موانع سر راە را برداریم،از توهین و افترا بهم پرهیز کنیم.

24 مرداد 1404
سەراو.. حاتم سەراوی
محصل حقوق
محصل ادبیات

لە ساردی مەیل و گەرمی هیجری یارە
ئەگەر ناڵەی دڵم هەمسانی تارە

لە مێژ ساڵە دەناڵم بۆت بە قوربان
کەچی فەرمووتە هیچ وانێ شیعارە

شیعار جەرگمی بە جارێ داپڵۆخاند
دڵی شەیدام لە دووریت چەن هەژارە

کچێ بولبول لە کوێی وا کردۆ بۆ گوڵ
گوڵم هەر تۆ گوڵی بۆ و کۆڵەوارە

دەزانی چێ ئەزیزی خۆشەویستم؟
کوڕی کورد هەر بەشی ژێر شیرو دارە

بەژن سێدارەیو شیرن برۆی تۆ
وەرە بیدە لە دار ئەو بێ قەرارە

لە خوێنی حاتەم گەردنت خۆشو ئازاد
ویسالت گەر نەبێ هەر قەتڵە چارە.

بۆکان.
سێ شەممۆ 19ی اوت
28ی موردادی 1404
کاتژومێر 9و نیوی بەیانی
حاتەم سەراوی

موهەندیس سڵاو دۆستی وەفادار
شانت هەڵدەگرێ پێت بڵێن خوێندکار
تاقیم کردنەوە گەلێ دۆستی زۆر
لە جەنگەی شادی و لە کاتی ناسۆر
تاقمێ وەک مێش شەیدای شیلە بوون
لە گەرمای متبەق وەک پشیلە بوون
دەستێکی زۆر کەم وەک جەنابعالی
خۆیان نیشان دا لە کاتی تاڵی
کاتی لێقەومان بوون بە هاواڵم
پشتیان گرتمو هاتنە پاڵم
وەک ئەرکە نێویان بێنم بۆ مێژوو
با پێی داچڵەکێن کێ دوو ڕوو بیژوون
یەکیان لوقمانەو ڕەحیم خانییە
خالس و موخلس دۆستی گیانییە
شۆرەت مستۆیە و کوڕ ئەزیز مستۆ
گەردوون تان و پۆی پیاوانە ڕستۆ
دووهەم کاک سەید نووح شاعیری دانا
ئەو ڕەسمی جوانی بۆ دۆستی دانا
سێهەم شاعیری تازەکار تەبباک
کارمەندی مەردو ڕەندو داوێن پاک
چوارەم جەنابی موهەندیس سابیر
بە تەمەن منداڵ، ئاقڵی ژیر و پیر
یاران بە ڕاسی من بەختەوەرم
کاتی لێقەومان دەستەی سەروەرم
بوونە کۆڵەکەی ماڵی ڕووخاوم
بوونە یاریدەی دەستی شکاوم
هیوا دەخوازم بێ غەم و ژان بن
دوور لە ناساغی و دەواو دەرمان بن.

وەک ڕێزو پێزانین بۆ دۆستە باشەکانم
29ی گەلاوێژی 1404 بۆکان
حاتەم

ویسکی لێوی تۆ گوڵم،چەن خۆشە بە پیاڵەی دەمت
ئەی هەزار خۆزگەم بەوەی دیلە بە داوی پەرچەمت
زۆر لەمێژە تەرکی مەیخانە و مەییم کردۆ کەچی
تۆم کە دیوە خۆشە مەستم کەی و ببمە هاودەمت
حوققەی زارت گوڵم ئابڕووی بە شەکراوێ نەهێشت
ئەی هەزار مەیگێڕ و مەیخانە فیدای ویسکی دەمت
حاتەمت هێندە وەبەر تیری نیگای نازت مەدە
ڕۆژێ تێدای، ڕۆژێ قەهری،تا کەی ئەو مەیلەی کەمت؟
باش دەزانم دەورو بەر پڕ بۆ لە گەزمەی خێڵ فرۆش
ئاخ تەمەن دەیکرد وەفا، نەمرم ببووما مەحرەمت
ئەی کچی جوان و لەبارو شۆخی ئازادی لە کۆی؟
بێم و مەست مەست بم بە ئاوی پاکی سەر سینەو مەمت.
حاتە سەراوی 8ی خەرمانانی 1404

بۆ کێوی قەڕاوڵخانەی سەر فەرازی سەراو.

قەڕاوڵخانەی خوێناوی
لە هەر کوێت دەڕوانم شیاوی
پەناگەی ڕۆژی تەنگانەی
بێزار لەو خولەی زەمانەی
هەزار سڵاو لە قامەتت
لە غیرەت و شەهامەتت
لە سەنگەرت لە گا بەردت
لە سەنگەر دارانی مەردت
لە ڕەوزت لە زەردو مات
لەو هەڵۆیەی کە دێنە لات
سڵاوم بۆ کونە دمدم
گۆلاوی دێنێ سەد زم زم
ئاخۆ تۆش وەک خۆم دڵپڕی؟
تۆش بێزار لە سەگی دڕی؟؟
بێزار لە سەی گورگە مێشی؟
وا کەلاک بۆ گورگ دەکێشی
تۆش لە نامەردان لە حیزان
لە شۆفاری خولە پیزان
لە چاوساغی گەزمەی دزێو
لە گوێزی ڕوو ڕەشی بێ نێو
وەک من پڕ لە ڕق و قینی
پێت خۆشە قەتی نەبینی
لێم ڕوونە تۆش وەک خۆمی وای
دژی مرۆڤی بێ وەفای
دژی مرۆی هەل پەرەستی
دژی گەل فرۆشی پەستی
بەڵێ مێژووی پڕ شانازیت
پڕ لە سەروەری و گیانبازیت
بۆی باس کردووم چەن دلێری
تۆ قەڵای کوڕانی شێری.

9ی خەرمانانی 1404
hatam سەراوی

لەو دوور دەستانە خۆرە تاو لێمان دەکا ماڵئاوایی
هەر دەڵێی دڵداری زیزە دەڕوا بە ناز لە خۆ بایی
هەر دوو لە خوێنی دڵ دەچن ڕژاونە نێو تەشتی زێرین
بیرەوەریم بۆ جێ دێڵن بۆ نێو شەوگاری تەنیایی
ئاخ چەن تاڵە لێک دابڕان،داد چەن سەختە دەردی دووری
وەک ئەو کاتەی دەستت بەردا کچی شۆخی گەڕی شایی
وای لە دەس ژانی سەبووری، ئۆف لە بەر فرمێسکی شەوگار
چەن گیان ئازارە دوا نیگای بێ وتە بۆ ماڵئاوایی.
12 ی خەرمانانی 1404
بۆکان حاتەم سەراوی