مەلا جۆڵتە، بۆچی دایم بۆڵە بۆڵتە
سوێند بەو چڵمەی لەسەر قۆڵتە

بەهەشتێ تۆی لێ بی ناچم
با بە توونی ئاگر داچم

سوێند بە خودای لە بانی سەر
بەشەڕاب و قەوسی قەمەر
بە بەهەشت و جۆگەی شیری
بە حۆریان، نابینن پیری
بە غیلمان و حەوزی کەوسەر
بەحەوزی پڕ عەترو عەنبەر
تۆ لە شەرع و فیقهوو حەدیس
غەیری جنێو و قسەی پیس
چت لە جانتات ناخنیوە
جارێکت مێژوو نەدیوە
فارسی هیچی لێنازانی
بۆ عاڕەبی بەستە زمانی
کوردی لێی دەستە وەستانی
لە نووسینی سەرگەردانی
لە کامپیوتێر چەنێ کۆڵی
ئەی بۆ هێند بە بۆڵە بۆڵی؟؟؟

ئەونووسراوە کورتکراوەی نامەیەکە بۆ مەلایەکی باشوور لە کۆڕێک کوتبووی حەتەم کافرە.

پشتێنی شل،بەژنی شۆرو چاوی ڕەشت
زولفی لوولو، غونچەی دەمو،ڕوخی مەهوەشت
چاڵی چەنەو زەردە خەنەو نازی نێو نیگات
شەهدی لەب و تەبی تاسە و گەرمی باوشت
خۆزگە پێش مەرگم ببمە هاودەمت
بخزێنە ئەستۆم ماری پەرچەمت.
11ی بەفرانباری 1403
سەراو.
حاتەم سەراوی