بەشی هەوەڵی باس لەسەر ئەساسنامەی شیرکەتی ئاوی جەغەتوو بۆ سەراو.

ئارامی چشیرینە لە ئامێزی نەرمدا
شەواوی بکەی بەژنی لە نێو ماچی گەرمدا

داتپۆشێ بە زولف وبەتەبی تاسە وهەناسە
ئەی خوا نەکا ئەوتاسەیە یەک چرکە بەرمدا

من دەستی نیازبەرمەبەرۆی شەوڕنی بەی کەم
ئەو ڕوو بگرێ هێندێ لە چارشێوی شەرمدا

چەن خۆشە نەخۆشی لەخۆشی ساعەتی دیدار
چەن خۆشە ئارەقی بتکێ بە سەرمدا

کۆڵانەکەتان قیبلەمە جێی ڕازو نیازە
لاناچێ بە ئانێکیش لە زەین ونەزەرمدا

دەورێکم تەمەن بواردو وە ڕووم کردووە پیری
بەوحاڵەوە دێوانە لە دەریای خەتەرمدا.

ڕۆژی هەینی 12ی جۆزەردانی 1402هەتاوی
حاتەم مەرزەنگ سەعات 10و30ی بەیانی

https://t.me/Hatam_marzang

بەشی دووهەم باس لەسەر
ئەساسنامەی شیرکەتی تەعاونی ئاوی سەراو
حاتەم مەرزەنگ

وەرەکۆڵانێ گوڵم وەختەلەسۆێت دێتەوە سۆم
خوا دەزانێ لە غەمت پاکی وەریون پەڕو پۆم

من بەسۆنگەی تۆوەلەم نێوخەڵکەدا دانیشتووم
خۆ دەنا یەکسەرە ئەو گوندە بە جێ دێڵم دڕۆم

ئەوهەموو نازوئەداوفیلمە چییە؟ئەکتەری تۆ؟
تۆ وتت ڕێزت هەیەوسوێندی وەفاداری دەخۆم

ئەوە چەند ڕۆژە نەکۆڵان دێیو نە باست هەیە
من بە ئینتیزارەوە تاکەی بسووتێم وەکو مۆم؟

دڵی مەت گرتۆ بە بارەمتە و جەفاکاری دەکەی!
خۆ دەزانی من گەلێ بێزار لە فێڵبازی و دەهۆم

هێندە پۆز لێمەدە،سۆزی،تۆزی بە دەم باوە دەچی
چەند پەیامم ناردۆ جوابێکت نەهاتۆتەوە بۆم!

دەزانم جارجار لەپشت دیوارەوە خۆ دەگری
ئەوەی بۆچێ گوڵەکەم،خۆ من هەردڵدادەی تۆم.

حاتەم مەرزەنگ
18ی جۆزەردانی 1402
سەراو سەعات 11و 30
https://t.me/Hatam_marzang

لە تاوی تاوی ڕووت تۆاوەم بە چاوت
لە بەر تۆیە کە لام جوانە سەراوت

دەنا لەو وەزع وبارو دۆخە کۆخەم
ئەوەندە دەستەوەستان نێ گراوت

قەلەو قوتە خەریکە دەبمە قوتیان
کە دەنگ ناکەم گوڵم گیرم بە داوت

گوڵم خاکی قەدەمگات مەڵحەمە بۆم
دە مەڵحەم کە دڵم،بۆت بۆتە قاوت

مراوی بەحری عەشقم مەممرێنە
هەڵۆی ڕاوێم کەچی خۆم بوومە ڕاوت

مەکربازی وتەنازی جوانن ئەمما
نە تا ئەو حەددە ناشیرین بێ ناوت

ترێی گۆی مەمکت هەنگی دڵ دەکێشێ
کەمی لێ ڕاوەشێنە زولفی خاوت

دەبێ تۆ باوەشێنی کە مەلی وا
بە ئەگریجەی عەتربۆی بادراوت

وەرە کۆڵان حەتەم قوربانی تۆیە
بنێ بان دیدەکەم هەر دوو پێڵاوت.

حاتەم مەرزەنگ
18ی جۆزەردانی 1402
سەراو سەعات 4ی پاش نوێژی نیوەڕۆ

https://t.me/Hatam_marzang

قەسەم

قەسەم بە خاکی کۆڵان و تۆزی پێڵاوەکەت
ڕازە لە لام ئەوینت نایدرکێنم ناوەکەت

شەرم دەکەی دەزانم هێندێکیش دوو دڵی
دەنا پەیامیان پێداوم سیلەی دوو چاوەکەت

ئەوەندەی تووشت دەبم بەهەڵکەوت یا بە عەمد
ئەڵێی شنە بیهێنێ بۆم بۆنی زولفە خاوەکەت

سەرتاپا بەژنت دەڕوانم پڕ لە پەیامی دڵە
وەی کە چەنێ ڕوح فیزایە عەبیری هەڵاوەکەت

دوێکە گۆیا لە سەفەر بووی ڕەبی بێ بەڵا بی
لە بیرت بێ دایم چاو لەڕێیە دڵ دۆڕاوەکەت

لە مێژە شەڕاب خۆری شەڕابخانەی دڵم،گوڵم
من دەزانم قەدری لێوو دوڕدی شەڕابەکەت

هەموو دۆشەو چاوەڕێ بووم ئاخۆ کەی دێیەوە
درۆ ناکەم قەسەم بە کۆڵان و تۆزی پێڵاوەکەت.

حاتەم مەرزەنگ 19ی جۆزەردانی 1402 ی هەتاوی،سەعاتی 9و30بەیانی

https://t.me/Hatam_marzang

نازدارەکەم
تۆ لە گوندەکەی دڵمدا
کۆڵان کۆڵان مانگت چاندۆ
بۆ کۆێ دەچی؟

نازدارەکەم
کۆڵانت بۆ من کردۆتە
دارستانی خۆشەویستی
زۆر نەونەمامت لێ ڕواندۆ
بۆ کۆێ دەچی؟

تۆ پێم ناڵێی
هەوارت بۆ گوێزتۆتەوە
تۆ لات وایە من باوەڕ کەم
ئێمەت لەبیر بردۆتەوە

نازدارەکەم
تۆ لە چاوی من ون نابی
تۆ ڕۆژئاوای
تۆ سەحەری
تۆ هەتاوی
مانگە شەوی،ئەستێرەی ئاسمانی ساوی
تۆ لای من هەموو سەراوی.

ئێوارێی ڕۆژی هەینی
19ی جۆزەردانی 1402ی هەتاوی
سەراو،،،حاتەم مەرزەنگ
https://t.me/Hatam_marzang

دلا از کوچەو عشقش حذر کن
کمی در حال و روز خود نظر کن

ئەوەندەم ژێر منەت لای ئەو مەفەرموو
من و خود را از این احوال بدر کن

دلا کمتر بگرد در این حوالی
دلا کمتر خیال بی ثمر کن

ئەوەندەم هانی کۆڵان چوون مەفەرموو
دلا ترک رە عشق وخطر کن

سرسازش ندارد آن پریوش
دلا این گفتگو را مختصر کن

منت خستۆتە داوی عیشقی شۆخێک
دلا رحمی بە حال محتضر کن

ئەویش کۆڵانی چۆڵ کردۆ بە جارێ
دلا دوری وز کمند نظر کن

مەکەن مەنعی منی حاتەم ڕەفیقان
کە شۆرێ ئەمنی تووشی دەردی سەر کرد.

20ی جۆزەردانی 1402ی هەتاوی
ڕۆژی شەممۆ،،سەعاتی 10و 5دەقیقەی بەیانی
حاتەم مەرزەنگ

https://t.me/Hatam_marzang

خوشا سراب و حوض و آب و خاکش
دشت و کوە و باغ و هوای پاکش
خدا دورش نگهدارد از آفات
آباد باشد بوستان وباغ وتاکش
خدایا خائنان بر این بوم را
هلاکش کن،هلاکش کن،هلاکش
بەڵێ قوربان ئەساسی واجباتە
من شیدا بلاکشتم،بلاکش
بلا دور باشد از اهل دانا
سلامت باد املاک وملاکش.

حاتم مرزنگ
20خرداد1402خورشیدی
https://t.me/Hatam_marzang

بیا ساقی مرا از غم رها کن
رفاقت با من پر اشتها کن

نمیسازد هوایم جرعە جرعە
سهم ما را ساقی بی انتها کن

مرا خوش کن دمی با سوزو سازی
بگو شاعر کە شرح ماجرا کن

مرا شوخی بەدام انداختە ساقی
جگر سوز است آن داغش دوا کن

سراب و کوچەهایش چون بهشتند
حساب ما را با دونان سوا کن

شیاطین ارزش می را چە دانند؟؟
بیا با من خطا کن،صد خطا کن

چە فرقی میکند اینجا و آنجا؟؟!
می ما را در این وادی روا کن

بیا سوفی زین سافی گذر کن
مرد را ز کاروان دزدان جدا کن

بزن حاتم بە دریای پر امواج
نترس و شرح این ماتم سرا کن.

حاتم مرزنگ
20خرداد 1402خورشیدی،،،سەراو
https://t.me/Hatam_marzang

دوا ماڵئاوایی ئێوارانی خۆرم
شێواوی خاتوونێکی بەژن شۆڕم

لەولای غەمەوە غەمم بێ نیهایەت
بوومەتە چیرۆکی کۆن و حیکایەت

خولیای تامەزرۆی ئێوارێی کۆڵانم
شۆقم،شەوقم،حەسرەتم،ئاهم،گریانم

دیارترین شاعیری شەیدای دوندم
ئاشقی پاکترین جوانی گوندم

سۆزم،نەغمەم،شیعرم،ناڵەی تارم
مەستم،شادم،نشەم،بەکەیفم،غەمبارم

شەپۆلی سەرگەردانی دەریام
بابردەلەی پەندی دەست بام

بزەی غەمباری ئەستێری پایزم
گەڵای شەهیدی شمشێری پایزم

خەندەی نێو قوڵپی گریانی کانیم
کۆتری تەرەی تاریک وڕوونی بەیانیم

شمشاڵی گریاوی مامە شوانەم
برای غەمم دەگەڵیم دوانەم.

کوردی بێ باکی چاخی درۆم
عاشقی پاکی خاک وئاوی خۆم

دواین تکەی شەڕابی تاڵم
مەلی بێ ڕاوی بێ باڵم

دوا هەناسەی کانی داوێنم
دوا ژیلەمۆی ئاوری شەوێنم

دوا پەیامی دواین نیگای گراوم
دەستی گەرمی بێ دۆ ماوم

تەمی ئامێزی زەردە پەڕی خۆرم
بە دڵ گرفتاری شۆخێکی تۆڕم

دەنگی خنکاوی قەڕاوڵخانەم
ڕەجم کراوی ئەم جۆرە وتانەم

تەریک و تاکم، کوێخا بازم
گردەشینی دڵ کۆڵاوی بێ نازم

گردە خەزێنەی ژێر پاچی دزم
گردە خەزێنەی دزراوی کزم

چاکە چکۆلەی هەڵکەندراوم
چاڵە بەفری داپۆشراوم

کونە دمدمی ویشک وقاقرم
گڵێنە شکاوی تەریکی باگرم

کانی میرەی ئەمیرانی ون بووم
ڕەوەزی سەنگەری بێ بازووم.

قەڕاوڵخانە کێوێکە لەسەراو
کۆخاباز،یا کۆخاهەباس کێوێکە لەسەراو
ئاندوزاوی کێوێکە لە سەراو
گردە شین،گردە خەزێنە وتەپەخلیچکە سێکوچکەی مێژوویی سەراون
چاکە چکۆلە،قەرێکە لە داوێنی گردەشین
کانی میرە،یان کانی ئەمیران.گوندێکی مێژوویی لە ڕۆژهەڵاتی سەراو،لەمێژووی سەراودا باسم کردۆ.
حاتەم

پرسیار

لێم دەپرسن ڕازی کۆڵان،بڤەیە باس ناکرێ
هەر ئەوەندە با بڵێم قەت خۆشەویستی نامرێ

وەک کەنیسەو دەیرو مزگەوتە، بەهەرسێ دین دەکەم
پێم دەڵێن ئیسلامە،زەردەشتە،جۆ یا خۆ ناسرێ

بۆ خەڵک ناژیمو گوێم لەو موهمەلاتە پڕ بوو وە
ڕوونە بێژنگ پێشی تیشکی خۆرەتاو قەت ناگرێ

هێندە پیرۆزن لەلام کۆڵان و شۆخ وئیشقەکەی
گا قەڕاوڵخانەیە لام،قەندیل و گاش ئاگرێ

تۆزی پێڵاو و قەدەمگاو گۆشەی داوێنی گوڵم
خۆزگە ڕۆژێ سەدهەزارجار بێتوو ڕوخسارم گرێ

خۆی دەزانێ ئەو ونووسی خۆشەویستیمە کەچی
شەرمی هەروا بەردەوامە،بۆچێ ئەو پێداگرێ؟؟

کاتێ ئێواران بە عەتری بەژنی کۆڵان پڕ دەکا
من سەرم سووڕماوە چۆنە کۆتری دڵ هەڵنافرێ

بۆتە ئێکسیری جەوانی وئابی حەیاتە لەبی
گا شەڕابی نابە،گا ڕەواقە،وانگەهی ئابی ترێ

مەنعی حاتەم بۆ دەکەن؟پرسیاری ئەستەم بۆ دەکەن؟
غەیری شاعیر کێ دەتوانی ڕێزی دڵداری گرێ.؟؟


حاتەم مەرزەنگ
22ی جۆزەردانی 1402
https://t.me/Hatam_marzang