سڵاو جەنابی دوکتور شاهۆ،مامۆستای خۆشەویستم.مامۆستای زانکۆ.

شانسی من وایە دەمێکە لە بەڕێز بێ خەبەرم
من قوتابیم وبەڕێز هەر سەروەرو فەرماندەرم
بەختی من وای کردووە ئاگام لە ئەحواڵت نەبێ
خۆ دەنا یادی بەڕێزت خەڵوەتی ناکا سەرم
ڕۆژگار هێند سپڵەیە قەت یاری ئەهلی دڵ نەبۆ
گەر هەلم بایە لە لای ئەهلی عیلم خاکی دەرم
ئینتیزاری زەڕڕەیەک مێهرم لەوچاخەی حیزنییە
ئەژدیها بێ خوێن بژی،دوکتور قەت نابێ باوەڕم
لێگەڕێم با لەو گلەییانە لەڕۆژگاری چەپەڵ
عاشقی جوانیمو من شەیدا مەلێکی شەوگەڕم
واقیعەن یادی موبارەک لەو دڵەمدا هەر هەیە
من لەگەڵ ئەویادە پیرۆزانەیە موفتەخەرم
بێ بەڵابی وهەردرێژ بێ عومری پڕبارو شکۆت
من لەسایەی عالمانە خاوەنی چەند دەفتەرم
ئوستاد، حاتەم هەرقوتابی مەکتەبی ڕێزدارتە
فەیزی ئێوە باعیسە مێزەری شیعرم نا سەرم.

4 ی جۆزەردانی 1402
حاتەم مەرزەنگ

https://t.me/Hatam_marzang

یک نفر هست کە در جان ودلم جا دارد
ماندنم در روستا با او معنا دارد

جرٲتم نیست کە نام او را فاش کنم
دهنش شهد و لبش صد مینا صهبا دارد

صورتش ماە شب و زلفش شب وعطرش مشک
چشمانی رهزن و مست وبی پروا دارد

هر روز تنگ غروب گاهی میاد در کوچە
انگار کوچە ما باغی مصفا دارد

نیست مهار دل در دستم وباقی نیست عقل
چە کنم جان از لبش بوسە تمنا دارد

مدتیست مرغ دلم در دام او افتادە
بهر آزادی عجب سعی وتقلا دارد

نازنین دلبر ما وصفش زبان برناید
آتشین صورت واندامی مطلا دارد.

حاتم مرزنگ
4 خرداد 1402
https://t.me/Hatam_marzang

سنوورم بۆ هەڵمەبەستن
سنوورەکانتان دەشکێنین
بەحەیران و ئاوازو سیاچەمانە

سنوورەکانتان دەسکردن
مۆسیقای من،ئاوازی هەزاران ساڵەن
سەربازن بۆو نیشتمانە

ئەو بستۆکەی ناوی سنوورتان لێناوە
لەوسەر تا ئەوسەری
تەڵەو جەلەو داوە

من ئیمانی پێناهێنم
بۆ و قیبلە سوژدە ناهێنم
ڵای من وەک بڵقی سەر ئاوە.

ورمێ
ڕۆژی یەکشەممۆ،ڕێکەوتی 7ی جۆزەردانی ساڵی
1402ی هەتاوی بەرانبەری 2723ی کوردی.

حاتەم مەرزەنگ

https://t.me/Hatam_marzang

کۆڵان

کۆڵان چۆڵو بێدەنگ بوو
کاتی ئێوارێ درەنگان

مانگی جۆزەردانی ساڵی
دو هەزار و حەوت سەدو بیست وسێی کوردان
یاری سرک وسڵ لە سەر خۆ
هاتە کۆڵان،هاتە کۆڵان

خۆزگە ئەو کاتە
کات ژومێر یەکسەر دەوێستا
سوێندم بۆ یار تەواو کردبا
من بە ئاوێستا

دەمگوت کە چەندم خۆش دەوێی
شۆڕە ژنی ژیر
دەمگوت بۆ لێم حاڵی نابی
ئەسیرم ئەسر
من گەداو تۆ میر.

دەمگوت هەر ساتێ دەتبینم
دەلەرزێ گیانم
سوێندم بە خەنجەری کوردو
بە نیشتمانم
کە دەت بینم
هێمن دەبن،گشت ئەعزای گیانم.

8 ی جۆزەردانی 1402ی هەتاوی
سەعات 12ی شەو
حاتەم مەرزەنگ
https://t.me/Hatam_marzang

دلارا،دلبەرا،دلکەش چ دابە؟؟
کۆڵان چۆڵ کردنت بۆ من عەزابە

گەدای خۆتم،لەڕووی خێریش بێ قوربان
ئێواران بێرە کۆڵانێ سەوابە

دووچاوت نێرگسی شەهلان و شەهباز
لەبی لەعلت مەزەی نابی شەڕابە

وەکوو خۆم تۆش دەزانی تۆی ئەزیزم
مەخاتب تۆیو بۆ تۆمە خەتابە

گەهی مێهرت دەبارێتن لە چاوی
گەهی قەهرت لە بۆ مێهرم جەوابە!!

تەعەجوب ماوە حاتەم لەو مەڕامەت
بەسێتی گیانە، کەم سەر بەهەوا بە

لە بەر میحرابی ئەبرۆت سۆژدە دێنم
بە چاوت ماڵەکەت بۆم بۆتە کابە

منت بمرم لە جوانیت جوان نێ تۆران
وەرە کۆڵان بەسێ کەم بێ ڕەزا بە.

9ی جۆزەردانی 1402
ئێوارێی ڕۆژی سێ شەممۆ
حاتەم مەرزەنگ

https://t.me/Hatam_marzang

ئێوارێ کە دێ بۆنی کۆڵان دێ بەسەرمدا
با خاکی بەری پێی گوڵەکەم بێ بەسەرمدا

ئەو شۆڕە ژنەی نەقشی دەکێشێ مانی هەستم
سەد هێندی ونووس جوانە لە ماڵی نەزەرمدا

مەست بوو وم بەعەشقێوە لەمێژە
زۆر ئەستەمە بادەی لەبی ئەو شۆخە بەرمدا

خۆری بەزەیت ئاخۆ بڵێی هەڵبێ بە ڕووما
ئارامیم دەوێ هێندێ لە ئامێزی گەرمدا

دەورێکە بە دەوری شەمی ڕووتا وەکوو شەیدا
دەخولێمەوە بێ وەقفە لە نێو خەوف و شەرمدا

ئەو دەردی ئەوینە کە پڕی کردۆ وجوودم
بۆ بیستنی ئەو شۆخە شەرحی موختەسەرمدا.


حاتەم مەرزەنگ
11ی جۆزەردانی 1402


https://t.me/Hatam_marzang

بەس بێ ڕەزابە
شیعرو دەنگ حاتەم

بۆنی کۆڵان
شیعرو دەنگ
حاتەم سەراوی

چدابە؟؟؟؟
شیعرو دەنگ
حاتەم

بەشی هەوەڵی باس لەسەر ئەساسنامەی شیرکەتی ئاوی جەغەتوو بۆ سەراو.

ئارامی چشیرینە لە ئامێزی نەرمدا
شەواوی بکەی بەژنی لە نێو ماچی گەرمدا

داتپۆشێ بە زولف وبەتەبی تاسە وهەناسە
ئەی خوا نەکا ئەوتاسەیە یەک چرکە بەرمدا

من دەستی نیازبەرمەبەرۆی شەوڕنی بەی کەم
ئەو ڕوو بگرێ هێندێ لە چارشێوی شەرمدا

چەن خۆشە نەخۆشی لەخۆشی ساعەتی دیدار
چەن خۆشە ئارەقی بتکێ بە سەرمدا

کۆڵانەکەتان قیبلەمە جێی ڕازو نیازە
لاناچێ بە ئانێکیش لە زەین ونەزەرمدا

دەورێکم تەمەن بواردو وە ڕووم کردووە پیری
بەوحاڵەوە دێوانە لە دەریای خەتەرمدا.

ڕۆژی هەینی 12ی جۆزەردانی 1402هەتاوی
حاتەم مەرزەنگ سەعات 10و30ی بەیانی

https://t.me/Hatam_marzang

بەشی دووهەم باس لەسەر
ئەساسنامەی شیرکەتی تەعاونی ئاوی سەراو
حاتەم مەرزەنگ

وەرەکۆڵانێ گوڵم وەختەلەسۆێت دێتەوە سۆم
خوا دەزانێ لە غەمت پاکی وەریون پەڕو پۆم

من بەسۆنگەی تۆوەلەم نێوخەڵکەدا دانیشتووم
خۆ دەنا یەکسەرە ئەو گوندە بە جێ دێڵم دڕۆم

ئەوهەموو نازوئەداوفیلمە چییە؟ئەکتەری تۆ؟
تۆ وتت ڕێزت هەیەوسوێندی وەفاداری دەخۆم

ئەوە چەند ڕۆژە نەکۆڵان دێیو نە باست هەیە
من بە ئینتیزارەوە تاکەی بسووتێم وەکو مۆم؟

دڵی مەت گرتۆ بە بارەمتە و جەفاکاری دەکەی!
خۆ دەزانی من گەلێ بێزار لە فێڵبازی و دەهۆم

هێندە پۆز لێمەدە،سۆزی،تۆزی بە دەم باوە دەچی
چەند پەیامم ناردۆ جوابێکت نەهاتۆتەوە بۆم!

دەزانم جارجار لەپشت دیوارەوە خۆ دەگری
ئەوەی بۆچێ گوڵەکەم،خۆ من هەردڵدادەی تۆم.

حاتەم مەرزەنگ
18ی جۆزەردانی 1402
سەراو سەعات 11و 30
https://t.me/Hatam_marzang

لە تاوی تاوی ڕووت تۆاوەم بە چاوت
لە بەر تۆیە کە لام جوانە سەراوت

دەنا لەو وەزع وبارو دۆخە کۆخەم
ئەوەندە دەستەوەستان نێ گراوت

قەلەو قوتە خەریکە دەبمە قوتیان
کە دەنگ ناکەم گوڵم گیرم بە داوت

گوڵم خاکی قەدەمگات مەڵحەمە بۆم
دە مەڵحەم کە دڵم،بۆت بۆتە قاوت

مراوی بەحری عەشقم مەممرێنە
هەڵۆی ڕاوێم کەچی خۆم بوومە ڕاوت

مەکربازی وتەنازی جوانن ئەمما
نە تا ئەو حەددە ناشیرین بێ ناوت

ترێی گۆی مەمکت هەنگی دڵ دەکێشێ
کەمی لێ ڕاوەشێنە زولفی خاوت

دەبێ تۆ باوەشێنی کە مەلی وا
بە ئەگریجەی عەتربۆی بادراوت

وەرە کۆڵان حەتەم قوربانی تۆیە
بنێ بان دیدەکەم هەر دوو پێڵاوت.

حاتەم مەرزەنگ
18ی جۆزەردانی 1402
سەراو سەعات 4ی پاش نوێژی نیوەڕۆ

https://t.me/Hatam_marzang

قەسەم

قەسەم بە خاکی کۆڵان و تۆزی پێڵاوەکەت
ڕازە لە لام ئەوینت نایدرکێنم ناوەکەت

شەرم دەکەی دەزانم هێندێکیش دوو دڵی
دەنا پەیامیان پێداوم سیلەی دوو چاوەکەت

ئەوەندەی تووشت دەبم بەهەڵکەوت یا بە عەمد
ئەڵێی شنە بیهێنێ بۆم بۆنی زولفە خاوەکەت

سەرتاپا بەژنت دەڕوانم پڕ لە پەیامی دڵە
وەی کە چەنێ ڕوح فیزایە عەبیری هەڵاوەکەت

دوێکە گۆیا لە سەفەر بووی ڕەبی بێ بەڵا بی
لە بیرت بێ دایم چاو لەڕێیە دڵ دۆڕاوەکەت

لە مێژە شەڕاب خۆری شەڕابخانەی دڵم،گوڵم
من دەزانم قەدری لێوو دوڕدی شەڕابەکەت

هەموو دۆشەو چاوەڕێ بووم ئاخۆ کەی دێیەوە
درۆ ناکەم قەسەم بە کۆڵان و تۆزی پێڵاوەکەت.

حاتەم مەرزەنگ 19ی جۆزەردانی 1402 ی هەتاوی،سەعاتی 9و30بەیانی

https://t.me/Hatam_marzang

نازدارەکەم
تۆ لە گوندەکەی دڵمدا
کۆڵان کۆڵان مانگت چاندۆ
بۆ کۆێ دەچی؟

نازدارەکەم
کۆڵانت بۆ من کردۆتە
دارستانی خۆشەویستی
زۆر نەونەمامت لێ ڕواندۆ
بۆ کۆێ دەچی؟

تۆ پێم ناڵێی
هەوارت بۆ گوێزتۆتەوە
تۆ لات وایە من باوەڕ کەم
ئێمەت لەبیر بردۆتەوە

نازدارەکەم
تۆ لە چاوی من ون نابی
تۆ ڕۆژئاوای
تۆ سەحەری
تۆ هەتاوی
مانگە شەوی،ئەستێرەی ئاسمانی ساوی
تۆ لای من هەموو سەراوی.

ئێوارێی ڕۆژی هەینی
19ی جۆزەردانی 1402ی هەتاوی
سەراو،،،حاتەم مەرزەنگ
https://t.me/Hatam_marzang

دلا از کوچەو عشقش حذر کن
کمی در حال و روز خود نظر کن

ئەوەندەم ژێر منەت لای ئەو مەفەرموو
من و خود را از این احوال بدر کن

دلا کمتر بگرد در این حوالی
دلا کمتر خیال بی ثمر کن

ئەوەندەم هانی کۆڵان چوون مەفەرموو
دلا ترک رە عشق وخطر کن

سرسازش ندارد آن پریوش
دلا این گفتگو را مختصر کن

منت خستۆتە داوی عیشقی شۆخێک
دلا رحمی بە حال محتضر کن

ئەویش کۆڵانی چۆڵ کردۆ بە جارێ
دلا دوری وز کمند نظر کن

مەکەن مەنعی منی حاتەم ڕەفیقان
کە شۆرێ ئەمنی تووشی دەردی سەر کرد.

20ی جۆزەردانی 1402ی هەتاوی
ڕۆژی شەممۆ،،سەعاتی 10و 5دەقیقەی بەیانی
حاتەم مەرزەنگ

https://t.me/Hatam_marzang