لە دەی ڕەشی خاکەلێوە
لەوساڵەی نەهاتی پێوە
لەو ساڵەی پالەوی نگریس
دارو دەستەی پەستی دڵ پیس
پێشەوای مەزنیان دا لەدار
کوردستانیان کرد تازێ بار
وەزیری بەرزیان شەهید کرد
دەستیان بۆ هێڵێکی سوور برد
شەهیدیان کرد سەدری قازی
لەعنەت لە شا و دادگا وقازی
کورد پەیمانی شەرەفیان بەست
بە خوێن،بەماڵ،بەدڵ،بە هەست
نابن بە دۆستی پالەوی
لای دوژمن سەرناکەن نەوی
لە ژێر دارێ دەبنە سەردار
وەک وەزیری سەرەک کۆمار
قەت دەستی پالەوی ناگرن
بەسەربەرزی نەبێ نامرن
کویلە نابن،پەت دەپسێنن
بۆ زاڵم پشت ناچەمێنن
لەگەڵ زاڵم نابن بەیار
وەسێتی کرد سەرەک کۆما
کورد بۆ یەکتر دەبنە قەڵا
بۆ دوژمن دەبن بەبەڵا.

حاتەم مەرزەنگ
12ی خاکەلێوەی 2723

https://t.me/Hatam_marzang

هەوەڵ نامەی ساڵی 1402ی هەتاوی بەرانبەری 2723ی کوردی بۆ مانیسا.

ڕۆڵە لە ڕێگای خاکی نیشتمان
ببخشە سەرو ماڵ و تەن و گیان

هەرکەسێ نەیبێ حوببی وەتەنی
یاخوا داڕزێ گشت ئەعزای تەنی

هەرکەسێ حیز بێ لەگەڵ ئەو گەلە
تاجیش لەسەر نێ هەر کوێر شەلە

کەس حیز نێ بەقەت شۆفاری خوێڕی
لای مەردان فێر بە دەرسی بوێری.




کچە ئاقڵ و جوانەکەم،تەمەنت گەیوەتە 12ساڵ.
دەزانم جارێ هەستت بە ئازارەکانی ژیان نەکردۆ.
ژیان پڕێتی لە کەندو کۆسپ وگەو وهەوراز و کەوتن وهەستانەوە،لەکاتی کەوتن ولێقەوماندا دۆستی وەفادارو خوێڕی وفێڵبازت بۆ دەناسرێ.
لەکاتی شادی ودەست ڕۆینتدا هەموو کەس وەک دۆست و پیاوی باش لێت کۆدەبنەوە وریابە زۆریان ماری خاڵدارن وپێوە دەدەن،
بۆ وەی فریوی مەلای فێڵبازو سەیدی جادووگەرو شێخی نووشتەنووسوو فاڵگیری جندە نەخۆیوو لەداوی جەهل ونەزانی نەکەوی تا دەتوانی تاریخ وئەدەبیات بخوێنەوە.ئەگەر بەڵێنێکت دا وەفاداری قەول وبەڵێنت بە.ئەگە ئاشق بووی ڕێزی ئەشق بگرە،ئەشق وهەوەس و بێ ئەدەبی تێکەڵ مەکە.ئەشق نەبێ سەرچاوەی ژیان وشک دەبێ.هەوەس بایەکە دێ ودەڕوا. بێ ئەدەبی یانی بێ کەسایەتی بوون. کەوایە کچی جوانم تا ئاشقی کەسێ نەبی بۆ پووڵ وماڵ مێردی پێمەکە.
تا دەتوانی کتێبەکانی مامۆستا هەژار بخوێنەوە هەموو شتت فێر دەکەن. مێژووی میللەتانی جیهان بخوێنەوە.شیعرو مۆسیقا بەڕاستی قووتی ڕوح وڕەوانن،سەعدی شیرازیش دەڵێ :دەڵێ دەنگی خۆش غەزای ڕوحە. خوێڕی وپیسکەرو پنجڵ وتەوەزەل مەبە.ئینسانییەت ئائینت بێ وخاکی پاکی کوردستان ڕووگەی نیازت ونزات بێ.
هاوڕێت حاتەم 26ی خاکەلێوە

حاشا

حاشا کە من لە غەمی عەشق خۆ ببوێرم
یا بۆ دەوا،لای تەبیب پەیامێ بنێرم

دڵێک بە دەردی عەشق گرفتار نەبێ
ڕۆژێ سەدجار بە قەسابی دەسپێرم

من ئەوشەوەی عەکسی مانگم لەجۆ دا دی
عاشقی مانگ وشەپۆلی ئەستێرم

ئەو دەوای غەمی هیجران دەیبەخشێ
دەوای هەموو دەردە دەڵێم،بوێرم

ئەگەر تەڵەب بکا جانی جانانیش یار
لوعبەتێکەو بەدیاری دەینێرم

بێ خەبەر فرێ پەشم وشاشک وجبەت
وەرە مەیخانە بە مەی کێڵگەی دڵت بدێرم

دەڵێم حەتەم لەلۆمەی نەفام ناترسی؟
دەڵێ بەجامێ مەی دەدەم سەری بێ خێرم.

حاتەم مەرزەنگ
29ی خاکەلێوەی 2723 کوردی
https://t.me/Hatam_marzang

(دراوسێ)
دراوسێ تاکوو دەتبینم لەسەر پێ ئانێ خۆناگرم
سەرم سووڕ ماوە لەوحاڵە هەوای مەرگە،کەچی نامرم

بەخەندەو نازەوە کاتێ سڵاوم لێدەکەی سەیرە
وەکوو باڵندەیەکی ئاشقی ئازادی هەڵنافڕم

دەزانی بۆچی تا ئەوڕۆکە نەمدرکاندۆ ئەو ڕازە؟
دەترسم لێم بڕەنجی من لەبەر تاڵی تۆ خۆناگرم

لە گوندبێزارمو ئەمما لەبەر تۆ لێرە کۆچ ناکەم
هەتا تۆ لێرەبی شەرتە دەبێ لەوخاکەدا بمرم

لەمێژە دڵ دەکورکێنێ، کە بۆ باسێکی بتدوێنێ
لەوەیدا گیرم ئاخۆ چۆن حیجابی ئیحتیات بدڕم

دەزانم تۆ لەگوڵ ناسکتری و وەک غونچەیە لێوت
دەبێ ئەو باسی عەشقەم، من،بەشێوەی بولبولان بچرم

دەبا ئەو گوندە حاڵی بن دڵم چەن شێت وشەیدایە
لەسەر کانی ئەوینت شەرتە دەسنۆژی وەفا بگرم.
حاتەم مەرزەنگ
28ی خاکەلێوەی 2723ی کوردی
https://t.me/Hatam_marzang

(بۆ جوانێک)

جوانێ کە دێتە کۆڵان،کۆڵان دەکا گوڵباران
عەتری کەزێی دەبارێ هەموو ڕۆژێ ئێوارن

چەندە نەرموو نەجیبە،شۆخ و دەم بە پێکەنین
ئەی یاخوا بێ بەڵا بی،دڵڕفێنەی نازەنین

تا دڵ دەخوازێ جوانە،دەوای دڵی غەمناکە
نازانم چۆن وەسفی کەم ئەو شۆخە ژنە تاکە

دەیبینم لەرزم دێتێ وەک کارەبا ئەنگاوتە
نازانم چۆنی پێبڵێم هۆی حاڵم سیلەی چاوتە

خوایە ڕەحمێ بەحاڵم لە دەس ئەوهەمۆ نازە
ڕەنگەخۆشی زانیبێی شاعیرچەنێ جوان خوازە

حاتەم لەسەرەخۆبە،وەک ئاوی مەندی جۆبە
نەکا وەک شێخی سەنعان پێتی بشکێنن تۆبە.


ورمێ، ڕۆژی شەممۆ ڕێکەوتی 27ی خاکەلێوەی ساڵی 2723ی کوردی، حاتەم


https://t.me/Hatam_marzang

(جیران)

ئەرێ جیران تۆ خوڵا تاکەی هەردووراودوور بێ
زاری شیرینت دەبێ تاکەی هێندە مەغروور بێ

چاوت دەڵێن تۆهەستت کردۆبەقسەی دڵداریم
بە قسەی عەشقی بێ بڕانەوەم،بە بێ قەراریم

کچێ جێران کاتێ ئێواران دێیە دەروازە
خۆ منیش دەزانم هاتنت ئیشارە وڕازە

چەندە شیرینە قسەی ئەوین بە تاراوە بێ
لێمان تێک دەدەن کچێ جیران با شاراوە بێ

قەسەم بەو خوێنەی کچێ جیران بۆ کورد ڕژاوە
سەر دەکەم قوربان کچێ جیران ناکشێمە دواوە

ئەو ئێوارێیە کچێ جیران دێمە دەروازە
چاوەڕێت دەبم موحتاجم زۆر بێ ئەندازە.

حاتەم مەرزەنگ 29ی خاکەلێووەی1402ی هەتاوی،سەعات 12ی نیوەڕۆ سەراو

https://t.me/Hatam_marzang

همسایە


آمدی بە درگاە،دیدی بە درگاهم
دیدی چون دامنت من سر بە راهم

جان زتن چرا بدر نمیآید؟؟؟
آنگاە کە تو میکنی نگاهم!!!

خدا نکند کە نکنی وفا
ترسم دامن گیرت شود آهم

تو گل نازو من هزار دستان
بشنو نوای ساز جانگاهم

نمیدانم شنیدەای نوای نی را
من همان مرغ شیدای شبانگاهم

عزیزتر از جانم،جان عزیزم قربان
آری مداح شب وثنا گوی سحرگاهم

ای همسایە سایەات مدام مستدام
با عشق تو بلند مقام و جایگاهم

گفتم حاتم زین وادی خطر حذر
گفت عشق نباشد بی جلال وجاهم.

29فروردین 1402
hatam

https://t.me/Hatam_marzang