دەمهەوێ دەردی دڵم کەم داخەکەم کوا هاودەمێ؟
کواڕەفیقێکی بەدڵ دۆست ناگەمێ هەر ناگەمێ!
دۆستی ڕاست وپاک وسادق گەر هەبوو یادی بەخێر
کۆنە خەونێکە تەواو بوو سەردەمێ بوو سەردەمێ
دڵ پڕی داخ وغەمو دەردم لە دەس دەورانی ڕەش
دەرزی ئاژن بۆ دڵم، چۆنی پەیا کەم مەڵحەمێ

گوندەکەم پڕ بۆ لە داوەڵ، گوڵ لە گوڵزاری نەما
ڕاپەڕە ئەی ئاندوزاوی جەنگەیەتی کەرەمێ

غەیری کێوی دژ شکێنی قەراوڵخانەی مەزن
من لە لای کێ دەردی دڵ کەم،هەڵوەرێنم چۆن غەمێ
کێوی کۆخاباس دڵی تۆش وەک دڵی خۆم پڕ خەمە
دێتەوە نەورۆزی پیرۆز جا لە چاڵ نێین وەرهەمێ.
17ی بەفرانباری 1401
حاتەم
ئاندوزاوی: کێوێکە لە باشووری ڕۆژ هەڵاتی سەراو
کۆخاهەباس: لە ئەسڵدا کۆخا هەباس کێوێکە لە باکووری ڕۆژهەڵاتی سەراو، لە کۆندا ئەو کێوە و زەوێکانی دەوروبەری مڵکی کۆخا هەباس ناوێک بوون.
قەڕاوڵخانەش ئەوە کێوێکە قەڵا وشوورەی سەراوە.

(مادرت فهمید)

مادرت فهمیدو ماهم نالەها کردیم برار
سیل اشک خونبار آسمان است بر مزار

من لە مێژە لەم وڵاتە شین دەگێڕم کاکی خۆم
غەم دەبارێ لەو هەوارە،پاکی سووتان لالەزار

مادرت فهمید وماهم اشکها کردیم روان
غرق در اندوە وآهند مادران مهربان

کەوسەرە ئاویو بەجارێ گەوهەرە خاکی وەتەن
سەر هەتا پا گێانفیداتم خاکی پاکی نیشتمان

دستی بر دامان گیتی،دستی بر زخم جگر
مادری نالان وگریان مادری چشمش بە در

ای خدا لطفی بفرما دادبی دادان بگیر
درعجب ماندم کەچون میچرخد این گردون پیر.
حاتەم
دیماە 1401
https://t.me/Hatam_marzang

جووتێ دڵدار جووتێ هاوڕێ
جوانیان کردۆ حەوزی بەر دێ
حەوزی ئاوی سەرچاوەیە
سۆمایی ئەم دوو چاوەیە
جووتێ سۆنەی ئەویندارن
دوور لێکتری بێ قەرارن
بێ زمان قامووسی عەشقن
لای شاعیر مەکتەب و مەشقن
با لەوان فێر بین دڵداری
لەوان فێر بین فیداکاری
بەڵێ کێ شەیدای سەراوە
ڕۆحی بە ئەوین پاراوە.
حاتەم مەرزەنگ 18ی بەفرانباری 1401
وێنەیەک لە حەوزەکەی سەراو
https://t.me/Hatam_marzang

نمای از کوە قەڕاوڵخانە سراب،(قراولخانە یعنی نگهبانخانە)
ئەی قەراوڵخانەی بەرز
شکۆمەند،باگر،شێر نشین
تۆ هاو دەمی ئەو کەسانەی
بە مەردی و مەردانە دەژین
تۆ ڕوو سووری دڵی مێژووی
مل شکێنی مرۆی بیژووی
تۆ ژوانگەی منو هەڵبەستی
تۆ سەرچاوەی سۆزو هەستی
تۆ قامووسی کۆڵنەدانی
بۆ شاعیر سۆمای چاوانی
تۆ نەبی منو شیعرم نین
تۆ و سەراو نەبن ئێمە چین
بۆیە دڵێم کاتی مەرگم
خۆڵت بخەنە کفن وبەرگم.
حاتەم مەرزەنگ 19ی بەفرانباری 1401

دووهەمین نامەی مانیسا خانم بۆ باوکی

تۆم خۆش دەوێ

شەرمی پێناوێ ئەزیزم تۆم بەڕاستی خۆش دەوێ
ڕۆژقەرارم نێ لەدووریت،شەوهەمووهەر بێ خەوێ
تۆش حیجابی شەرمەکەت لادە،چ وەختی چادرە؟
بەڵکوو کۆتا بێ خەیاڵات و دڵی شێت داکەوێ!

با پەری عەشقت بە خەندە هەڵکوشێ قورگی خەفەت
با شەماڵی خۆشەویستیت هەوری دووری پێ بڕەوێ
شیعرەکەم ڕەنگە کزو کاڵ بێ لە بواری کێشەوە
ئەمما چاکی لێبڕوانە پڕ لەسۆزی مەعنەوێ

من ئەگەر دەمزانی بت بینم ئەواهام دێ بەسەر
سوێند بە چاوی پڕ لە جوانیت پێم نەداویشتە ئەوێ
هێستێ کار لەکار ترازاوە بڵێ تەدبیر چییە
دڵ کە بێ عیلاجە ئەو هیچ،تەمی سەر چۆن دانەوێ
چاوەکانت دەفتەری عەشقن بزەت تەعبیر لەوەن
هەر بەئیشارە بفەرموو ئاخۆ حاتەم چی دەوێ.؟!

23ی بەفرانباری 1401
حاتەم
https://t.me/Hatam_marzang

خەتای دڵ

خەتای دڵ بوو سەری کردی بەقوربان
دەنا خۆم پێوەبووم بێنم سەرو گیان

دەزانم بۆت کەمە ڕوح و وجوودیش
هەموو بوونم فیدای چاوت بە قوربان.

23ی بەفرانباری 1401
حاتەم
https://t.me/Hatam_marzang

https://t.me/httpshatammarzang

دڵداری بێ گەردی دەوێ
وەفاداری ومەردی دەوێ
گیانبازی وخۆ سازی دەوێ
ڕازداری زۆر ڕازی دەوێ
نابێ دڵی یەک بشکێنن
غروری یەکتر دابێنن
نابێ زمان تاڵی بکەن
خۆ لێکتر ناحاڵی بکەن
ئەوینی ڕاست قەت کۆن نابێ
عاشقی پاک قەت مۆن نابێ
من دەزانم ئێوەی دڵدار
پاکن،بێ،غەوشن،فیداکار
هێندە پاکن،هێندە جوانن
کەس نازانێ یەک نین دوانن
وەک مەم وزینی بۆتانن
ڕوحێکن بە زاهیر دوانن
یا وەک خەج وسیامەندن
دوو عاشقی بەدەهەندن
نانا وەک لاس وخەزاڵن
لە خۆشەویستیدا قاڵن.
حاتەم1401

https://t.me/Hatam_marzang

دیدەکەم زەردەی ئێوارانم ئەتۆی
چاوەکەم سۆمایی چاوانم ئەتۆی
چاوەکەم چۆنی بڵێم چەند شیرینی
شەهدی غونچەی پۆپی دارانم ئەتۆی
تۆ لە سروەی بەر بەیانان پاکتری
هێمنی بەخشی ڕوح وگیانم ئەتۆی
چاوی بیمارت وەهای کردۆ لە من
بێ دەواو دەرمانم هەتوانم ئەتۆی
کوڵمەکانت سووری خوێنی خۆر پەڕن
پڕشەنگی خۆری بەیانانم ئەتۆی
چیت دەوێ غەیری ئەوینی بێ غەشم
خۆ کوتوومە جانی جانانم ئەتۆی.

حاتەم مەرزەنگ
23ی بەفرانباری 1401

https://t.me/httpshatammarzang

زاڵم

لێم گەڕێن ماندوی ژینم هێندێ هەدادانم دەوێ
مۆسیقای کانی و شنەی نەرمی بەیانانم دەوێ

من چرۆی پۆپی چڵوگۆرانی قومریوسازی مەل
قاسپەی خاسەکەو و ئاوازی حەیرانم دەوێ

نامهەوێ چیتر ببینم شیوەن ومەرگ ونەمان
سەراوی ساڵانی کۆنو کووچەو کۆڵانم دەوێ

دەمهەوێ نەورۆز لە سەر لوتکەی قەراوڵخانەبم
من هەواری بێ هەرا،کوانێ قوڕ پێوانم دەوێ؟!

نامهەوێ چیتر ببینم گەزمە بگرێ دەوری گوند
خۆ ئەمن کوند نیم،لەکوێ قەڵاتی وێرانم دەوێ

ئاوی ژیانەئەوشەڕابەی بۆتەقاموسی شەرەف
من مەی و تارو نەی و مەجلیسی یارانم دەوێ

قاقرە دەشتی وەفا،کانی ئەوین ویشک وکپە
دەستی کیژێکی لەبارو نەرمە بارانم دەوێ

من گەلێ بێزارلە ئینسانی ڕیاکارم برا
پڕ بە دڵ مەرگی کەسی خائین بە یارانم دەوێ.

حاتەم مەرزەنگ 23ی بەفرانباری 1401
https://t.me/Hatam_marzang

وەکیل جەنابی کاک دوکتور برایمی ئەزیزی
قوتابی مەکتەب،قوتابی مۆسیقا وقوتابی زمانەکانی کوردی و ئینگلیزی،مانیسا خانمی مەرزەنگ.24ی بەفرانباری 1401

https://t.me/Hatam_marzang
https://t.me/httpshatammarzang

تۆ خوا دڵ،لای کەسێ ڕۆنێ
کە ڕەندە وشارەزای کارە

لەژێر ئەو دارە دانیشە
کە پڕ سایە وبەرو بارە

نەبێ هاوڕێ لە گەڵ بەدخوو
کە دەردی ناکرێ چارە

لە خائین دوور بەو دووری کە
لەوەی دووزمان وشۆفارە

بترسە لەوکەسەی دوو ڕەنگ
دەمێ یارە دەمێ مارە

گەدایی عیلمو زانست کە
لەوەی ڕەندو خۆش ئاکارە

لە حاتەم خوردە نەگری دڵ
دژی زۆرداری بێ عارە.

24ی بەفرانباری 1401
hatam
https://t.me/Hatam_marzang

بەناوی خوا

بەپیری چوومە پیری شێعری کامیل!

شێعرێکی مامۆستا کامیل ئیمامی ناسراو بە "ئاوات" لەگەڵ خۆیا بردمی و لە ئاسۆی خەیاڵ گیرسامەوە!



قوربانی وەفا

گیانەکەم! تاکەی بەناز و غەمزەوە شەردم دەکەی؟
وەیلی لەیلان و تەرەی هەر چۆڵگە و هەردم دەکەی؟

جێگە پەنجەی گورگی پیری ها بەنێو چاوانمەوە!
تۆ بە ئامووری جەفا بۆچی وەها وەردم دەکەی؟

ئەزبەنی! تاوێ کەرەمکەن چاوەڕای یەک زەردەتم
تێک‌مەنێ ئەبرۆت گوڵم لەو ژینە دڵسەردم دەکەی

هەر وەکوو پاییز گەڵای عومرم لە دووریت هەڵوەرین
دڵبەرم! دڵبەردی بۆ، بەوشێوە ڕووزەردم دەکەی؟

نەخت و پوخت هەرچیم هەبوو دامنا لە سەودای ئاوڕێک!
چۆن دڵت دێنێ تەریک و بێ نەوا، تەردم دەکەی؟

هەر وەکوو"کامیل" لە دەرگانەت هەزار جار هاتمە چۆک
<< دەمکوژی بەم دەردەوە یا چارەیی دەردم دەکەی؟>>

خۆ بە قوربانی وەفاتم  شاتەواری بەرزەفڕ
پێم بڵێ گیانی" لەتیف" تاکەی بە سەرگەردم دەکەی؟.

لەتیف عەلەوی: 1401/10/24 هەتاوی

چاوەکەم هەروەکوو جووت بەندە بە موو بەندم دەکەی
تۆ بە فوتوای حاکمی چاوت بە موو بەندم دەکەی
نازو غەمزەی گوڵ عەیانە چی لە بولبول کردوو وە
سوور دەزانم ئەو بەهارە تووشی نامەردم دەکەی
پیر نەبووم ئەمما جەفای تۆ مۆرکی پیری پێوە دام
کافییە ئەو نازە، هەر وەک، هێڵی ناو وەردم دەکەی
سەروەتی لاویم خەریکە تیا بچێ لەو نەردەدا
وا مەکە تووشی کڕاک و شیلەو گەردم دەکەی

وەک لەتیف وحەزرەتی کامیل لە دەرگات شین دەکەم
(دەمکوژی بەو دەردەوە یا چارەیی دەردم دەکەی)
      حاتەم
لەتیف: شاعیر کاک لەتیف عەلەوی
حەزرەتی کامیل: مامۆستا ئاوات،سیدکامیل ئیمام زەمبیلی.
          حاتەم24ی بەفرانباری 1401

منور شدم

تو را دیدم و از راە بدر شدم
بدام فتادم،دچار دردسر شدم
نرگس مستت چنان کرد با من
کز حال خویش بەحال دگر شدم
حالم خوب نبود از دست زمانە
لکن بد وبد و بدتر شدم
بە رویت قسم کە در بند مویت
چنانم کە از خود بی خبر شدم
چەشٱنیست عاشق چون تویی شدن
چەبختیست چنین مفتخر شدم
جستم از دام خود بینی وکبر
وارد وادی کفر و خطر شدم
جانا دل را ربودی و جان را اسیر
راز عشقت اینست کە منور شدم
روز اول از نگاهت فهمیدم
کە تو حاکم و من غلام در شدم
ویران شد سرای کبرو جهل
آری منورخانە بی درو پیکر شدم
حاتم، بگو یار با ما نکند این کار
کە باخود دچار شورش وشر شدم.

کافر شدن یعنی عروج وتعالی اندیشە.
27دیماە 1401
حاتەم مەرزەنگ
https://t.me/Hatam_marzang

بۆ ئاوایی سەراو، زێدەکەم

دڵێکی شکاو و تارێکی تەل پساوم
دارێکی تەریکی زەردی دوورە ئاوم
ڕەزێکی شەختە گرتەی گەڵا وەریوم
لە ئاوێنەم ڕوانی سەیرە ئاوا ماوم
ئاری بەهیواوە لە ئاسۆ دەڕوانم
بۆیە بە دەردی زەمانەوە ژیاوم
ئەرگەر نەبوایەن سەراو وسەرچاوە
وشک دەبووموو کوێر دەبوون چاوم
من لە مێژە ئەو سوێندەم خواردۆ
بێ سەراو دەزانم بڵقی سەراوم
جا ئەوگیانە نەکەم بە فیدای خاکت
داڵێکی ڕوو ڕەشی ڕێ شێواوم
حاتەم سەری فیدای خاکت سەراو
ئەی قەراوڵخانەی قەڵای مەزنە پیاوم.

30ی بەفرانباری 1401
حاتەم
https://t.me/Hatam_marzang