گەڵای داری هەزار ئاوات وەرین و بێ بەهاری هات
وەرزی پڕ مەینەت و ئازارو ئۆفو دەردەداری هات
هەتا چاوم هەڵێناو پشتەوەم ڕوانی تەمەن ڕۆیی
فەراقی غونچە بۆ بولبول،زەمانی کۆڵەواری هات
بەڵێ هاتو لەناکاو هات خەزانی خاکە لێوەی ژین
لەسەرتەرمی گەڵابۆبولبول جەنگەی تازێباری هات
بە داخ وحەسرەتو خۆزیاوە جێ ژوانێ بەجێدێڵم
شەوی پڕ بێ پەرەستاری وخەیاڵ و بێقەراری هات.
سەراو.31ی پووشپەڕی 1403 ساعەت 11شەو
حاتەم
https://t.me/httpshatammarzang

تێلبەندی تووندترین سنوور
سوارەی قەڵەمم ڕاناگرن

نووکی تیژی هێچ تێلبەندێ
سینگی کوڕی شیعرم نادڕن

ئەو سنوورانە،دەسکردن

دەهۆن،فێڵن
زوڵمی زاڵم

فیلمی تەبانی
چەند زۆڵن.
سەراو حاتەم مەرزەنگ

دوازدەی مندارەمانگی ساڵی 2724ی کوردی