زۆر کەس دەڵێن:
ماوەیەکە شیعرەکانم هەرچەن سادەن
بەڵام پڕ لە گڕی عەشق و
گەرمایی شەڕاب و بادەن

زۆر کەس دەڵێن:

ماوەیەکە شیعرت بۆ ڕۆژئاوای دێیە
بۆ کۆڵان و مانگی شەوە
ئاخۆ ئەو دڵکەشەت کێیە؟

دەڵێم یاران:
ماوەیەک نێ، ساڵانێکە دڵم لەگرەوێک داناوە
دەزانن بەقەت چی جوان و
دیارو شیاوە؟
بە قەت هەوەڵ تیشکی خۆری بەر بیانی
بەقەت عەکسی دواین زەردەپەڕی هەتاو
لە نێو کانی

دەڵێم یاران:
هەر منداڵ بووم،بوومە شاعیری گوندەکەم
ساڵانێکە کۆڵانم کردۆ بە قیبلە و
نوێژی عەشقی لێدەخوێنم
هێندم نازدارێ خۆش دەوێ
نازانم چۆنی بدوێنم!!!!

24ی گوڵانی 1402
سەعات 10و54دەقیقەی پێش نیوەڕۆ
حاتەم مەرزەنگ

https://t.me/Hatam_marzang

(من خەتام نێ)

من خەتام نێ
تۆ لەشیعری مندا خوێنی
دێیو دەچی
بەڕۆژوو شەو
لەشایدا،لە شیوەندا،لە شیرین خەو
سەد جارم دادەچڵەکێنی

من خەتام چێ؟
تۆ لە مەڵبەندی شیعرمدا
شۆڕە ژنی شەنگەسواری
تۆفانێکی بێ ئامانی
لەگوند دەبم دەسووڕێنی
دەچم شار پێم دەکەی یاری
هێستاش جوانێ،ئەی شۆڕە ژنەکەی کۆڵان
هەموو ڕۆژ پاشنوێژی شێوان
کەمەل کەوتن لە جریوان
وەرە دەرکە بە نیگایەک
سەربەستم کە
بەماچێکیش لەلێوی تورت و ناسکت
سەرماستم کە.

24ی گوڵانی 1402ی هەتاوی
حاتەم مەرزەنگ

https://t.me/Hatam_marzang

شیعرەکانم
ماوەیەکە بوو ون بە کۆتری ماڵی
دەچنە سەر گوێسوانەی ماڵێک
شۆڕە ژنێکی ڕەزا سووک
چاوی نەرمەو سوورە شاڵی

شیعرەکانم
ماوەیەکە وەک کۆترێکی تۆق لە مل
لە حەوشەی ماڵێک دەنیشن
شەنگەژنێکی تێدایە
ئەسمە، ڕوومەت گوڵ،شل ومل

شیعرەکانم
باڵدارێکن سڵ ناکەن لە پەنجەی هەڵۆ
ئێواران دەچنە کۆڵانێک
بە تاسەوە بەکوڵ و کۆ
چاوەڕوانن
بەڵکوو خوا بکا
ببن بە ڕاوی نیگای تۆ.

حاتەم مەرزەنگ
سەعات 6ی ئێوارێی 24ی گوڵانی 1402
ئاوایی سەراو،لەسەر دوندی کێوی قەڕاوڵخانە ئەم شیعرەم نووسی.

https://t.me/Hatam_marzang

پێی بڵێ با هەڵگرێ ئەو چادرەی شەیتان لە ڕووی
کافریان کا،خێڵی عەییاران بە داوی تاڵی مووی

عەیبە،ئیرادە لە قەڕنی حازرا ڕووت دەرخەوە
خۆ هەزار ساڵە ئەزیزم هەر ئەسیرو بەردە بووی

بەیرەقی سەر بەرزی ئەو عەسرە بەدەستی تۆوەیە
سەرهەڵێنە زۆر لەمێژ بوو کۆیلەی ئەو نامەردە بووی
دەرخەوە شیری برۆکەو نێزەی موژگانی ڕەشت
سەردەمانێک حاکم وسەرداری سەر ئەو هەردە بووی
بۆ مەگەر نەتخوێندۆ دەرسی غیرەتی لەیلای نەمر
کاتی مەرگی چاوی زۆڵی کوێر دەکرد پڕشەنگی ڕووی

ئافەرین و بارەکەڵڵا ئەی ژنی سەربەرزی کورد
تۆ بە دەرس وخوێندن و فێر بوون بە ژیری تێوە چووی.

26ی گوڵانی 2723 ی کوردی
1402ی هەتاوی
حاتەم مەرزەنگ

https://t.me/Hatam_marzang

ساقی صیقل دە بە نور بادە جام ما
موطرب بزن،جهان نمیشود بەکام ما

اگر یار وفا کند بە بوسەای از لب
شاید دوا شود درد گران مدام ما

گفتم بردیدە پا بگذار و منت کن
بە درآ وقت انتظار شبهنگام ما

دل ما در انتظار آن لحظە خوش است
کە درآی،بە کمال رسد شعر ناتمام ما

خاک کوچە تو را بە بهشت نمیدهم
ای کە نام تو ویرد هر سحر و شام ما

بە چوگان زلفت قسم یار نازنین
بازی با چوگان حرام است در مرام ما

بەخاک کوچە با صفایت سوگند یار
کە شدەای دلبر مهتر و معتبر و همام ما

حاتم،دامن ساقی بگیر و دوای درد کن
کە سر لطف ندارد یار شیرین کلام ما.


حاتم مرزنگ
26اردیبهشت سال 1402شمسی
ساعت 3و30دقیقە بعداز ظهر

https://t.me/Hatam_marzang

شەوانە تا درەنگی شەو،خەوم بە دیدە دا نایە
دڵم دێوانەیە بۆو بەژن وباڵا ڕێک و ڕەعنایە

لە گەڵ شۆڕە ژنێکی نازەنین دڵ تێوەچۆ ئەمساڵ
دڵم تەیرێکە لەو داوی ئەوینەی تازە دەر نایە

ئەوە چەن ڕۆژە نایبینم لە کۆڵانێ لە بەر دەرگا
بە چاوی پێم دەڵێ تێدام بە ڕەفتاری دەڵێ نایە

گەلی زانا دەڵێن بۆ بولبولی شەیدا وەفای نێ گوڵ
ئەمن ئەو نازەنینم دی کەوایە جا کوتم وایە

لەگەڵ پۆلی خەیاڵاتم دەچم بۆ حەوشەکەی خوارێ
شەپۆلێکی هەنیسکی پڕ لە فرمێسکم لە گەڵدایە

لەبەر دەردی وڵاتی نیشتمانم هەڵدەڕێژم غەم
لەبەر ئازاری ئەو چاخە دەناڵێنم وەکوو نایە

بە ئارامی سەری گۆزەی پڕی فرمێسکم هەڵدەگرم
بە دڵ دەگریم و ئەسرینم لەسەر گۆنام دەکەن کایە

هەنیسک و دەنکی فرمێسک و هەناسەی پڕ لە ئاهو دوود
هەوێنی شیعری سەربەستن،غەزەل ئاوا نەبێ نایە

هەور ئەوشەو لەگەڵ من هەڵدەڕێژێ ئەسر و با دەگری
حەتەم،سەربەرزی بۆ دەگری بڕۆوە ژوورێ سەرمایە.

31ی گوڵانی 2723ی کوردی
31اردیبهشت 1402
حاتەم مەرزەنگ
https://t.me/Hatam_marzang

عەبەڕەشێکمان هەبوو لەو سەراوە
داخی داخم ساڵانێکە نەماوە
دڵی کانی ئەوین بوو بێ غەرەز بوو
بێ داوەڵ وبێ بژارو مەرەز بوو
نومادی دڵپاکی وجوانی سەراو بوو
لەگەڵ پیر،پیر،لەگەڵ لاواندا لاو بوو
دڵی بەحرێ بوو لەبەزەیی و بزە
نەیدەزانی فێڵ و دوو ڕوویی وگزە
ئائینی ئینسانی وئاشقی شادی بوو
هەرچاوەڕێی سەربەستی وئازادی بوو
بەخاکی پاکی کوردستان تا ماوم
لەدڵ دەرناچێ،ون نابێ لە چاوم.
ڕوحت شادبێ عەبەڕەشی مەزن
حاتەم مەرزەنگ

سەراو و حەوزی ئاوی بێ بەڵا بن
نەیاری دەردی بێ چار موبتەڵا بن
شکۆی هەروا شکۆمەند بێ بەدایم
سەراوسەربازی جەنگەی گیان فیدایم
قەڕاوڵخانەکەت هەروا بەرز بێ
کۆخاهەباست جوانی سەرعەرز بێ
ئاندووزاویت هەر مل شکێنی دز بێ
ئارەزوومە دوژمنت پەست و کز بێ
مەخابن کۆخا و عاقڵمەند نەماون
دارە تۆکانت پیر بوو ون شکاون
هیوادارم نەسلی تازە بگاتێ
ئەوەی حەقی خۆتە سەراو بتداتێ.
حاتەم
کوتایی بەهاری 1402

(دەمبینی ناوەستی)

جوانی دڵبەرد،دەمبینی ناوەستی
بتبینم و غەمی دڵ بە با دەم

خۆ دەزانی دەمێکە گیرۆدەم
عاشقێکی خادمی بێ ڕادەم

لەوەتا عاشقی تۆ بووم نازدار
بێ منەت لە جامی مەی و بادەم

من بەرەو تۆ هاتمو تۆ ڕۆشتی
ئاواش تاڵێ مووت بە دونیا نادەم

مانگی ڕووت بەردە شەوم تاریکە
من عاشقی مانگەشەوی سادەم

زوڵمو بێدادە لە من تۆ دەیکەی
پێکراوی ئەو زوڵمو بێدادەم.


حاتەم مەرزەنگ
2جۆزەردانی ساڵی 2723 کوردی
2خردادی 1402 خورشیدی
https://t.me/Hatam_marzang

قدم بر دیدە بگذار

منت بگذار بر دیدە قدم نە
لە عەشقم تێگەیین دانیشتووی ئەمدێ

کمان ابرو چنان کردی با دل
کە خوێناوم لە زاری شیعرێ دەتکێ

بەچشمات کردی صد رخنە بە جانم
سەرم سووڕماوە چۆن لاشەم دەوەستێ؟!

وەفا از گل ندیدە هرگز بلبل
چ سڕڕێکە کە شیعران هەڵدەبەستێ؟!

کج شمشیر ابرو وای چها کرد
خەتیبی دڵ لە مینبەر کاری مەستێ

بە حاتم گفت پیری چون کنی تۆ؟؟؟
گوتی گەورەم لە ڕەمزی جوان پەرەستێ.

دوم خرداد سال 1402خورشیدی
حاتم مرزنگ

https://t.me/Hatam_marzang

نازنینم بندە را معذور دار
از لبت خواهم کمی آب انار

دڵ نەخۆشە بۆ مژێکی ئەو دەمەت
کۆڵەوارم،کۆڵەوارم،کۆڵەوار

ئەو هەمۆ نازەی کە تۆ دەیکەی کچێ
سوێند بە خاکی نیشتمان ناکرێ ژومار

قەت دەزانی ئێوارانە چی دەکەی؟؟
لە منی ئاشقی شەیدای دەردەدار

یا لەپشت دیوارەوە گوێ هەڵدەخەی!!
یا لەپڕ دێی هەر وەکوو باز بۆ شکار

یا وەکوو ئاسک سڵ وسرک وبرەو
دێیە کۆڵان و لەپڕ دەیکەی فەرار

ئاخە بەسسە خۆ دڵی تۆ بەرد نییە
از مهار خارج شدە میزان کار

چاوەکانت دوو کتێبن بۆ فریو
زولفەکانت تاڵ بەتاڵیان بوونە مار

پارەکە دوور بووم لە سیحری چاوی تۆ
بۆیە ڕۆژێ هەر دەڵێم خۆزگەم بە پار.

حاتەم مەرزەنگ
ڕۆژی هەینی ڕێکەوتی 4جۆزەردانی 1402

https://t.me/Hatam_marzang

سڵاو جەنابی دوکتور شاهۆ،مامۆستای خۆشەویستم.مامۆستای زانکۆ.

شانسی من وایە دەمێکە لە بەڕێز بێ خەبەرم
من قوتابیم وبەڕێز هەر سەروەرو فەرماندەرم
بەختی من وای کردووە ئاگام لە ئەحواڵت نەبێ
خۆ دەنا یادی بەڕێزت خەڵوەتی ناکا سەرم
ڕۆژگار هێند سپڵەیە قەت یاری ئەهلی دڵ نەبۆ
گەر هەلم بایە لە لای ئەهلی عیلم خاکی دەرم
ئینتیزاری زەڕڕەیەک مێهرم لەوچاخەی حیزنییە
ئەژدیها بێ خوێن بژی،دوکتور قەت نابێ باوەڕم
لێگەڕێم با لەو گلەییانە لەڕۆژگاری چەپەڵ
عاشقی جوانیمو من شەیدا مەلێکی شەوگەڕم
واقیعەن یادی موبارەک لەو دڵەمدا هەر هەیە
من لەگەڵ ئەویادە پیرۆزانەیە موفتەخەرم
بێ بەڵابی وهەردرێژ بێ عومری پڕبارو شکۆت
من لەسایەی عالمانە خاوەنی چەند دەفتەرم
ئوستاد، حاتەم هەرقوتابی مەکتەبی ڕێزدارتە
فەیزی ئێوە باعیسە مێزەری شیعرم نا سەرم.

4 ی جۆزەردانی 1402
حاتەم مەرزەنگ

https://t.me/Hatam_marzang

یک نفر هست کە در جان ودلم جا دارد
ماندنم در روستا با او معنا دارد

جرٲتم نیست کە نام او را فاش کنم
دهنش شهد و لبش صد مینا صهبا دارد

صورتش ماە شب و زلفش شب وعطرش مشک
چشمانی رهزن و مست وبی پروا دارد

هر روز تنگ غروب گاهی میاد در کوچە
انگار کوچە ما باغی مصفا دارد

نیست مهار دل در دستم وباقی نیست عقل
چە کنم جان از لبش بوسە تمنا دارد

مدتیست مرغ دلم در دام او افتادە
بهر آزادی عجب سعی وتقلا دارد

نازنین دلبر ما وصفش زبان برناید
آتشین صورت واندامی مطلا دارد.

حاتم مرزنگ
4 خرداد 1402
https://t.me/Hatam_marzang