لا تعلم ابنك الرماية والسباحة وركوب  الخيل .

علمه فين يرمي #القمامة وكثر الله خيرك.

#قاهي_الا_هي

إحنا دخلنا مواقع التواصل #هربنا من الواقع الملعون ومن الوضع اللي احنا فيه من مشاكل ونكد ومضايقات...

#ندخل نمزح ونتسلى وكل واحد يعبر ع اللي بقلبه ، ويلاقي اللي يسمعه ويتفهمه وكل من ويتعلم من غيره.

يعني ماجيت هنا عشان تدور لنفسك مشاكل وسب وشقداف مع الغير وعداوة ، #خلوا الناس تهرب من واقعها لهنا وتعبر عن اللي تشتي تقوله بدون ماحد يضر أحد.

لأنه والله كل شخص فيه اللي مكفيه  من ظروف ووضع

#لاتغثونا ‌🚶🏽⁩💔

عندي فوبيا من اي بنت تطلع حواجبها من البرقع 🥲

#ترند_الفوبيا

عزيزتِي اليمن..
عزيزتِي بكسر التاء ، بكسر أذرعِ الخوف
ها أنا هُنا ألوح لكِ من بعيد ، أنا المُتأكل هُنا على ما أفزعكِ وما يُصيبك.
#الأمان والسلام لِسُكانكِ ولكِ

ها أنا كلي خوف شديد على أهاليكِ
#أشاهد من هُنا الإشلاء المتناثرة ، بين حُطام الأحلام والمباني ، وصوت أناتكِ في كُل مكان ، تدمرت الجُدران ، وسُد باب الخروج وأصوات باكية ، ومائدة خذلها سقف المنزل فَاتسخت بالدم والغبار...

#أهالي مُهجرة ، وبيوت مهدومة ، تحولت البيوت إلى جنائز ، الكل ينتحبُ لنفس السبب ، الجميع تائه ، الفوضى ملأ المكان ، الرّجال تُكبر ، والنّساء تدعي ، والأطفال في قبضة خوف شديد
الخوف يعصفُ بالجميع !

وأنا أبكي بحرقت المُتهشم قلبهُ وأدعو الله..

اللهُم اليمن !
اللهُم اليمن !

كل الاوطان ام للمواطن الا #اليمن


تحس انها خالتك مرت ابوك 🌚

#لمو_اكا

هو عليه مهر وذهب وكسوة وحق صالة وحق حفلة وحق العرس...

وعاد انتي تشتي هو اللي  يجي لك خاص ويقول ممكن نتعرف يوووه والكسل ذي فيكن 😑🤨. 

#مايسبرش_والله  😪💔

#تذكيرررر

القهقهة والحديث العالي في وسط الشوارع وإرتداء ما لذَّ وطاب من الألوان المُبهرجة التي تَلفت حتى نظر الأعمى ، #ورش العُطور التي تُشَّم من مسافة ألف ميل...

#ليس بالأمر الجذاب ، إنه مؤذي
وفوق ذلك #حرام...🤝🙂

الله يرحم ايام زمان لما كان الاخلاق

اهم من مزيل العرق💔👌😔

#لاتصرعناش

مزيل العرق اذا مابش عندك قيمته


اسرقه وذنبك في رقبتي انا 😒


#مله_وكيف

#استفسار_صعب

يقول المثل اطلب العلم ولو بالصين...
ومش العيب انك تطلب العلم في الصين بس العيب انك تطلبه في الخاص...

وتدخل خاص لكل بنت متفاعلة بالجملة الشهيرة #ممكن_سؤال !؟

لدرجة ماعد خليت بنت الا واستأذنتها بممكن سوال 🙂 والخجل والحياء بيتصبب منك .. والمشكلة انه ما درينا ايش هو السؤال ولا درينا ليش بالتحديد السؤال هذا للبنات ..

تعال كلمنا ماهو السؤال الذي شغل بالك والذي ماقدرت تسأله بالجروب ولا رضيت تطرحه على الشباب ..

اسلوب الدخول للخاص بـ حجة طلب العلم هذا قديم جداً انصحك تتطور شوية 🙂 وغير كلية الحب الذي بتدرس بها ....

انا لا يمكن يهدأ بالي الا لما اعرف ماهو السوال الذي تشتي تعرف إجابته 😑🌚

#خربشةة ..
وقفت دقيقة قدام المرايا فكرت بحالي وبعيوني ماحسيته غير بدموع تنزل !!
ليش #مدري !!

شعور بلا شعور أنه أنا الان وين ..؟
ليش بجري.. بجري بحس نفسي بمكاني !!

طيب انا اشتغل اتعب اساعد غيري واتمنى الخير لغيري أكثر من نفسي ليش يرجعلي العگس !!؟
أسئلة.. بلا جواب ..؟

العالم كله حولي أهل أصحاب خرجات مشاوير بس ناقصني شي ايش هو #مدري ... وحدة .. وجع ..كره .....
#ليش ولمن ماعرفش احاسيس ملخبطة وداخله ببعضها البعض ..

احنا كبرنا بدررري و ماعادت الحياة تعني لنا اذا متنا او عشنا ، اذا صار الوضع تمام او اسوء عايشين كدا لفكرة انه عايشين وبس مجرد جسد بلا روح ...
#مجردين من المشاعر والاحاسيس ... دنيا بلا لون !
#مجرد عمر يمضى و فجأة تصبح بجدران الخمسين كيف مشت الامور كيف مضي العمر ....

#كله_مجهول ...!!؟

صباح الخير للبنت الذي لسانها طويل
اما الطيبات والمحترمات هولا الحياه معاهن ملل ونكد

#بنت ماتفعلش سبعين نثره في اليوم ابرد منها عتدي لك الاكتئاب

#صباحكم_مشاكل

قمر يشوف قمر
سبحان الله ظاهرة كونية غريبة🌚🤍🤍 :

‏لا تركن سعادتك على باب أحد هناك سبع سماوات تتسع لك ولأمنياتك...

مش بعدين يجي لي واحد ويقول فلتتني مدري زعلان مدري منفس مدري مكتئب ومن هذه الحركات النص كم 😒

#شمطرق الخيبه
#قدي للنخر

مش ڪل بنت حزينة يعني تحب...


يمكن عليها #غسوله ي شكاكين😒😂🚶🏼‍♀.

أجمل شيء في مواقع التواصل الإجتماعي #تنحب وتنخان وتنحظر...


وأنت في #بيتك معزز مكرم 🌚😁

#مجبر_صباحي

دائماً في المواقع وفي الواقع نلاقي الجميع #يعيبوا في جمال بنات اليمن وان الأجنبيات احسن منهن ويقارنوا بهن بنات البلد ، وانا اولهم ملك التناقضات كل يوم بحكايه وقصة
تعالوا نحسبها بالواقع ...

ليش الجمال اليمني مابيظهر زي الاجنبي الجواب بسيط وسهل :
-  لأن اليمنيات منقبات 95٪
يعني تشتوا ال5٪ الفاتشات يكونين كلهن جميلات ويمثلن البلد كلها مش منطق خالص..

- التجار البلاذمه الموردين لمستحضرات التجميل كلها تقليد مافيش ماركة وهذا طبعا على حسب  مستوى البلاد يتم التصنيع.. وهذا  يتسبب بنتيجه عكسية للمستخدم..

- مؤخرا القات سبب في تحطيم المناعه واضعاف الجلد #البشرة سواءً كان المتعاطي الرجال او المراة
الجمال موجود في كل دولة مش محصور خالص.

#وسلامتكم

نفسي ادخل جسمي...

#أرتب عمودي الفقري #وأكنس قلبي #وأبخر معدتي وأخرج 🙂🚶


#قاهي_الا_هي

مصيبةة إذا البنت جالسة بمكان عام وسرحت وفجأة تستوعب انه جالسة تشوف ولد ....

من #يقنعه انها كانت سرحانه !!

#شافتني_يعني_تحبني😂💔