نصيحة للشباب ..
في حياتكم، ما تتعوّدوا تمشوا في طريق واحد ..
ما تتعوّدوا على عمل وإنجاز المهام السهلة والما فيها تعب وألم ..

في طريقك لـ تحقيق رغباتك وأهدافك، جرّب أي حاجة بتواجهك في طريقك ..
ما تخاف من إنك تفشل، الفشل ما عيب ..
الفشل بعلِّمك والألم بخليك زول مرِن وقوي ..

أوعىٰ تخافوا من عَيش وخوض التجارب الجديدة ..
و أوعىٰ تخافوا من الإجهاد والألم والإرهاق !


#ابو_رأفت

وربنا لما يبعدك عن حاجه انت بتحبهاا.
دا ما بعني انو ربنا سبحانه وتعالي انو ابتلاك ، او انو بعاقب فيك ..
و ‏مع مرور الوكت صدقني حتعرف حكمة الله في الحصل ليك ،حتعرف انو كان ارحم ليك من نفسك..


#ابو_رأفت

إذا ما لقيت البحبك
حب نفسك
وإذا ما لقيت البهتم بيك
اهتم بنفسك
لانو في اوقات بتحتاج فيها لغيرك وما بتلقى غير نفسك
فما تهملها


#ابو_رأفت

منو القال ما بتتجازف؟!
منو البدل أمل فينا ، وخت مكانو كتلة يأس
وشخبط كل أمانينا
وصرخ جوانا " ما بنقدر " ، وهمس يا زول دا حال أشتر
ورجع قال ليك : ما بتقدر
لو كملت مشوارك ، ولو جواك يقين أكبر
بتبني من الحطام معبر
تخت في بدايتو سبوره ، وتكتب " يااخ بتتجازف"


#ابو_رأفت

لو عندك قناة وعايز للستة مضمونه تعالي هنا👇

@Insurglnt

لو كان الإنسان بيتحصّل علىٰ أيّ حاجة بتمناها وأيّ زول بحبُّو، ما ح يكون هنالك في ألم ومواجع، وفي المقابل ما حـ تكون في مُتعة كوّنك إتحصلت علىٰ الحاجة البتحبّها بدون تعب او مجهود ..

سُنّة الحياة في وجود الشيء وضده ..
لولا وجود الألم ما حـ يكون في معنىٰ للسعادة والفرحة، ولولا وجود التَّعب ما ح يكون في معنىٰ للراحة وهكذا.


#ابو_رأفت

مهم جدًا في العلاقات تعرف حدود علاقتك ونوعها شنو .. ~

عشان بعدها تعرف تختار الوقت المُناسب للعتاب والزعل وتعرف مكانتك الحقيقة في حياة الطرف الثاني !


#ابو_رأفت

وتبقى الدنيا زي رحلة
ونحن عليها بنسافر
كتير نلقي
وكتير بنعرف ناس
وقليل الببقى في الخاطر


#ابو_رأفت

في الزمن دا بقى الإنسان الطيب ، هو اكتر إنسان مُستاءة ، وكل مرة في حالة ضيق ؛ وحزن !

ودا كلو بسبب إنو ما بحب يقسى علي زول ، ولا يجرح زول ، ومهما عملت ليه ، وعاملتو بتعامل ما كويس ، ما حيقابلك ٱلا بالحاجة السمحة ؛ إنسان عفوي ، وعلي نياتو !

ياخي علي الاقل خلوا عندكم إحساس تجاه الإنسان الطيب ، والعفوي ، وابسط حاجة إنكم ما تظلموه ، وتجرحوه !


#ابو_رأفت

صدِقني مهما أحزانك كانت كتيرة ..

حيجي يوم وربنا حيرزقك بفرحة تِنسيك كل أيام حُزنك وجِراحك ..

أيامك الحلوة لسه ما جات ، وخليك علي يقين إنها حتجي !


#ابو_رأفت

زول من التكينة بحث 🔎🌚

@Insurglnt

جمعة مباركة ✨

‏﴿إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾

‏اللهم أرزقنا فرحه تجدد الروح فينا…💜

يا ربّ هبنا قبولًا منك يوصِلنا إلى رضاك وفضلًا منك يُغنينا 🧡.

‏"لا شيء يواسي فاقدًا لِنفسه سوى القرآن" 🌸

خلِّيك دائمًا الإنسان القوي والما بِتكسر ب سهولة ..
الحياة قاسية جدًا، ولكن ح تكون ليّنة وسهلة معاك لو بِقيت قوي قِدام كل الصِعاب .

#ابو_رأفت

كل حاجة بتهون ، عشان ناس جميلة في حياتنا !

كانوا الفرحة في وقت الحزن ..

وكانوا السند في وقت الضيق ..

وكانوا الأنيس في وقت الوحدة !

كل الحب ليكم.

#ابو_رأفت

‏حيجي يوم وتعرف انو أي نهاية سيئة كانت في حياتك هي بداية لحاجة سمحة شدييد وحتعرف كمان علي قد ما ربنا عصر على قلبك علي قد ما عايز يفتح عقلك على حاجات انت ما كنت واخد بالك منها عشان كدا اتفائل بس واحمد الله دائماً وابداً.


#ابو_رأفت

~ كل معادلة فيها ثابت ومتغير
.. ومعادلة حياتنا ح تكون ناجحة !
.. لو بقت أحلامنا الكبيرة هي الثابت، والمتغير نحن
.. نحن النتغيّر ونكبر ونتعلم ونجتهد عشان نصل النهاية الحلمنا بيها ونحن صغار .. حتى لو في إمكانياتنا ما الأعمار ..
.. نرسم خط نهايتنا، ونفتش ليهو الطريق
.. وما نخلي الطريق يسوقنا لي نهاياتو.


#ابو_رأفت