‏اللهم أرزقنا فرحه تجدد الروح فينا…💜

يا ربّ هبنا قبولًا منك يوصِلنا إلى رضاك وفضلًا منك يُغنينا 🧡.

‏"لا شيء يواسي فاقدًا لِنفسه سوى القرآن" 🌸

خلِّيك دائمًا الإنسان القوي والما بِتكسر ب سهولة ..
الحياة قاسية جدًا، ولكن ح تكون ليّنة وسهلة معاك لو بِقيت قوي قِدام كل الصِعاب .

#ابو_رأفت

كل حاجة بتهون ، عشان ناس جميلة في حياتنا !

كانوا الفرحة في وقت الحزن ..

وكانوا السند في وقت الضيق ..

وكانوا الأنيس في وقت الوحدة !

كل الحب ليكم.

#ابو_رأفت

‏حيجي يوم وتعرف انو أي نهاية سيئة كانت في حياتك هي بداية لحاجة سمحة شدييد وحتعرف كمان علي قد ما ربنا عصر على قلبك علي قد ما عايز يفتح عقلك على حاجات انت ما كنت واخد بالك منها عشان كدا اتفائل بس واحمد الله دائماً وابداً.


#ابو_رأفت

~ كل معادلة فيها ثابت ومتغير
.. ومعادلة حياتنا ح تكون ناجحة !
.. لو بقت أحلامنا الكبيرة هي الثابت، والمتغير نحن
.. نحن النتغيّر ونكبر ونتعلم ونجتهد عشان نصل النهاية الحلمنا بيها ونحن صغار .. حتى لو في إمكانياتنا ما الأعمار ..
.. نرسم خط نهايتنا، ونفتش ليهو الطريق
.. وما نخلي الطريق يسوقنا لي نهاياتو.


#ابو_رأفت

اللهم طاقة طاقة بها نعيش ونستحمل ونرضى ونتأقلم ونتقبّل ونهوّن ونتجَاهل ونفوّت ونغامر ونجازف ونصبر ونصبر ونصبر🖤


#ابو_رأفت

سؤال..

ليه الواحد يضعف بالليل ويحزن وتطلع احزانه ؟ ليه ما بي وقت ثاني؟

للمشاركة👇👇
@feheembot

"سيحرق كومة القش من كان جادًا بالبحثِ عن الإبرة"

الأيام الصعبة البتواجهنا حاليًا هي الحـ تخلِّينا أقوياء عشان نواجه الجاي ..
والحياة مستحيل تكون كل أيامها صعبة، وبرضو ما حـ تكون ورديّة وسمحة ..

دي سُنّة الحياة، خلّونا نتوكل علىٰ ربنا، وهو لطيف وكريم وقادر بإنو يعيِّشنا أيام جميلة ومليانة بهجة وراحة ..

أصْنعوا الأمل جُوّاكم، وما حـ تخسروا حاجة !


#ابو_رأفت

ذي ما بتقدر إنك تكسر الخاطر ..

إتعلم ياخ إنك برضو تجبر الخاطر الكسرتو ..

أجبروا خواطر بعض مهما كان الثمن ، و حتى لو الزول كان ما بيعني ليك حاجة !


#ابو_رأفت

ممكن تكسب قلب كُل إنسان بحاجة بسيطة ..

وهي التعامل الجميل والمُحترم .. وهو بإختصار تأشيرة دخول لكل قلب.


#ابو_رأفت

في الحقيقة نحن ما مُحتاجين كترة الاشخاص حولنا ، او في حياتنا ..

كل العايزنوا شوية مِصداقية من الناس الحولنا.


#ابو_رأفت

المشاكل عُمرها ما كانت سبب في نهاية علاقة ..

لكن العلاقة الضعيفة والهشة ، نهايتها بتكون بسبب مشكلة او خلاف بسيط !


#ابو_رأفت

٢٥ مايو

دا تاريخ ميلادي

بس بعتبرو يوم عادي ما عندي أصحاب يرفعو صورتي في الحاله حقت الواتس ويكتبو كلام حلو عني ولا عندي ناس ح ترسل لي كل سنه وانت طيب يا ابو رأفت ولا في زول ح يعبرني بس عادي .


اها م نفسكم إنتو تقولي لي حاجة في اليوم ده.. 💔🚶

@Insurglnt

ما تفكر كتيير في الحصل ليك وخلاك حزين او مهموم .. وإنما فكر في كيف انك تنسى الحصل دا وتطلعوا من حياتك وتبدا من جديد.


#ابو_رأفت

الكلام الطيب والعبارات اللطيفة لاتكلفك شيئاً !
إذا لم تستطع أن تعيش التفاؤل وتمنحه غيرك فلا تجبر من حولك أن يعيشوا إحباطاتك..


#ابو_رأفت

- حياتك ح تتغيّر لمّن انت تقرِّر إنك تتغيّر ، وتكون اول خطوة ، الرغبة الشديدة في التغيير ..
يتبعها وضع الأهداف والخُطط مع السعي و الإستمرار بعزيمة ..

- التغيير ما بيحصل بين يوم و ليلة ، التغيير دربو طويل وصعب بس محتاج منّك صبر و ثبات ونفس طويل .


#ابو_رأفت

مؤمن تماماَ إنو أحلامنا مهما كان الوصول ليها صعب ، برضو حيجي يوم و حنحقّقها ..
صعبة لكن ما مُستحيلة.


#ابو_رأفت

لا يُعاب المرء بفقره
ولا عيب في جسمه
فليس له في ذلك حول ولا قوة
إنما يُعاب على قبح لسانه، و رداءة أخلاقه


#ابو_رأفت