في مفردة الحظ قالت العرب :
" الحظّ لا طاح ما انت بقادر تقومه "

وقال مزيد الوسمي :
"اثر صكّات الليالي على الحظ البخيت
مثل ترديد السوالف على الصم البكم"

وقال عامر بن مبشّر :
"والله إني زاهدٍ في غير وجهك لو تباعد
بيني وبينك سهوم الحظ ورماح المنيّة"

ليه أسجل عن أنواع الطباع إنطباعي
‏والبشر ماتبي تسمع وش نقول عنها

‏ملّت الناس من ديكورها الإجتماعي
‏و إنتقادات يدفع كل واحد ثمنها

‏النصايح لها وقت و طريقه و داعي
‏كل مازدت جرعتها تسمم بدنها

يعود ذكرك من زمن عذب الاحلام
ذاك الزمان الي هله معه قفو

لك عشرتك ولا الهوى حفنة اوهام
عفيت يوم اهل الهوى منه عفو

البارحه مابين الاسماء والارقام
هنيت متخفي وهم ماتخفو

طفو لك شموعك وهنوك بالعام
رغم انني موجود كفو ووفو

" ما شفتني بين التهاني ولانغام
انا الشموع الي حبايبك طفو " .

ـ أهل المصالح يارفيقي كثيرين
وأهل النميمه والحسد مايعدون .

ـ لاصرت طيب قالوا فلان مسكين
ولاصرت فاهم قالوا فلان ملعون .

واللي نسـى  قدر الصداقة نسيناه.

ـ أن تصافينا جعلناها محبة
وأن تجافينا جعلناها مراجل .

« ألاجودي تأمنه حتى بالعداوة » .

‏ردي و قولي ارحب لا تقولين الو
‏و اسفهلّي وجودي مثل جود المزن

‏وابشري بالقصيد اللي يحبك ولو
‏أنتي الملهمه والقافيه والوزن

‏واضحكي ضحكتك حلوه و وجهك حلو
‏صدقيني مهوب لايق عليك الحزن

ادخـل حساباته اللي كان مهملها
‏يانازح البيد بعدك ويش تاليته ؟

‏امرها من بعيد و اتأملها
‏و اراقب اخر ظهوره ويش توقيته

‏مرور عود ٍ ل ذوده في مهاملها
‏يمرها من بعيد و يسرح ل بيته :)

ـ ياآخر الليل ماودك تعدي على خير
ترا السهر معا ضيقه الصدر تذبح .

أستغفر الله لي ولوالدي ، ولكل من له حق عليّ،وللمسلمين والمسلمات، المؤمنين والمؤمنات، الاحياء منهم والاموات.

‏من شح باللقمه وانا ميّت جوع
‏لا زان علمي لا يجيّ بالذبيحه .

حنّا قلطنا في صدور التواريخ
‏قبل ما نقلط في صدور المجالس .