اللهُمَ يُطيل بعُمر الحَاج خادماً مُخلصاً بحقِ المَولى سيدُ الشُهداء عليهِ وآلهِ السَّلام.

يا مَن لَيسَ لهُ ربٌّ يُدعىٰ، يا مَن ليسَ فوقَهُ خالِقٌ يُخشى، يا مَن ليسَ دونهُ الهٌ يُتّقى،يا مَن ليسَ لهُ وزيرٌ يُرشى، يا مَن ليس لهُ نديمٌ يُغشى،يا مَن ليسَ لهُ حاجبٌ يُنادى، يا مَن لايزدادُ على كثرةِ السؤالِ الّا كرماً وجودا، يا مَن لا يزداد على عظيم ذنوب عبادهِ الّا رحمةً وعفوا

مولى الموحدين-عليه السلام-

شگد عَظيمة هالقصيدة!!
رَهيبة جداً جداً والله
كلِماتها توجع الگلب هواي وتأذي💔

أحدهم يصف نار جهنم فيقول؛

لقد كانت تدخل إلى أعماق قلبي فتحرقهُ قبلَ بدني، وَأيّ نار! أظن أن حرارتها لو مسّت جبالُ الأرض لانصهرت ولو سقطت شرارة منها على بحار الارض لتبخرت!!

-مُقتبس مِن رواية 'تحتَ أجنحة البرزخ'.

ارحلوا عن ضجيج الحياة بِـ صلاة الليل 🤍.

"لَيلَة الشُهَدَاء"

الفَاتِحَة مَسبوقَة بِالصَلَاة عَلىٰ مُحَمَّد وَآلِ مُحَمَّد عَلَىٰ أروَاح الشُهَدَاء والشَهِيدَات.
وَلِجَمِيع المَوتَى وَ مَن لَمْ يَذكِرهُم ذَاكِرٌ مِن شِيعَة مَولَانَا عَلِيّ -عَلَيْه السَّلَام وبالاخص الىٰ روَح المرحوم حَمداللّٰه شمال والىٰ روَح المرحومة أم علي عبداللّٰه.

خَتمة جُزء ثَلاثون مُهداة الىٰ أموات شِيعة امير المؤمنين وخصوصًا" الىٰ روَح المرحوم حَمداللّٰه شمال والىٰ روَح المرحومة أم علي عبداللّٰه.

---------------------------------------
سورة النبأ

سورة النازِعات

سورة عبس

سورة التكوير

سورة الانفطار

سورة مطففين

سورة الانشقاق

سورة البروج

سورة الطارق

سورة الاعلى

سورة الغاشية

سورة الفجر ✔️

سورة البلد

سورة الشمس

سورة الليل

سورة الضحى

سورة الانشراح

سورة التين

سورة العلق

سورة القدر

سورة البينه

سورة الزلزله ✔️

سورة العاديات ✔️

سورة القارعة ✔️

سورة التكاثر✔️

سورة العصر ✔️

سورة الهمزه✔️

سورة الفيل ✔️

سورة قريش ✔️

سورة الماعون✔️

سورة الكوثر ✔️

سورة الكافرون ✔️

سورة النصر ✔️

سورة المسد ✔️

سورة الاخلاص✔️

سورة الفلق ✔️

سورة الناس✔️

مَولاتي أُم البَنين هيَ فاطمة بنتُ حُزام الكِلابيه امها اسمها ثُمامة وهيَ تكون زوجة الإمام عَلي اللي تزوجها بعد استشهاد مَولاتي فاطمة الزَهراء ( عَليهم السَلام )

ولادتها جانت ببيت معروف وجميل النسب وكريم الأصل حسب ما ذُكِر عن ابائها شُجعان من بيت عريق في العُروبه تفتخر بيهم سادات العَرب

هاي بـ يوم من الايام الامام علي عَ جان يم اخو عقيل ابن ابي طالب يتفقد احوال العرب وكالَ
"انظر لي امرأة قد ولدَّتها الفحولة من العرب لأتزوجها فتلد لي غلامًا فارسًا "
جاوبة اخو : "تزوّج بنت حزام الكلابية فإنه ليس في العرب أشجع من آبائها" وبـ رواية أخرى يكولون عقيل ابن ابي طالب اخو الامام كالَ "أخي، أين أنت عن فاطمة بنت حزام الكلابيّة، فإنّه ليس في العرب أشجع من آبائها".

فَـ هنا اخو حجاله عَن أُم البنين وشلون اهلها من اشراف القوم وكُلها تحبهم وتحمد بيهم
بعد تفكير من الامام رضىٰ بهذا الزواج

ولكن اكو هواي من المؤرخين اختلفو ويكولون انُ البنين هي الزوجه الثانيه وغيرهم يكولون الثالثه او الرابعه وتسبقها أمامة وخوله والله اعلم بعد
مَهرها جان حسب الروايات خمس مئة دَرهم

اكو روايات تكول جانت أُم البَنين هيَ من اشد الناس حُبًا بالزهراء " عليها السلام " وجانت تتمنى تدخُل لبيتها تقدم الها الخِدمة وتكون بـ قُربها دائمًا لكن ما كدرت على هذا الشي
والزهراء استشهدت وتركت حزن وجمرة مشتعله بـ داخل كُل شخص يحبها

فَـ بعد زواجها من الامام عَليّ عاهدت نفسها عهد انُ الحُب اللي تكنه للزهراء تظهره لاولادها الحَسن والحُسين وزينب ( عليهم السلام ) وتخدمهم وتقدم الهم كُل الحُب والحنان اللي تقدمه إلهم الأُم وتكون الأم الثانيه الهم
مشت الايام وياهم وصارت تحبهم اكثر من روحها وتبذل كُل جهدها في سبيل رضاهم لدرجة صارو يصيحولها " اماه "

بالنسبه لاسمها ولقبها هم لابد تتنوع الروايات بي اكو رواية تكول
انُ هذا الاسم اطلقه عليها ابوها

والروايه الثانية اللي اكثر صدقًا لحُب وحنان ام البنين واللي كلها تعرفها
تكول جانت مولاتي ام البَنين " عليها السلام " تدمع كُل ما تشوف اولاد فاطمة الزهراء رأسًا تظهر على ملامحهم الحزن والانكسار من يسمعون بـ اسم امهم
من يصيحولها فاطمة " لان اسمائهن يتشابهن "
لهذا راحت للامير عَلي وطلبت منه بعد محد يناديها بـ اسم فاطمة وتنازلت عن اسمها خشيةً وخوفًا على اولاد الزهراء من الحزن والاذى
لهذا الامام عَلي ( عليه السلام ) نسبةً لاولادها الأربعة لَقبها بـ " أُم البَنين "

عاشت أُم البنين واولادها الاربعة وعندها بنت ايضًا اسمها خديجة مذكورة بـ زيارتها
عاشت بحُب ويا اولاد الزهراء والامير عَلي لحد ما كبرو و وَقعت الوقائِع المؤلِمة من استشهاد الامير عَلي والحَسن ( عليهم السلام )
صار الامام الحُسين روحي فِداه هوَ امام زمانه وجانت ام البنين تحبه يمكن حتى اكثر من اولادها مستعده تفدي بكُلشي عندها من تدخل ومن تطلع ومن تزور ومن تريد اي شي جانت تستشير الحُسين وتاخذ إذنه يلا تخطي الخطوه
تحترمه وتحبه لحد بعيد وهوَ يحترمها ويحبها گ ام وكُله يصيحلها امي ام البنين و اماه يا ام البنين
بيوم من الايام اجتمعت بـ اولادها الاربعة وكعدت حجتلهم عن كُل حياتها شلون جانت تحب الزهراء وتتمنىٰ تخدمها وشلون تزوجت الامير علي وعاهدت نفسها تظهر حبها لاولاده وتعيش عيش گريم وياهم
تحجي واولادها يستعمون إلها لحد ما كالتلهم اريدكم تنطوني وعد
تعجبو شتريد منهم أُمهم !
استجابو الها لحد ما كالتلهم
الحُسين صح اخوكم بس انا اريدكم تنادو سيدي وليس بـ اخي …
بعد ما كملت كلامها توجهت لاولادها
اتعِدُني ولدي جَعفر ؟
- أعدُكِ يا أُماه
اتعِدُني ولدي عَبدُالله ؟
- أعدُكِ يا أُماه
اتعِدُني ولدي عُثمان ؟
- أعدُكِ يا أُماه
إلا أگبر اولادها الحَبيب والقَريب من قَلبي الگافِل ابا الفضل العَباس جان مقهور وكاعد الامام الحُسين روحة من الدنيا مو بس اخو للعباس لا روح وسند وظهر ونظر عين و….. كلشي
توجهت اله وكالت
اتعِدُني ولدي عَباس ؟ ….. اتعِدُني يا أبا الفَضل ؟
سكت ابا الفضل نوب كاللها
- أعدُكِ يا أمُاه لكِن أطلب منكِ السَماح والعُذر لأني في لحظة واحدة سـ أُنادي الحُسين " أَخي "

" كُلنا نعرف هاللحظه اللي ناده بيها العَباس اخو الحُسين اخي من گال ادركني يا اخي ادركني يا ابن والدي
تكسرني وتأذيني هواي هاللحظات استشهاد الكافِل تشعل چمرة بـ نُص الگلُب ما تنطفي ابد على مَدار السنه بكُلشي تنذكر
دخيل صاحِب القُربة و حامِل لواء الحُسين "

من قررت العائله تروح لكربلاء بقت ام البنين يم فاطمة العَليلة بنت الامام الحُسين وما اجت وياهم لارض نينوى اللي هي نفسها الغاضريه " گربلاء "
وجانت نظراتها حول الامام الحُسين دائمًا مقهوره متأذيه نار بـ گلُبها تسعر وتأذيها على اولادها وع الحُسين
جانت الدنيا وكلشي عدها يهون الا ابا عبدالله ما يهون ابد
تكعد تحجي ويا ولدها
وتكللهم

اريدكم ترفعون راسي كدام فاطمه
.ابا الفضل انتَ عون الحُسين و روحه وحزام ظهره اريدك تخلي بعيونك تفدي بروحك وما تقصر ويا وبالك على زينب انتَ كافلها "

تحجي ويا ولدها توصيهم تحت عبارة " اولادي فِداءٌ لـ اولاد فاطمة الزَهراء "
وتروح للحُسين تبوسه براسه تواسي و تشد على قَلبه وتطمنه على بنته فاطمة العليله

شگد عظيمة مَولاتي ؟ شگددد
ضحت بـ اربع اقمار فداء للحُسين
يا أُم تضحي بـ اولادها وقُطعة من روحها يا أُم تسويها ؟ بس ام البنين سوتها لخاطر الحبيب حُسينا.

تخلت عن كُل اهلها وعن عشيرتها وعن كلشي يعيق حبها واخلاصها لـ امام زَمانها وهوَ الحُسين

بـ معركة الطَف من نزلو الامام العباس ( عليه السلام ) واخوانه جعفر و عثمان وعبدالله للمَعركة

جان احد قتلة الحُسين استأذن من القائد يريد يحاجيهم وهوَ نفسه الشِمر ابن ذي الجوشن جانت قرابة يكون ابن خالتها او خالها لـ أُم البنين
فـ صاح لـ اولادها
همَ رفضو وما قبلو يحجون ويا جان متمسكين بالحُسين

لحد ما امامنا الحُسين الحَنين كاللهم
احجو وياهم فـ هُم اخوالكم ….

من تقرب عليهم هوَ القاتل لعنهُ الله كاللهم الشمر بن ذي الجوشن

للعباس واخوته: أين بنو أختي؟ فلم يجيبوه. فـ گال الحُسين لاخوته، أجيبوه وإن كان فاسقا فإنه بعض أخوالكم
ردوله: ما تريد؟
گال: اخرجوا إلى فإنكم آمنون ولا تقتلوا أنفسكم مع أخيكم

لكن ردهم جان رفض قاطع من كالو
: قبحت وقبح ما جئت به أنترك سيدنا وأخانا ونخرج إلى أمانك؟.
رفضو رفض قاطع والقو عليه كلام سكته لحد ما وجه كلامة للعَباس وكاله
- آتِنا سلامٌ على أمك

الامام العَباس رَد عليه بـ ثبات
- أُمي قد تبرأت مِن كُل شخصٌ لا يتبع سيدي ابا عبدالله الحُسين ومن كُلِ شخصٌ يقف ضده ويقاتله

عاچزة عن وصف سيدتي و اولادها .

لحد ما بعد واقعة الطف تنتظر بخوف وقلق وجانت تحن هواي تحن لاولادها وللحُسين وتريد بس طارِش يوصللها خبر

لحَد ما اجاها طلعت اله و بـ ايدها الفَضل ابن العَباس عَ
جان يعظم اجرها بـ اولادها وهي تبجي لكن تكله
اني اسئَلُك عَن ولدي الحُسين اخبرني عن ولدي الحُسين

لحد ما كللها اماااه عظم الله لكِ الاجر بـ قمر بني هاشِم ابا الفضل العباس
وكعت بس سندت نفسها وكالت
لم اسألُك عَن ولدي ابا الفضل اسألُكَ عن ولدي الحُسين اخبرني عن ولدي الحُسين

هنا نزلت الفاجعة الكُبرىٰ اللي اكبر من فاجعة اولادها عندها مقتل الحُسين من كاللها
امااه عظم الله لكِ الاجر بـ ابا عبدالله الحُسين

نهارتتتت مولاتي كُلش تأذت " هاي اللحظه تفطر الگلُب وتكسره ولا اراديًا الدمع يهل من تحظرها امام الشاشه ومن تسمعها او تقراها
لعد الحقيقه شلووون ؟

عاشت حياتها بـ حزن بعدها ما ظلت إلها فرحة ومن بعد ما رجعت العَقيله روحي فداها
ظلت تواسيها

ظلت سنين على هذا الحال لحد ما بيوم من الأيام دخل الفضل ابن العَباس عَ باكٍ و حزين على مَولاي الامام زين العابدين
" علي السجاد عَ وگال اله
: لقد ماتتْ جَدّتي أمُّ البنين 💔

بـ المدينة المُنورة
يوم الجمعة ١٣/ جمادى الاخره.

-الحَمدُلله عَلى نعمةِ وجود مَجالس مُحمد وَآل مُحَمّد عَليهم السَّلام.

بهذهِ المَجالس أعيشُ أنا وَعائلتـي 🤍.


هيَّ الحياة بلا ذكرهم شتفيد؟ چا الشاب وشابة شوكت يرجعون لطريق الصحيح؟ چا يبقى مغمض العُيون ؟ هم يلا يفتح كل القيود ويمشي وي مُحمد وَآل مُحَمّد عَليهم السَّلام
ترة الحياة غمضة عين!

-

غمضة عين وتروح بعد!

من أقرأ مثلاً حياة العُلماء وأشوفها أجدهم يقولون 'والله عمرنا ما يكفي نخدم أبا عَبدِ اللّٰه الحُسَين عليهِ السَّلام '!
شگد العُمر بخدمتهم گصير! شگد لازم نحاول نعوض كل جفاء ونذوب الحم الصار بكتافنا من الحرام والمعصية!

ما تفيد العلاقة المُحرمة ! ما يفيد سماع الغناء
مايفيد الإنسان مُتحزب وعُنصري! ما يفيد
اليفيد 'بـس تكون عدنا أخلاق وحبّ مُحمد وَآل مُحَمّد '
تقوى كون تصير عدنا، ورع كون يصير عدنا
نحترم مُناسبات مُحمد وَآل مُحَمّد نفرح بـ أفراحهم
ونحزن بـحزنهم

وبعد 'الذي في هذه أعمى فهوَ في الآخرة أعمى'.

وأعتذر جدًا تكلمتُ بـهذهِ الطريقـة، حتى تصلَ أليكُم كلماتـي .

وأدعو لفاطِمَة تذهب عَن الدُنيا شهيدةٌ تاركة خلفـي بنتٌ خادمة أو ولدٌ صالح 🤍.

ياساهرَ الليلِ إن الليلَ مُرتحِلُ
والعمرُ عما قريبٍ سوف يَرتحِلُ
فاجعل نصيبك من ليلٍ تُسَامِرَهُ
صلاة ٓوُترٍ بها تسمو وتَبتهِلُ

صلاه الليل
لاتنسوها صلاة العشق هبو للقاء حبيبكم وإدعوه بما يضيق به صدوركم فإنه لايردكم ابدآ.🤍