حنا الحلافات سادات العروش الكبار
ناقف نهار الزحام ،، ونعتزي ونحما

اهل اليدين الطويلة والفروخ القصار
الي ترد المعادي يوم " سفك الدما “

حنا الحلافات نحمي طارفات الديار
ما لحقنا من عنى الايام جوع وضما

فينا شموخ الذيابه والصقور الحرار
شموخ ربعي نطاول به عنان السماء

اذا غزينا …. نحقق لذة الانتصار
والله ما تطمع عدانا في حدود الحما

ربع ابن خبزان شيخ المرجلة والوقار
ياقف لـ صيته مشاييخ واعقدا وازعما

انبايعه مثل ما انبايع طوال العمار
بيعة محبه وتقدير وغلا وانتما

فايز الحلافي '

حنا الحلافات ركنن من ركون الوطن
كل التواريخ تشهد وقفة اصفوفنا

من ساس عجل ابن حارث لو يطول الزمن
هاذا نسبنا العريق و منسب اقيوفنا

حنآ الحلافات من قبل انتشار الامن
نامن بهيبة بنادقنا وبسيوفنا

نارد على صافي الجمه بسيف وكفن
اذا نقلنا بنادقنا على كتوفنا

انصون حق الخوي فـ الشارب وفـ الدقن
ونحفظ حقوق الرجال ونكرم اضيوفنا

نفعل علوم الوفاء والطيب شام ويمن
واذا عطينا مانحسب مدة اكفوفنا

نعطي سمان العطايا ما نحسب الثمن
والله ما نبغى الرجال ترد معروفنا

بلاد السعودية ، بلاد العطاء والجود
على العز عانقنا "النجوم السماوية "

بنينا شموخ الدار يوم الليالي سود
قبل لا تجينا الثروة الاقتصادية

ترى الشعب من دون الملك والبلاد جنود
محازم ظفر في كل وقفه بطولية

نحبك يابن سلمان ونحب ابونا العود
لكم عندنا قدر ،، ومكانه ،، وشعبية

سلامي على البيتين والشعب وال سعود
سلام السعودي للديار السعودية

فايز الحلافي '