شاعرن ما يفتخر في لابته ماهوب منا
والصقر ماهو صقر لولا جناحينه وريشه

لابتي صبيان محلف وانشد التاريخ عنا
من قبل ياجي المعاش ومن قبل تغلا المعيشه

اتنومس واتباهى وافتخر لا قلت حنا
ايه حنا درع بن خبزان وسلاحه وجيشه

ركنن من اركان بلحارث هل السيف المحنا
ما رضينا بالهوان وما رضينا بالغشيشه

اسمنا " جمرة عرب " في شامنا والا يمنا
جدنا وثق منازلنا من الطايف لـ بيشه

الديار اديار هلنا والفعول افعول هلنا
ما يزعزعنا كلام الجاهل وجهله وطيشه

فايز الحلافي '

يا شاعر اوزن كلمتك وادر الاوضاع
تراك في المنبر تمثّل…..قبيله

اما اقتنص بعيونك عيون الابداع
والا استرح مالك ومال الطويله

فايز الحلافي '

يالاجودي ريّح ضميرك .. ما على الاجواد خوف
لا تحسب الي راح واحسب يالسنافي ما بقاء

الطيب ايساير زمانه تحت تاثير الضروف
حتى ولو لحقه من ايامه معاناه وشقاء

احرص على الطيب مثل حرص المعزب للضيوف
ولا تنخدع في اللاش لو كثروا عليك الأصدقاء

الي ما يلزم في عروقه لا جميل ولا امعروف
اشطب على اسمه واعتبره اول لقاء واخر لقاء

اتعب مع اصحابك وجاهدهم ترى الجهد امخلوف
وان باروا الاصحاب في يدينك … فـ لله البقاء

خلك على ( وضح النقاء ) ولا تفكر بالضعوف
ترى الضعوف يحاربون الي على ( وضح النقاء )

فايز الحلافي '

انا عن دروب الهوا ماسك بريك
بعد غياب الي ذبحني غيابه

كريم يا برقن سرا عز واليك
عساك تجذب لي عيون السحابه

يالمترفه يا مرحبا لي بـ طاريك
حتى لو انه مرني في سنابه

ماهو بـ عيب ان قلت : انا ميتٍ فيك
الحب من عهد النبي والصحابه

فتحت لك قلبن يعزك ويغليك
واعطيتك امن العمر زهرة شبابه

ان كان ما جابك لا هاذي ولا ذيك
عسى تجيبك دعوتن مستجابه

فايز الحلافي '

ياهل الغزل ماهو بـ لازم غزل كل يوم
ابليس ملعون والدنيا دروس وعبر

مؤمن ، واخاف الله ، وتكثر عليّ الهموم
اذا تذكرت طاري " الآخره والقبر "

خلوني ابعد عن الواقع واصلي واصوم
النفس يبغى لها عزم و كفاح وصبر

انا لو اطيع نفسي عند بعض العلوم
والله ما اخلي بنات الفكر تمغط شبر

فايز الحلافي '