حنا الحلافات ركنن من ركون الوطن
كل التواريخ تشهد وقفة اصفوفنا

من ساس عجل ابن حارث لو يطول الزمن
هاذا نسبنا العريق و منسب اقيوفنا

حنآ الحلافات من قبل انتشار الامن
نامن بهيبة بنادقنا وبسيوفنا

نارد على صافي الجمه بسيف وكفن
اذا نقلنا بنادقنا على كتوفنا

انصون حق الخوي فـ الشارب وفـ الدقن
ونحفظ حقوق الرجال ونكرم اضيوفنا

نفعل علوم الوفاء والطيب شام ويمن
واذا عطينا مانحسب مدة اكفوفنا

نعطي سمان العطايا ما نحسب الثمن
والله ما نبغى الرجال ترد معروفنا

بلاد السعودية ، بلاد العطاء والجود
على العز عانقنا "النجوم السماوية "

بنينا شموخ الدار يوم الليالي سود
قبل لا تجينا الثروة الاقتصادية

ترى الشعب من دون الملك والبلاد جنود
محازم ظفر في كل وقفه بطولية

نحبك يابن سلمان ونحب ابونا العود
لكم عندنا قدر ،، ومكانه ،، وشعبية

سلامي على البيتين والشعب وال سعود
سلام السعودي للديار السعودية

فايز الحلافي '

شاعرن ما يفتخر في لابته ماهوب منا
والصقر ماهو صقر لولا جناحينه وريشه

لابتي صبيان محلف وانشد التاريخ عنا
من قبل ياجي المعاش ومن قبل تغلا المعيشه

اتنومس واتباهى وافتخر لا قلت حنا
ايه حنا درع بن خبزان وسلاحه وجيشه

ركنن من اركان بلحارث هل السيف المحنا
ما رضينا بالهوان وما رضينا بالغشيشه

اسمنا " جمرة عرب " في شامنا والا يمنا
جدنا وثق منازلنا من الطايف لـ بيشه

الديار اديار هلنا والفعول افعول هلنا
ما يزعزعنا كلام الجاهل وجهله وطيشه

فايز الحلافي '

يا شاعر اوزن كلمتك وادر الاوضاع
تراك في المنبر تمثّل…..قبيله

اما اقتنص بعيونك عيون الابداع
والا استرح مالك ومال الطويله

فايز الحلافي '

يالاجودي ريّح ضميرك .. ما على الاجواد خوف
لا تحسب الي راح واحسب يالسنافي ما بقاء

الطيب ايساير زمانه تحت تاثير الضروف
حتى ولو لحقه من ايامه معاناه وشقاء

احرص على الطيب مثل حرص المعزب للضيوف
ولا تنخدع في اللاش لو كثروا عليك الأصدقاء

الي ما يلزم في عروقه لا جميل ولا امعروف
اشطب على اسمه واعتبره اول لقاء واخر لقاء

اتعب مع اصحابك وجاهدهم ترى الجهد امخلوف
وان باروا الاصحاب في يدينك … فـ لله البقاء

خلك على ( وضح النقاء ) ولا تفكر بالضعوف
ترى الضعوف يحاربون الي على ( وضح النقاء )

فايز الحلافي '