انا عن دروب الهوا ماسك بريك
بعد غياب الي ذبحني غيابه

كريم يا برقن سرا عز واليك
عساك تجذب لي عيون السحابه

يالمترفه يا مرحبا لي بـ طاريك
حتى لو انه مرني في سنابه

ماهو بـ عيب ان قلت : انا ميتٍ فيك
الحب من عهد النبي والصحابه

فتحت لك قلبن يعزك ويغليك
واعطيتك امن العمر زهرة شبابه

ان كان ما جابك لا هاذي ولا ذيك
عسى تجيبك دعوتن مستجابه

فايز الحلافي '

ياهل الغزل ماهو بـ لازم غزل كل يوم
ابليس ملعون والدنيا دروس وعبر

مؤمن ، واخاف الله ، وتكثر عليّ الهموم
اذا تذكرت طاري " الآخره والقبر "

خلوني ابعد عن الواقع واصلي واصوم
النفس يبغى لها عزم و كفاح وصبر

انا لو اطيع نفسي عند بعض العلوم
والله ما اخلي بنات الفكر تمغط شبر

فايز الحلافي '

الجاَدل الي خذت قلبي بخف وجناح
وحطت في القلب صوت مثل صوت الرعد

اعذب من الغيم وألطف من نسيم الصباح
لاكن من الثقل ما تبغى تطالع فـ احد

لا مرت الملتزم ، راعي التقى والصلاح
عوّد يعزف الاغاني مثل ميحد حمد

اوصافها النآدره … مثل البكار الشناح
الطول طول السعد والوجه وجه السعد

من زينها لو تشارك في صياهد رماح
بتحقق الفوز في " شلفا ولي العهد "

فايز الحلافي

قدلي الايام مالي خاطر اكتب عباره
بس ما ودي العراف تشره عليه

القصيد الحقيقي ودي أشب ناره
خله يفوح المسبحه والدلة الشاذلية

ابني البيت كني بانين لي عماره
واتنقى جميع حروفه الأبجدية

كل قاف من الابداع رهن الاشاره
ما تحصل وراه الا " البيوت القوية "

وأنا في مدح شيخ القيف اسوق البشاره
ادري ان تركت الماجوب ماهي ب ليّه

شيخنا الشيخ بن خبزان يا حي داره
هاذا شيخ الكرم والضيفه الحاتميه

بو محمد يمينه ما تحسب الخساره
مجلسه مدهل الضيفان والنار حيه

مجلس الشيخ بن خبزان مجلس وزارة
كل يوم القبايل تزبنه في … قضيه


ابن خبزان في راسه عنااد ونعاره
غير صدره لـ ربعه مثل نجد العذيه

شيخ شمل الحلافات ووريث الاماره
ياقف المجد قدامه ويصرف تحيه