حبيتك وادري انت متصير الي
ومو يمي بالك وادري عندك محب
تشتاقله ويشتاقلك واني اظل
ما بين احبك بين احس بالذنب
بس مو بدية الحب ترسني ترس
جاهل وشفتك عيد ينكط لعب


لـ رائد ابو فتيان|🌸

🍃


المهم وياك الي عتبه وگلب مكسور
وظهر عوده انحنه وصواب بالجنحان
من تگلي هم تگدر بدوني تعيش
ماچنت ادري تقصد جايك هجران
عمري بغيبتك باقيله مشوارين
للدكتور مرة ومرة للدفان


لـ رائد ابو فتيان|🌸

🍃


بي حسرة طالب مكَرم يعيش
تشيط روحة بصفة لو كَالووا قيام !!😓💔


•لـ رائد ابو فتيان |🌸

🍃


مادام چفك برد ماحاجه بعد الحچي
ورگات وتساقطن شيلمه بعد الشمل
حسرات صدرك جمر واعذارك انت ورق
كلما تجيني بعذر يطلع عذر مشتعل

لـ رائد ابو فتيان|🌸

الحد سحك الكرامه
الخلگ طال وياك
وانه الگدتك بديّ
فوكاهة مشيتك
ماترهم ورد
وجروحك الـ بلروح
يكرهنه الورد لو هيج سميتك
ولا اكدر بعد عاگول اكول عليك
اذا عاگول
ليش هواي شميتك


•لـ رائد ابو فتيان |🌸

انت خطيئتي التي أهرب من الإعتراف بها، وأستغفرها كل ليلة ولكني لا أتوب عنها.

-

هواي عدهن شام لاچن مو مثل شامتها
تگول نجمه بصف گمر 🌑
وتلالي يم خخصرها 🙆💓