‏لا سامحهم الله ولا عفا عنهم أولئك الذين مروا وضروا وتركوا فينا ندوباً شوهت كل شيء جميل داخلنا ..✋✋

العرب الأولى قالوا:
شيل الكلام بين الناس
حتّى و هو صحيح يصغّرك .

"ولا تجعلْ في قُلوبنا انتظارًا لشيءٍ لن يأتي يا اللّٰه.

‏"ولا تحسبنَّ حلو الكَلام دومًا صادِقٌ ولا تُصدِقنَّ إلا الذِي بالأفعالِ يتكلمُ."

الدنيا متوقفش علي حد منجد يمشي الحلو عشان ايجي الاحلى منه هذي حاجه قعدت متاكدة منها .

السكوت علامة الـ خطاني را نصبيلك !

يجعل الله كل الايام سعادة بقرب أصحابي وناسي الحلوين ❤.

اتخيل كيف سيكون الحضن الأول بعد كل هذا التباعد *

البدايات اوسخ حاجة ممكن تعشمك ف الل قدامك

صارت فيه غلانا فتنا

نين اعزاز بلاهم بتنا💃

عندكم منها الي تغمزيلها باش تسكت اتقولك متغمزيليش خليني نكمل كلامي
كملي كملي الله لا تربحك .

مش لازم وجع المعدة يجينا من حاجة حني كليناها ، مرات يجي من حاجة هي تاكل فينا !

قلبي را موجوع يتقطع من داخل 💔.

شو سهل الحكي مين الي بيعرف بقلب التاني شو في ؟

‏مافش احقر من انك تندم ع معامله كويسه عاملتها لحد وخليته قريب منك💔.

ايه يا دُنيا ملكش حد غيري ولا ايه ؟

- ما تهونش عليا والله ، لعند توا ان نسمع حد يحكي عليك و م نسكتاش بكلامي ، لعند توا قاعده ندافع عليك و نبينلهم انك انتَ كويس و فعلاً بالنسبه ليا انتَ كويس ، رغم كل وجعي منك و مواقفي معاك قاعده مزالت ما نقبلش حد يتكلم عليك ويحكي عليك كلام شين !

- ما بكيتش وقت سيبنا ، لكن بكيت لما وعيت في الصبح ومسكت تلفوني عشان نرن عليك ونسيت إن خلاص انتَ مش ليا ، بكيت لما سكرت باب داري عشان نتريح شوي لكن حاصرتني الذكريات في كل زاويه وما فيش مهرب منها ، بكيت لما شفت صحباتي وتجاهلن سؤالهن المعتاد على اخباري انا وياك وسألن عليا هل انا كويسه وتمام ولا ، بكيت لما حد قالي ضحكتك سمحه لإن انا مش متعوده حد يقولي كلام زي هكي غيرك ، بكيت لما مرضت لإني ننسى في الدواء وانتَ كنت مُنبهي ، بكيت لما اضايقت في يوم من الايام وما لقيتش من يقرا عليا المعوذات عشان نهدا ونرقد ، ماكنش وجع غيابك يبكي فيا لكن بكيت لما حسيت فجأه ب الفراغ اللي سيبته وراك ، انا توا وقت نفرح ما نلقكش عشان نشاركك فرحتي ف نبكي ، ولما نزعل ما نلقش من يفهم كلامي ولا يخفف عليا ف نبكي ، وفي اوقات فراغي ما نلقش من يحول الكساد معاي ف نبكي ، وفي عز إنشغالي ما نلقش من يسرق وقتي عشان يطمن عليا ف نبكي ، قعدت نبكي لما نبحت في ماما لما تحن عليا لأن انا مازالت ما تعودت على قسوتك معاي ، انا ما جربتش الخذلان بالطريقه البشعه هذي ، عشان هكي قاعده نبكي على روحي ونبكي على احلامي اللي ضاعن ، نبكي لأنك احتليت مكانة الشخص الاول وما كنتش الاخير زي ما وعدتني ، نبكي من وعودنا اللي مشن هكي ، نبكي عشان معش قعدت حنون عليا زي قبل ، نبكي عشان خاطري نرد انا زي زمان ،

- في بنت قالت : إنها تعاركت مع الشخص اللي تحبه وصارت بينهم مشكله كبيرة وهيا كانت غلطانه وحاولت تراضيه بس كان زعلان منها بكل ومش قادر يسامحها ، المهم ثاني يوم بعد المشكله رن عليها ف هيا فرحت لدرجة طاحت من الكرسي من كثر فرحتها ، تحساب ان سامحها ف رد وقاللها اسمعي شن جوك ، انتِ تمام ؟
قالتله : الحمدالله تمام
قاللها : كل أمورك تمام ؟
قالتله : اكيد الحمدالله ، شن فيك ؟
قاللها : ما فيش شي حبيت نطمن عليكِ مش اكثر واوكي !!
قالت قعد 4 أيام زعلان مني ما تناقشنش بمشكلتنا بس كان كل شوي يرن يتطمن عليا و يسكر الخط من دون ما يسمحلي نحكي بأي موضوع !!
ان باختصار لما تكون بجد غالي على شخص مستحيل يمر يوم من دون ما يسأل عليك او يتطمن عليك مهما كانت الظروف ، ما تقولش زعلان ولا مشغول ولا عنده ظروف ولا اي شي ، حتى لو زعلان لازم يتطمن عليك لانه المفروض والطبيعي إنك مهم عنده و يحبك من قلبه ، مش بس كلام ، و فكرة اني زعلان منك موضوع ، وان نطمن عليك موضوع ثاني اساسي مالهش علاقه بالمشاكل !

- نلف الدنيا ونسرح في الناس والشوارع والاحياء وكل شبر في الطريق ونعاود حياتي وناسها وكل الذكريات من اوّلها لاخرها ونرد للحوش نشوف صورتك ونقول والله ما عنديش غيرك 🖤.