- ما بكيتش وقت سيبنا ، لكن بكيت لما وعيت في الصبح ومسكت تلفوني عشان نرن عليك ونسيت إن خلاص انتَ مش ليا ، بكيت لما سكرت باب داري عشان نتريح شوي لكن حاصرتني الذكريات في كل زاويه وما فيش مهرب منها ، بكيت لما شفت صحباتي وتجاهلن سؤالهن المعتاد على اخباري انا وياك وسألن عليا هل انا كويسه وتمام ولا ، بكيت لما حد قالي ضحكتك سمحه لإن انا مش متعوده حد يقولي كلام زي هكي غيرك ، بكيت لما مرضت لإني ننسى في الدواء وانتَ كنت مُنبهي ، بكيت لما اضايقت في يوم من الايام وما لقيتش من يقرا عليا المعوذات عشان نهدا ونرقد ، ماكنش وجع غيابك يبكي فيا لكن بكيت لما حسيت فجأه ب الفراغ اللي سيبته وراك ، انا توا وقت نفرح ما نلقكش عشان نشاركك فرحتي ف نبكي ، ولما نزعل ما نلقش من يفهم كلامي ولا يخفف عليا ف نبكي ، وفي اوقات فراغي ما نلقش من يحول الكساد معاي ف نبكي ، وفي عز إنشغالي ما نلقش من يسرق وقتي عشان يطمن عليا ف نبكي ، قعدت نبكي لما نبحت في ماما لما تحن عليا لأن انا مازالت ما تعودت على قسوتك معاي ، انا ما جربتش الخذلان بالطريقه البشعه هذي ، عشان هكي قاعده نبكي على روحي ونبكي على احلامي اللي ضاعن ، نبكي لأنك احتليت مكانة الشخص الاول وما كنتش الاخير زي ما وعدتني ، نبكي من وعودنا اللي مشن هكي ، نبكي عشان معش قعدت حنون عليا زي قبل ، نبكي عشان خاطري نرد انا زي زمان ،

- في بنت قالت : إنها تعاركت مع الشخص اللي تحبه وصارت بينهم مشكله كبيرة وهيا كانت غلطانه وحاولت تراضيه بس كان زعلان منها بكل ومش قادر يسامحها ، المهم ثاني يوم بعد المشكله رن عليها ف هيا فرحت لدرجة طاحت من الكرسي من كثر فرحتها ، تحساب ان سامحها ف رد وقاللها اسمعي شن جوك ، انتِ تمام ؟
قالتله : الحمدالله تمام
قاللها : كل أمورك تمام ؟
قالتله : اكيد الحمدالله ، شن فيك ؟
قاللها : ما فيش شي حبيت نطمن عليكِ مش اكثر واوكي !!
قالت قعد 4 أيام زعلان مني ما تناقشنش بمشكلتنا بس كان كل شوي يرن يتطمن عليا و يسكر الخط من دون ما يسمحلي نحكي بأي موضوع !!
ان باختصار لما تكون بجد غالي على شخص مستحيل يمر يوم من دون ما يسأل عليك او يتطمن عليك مهما كانت الظروف ، ما تقولش زعلان ولا مشغول ولا عنده ظروف ولا اي شي ، حتى لو زعلان لازم يتطمن عليك لانه المفروض والطبيعي إنك مهم عنده و يحبك من قلبه ، مش بس كلام ، و فكرة اني زعلان منك موضوع ، وان نطمن عليك موضوع ثاني اساسي مالهش علاقه بالمشاكل !

- نلف الدنيا ونسرح في الناس والشوارع والاحياء وكل شبر في الطريق ونعاود حياتي وناسها وكل الذكريات من اوّلها لاخرها ونرد للحوش نشوف صورتك ونقول والله ما عنديش غيرك 🖤.

- احلى دعوة إنقالتلي في حياتي هيا لما ماما قالتلي :" ربي يرزقك بواحد متهونيش عليه "
ف وقتها ما عرفتش معناها الكلمه هذي وقعدت نقلب فيها في راسي واجد يعني ليش ماما دعتلي ان ما نهونش عليه بالذات عليش ما دعتليش بواحد يحبني يعيشني ويدلعني مثلا ، كبرت وفهمت ان الشخص لما متهونيش عليه لا يقدر يجرحك ولا يبعد عليك ولا يخليك تايهه حتى لو انتِ كنتِ الغلط مش ح تهوني عليه ويخليك زي الجوهره ، ما تهونيش عليه لما يلقاك تبكي ومتضايقه ولا ف نص عركتكم يسمعك تبكي ويخليك ، وما تهونيش عليه يسكتك وينسى المشاكل ويلهى بيك ، ما تهونيش عليه معناها كبير لان اللي ما تهونيش عليه ح يقعد يحبك حتى لو زرعتي بدال الورد شوك وحطيتيه تحت كرعيه ('❤

- ‏بس والله انا تعبت ، تعبت من الجري ورا حاجات مش ليا ، تعبت من اختيار ناس غلط ، تعبت من كل الناس اللي معاي ، تعبت من كوني الطرف المضحي ديما ، تعبت من ان نرقد ونوعي كل يوم قلبي يوجع فيا ، تعبت من التفكير في كل حاجه مزعلتني ، تعبت من الوعود ، تعبت من الكلام اللي كله كذب ، انا تعبت من كل اللي نحبهم !!

- أوقات بتقطع علاقتك بشخص لأنه خذلك بطريقه مش متوقعها بس أنتَ مازالت تحبه ، ومرات تكون المسامحه مش من ضمن الخيارات أساساً يا الفراق يا الفراق ، بس مع الأيام تجيك لحظة تحس أنك حنيت وأنك نسيت الموضوع ومعش شفت اللي ضايقك منه ، تلقى روحك تحكي معاه وتقوله أنك رايفتله ونسيت كل شي صار وأن أساساً ما صارش شي مستاهل ( مع أنه يمكن تكون الليله اللي قبلها مازال الموضوع مش مخليك ترقد ) بس بعد فتره للأسف تيجيك لحظه بتحس أنه ردلك البصر والموضوع اللي ضايقك قبل يوم أو شهر أو سنه كأنه صار اليوم ، هوا ما يكونش دار شي جديد ضايقك ، بس نفس الموضوع اللي عيَشك وجع قعد عائق بطريق علاقتكم !!
تسرح وتسأل روحك ، نرد نبعد وننسى الحب اللي جمعنا ، ولا نفوت كل ما نتذكر وندير روحي ناسي ، تتضايق وتقول ياريت ما خذلني هالخذلان حتى لو بدون قصد ، في أوجاع ما ننسوهش حتى لو عشنا بدل العمر عُمرين ('🖤

- شـعُور يوجعع لمَـا تمـشـ‏ي لـ شخص وتبـي تكلـمهه وانت فيـك لـههفه كبيـرهه لـ كلامه ويردك بـ كسرة خاطر 💔💔.

- الـوجـع اللـ‏ي ف قلوبنـا قاعد كُل يُـوم يـزيد ويكـبر 💔💔.

عادي الشخص يفقد رغبتهه ف الححياه ولا انا اوفر؟

ـ حِب بطنك وٲ؏ـشق فُونك وطِيح فِ غرام نَومَك الا النَاس م وراهم الٱ المِرض والقهر الٱسود وحقالله ) :

- احسن كلمه ممكن تسمعها من حد عزيز عليك هي "مهنتش عليا"، كلمه كلها حب وحاجات حلوه واجد يعني مهنش عليا نعدي من غيرك ، مهنش عليا نسيبك زعلان مني عشان نحبك ، مهنش عليا نمشي المشوار هذا من غيرك ، مهنش عليا ناكل وإنت مش معايا
ويارب يكرمنا كلنا بالناس إللي منهونش عليهُم 🖤.

‏اللّيل رفيقٌ جيد ، فهو المُنصِت دائمًا
لأحاديثك الصامتة دون مُقاطعة !

باهي شن الي تغير فيا؟
م كنتش هكي م كنتش نسكت ونكمل فنهاري نسهري وم نسكتش نههائي فقدت رغبتي ف الكلام حسيته معش يفيد ، اللا مبالاه سيطرت ع فكري بديت نشوف نار والعه م يبدرش مني اي تعبير !
نحس بوجع بس م يبانش ع ملامحي اني نتألم ؟
قلبي ينزف بس م نبكيش ..
مقضيه وقتي نقرا ف مققالات وروايات؛ نتنفس بس مخنوقهه نحس انهه فيه ناس حولي بس م نحقش فيهمم ، ادمنت القهوه الي ولا مره شربتها ؟ ححبيت الروايات السوداويه مع ان ميولي للروايات الرومنسيه !
شي فيا من جوا تغير ممكن قلبي تههشم ممكن انا درت شي غلط وهذا ذنبيي باهي فهموني ليش لما نفقد قدرتي ع الحياه م نموتش💔؟

‏ولأن الله يعلم مرارة صبرك سيكون العوض مُدهش .

كُل الحاجات إللى عارفه إنها مِش ليا إتعلقت بيها .

وتأخذني بدايات الصباح نحوك وكأنها تود أن تجعل منك فكرة يومي الأولى .

لأني لستُ معتاداً أن أجبر أحداً على البقاء بجانبي ، كنت دائماً أتخلى عندما اشعر ولو مرةً بأن هذا المكان لم يعد لي .

- وبِصوت خافِت جِداً ، خايفة نفقدكَ ،

‏ثم تسأل نفسك في منتصف الأشياء ما الذي كنت أحاول التمسك به بكل تلك الشدة

فرحانه بنظافة قلبي إلي م قدرتش لا الدنيا ولا ناسها توسخه ❤.

حايندم ان خسرك زي ما انت نادم توا إنك عرفته❤ .