⁣💌 وصلتك رسالة جديدة
⏱ وقت الرسالة: 2025/11/28 - 12:03:26 AM
----
خلي ف بالك ان كل شي ف وقته حلو وكل شي صار لحكمه لايعلمها الا الله🩷🩷
----

- تبرع لإستمرار عمل بوت صارحني 🎁

⁣💌 وصلتك رسالة جديدة
⏱ وقت الرسالة: 2025/12/07 - 11:46:03 PM
----
أحيانًا الدعاء ما يجيش بنفس اللحظة لكن ربي ما ينسى حد ولا يردّ عبد رجاه خايب.
في أوقات الصفاء القلبي
لما يكون قلبك مرتاح وهادئ
هديك اللحظة ربي يسمعك قبل حتى ما تنطقي
في نص الليل
وقت السكون… لما الناس كلها راقده إلا قلبك اللي يطلب، ربي يفتحلك باب من أبواب رحمته
لما تحسي إن مافيش حد غير ربي هكي الإجابة حتكون قريبة عليك هلبا
دمعة صافية من قلب منكسر… أقرب لدعوة مستجابة من أي شي تاني.
بالإلحاح وحسن الظن
عاودي نفس الدعوة وخلي ظنك بربي جميل“وإني لأظنّك يا الله لا تُخيّب”.
وبذكر آيات وسور
زي: “أَمَّن يُجِيبُ الْمُضْطَرَّ إِذَا دَعَاهُ”
و: “ادعوني أستجب لكم”

لما تدعي لغيرك حتى هدا سبب
ربي يعطيك من الخير أكثر مما تمنّيتي لغيرك🩷.

موفقه عفروش🥹🩷🩷
----

- تبرع لإستمرار عمل بوت صارحني 🎁

⁣💌 وصلتك رسالة جديدة
⏱ وقت الرسالة: 2025/12/07 - 11:38:53 PM
----
عفراء متمسحيش نبي نقرا بالله ولا ابعتيلي
سجى
----

- تبرع لإستمرار عمل بوت صارحني 🎁

حاضر🩷

شوفُو أوّل شي من وجهة نظري ان غلط الإنسان يُربط استجاب دعائه برضا الله عليه او ان ضروري يُستجاب فنفس اللحظة لان أكبر دليل ع الشي هذا الأنبياء والرسّل عليهم السلام اللي هُما قُدوتنا طبعاً في الحياة
تاني شي استجابة الدعاء من وجهة نظري تكمُن في ان الشخص يراجع نفسَه أول شي الذنوب نكذبو لو نقولو حني معندناش ذنُوب بعكس عندنا ربي ساتر علينا ولله الحمد بس َ؏ الأقل يتخلص من الكبائر اول شي بعدها ينقص ڪُل مرة من شي غلط ويبدله بشي صحيح او حتى مثلاً نضيفو شي مكنّاش نديرو فيه سابقاً مثلاً قراءة ورد او صلاة نافلة صدقة مثلاً واكيد فيه انواع من الصدقات مش شرط صدقة فلوس فيه صدقة العلم مثلاً هادو كلهم أعمال لو ديريهم حتلقي لَا ارادياً البلاء يرتفع عليك مقابل مجهود بسيط منك
تاني شي عليكُم بالالحاح يناس مش تدعي مرة بس وتقولي لَا خلاص اهو ربي مستجابش لَا التضرع والإلحاح مُهم جداً جداً وقت تكُون نيتك صادقة فعلاً
وثالث شي شوفي الشي الإيجابي مرات الشي اللي تدعي بيه مفيشي خِيـٰر ليك والله سُبحانه وتعالى مُستحيل يعطي شي شر لعباده وحيبعد علينا ڪُل شي مفيشي خِيـٰر لينا حني عباد لَا حول لنا ولا قوة معندناش ادراك بس الله سُبحانه وتعالى يعرف ان اليوم دعيتي وتجاهدي باش الشي يتحقق فـ مستحيل يبعده عليك لو كان خِيـٰر ولو بعد حين
ورابع شي مراتٍ دعوتك فيها هلاك لنفسك او تبعدك عن الله سبحانه وتعالى ف الله صرفها عليك فيه هلبا اسباب هدا ان الله سبحانه وتعالي غاضب عليك
طوّلت عليكُم ويارب نكُون فدتكُم
في الختام وهذا الشي عن تجربة فعلاً ضروري وقت تدعُو تكونو متيقنين بأن دعائكُم حيستجيب فعلاً اني في مواقف لو نحكيلكم منعرفش ڪيف ربّي نجاني منها وفيه امتحانات واسئلة برضو كلّه بتوفيق الله سبحانه وتعالى ويارب يكُون أسلوبي وكلامي صائب فعلاً وفادكُم
ربي يحفظكُم يارب ويثبتنا الله ويهديني وإياكُم🩷.

ونسيت نقُولكم أحسن شعُور فـ دنيا وصارلي مرتين بفضل الله ان اني ندعي بترتيب معيّن فـ دعواتي فـ متعودة عليه الحق ونقول فيهم ورا بعض فـ في يوم من الايام كُنت ندعي ان ننجح في الشهادة بنسبة كويسة فـ بعد الشهادة دعيت بنفس الدعاء بحُكم متعودة ع الترتيب وصارلي لحظة ادراك ان فعلاً تحقق الدعاء فـ ربّي يذوقنا كُلنا حلاوة الاستجابة وأولهم زُملائي اللي متنسبوش🩷.

هي البث تم
المسجات لي وصلوني ف صارحني ع استجابة الدعاء كلها فوق
+مسج برورة الجميل وياريت تتفاعلو عليه🥹🩷

⁣💌 وصلتك رسالة جديدة
⏱ وقت الرسالة: 2025/12/08 - 01:27:56 AM
----
بارك الله فيك عفراء ان شاء الله ربي يتقبل منا ونصفو الإحصاء
وشكراً برورة على الكلام يلي جديات هون عليا 🤍
----

- تبرع لإستمرار عمل بوت صارحني 🎁

حبيبتي وفيك بارك الله اللهم آمين يارب 🩷
ادعولها تكون ناجحه ف تخصصها وتخلي بصمة حلوة فيه🩷

- واللّٰه ما صبرنا رغبةً فِي العوض بقدر ما ڪان يقينًا بكَ أنك لن تضيّعنا 🦋💙

⁣💌 وصلتك رسالة جديدة
⏱ وقت الرسالة: 2025/12/08 - 02:06:56 AM
----
السلام عليكم
الحمدلله ليا امداومه على سورة البقرة خمس سنوات شن بنقولك بدون مبالغة القيت فيها الراحة ومافيش حاجة ادعيتها لربي الا وربي استجابلي بدت عندي إدمان السورة بالنسبة للمداومه اعليها ماكانش الموضوع ساهل في البداية بتكوني متحمسه بعدين الشيطان والعياذ بالله يقعد يقولك خلاص سيبيها يعني بالنسبة ليا كانت أصعب حاجة 6الشهور اولات بعدين خلاص تبدأ إدمان اسفة طولت لاكن بجد نتمنى ان داومو اعليها
----

- تبرع لإستمرار عمل بوت صارحني 🎁

خلاص ساد اليوم بارك الله فيكم
وصارحني حنخليهم لغدوا ان شاءالله ونمسحهم لان القناة مفركسه🩷

ينام الغافلون عن الفجر، وتستيقظ أرواحٌ اختارها الله لتقف بين يديه فشتَّان بين نومٍ يُثقِل الروح، وصلاةٍ تُحييها💙🦋.

#صلاة_الفجر_أثابڪم_الله

ربُ متأخر أعانه الله فسبق.

اللهم الطب وان استحالة الطرق💙🩺

‏لا يكفي ان تكون على قيد الحياة ، يجب أن تكون على قيد الأمل ، على قيد الحلم ، على قيد التفاؤل ، على قيد شيء جميل سيحصل لك بأي يوم 💙