او لو نجو نتكلمو بصفة خاصة (الولاد) علاش يخشو وهما يشوفو فيه هايج وامواجه عالية!

بجديات توا شفت فيديو وحق ربي دموعي نزلو لا اراديا

ع حاجتين

ع الولد الي ينقد فيهم وكيف عرض روحه للخطر وخش باش ينقدهم

وع الولاد الي توفو ان شاءالله ربي يغفرلهم ويرحمهم شن بتحس امهم وكيف بتتحمل ألم الصدمة والفقد

الولاد ديما مُتهورين بدات كان صحاب مع بعض
ره هدا اسمه تهور مش تغير جو ومش مغامرة تقدر تعرف نهايتها قبل م تجربها وم تنسوش ان روحك مسؤولية وحتُسأل عليها يوم غدوا

المشكلة ان بحرنا مفروض ان قليييل الناذر نسمعو صارت فيه حالة غرق لان ف الاغلب يكون هادي

توا بدو الي يغرقو اكتر من لِـيعومو😔

ياريت اي حد قبل مايمشي للبحر يشوف التحديرات ف الفيس
واصلا حتى لو ماشفتش واضح جدا لما يكون هايج ولما يكون هادي

وف الغالب لما يكون طبيعي ومش محدرين منه الصبح يكون كويس اول م أضلم العين يبدا فيه موج هلبا
يبال لو كان ف تحديرات

خودو حذركم لو مش ع خاطركم ومش هامتكم روحكم ع خاطر أهلكم وامهاتكم شن حيحسو وقت يجيهم خبر مش حلو 🤍

طبعا نعرف ان قليل اللي يشوفو ف كلامي توا لكن بجديات من كتر م ضايقني موضوع مقدرتش م ندويش لعله حد يستفيد
وياريت أصحاب القنوات الكبيرة تحاولو تتكلمو بالك يهديهم ربي ويعقلو🌚

اللي وجعني ومش حنقدر نرقد منه اليوم الولد الي انقدهم كيف لقي الولد متوفي من صدمة قعد يتفرج ف الاول بدون مايدير شي
تو شن ذنبه يعرضو فيه للخطر باش ينقدهم !

﴿وَلَا تُلْقُوا بِأَيْدِيكُمْ إِلَى التَّهْلُكَةِ﴾ [البقرة: 195].

نسأل الله أن يهديكم ويهدينا جميعاً💙.

درت تعريف🌚

🩷.

فعلا💔💔

شوفي هوا صح موضوع صعبب انك تستغني ع حلمك وانتِ كنتي قادرة تخشيله بسس لعله خير لعله ربي شبحلك التقنييييية حيكون مستقبلك فيها حلو وجميل زيكك ولاكن البشري مثلا كان حيصيرلك فيه شي سيء ليك،
ديما خوديها من جانب تاني ( لعله خييير)
والله كل اختيارات ربي ليننا خير وحني منندروش والله
وعسى ان تكرهو شيئا وهو خير لكم ، وعسى ان تحبو شيئا وهو شر لكم والله يعلم وانتم لا تعلمون
اني قلتهولك الكلام قبل ونعاودهولك ما ربي حطك ف مكان زي هذا الا وهو متأكد انك ح تقديه وحتتميزي فيه!🩷
ربي يجبر بخاطرك عفرو ويعوضك خير يارب.