⁣💌 وصلتك رسالة جديدة
⏱ وقت الرسالة: 2026/02/11 - 02:24:11 AM
----
اني الحق مرة وحده شوفتك يوم امتحان الاحصاء مع حنين تبكييي واعطيتك ميه كان تتفكري لاكن قداش ماحبيتك وقعدت ندعيلك وديما والله واني نفسك قعدتلي الاحصاء وحلمي صيدلة توكلت ع ربي وخشيت استثنائي والحمد الله علي قد كرمه مش ع قد جهدي تصفت وان شاءالله ربي يجبر بخاطرككك ويفرح قلبك ونشوفك طالبة بشري ياربب ومش حننساك من الدعاء لان حرفيا عشتت نفس شعورك ربي يرزقك فرحه تسجدي شاكرة لله بعدها يارب🥹🤍
----

- تبرع لإستمرار عمل بوت صارحني 🎁

ياحبيبتي محلاااكك بكيت وحق ربي مقنينتك ،اي تفكرتك ، حمدلله يارب الف الف مبروك ويارب عن قريب تكوني ف احضان كلية الصيدلة محلاك وحق ربي هلبا فرحت انك صفيتي حمدلله يارب عقبال نعيشوه كُلنا شعور هدا 🥹🥹🩷
جزاك الله خير بوركتِ ياقنينة🩷🩷

—

كلّ ما أرغب فيه هو أن أرتاح، أن ألتقط أنفاسي دون أن أشعر أنّه سيتوجّب عليّ الركض ثانية حالما ألتقطها،

أود أن أشعر بكلّ شيء هادئ، وقلبي كذلك، نبضات قلبي التي لا تهدأ فتتعبني، أحاول استجماع كلّ أمل كي لا يتمكّن منّي اليأس، ولكنّني أُهزم كلّ يومٍ،
أحيانًا لا يبدو أنّ القادم مُشرق، رُغم كلّ مُحاولاتي لجعل القادم مُشرق😔🦋

العُسرُ يعقِبهُ يُسرٌ لا مَحالة؛

وعدُ اللهِ حقٌّ، لا مجالَ فِيه للاحتِمَال💙.

ادعوا لِــ بروره ماتنسوهاش🦋

الي مُــنتشر حاليا ف ريلز الانستا أو ف تيك توك ره بدعةة وحرام مش كُـل شي يتصدق ردو بالكم

وهدا قصدي ⬇️

لا تنسون آخر أربعاء بشعبان اكتبوا بورقة بيضة أمنياتكم وامسكوها 3 مرات وخلوها بالقرآن الكريم بسورة الزخرف، وإن شاء الله مقضية حوائجكم.”

هل هذا صحيح؟ وهل هو بدعة؟

مافيش دليل شرعي من القرآن أو السنة على تخصيص آخر أربعاء من شعبان

ولا في دليل إن كتابة الأمنيات وحطّها داخل المصحف أو مع سورة معيّنة سبب لقضاء الحاجة


1 تخصيص وقت أو طريقة معيّنة للعبادة بدون دليل يُعتبر من البدع

2 سورة الزخرف سورة عظيمة من القرآن، لكن ما ثبتش إنها تُقرأ لقضاء الحوائج بهالشكل المحدد

شن الصحيح؟ لِــقضاء الحاجة :

ادعوا ربّي في أي وقت وخاصة في
الثلث الأخير من الليل
بين الأذان والإقامة
في السجود
يوم الجمعة
صلوا ركعتين بنية قضاء الحاجة (من غير ما تعتقدوا إنها صلاة مخصوصة باسم معيّن إلا لو كانت استخارة)

أكثروا من الاستغفار والصلاة على النبي ﷺ

ربي حيقضي حاجتك بالطريقة اللي فيها خير ليك، ويمكن التأخير يكون رحمة وتدبير أحسن مما تتخيلوا🦋

ياريت تنشروه للأهمية ف ناس مصدقة وجزاكم الله خير الجزاء💙

اللهُم قد عزَّ عليَّ طَلبي
وهو عليك هيِّن🦋

إن الله يحقق المستحيلات بالطريقة الأكثر إستحالة فاطمئن💙.