94 شخص لعله احدكم يقرا هادي الرسالة وتلامس قلبه وتعطيه أمل بأن مافي شي مستحيل💙🦋

ممكن لكلام يوصل لقلوبكم قبل ودانكم🦋.

مرات الواحد يدعي ويعاود ويقول
“يا ربي علاش ما استجبتش؟”
بس تذكّروا قول ربّي عز وجل:
﴿وَقَالَ رَبُّكُمُ ادْعُونِي أَسْتَجِبْ لَكُمْ﴾

ربي وعد… ووعده حق.

لكن أحيانًا الإجابة ما تجيش كيف مانبو، تجي كيف ماهوا سبحانه عارفها خير لقلوبنا.

وحتى لو حسّيت روحك تعبان، ومكسور، ودعواتك واقفة تذكّر قوله تعالى:
﴿أَمَّنْ يُجِيبُ الْمُضْطَرَّ إِذَا دَعَاهُ﴾

يعني ربي يسمعك… من أوّل تنهيدة تطلع من صدرك.

مرات ربّي يأخّر عليك حاجة… باش يعطيك خير منها، ولا باش يحميك من شرّ ما كنتش متوقعه ولا مفكر فيه !

والناس اللي يقولوا:
“دعيت هلبا وماصار شي”
خلي ف بالك : ان الإجابة مرات تكون في الصبر، في السكينة، في الراحة اللي تجيك فجأة، في باب يتفتح وانت ما حسبتلاش حساب💙!

وقبل ماتكملوا المسج وتطلعو من القناة لبرنامج تاني
ارفعوا يدّيكم، وقولوا من قلوبكم:
“يا رب، دبّرلي أمري، وطمّن قلبي، وحققلي اللي نتمناه إذا كان فيه خير، واصرفه عني إذا فيه شر.”

وخلو قلوبكم دايمًا معلّقة بالله…
ماتنسوش“إنّ مع العسر يسرا”، وربّي عمره ما خيّب حد لجأ اليه💙

ان شاءالله مانكونش طولت عليكم🥹💙.

سُبحانه..

هو الذي يَسقي كل الشجر المنسي في أرض الجفاف.

أفتَظنه يَنساك!💙

لا يجتاز المرء أيّامه السيئة بقدر سعيه بل بقدر توفيقه، ولا يطمئنُ بقدر ثباته بل بقدر يقينه؛ لذلك نردد في مطلع كل يوم وليلة:
يا حي يا قيوم برحمتك أستغيث،
أصلح لي شأني كلّه، ولا تكلني إلى نفسي طرفة عين؛ فما الواحدُ منّا إلا بقدر اعترافه بضعفه ونقصه.😔

شدو جبر الله قلبك وروحك حتى ترضي🩷🩷🩷