في أولِ ساعةٍ في قبره، لا تنسَوا غسّان من دعواتكم.

و لعلّ ما يودّهُ المرءُ لا خيرَ فيه فالخيرةُ فيما اختارهُ اللَّهُ لنا دائماً
و لو نال المرءُ كُلّ ما يودّ لما تعلّمَ الرِّضا.🦋

السلام عليكم

تعرفو من قبل ماكنتش من الناس الي تفتح ف فيس وتشوف ف الاخبار هلبا

مهم ليوم وامس من الكساد مقعمزة ف الفيس الاخبار اول ب اول نشوف فيها لن جاني اكتئاب زدت تبلغمت😭

تو البحر يحذرو منه ليهم قرن يقولو الاسبوع جاي مش حيكون صالح للسباحة

علاش الناس يخشو !

او لو نجو نتكلمو بصفة خاصة (الولاد) علاش يخشو وهما يشوفو فيه هايج وامواجه عالية!

بجديات توا شفت فيديو وحق ربي دموعي نزلو لا اراديا

ع حاجتين

ع الولد الي ينقد فيهم وكيف عرض روحه للخطر وخش باش ينقدهم

وع الولاد الي توفو ان شاءالله ربي يغفرلهم ويرحمهم شن بتحس امهم وكيف بتتحمل ألم الصدمة والفقد

الولاد ديما مُتهورين بدات كان صحاب مع بعض
ره هدا اسمه تهور مش تغير جو ومش مغامرة تقدر تعرف نهايتها قبل م تجربها وم تنسوش ان روحك مسؤولية وحتُسأل عليها يوم غدوا

المشكلة ان بحرنا مفروض ان قليييل الناذر نسمعو صارت فيه حالة غرق لان ف الاغلب يكون هادي

توا بدو الي يغرقو اكتر من لِـيعومو😔

ياريت اي حد قبل مايمشي للبحر يشوف التحديرات ف الفيس
واصلا حتى لو ماشفتش واضح جدا لما يكون هايج ولما يكون هادي

وف الغالب لما يكون طبيعي ومش محدرين منه الصبح يكون كويس اول م أضلم العين يبدا فيه موج هلبا
يبال لو كان ف تحديرات

خودو حذركم لو مش ع خاطركم ومش هامتكم روحكم ع خاطر أهلكم وامهاتكم شن حيحسو وقت يجيهم خبر مش حلو 🤍