شاعر
مهدی/ عابدینی

الله الله نه گوزلدور بالانین دیل دوداقی
نه گوزلدور گوزی زیبا یارانیبدور یاناقی
جنتین گورمه لی طاووسیدی نرجس بالاسی
وار امام حسنون حور و ملکدن قوناقی

قلبِ زهرایه ثمر
کنز خلقتده گُهر
نرجسون اوغلیدی بو
بیرتوکی دنیایه دَیر
بیر توکی دنیایه دَیر

شهِ ارض و سمادی
هامی خلقه آقادی
بوزهرانین عزیزی
(بیزیم درده دوادی۲)

یا مهدی یامهدی
یامهدی یامهدی یا مهدی۳




گوزی شهلا،یوزی زیبا،قدی رعنا یارانیب
جدّی احمد کیمی بی مثل و دلارا یارانیب
قامتین حی تبارک نه قیامت یارادیب
یاراناندان بونون عاشقلری شیدا یارانیب

نَبَوی صورتی وار
حَسَنی خصلتی وار
شیرِ یزدانه مَثَل
مرتضوی هیبتی وار
مرتضوی هیبتی وار

گوزل آدینه قربان
بودور دردلره درمان
قالیب یوسف مصری
(بونون حُسنونه حیران۲)
یامهدی یامهدی
یامهدی یامهدی یا مهدی(۳)




نوکرین حالینه شامل اولا دیدارون اگر
سجده ی شکر ایلیوب فوری ایاقوندن ئوپر
شوکتون عالمی مبهوت ایلیَر گلسون آقا
دیورم ئوز ئوزومه غم ییمه صبر ایلر گلر

شیعه ام حیدری ام
گوزووه مشتری ام
سن منیم شاهیم آقا
من قاپیوین نوکری ام
من قاپیوین نوکری ام

آقا اوغلی آقاسن
ئورکلرده صفاسن
سنون یوخدی نظیرون
(مه برج ولاسن۲)

یامهدی یامهدی
یامهدی یامهدی یا مهدی(۳)

حاج رضا محمدی ( ولایی )
.
ائدوب کرم آلله
گلوب رسول الله
مثالی دهریده یوخ
جمالی عینا ماه
.
(یارسول الله یاحبیب الله)2
.
.
.
شه رسالتدی
دلیل خلقتدی
گلوبدی بیر آقاکی
کمال غیرتدی
.
(یارسول الله یاحبیب الله)2
.
.
.
فرحلنوب دنیا
سووندی مافیها
معاشران مژده
گلوب اباالزهرا
.
(یارسول الله یاحبیب الله)2
.
.
.
رسول والادی
جمالی زیبادی
بطول عذرایه
شرفلی بابادی
.
(یارسول الله یاحبیب الله)2
.
.
.
جمالی گویچکدی
مثالی یوخ تکدی
بونون یوزون آلله
عجب گوزل چکدی
.
(یارسول الله یاحبیب الله)2
.
.
.
مقامی اعظمدی
رسول خاتمدی
یازام نقدری من
فضائلین کمدی
.
(یارسول الله یاحبیب الله)2
.
.
.
گوی اهلی دلدارون
یر اهلی زوارون
فدااولوم عالم
اولوب خریدارون
.
(یارسول الله یاحبیب الله)2
.
.

عاشقم بیر گُله من،عاشق اونا گُللردی
گُل نه گُل، گُل یوزی آئینه پیغمبردی
مین خزان گَلسه ده سولماز، بو گُل حیدردی
سایه سینده بو گُلون، مُلک و مَلک دالدالانور
گونده اوچ دفعه اونون باشینه، دنیا دولانور


گُل نه گُل، نوروینی بوندان آلوری شمس و قَمر
حیف دیر طلعتینی یوسفه اوخشاتسام اگر
تک بونون بیر باخیشی یوسف کنعانه دگر
نور ذات اَزَلی اون بیر امامین گوزودی
بو گُلون مُشتریسی حضرت زهرا ئوزودی


گُل نه گُل، رشک آپاران حُسنونه گُللردی بونون
دئمَرَم آی، ئوزی آیداندا منوِّردی بونون
حُسنونه بنده اولان جمله گوزللردی بونون
گلشن جنّت الاعلایه بو گُل، سؤ گُلی دی
باغ جنّت گُلی یوخ یوخ، دئنه زهرا گِلی دی


♦️گُل نه گُل، مثلی نه گُلزار و نه گُلشنده اولار
باخسا آی حُسن دل آراسینه شرمنده اولار
گون دئدیم سهو ائلدیم، گون بو گُله بنده اولار
اهلبیتون گوزلی، شاهد حُسن اَزَلی
باغ جنّتده دئیلر بونا زهرا گوزلی


گُل نه گُل، حق بونی ئوز ذاتینه مظهر یارادیب
مَه جمالین بو گُلون مهردن اَنور یارادیب
دیمَرم یوسفه، پیغمبره مظهر یارادیب
تک نه یئرلرده، سمالرده بو دلبر سوزودی
گوزلری قاشلاری، سیماسی پیمبر ئوزودی


گُل نه گُل، شرح ائلیه وصفینی قاصردی زبان
گُل نه گُل، حُسنی ملک، غنچه لبی، قاشی کمان
گُل نه گُل، هر تِلینه باغلیدی مین حور جنان
بونی خلّاق اَزَل حُسن ازل خلق ایلیوب
گُل گوزلدور، بونی گُلدنده گوزل خلق ایلیوب


جمله دلخوشدی هره، بیر دل و بیر دلبرینه
هر کس ئوز یارینی تشبیه ائدی بیر تازه گُله
یئر یوزی دولسا گُلیله، گینه چاتماز بو گُله
روحیمیز روز اَزَلدن بو گُلون شایقیدی
تک نه بیز، حضرت زهراده بونون عاشقیدی


بیز که دنیانی فدا ایلَمیشوق عشقیمیزه
وئردوق ای مُدّعیلر جیفۀ دنیانی سیزه
بسدی تنها پسر فاطمه نین عشقی بیزه
ثبت اولوب دفتر عشّاقیده باشدا آدیمیز
مهدی فاطمه دیر ایمدی بیزیم هر زادیمیز


دئمیون یوخدی بیزیم، ساقی جان پروریمیز
دئمیون یوخدی بیزیم، سروریمیز، رهبریمیز
دئمیون یوخدی بیزیم، سؤگُللومیز، دلبریمیز
حُسنی آیداندا گوزل، دلبریمیز واردی بیزیم
یوسف فاطمه تک رهبریمیز واردی بیزیم


قوی نفاق اهلی دئسونلر بیزه دیوانه دیلر
نه تانور عشقی اولار، عشقیله بیگانه دیلر
اولارین سوزلری هم ئوزلری افسانه دیلر
عشق سرمستی بولر لذّت مستانه لیقی
وئرمه روق هر ایکی دنیایه بو دیوانه لیقی


بزم خلوتگه وحدتدی بیزیم هیئت میز
نام و شهرت نَدی، پرچمدی بیزیم شهرت میز
نیلروخ ثروتی، مهدی دی بیزیم ثروت میز
او بیزه عشقدی جانانه دی دلبردی بیزه
او گُل حضرت زهرادی، او رهبردی بیزه


گَل آقا مصئبۀ عدلی مقام ائت ئوزیوه
قویما حسرت قالا عاشقلریوی گُل یوزیوه
گَزمه گوز یاشلی بیابانلاری قربان گوزیوه
سنه زیبنده دی مؤمنلره سرور اولاسان
سنه تنها یاراشیر عالمه رهبر اولاسان


بیز حسین غملرینه، سینه میزی داغلیاروخ
نَقَدر واردی نفس، سینه ویروب آغلیاروخ
هر محرّمده قرا باشمیزه باغلیاروخ
دوداقین بوزمه محرّمده قرا باغلیانا
دوداقوندان چالی بیر یول دیساق عبّاس آقیا////

الليلة ان شاء الله
مشاركة الرادود الحسيني
سيد صادق الموسوي
بمناسبة ولادة منقذ البشرية الامام الحجة المهدي عج
احتفالية في قرية البشير
قرب مدرسة البشير






جيماز البياتي

.

💠 سلامٌ على آلِ يسٓ، السَّلامُ عَليكَ يا داعِيَ اللهِ ورَبَّانيَّ آياتهِ، السَّلامُ عَليكَ يا بابَ اللهِ وديَّانَ دينهِ، السَّلامُ عَليكَ يا خليفةَ اللهِ وناصرَ حقِّهِ، السَّلامُ عَليكَ يا حُجَّةَ اللهِ ودليلَ إرادتهِ ...

🌺 اسعد الله ايامكم بذكرى ميلاد #بقية_الله #الامام_الحجة عجل الله فرجه الشريف
#المهدي_طاووس_أهل_الجنة.
.

#اللهم_عجل_لوليك_الفرج
مبارك عليكم ولادة الامام المهدي عج