بعد من يلمنه. مشت عنه امنه
. يتامة اسمنه
وسف صار. وسف صار

#سيد_صادق_الموسوي
#شهادة_الزهراء
#جامع_الامام_محمد_الجواد

يا فاطمه يانور العيون
شيل الجنازه رايد متون
......
يالمظلم اخلافج بقى البيت
جم وحشه الج بالليل صليت
محني الظهر من يمج امشيت
اقره اعله اروحي الفاتحه الكيت

ماجني حيدر ناس يحجون
شيل الجنازه رايد متون

......
كل خطوه اخطيها على الكاع
اتعادل سنه من عمرج الضاع
مكسور بعدج مثل الاشراع
تاخذني ريح اتردني كالساع

مكسور ظهري وشابح اللون
شيل الجنازه رايد امتون

.......

يم كبرج اتوديني صفنات
واعطش بواجي واجري دمعات
وي روحي اسولف يرجع المات
وارجع اصيح بصوت هيهات

البيدي ادفنتهه ترجع اشلون
شيل الجنازه رايد امتون

.......
خانكي كلشي يم الحسين
وين انطي وجهي بعدج الوين
صارت حياتي قصة اونين
ما فاركتني دمعة العين

اتمنيت شيعوني اليشعون
شيل الجنازه رايد امتون

.......
كلشي اعله طولي امفصل افصال
من حزن من هم من دمع سال
عظم المصيبه اتهد الاجبال
بعدج صفيت امدوهن البال

موتج تركني بحيرة الكون
وشيل الجنازه رايد امتون

.....
بعدج حياتي موحشه اهواي
عايش وحيد بهاي دنياي
عطشان الج يالشوفتح ماي
يبجي اعله حالي لراح والجاي

واسمع شماته اعلي يصيحون
شيل الجنازه رايد متون

......
عشرتنه خلصت اني وياج
كلشي انتهى وانتهى ملكاج
شابت لحيتي بسبب فركاج
يمج اخذيني روحي تهواج

روحي اويه روحج خل يدفنون
شيل الجنازه رايد متون
......
كلمات
موسى الخادم