مقطع من قصيدة صبر ايدم من نجه اولموش اخر كيجه
في حسينية دده غائب
طوز خورماتو
اداء والكلمات
سيد صادق الموسوي

مجلس عزاء طوز خورماتو /حسينية ده ده غايب

{بو گجه زهراء گلر اوغلو حسينين ياسينا}
مقطع من مجلس العزاء المقام في حسينية ده ده غايب طوز خورماتو.

هادی سلطان محمدی . . اوغلون حسین بو گونده عطشاندی یا محمد بیر مشکی سو گتیرسن احساندی یا محمد . . کرب و بلا چولونده محشر اولوب نمایان یئر گوی حسینه آغلیر اوغلون قالیبدی عطشان اوخلار یاغیر یاغیش تک میدان اولوب تلیت قان اخیام ایچینده قیزلار نالاندی یا محمد . . قان چوخ گئدوب بدندن دای یوخدی استقامت گلمز سایا یاراسی بی حد دور جراحت یوخ بیر نفر بالاندان ائتسین بو گون حمایت قان ایچره اوغلون ایمدی غلطاندی یا محمد . . توپراقلار اوسته یالقیز دردین دئیر خدایه قارداشلاری ئولوبدی سسلر سنی هرایه وار زخمی بی شماری یوخ مرهمی یارایه مرهم درین یارایه پیکاندی یا محمد . . امر ائتدی سعدین اوغلی اول لشگر لئامه دورت مین نفر اوخ آتدی اوخلار دیوب امامه اوغلون حسین یخیلدی دشمن یئتوب مرامه گودال قتلگهده بی جاندی یا محمد . . ئولدوردی اهل کوفه اکبر کیمین جوانی آغلاتدی بو مصیبت مردان و بانوانی یئردن چیخوب سمایه اولادوون فغانی الله یولوندا اکبر قرباندی یا محمد . . دین سیز رجال کوفه ئولدوردولر قوناقی آغلار رباب مظلوم چون بوش قالوب قوجاقی قانه باتوب بو گونده اصغر کیمین اوشاقی قونداق ایچینده اصغر اوخلاندی یا محمد . . اوغلون حسینه خاطرارض و سماء قان آغلار یئر بی قرار اولاندا دریاده حیطان آغلار گویلر سیزیلدایاندا خورشی د رخشان آغلار افلاکیان بو غمده گریاندی یا محمد . . اود ووردولار خیامه قورخوشدولار اوشاقلار بیر یاندا کلثوم اوخشار بیر یاندا زینب آغلار اصغر آناسی محزون یورقوندیزین قوجاقلار گریان و زار و نالان نسواندی یا محمد . . بر پا ائدیبدی زینب چوللرده بزم یاسی داغ جوان گوروبدی وار سینه ده یاراسی آغلار بالان حسینه اینینده یوخ لباسی پیراهنین سویوبلار عریاندی یا محمد . . عباس نامدارین یوخ قوللاری بدنده امّ البنین آناسی آغلار اونا وطنده آهی جهانی داغلار گوز یاشینی توکنده عباس آدی دیلینده عنواندی یا محمد . . باش اَیمدی یزیده حقی ائدیبدی اعلان تا ائتمه سین جهاندا ظلم اهلی حقی کتمان باش ایمه سین ئولونجه هر ظالمه مسلمان حکم ائیلیه ن حسینه قرآندی یا محمد . . زینب قیزین گوروبدی باشسیز قالوبدی قارداش یئرده یارالی پیکر نیزه باشیندا دور باش ای وای دئدی حسینیم توکدی عذاره قانیاش رخسار دخت زهرا ایسلاندی یا محمد . . «سلطانیم» جهاندا اولدوم حسینه شاعر گئتدیم ره خدایه چون زادة مظاهر ائتدی منه عنایت هرگون خدای قادر «دوز نوحه لر» الیمده برهاندی یا محم

کلامی زنجانی

باشندا قاره ـ اورکده یاره
گیدن مزاره ـ رقیه لای لای
منی آتوبسان ـ نه خوش یاتوبسان
ایدیم نه چاره ـ رقیه لای لای


گولوم سارالدون ـ نه حاله قالدون
او قانلی باشی ـ قوجاقه آلدون
حالون پوزولدی ـ قولون یورولدی
منی غمونده ـ بلایه سالدن
رمق قوتولدی ـ سسون دوتولدی
قناری تک پر ـ قفسده چالدون
بلورسن ایندی ـ غمون چتیندی
بو بیقراره ـ رقیه لای لای


گوزل نگاریم ـ اوچ ياشلى یاریم
خزانه دؤندی ـ منیم بهاریم
ئوزون بلورسن ـ که بیکسم من
نه وار معینیم ـ نه غمگساریم
حجازه گیتسم ـ دوباره گلّم
فراقهه دوزمز ـ بو قلب زاریم
دور ایله افغان ـ گنه یات ای جان
دیوم دوباره ـ رقیه لای لای


واریم نه قارداش ـ نه یارو یولداش
کمکسیز عمّه ن ـ ئولیدی ایکاش
دمِ نواده ـ شب عزاده
گتوردی قاصد ـ طبقده بیر باش
گوزیوی سیلدون ـ باخاندا بُلدون
دگوب جداده ـ او باشه بیر داش
مراده یتدون ـ نوازش ایتدون
او تاجداره ـ رقیه لای لای


آچلسا یولّار ـ بو باغلی قولّار
گیدر مزارِ ـ حسینه زوّار
سوروشسا اکبر ـ نجولدی خواهر
گوزوم قان آغلار ـ اؤرک سیزیلدار
رقیّه جانی ـ بو کاروانی
آپارسام اولّام ـ ئوزوم علمدار
سن اولماسان گر ـ بو قلب مضطر
یانار شراره ـ رقیه لای لای


باجون سکینه ـ گلِ مدینه
ورار عزیزیم ـ غمونده سینه
سن اول گهرسن ـ که معتبرسن
خرابه اولدی ـ سنه خزینه
حرملر آغلار ـ جهانی داغلار
گیدنده سنسیز ـ بیز اربعینه
دیر بو دسته ـ مزارون اوسته
گوزل هزاره ـ رقیه لای لای


نه فرصتیم وار ـ نه طاقتیم وار
اؤرکده داغ ـ مصیبتیم وار
حجازه گیتسم ـ بقیعه یتسم
آنام بتوله ـ شکایتیم وار
سوروشسا صغرا ـ نئدیم دریغا
گوزونده اشک - خجالتیم وار
دور ای یگانه ـ بو باغریقانه
ایله نظاره ـ رقیه لای لای


سینم مدالی ـ حرم غزالی
ئوز ائللرندن ـ دوشن آرالی
فرشته سیما ـ سه ساله زهرا
اؤرک نوالی ـ باشی بلالی
وروبلا سیلی ـ یوز اولدی نیلی
گوزون جداده ـ ئوزین یارالی
نگاری گوردون ـ ئوزون یتوردوم
وصال یاره ـ رقیه لای لای....

رود به مدینه
حضرت ام‌البنین سلام الله علیها
اوخشامالار
.
.
.
بلبل شیوَنه گلدی
سولان گولشَنه گلدی
منی گور‌نلر دئییر
اوغولسوز ننه گلدی
.
.
دَو‌َلَر قاتار گئد‌ر
گئجه‌نی یاتار گئد‌ر
وفالی اوغول مگر
آنانی آتار گئد‌ر
.
.
سو گلر لیلَّندیر‌ر
باغچانی گللندیر‌ر
دردلینی دیندیرمیین
درد اوزو دیللندیر‌ر
.
.
زینبیم گلر آغلار
بالاوی گور‌ر آغلار
باجووا نه دییبسن
قولوندان ئوپر آغلار
.
.
بالاوین یوزو گولمز
گوز یاشی آخار سیلمز
آدینا یتیم دییرلر
يازيا چیخا بیلمز
.

ابوالفضل عباسی معروفان اهری ( معروف )
.
منیم ننم مهربان ننم
ئولدی باغریقان ئولدی
سالوب فلک اختیاریدن
ویردی خسته جان ئولدی
.
.
.
.
ننم منه مهربانیدی
خاطریم چوخ ایستردی
محبتلن دیندیروب منی
سینه سینده بسلردی
ووراردی هی زلفیمه شانه
چوخلی حرمت ایلردی
بش ئیل آغوشینده زینبون
گویلونی آلان ئولدی
.
.
.
.
گجه اولور غم گلور منه
آسماندا آغلور آی
دوشنده یاده سئنان قولی
سسلرم ننم ایوای
اولوب دیلیم ازبری منیم
نازیمی چکن لایلای
گجه گونوز دورت بالاسینون
فکرینه قالان ئولدی
.
.
.
.
گرک قوشام اوخشاما ننم
صحبتین دییم الله
آنام کیمین روزگاریدن
من گلیلییم الله
اماندی رحم ائت آناسیزام
بیر یتیمه ام الله
جهاندا بش سنیده قیزون
تک قویان ننم ئولدی
.
.
.
.
ایدم بیان درد و محنتین
گوزیاشیم امان وئرمز
او قدری غصه چکوب دئسم
غملری سانا گلمز
بودور خیالیم که حشره جک
قلب زاری دینجلمز
بوکوب بئلون غصه لر ننم
قامتی کمان ئولدی
.
.
.
.
بنا اولوب کج مداریده
کج بناسی دنیانون
غریبه دور گردشینده یوخ
آشناسی دنیانون
ئولوم حقدور هر گلن گئدر
یوخ وفاسی دنیانون
جفای دهره دوزن ننم
حیف اولا جوان ئولدی
.

نحال حضرت ام البنین(س)
.
.
.
علیرضا #حضرتی_ناعمی
.
#سبک_یارالی_جان_یارالی … 4 سبک : کربلا منتظر ماست … یارالی جان یارالی … لایلای ای سینمون اوسته … شهریاریمسن آقا …
.
.
یتیشوب لبلره جان گل اوغول عباس ئولورم
حالیمی یوخ سوروشان گل اوغول عباس ئولورم
.
.
حاش لله ساقالا دهریده قلبیم یاراسی
گلمدی جانیمه بیلمم نیه جانون قاداسی
گل اوغولسوز ئولور عباسیم اوغوللار آناسی
ایلرم آه و فغان گل اوغول عباس ئولورم
.
.
.
گونلریم سنسیز ابوالفضل چتیندیر آغ اولا
آروزو ایلر ئولنده آنا اوغلی ساغ اولا
جان وئرنده نه کی من تک اورگینده داغ اولا
گؤزیاشیم وئرمور امان گل اوغول عباس ئولورم
.
.
.
سن اولان وقتیده اولمازدی بو قلبیمده محن
هی باخاردیم بویووا شکر ائلیردیم حقه من
چکدی غم نقشه سی تقدیریمه بو چرخ زمن
عزتیم اولدی یالان گل اوغول عباس ئولورم
.
.
.
من دییردیم کی بالام غملی دله دلبر اولار
شهر یثربده ولا اهلینه غم پرور اولار
هم خانیم زینبه هم قارداشینا نوکر اولار
هم منه روح و روان گل اوغول عباس ئولورم
.
.
.
من دییردیم کی بالام مهر و وفادن دانیشار
گویلومی آلماقا هر لحظه جهاندا چالیشار
غم یوخوم ئولسم او تابوتیمه باری یاپیشار
یتیشوبدور او زمان گل اوغول عباس ئولورم
.
.
.
غصّه دن گل کیمی هر دم سارالار امّ بنین
جام اشکین یوزه هر لحظه جالار امّ بنین
نه بیلئیدیم ئولر عباس قالار امّ بنین
غم ائدوب قلبیمی قان گل اوغول عباس ئولورم
.
.
.
شانلی قارداشلاروی سن کی ییغاردون باشوا
هم سنه فخر ائلیردیم هم او اوچ قارداشوا
یار اول عباس دئیردیم بالا یول یولداشوا
اول صداقتلی جوان گل اوغول عباس ئولورم
.
.
.
عشق و ایثارون اولوب دهریده اثبات آنوا
یارادیبدی ئولومون عمده مصیبات آنوا
گرچه نیسگیلدی ولی اولدی مباهات آنوا
افتخاریمسان اینان گل اوغول عباس ئولورم
.
.
.
آنوی گرچه بو دنیاده نواخوان ائلدون
جانوی فاطمه نون اوغلونا قربان ائلدون
آنالاردا آنوی صاحب رجحان ائلدون
خوشدلم اشک فشان گل اوغول عباس ئولورم
.

كوزون آج اويان حسينيم
مجالس الحسينية
حسينية دده غائب طوز خورماتو
ليالي الدفن