اوخشاملار
اربعین
شعر از استاد کلامی
بوگون قرخ گوندی زینب سینه داغلار
غریب قاداشینه چوللرده اغلار

بوگون قرخ گوندی باد ظلم اسوبدی
عدو هم باش کسوب هم ال کسوبدی

بوگون قرخ گوندی باغ دین صولوبدی
او قانلی گوزلره تپراق دولوبدی

بوگون قرخ گوندی لیلا دربه دردی
رباب اوز اصغرینن بی خبردی

بوگون قرخ گوندی سرگرداندی زینب
حسیندن آیریلوب نالاندی زینب

بوگون قرخ گوندی اعدا کام آلوبلار
ابولفضلین قولون تندن سالوبلار

بوگون قرخ گوندی زهرا ساخلیوب یاس
کنار نهریده باشسیزدی عباس

بوگون قرخ گوندی قان یرده قالوبدی
حسینون باشی اللرده قالوبدی

بوگون بیر گوندی گلمیش جان نوایه
گلوب زینب دوباره کربلایه

بو گون بیر گوندی عالم تار اولوبدی
باجی قارداشینه زوار اولوبدی

گلور زینب الینده قانلی سوغات
دیوردور یاحسین گیر کوینگون یات

گلور زینب وصال عشقی جاندا
ولی نازلی رقیه یوخ یاننیندا

گلور زینب قوناق شاه حجازه
حسین اما دورانمور پیشوازه

گلور زینب توکور دامانه قان یاش
دیوردور گوزلرون قربانی قارداش

گلور زینب وورا تل اوسته پرچم
اسه پرچم دوتا عباسه ماتم

کوفه

کلامی زنجانی

الله بو خانم کیمدی گزور کوفه نی حیران
دل داغلیدی قول باغلیدی احوالی پریشان
گوزلردن آخور گوز یاشی باشندان اخور قان
هر دم اوجالور آهی دل عالمی داغلور
غم ناقه سینون اوسته حسین وای دیوب آغلور


الله بو خانم کیمدی سالوب باشینه قاره
ظلم اهلی چکوب قافله سین غملی دیاره
قلبی یارالی یوز گوزی آلوده غباره
اول یدّی گوزل باشه باخور نیزه باشندا
قارداش باشنون قانی اخور نیزه باشندا


الله بو خانم کیمدی قولون باغلیوب اعدا
سسلور یتش امدادیمه یا حضرت زهرا
آغلور پوزولان حالینه گوگلرده مسیحا
عیسی سینی اشرار زمان داره چکوبلر
زهرا قزیدی ، محملینه قاره چکوبلر


الله بو خانم کیمدی سالوب عالمه طوفان
قربانلارینون نعشی دوشوب توپراقا عریان
خوش لحنیله جانانی اوخور نیزه ده قرآن
هی گوز یاشینی کوفه لیلر قانه قاتوللار
قرآن اوخیان قارداشینا هی داش آتوللار


باخدی دئدی قارداش باجون ئولسون بو نه حالدی
قانلی باشیون عشقی منی چولدن چوله سالدی
باشسیز بدنون یاره لی گودالیده قالدی
ای باغ حجازین گولی غربتده صولوبسان
بو قورخولی یولدا باجوا یولداش اولوبسان


بُلدیم گجه نی قلبی شکستیدون عزیزیم
سن شام غریبانیده خستِیدون عزیزیم
حالون پوزولوب اولما کول اوستِیدون عزیزیم
مرآت رُخون توزلودی درون بُلَرَم من
وئرسه باشیوی خولی ، عزیزیم سیلَرَم من

✔️ مرحوم #صراف_تبریزی
.
ای نور عینیم منزل مبارک
بی کس حسینیم منزل مبارک
.
چوخ اشک چشمون بنزتمه سیله
یاندوم منی گل یاندورما بیله
دور بیر آناوا خوش گلدین ایله
ای نور عینیم منزل مبارک
.
دیندیر منی من زهرا آنانم
بو دینمغدن چوخ بد گمانم
سن خانه صاحب من میهمانم
ای نور عینیم منزل مبارک
.
باشوندی مشکاة آیات نوره
مطبخ سرانی دؤندردی طوره
خولی اوتانموب قویموش تنوره
ای نور عینیم منزل مبارک
.
لازمدی یاتسون بلبل گول اوسته
تا سایه سالسون گول بلبل اوسته
دور سینمه گل یاتما کول اوسته
ای نور عینیم منزل مبارک
.
کسمیشدیم ایندی قان ایچره یانون
خشک ایلیردیم زلفمله قانون
ناگه یتیشدی ئوز ساربانون
ای نور عینیم منزل مبارک
.
ای پادشاه ملک مدینه
اولدون نشانه شمشیر کینه
سنسیز حسین بس نیلر سکینه
ای نور عینیم منزل مبارک
.
وجهی ندور بس اهلون آتوبسان
چون اشک زینب قانه باتوبسان
اکبر نولوبدور یالقوز یاتوبسان
ای نور عینیم منزل مبارک
.
گؤردوم وئروب جان یئتمیش ایکی جان
بیر آغلیان یوخ اولدوم پریشان
گلدیم دوتام من شام غریبان
ای نور عینیم منزل مبارک
.
گیرم داغیلدی جاه و جلالون
تالانه گئتدی مال و منالون
هاردا قالوب بس بیکس عیالون
ای نور عینیم منزل مبارک
.
یوخسا چکوبسن گوندوز اذیّت
ایندی اولوبسان بیر لحظه راحت
دور یاتما یاتماز اهل محبّت
ای نور عینیم منزل مبارک
.
گلدون وجوده «صرّاف» عدمدن
گئتمه کناره گل بزم غمدن
قوی نوحه اولسون جاری قلمدن
ای نور عینیم منزل مبارک

حسيني صحراده - باسوبدى آتلار -حسيني صحراده
باسوبدي آتلار
يرالى بدن اوسته اوينويوبلار -حسيني صحراده
باسوبدى آتلار
آتلار سينه اوسته اوينادبلار -حسيني صحراده
باسوبدى آتلار
قلنج خنجريله دالدان كسوبلر -حسيني صحراده
باسوبدي آتلار
باشين سر نيزه اوسته قاوزيبلار -حسيني صحراده

باسوبدى آتلار
زينب گوز ياشين قانه قاتوبلار - حسيني صحراده

باسوبدى اتلار
هامو خيملره أتاش صاليبلار -حسيني صحراده

باسوبدى آتلار
عيالي باش ْباشا چوله قاچيبلار- حسيني صحراده
باسوبدى آتلار
بابا بابا ديوب چوخ آغليبلار - حسيني صحراده
باسوبدى آتلار
او صحراده سينه لر داغليبلار- حسيني صحراده
باسوبدى آتلار
رقيه گوزلريني باغليبلار -حسيني صحراده
باسوبدى آتلار
يانان چادردا عزا ساخليبلار -حسيني صحراده
باسوبدى اتلار

حسين هر كيم ديوب قمچي وروبلار حسيني صحراده
باسوبدى اتلار
بو حاله زينبي حيران قويوبلار -حسيني صحراده
باسوبدى آتلار
گوزل بالالرى گولتك صولوبلار - حسيني صحراده
باسوبدى آتلار
صاغا قاجيبدلار صولا قاجبلار - حسيني صحراده
باسوبدى آتلار
زنجيرله اللريني باغليبلار - حسيني صحراده
باسوبدى آتلار
زينب جگريني داغليبلار -حسيني صحراده
باسوبدى آتلار
———-
10 محرم الحرام /2025/6/6 يوم الاحد يوم العاشر من محرم
يازان / صادق الموسوي

كيم اوراكدان ياحسين سسلر داريخماز ياحسين
عاشقون رنگى مجازى حسنه اخماز ياحسين
خنجرى اعجازيوى كيم قلبه تاخماز ياحسين
سن بوجمعه باخمسان اللهدا باخماز ياحسين

امام سجاده خاطر مواكبِ عزا گلوب
تمامِ انبيا گلوب رسول مصطفى گلوب
خسته يرالي ياصينا فاطمة الزهراء گلوب
ديلينده اي وا ولداه حسيني كربلاء گلوب

اي وا ايماما—- اي وا شهيدا
———————————————
امام سجاده خاطر مواكبِ عزا گلوب
تمامِ انبيا گلوب رسول مصطفى گلوب
خسته يرالي ياصينا فاطمة الزهراء گلوب
ديلينده اي وا ولداه حسيني كربلاء گلوب


گلوب عزايه - باشيندا سايه
علي ايله خاتم -بو ماجرايه

وروبدي سينه - حاميي دينه
حواء وآدم -گلوب غمينه

گلبدي كُلِ انبيا ماتم سرايه
زهريله جان ويرن اغا زينُ العَبايه

————

اي شيعلر باشه چالون بوگون اولوبدو ولوله
زهر جفايه توش اولوب صو ويرميوبلر بوگوله
بو نازنين گوزون يوموب - ياده دوشوبدي حرمله
حرمليي كافر وروب بير اوخ ويريبدي هلهله

يانايدي اي كاش - جگر اولوب داش
قلبي بتوله - وروبلار اتاش

قالمادي چاره- قلبنده ياره
بو حاله آغلار - مريم وساره

اهل سماء يانا يانا گلوب عزايه
زهريله جان ويرن اغا زينُ العَبايه

—————-

امامِ سجاد اغايـــا. گوزلرميز دولوبدو قــــان
بو غمده انسُ وجان ديوب ايواي اغا اي باغريقان
اي صاحب وقار اغا صفحه ئي كُــــلِ مومنان
سنه توتوبدي ياس بوگون ايكي جهان حورِ جنان

حتى ملكلر -باهم گللر
بوحاله ايواي- يانار ئوركلر

بو كونِ امكان - قوروب عزا خان
سس وير برابر - ايواي حسينجان

ارواح عالمين گلوب. بو ماجرايه
زهريله جان ويرن اغا زين العبايه

——————

امامِ سجاد آغليب ياده صالبدي اللري
فرات كنارنده ياتان قولسوز دوشن او حيدري
ياده صالبدي قارداشين عباده گلن اكبري
صو ييرينه قانين ايچن يانوب اودلانوب اصغري

رقيه هر آن - ديوب بابا جان
نيه گلموسن - اي شاه عطشان.

امامِ سجاد - ايدوبدي فرياد
سوسوز غريبه - سسلنوب اي داد

ليلايله هم رباب گلر امُ السبايه
زهريله جان ويرن اغا زين العبايه

————
عمّسيله باغلاندي زنجيره الي بير بيريلن
گيديبدلر شامه اسير يولا دوشوبله شمريلن
بيله گنين قاني اخير ييرير باخير تاثيريلن
او قوم بي حيا چكوب خرابيه زنجيريلن

بو نه خيانت - بو نه جنايت
گترديلر باش— اولوب قيامت

اي ماه انور - اي جسمي بي سر
اهلِ عيالي. - قالان مكّدر

سوره يي كهف باشْ اوخودو آيه به آيه
تاسير ايدوب بو ماجرى زين العبايه


31/تموز
24محرم الحرام/1446ه———-2024/7/31
يازان سيد صادق الموسوي

مجلس عزاء الامام الحسين ع وذكرى شهادة الامام السجاد ع
في ناحية ليلان
ابتداءا من يوم الاربعاء ولمده ثلاث ليالي

حسينم گالديم من سنه قربان
سيد صادق الموسوي
محلس عزاء الامام الحسين في ناحية ليلان
محرم الحرام 1447