عمه سؤاليم وار سنه
نيه گلمدي بابام 2
دوغرو خبر سويله منه
نيه گلمدي بابام
-----------------
يولا باختغجا داليرام. يوختو بير گلن داده
بابام گيتسيدي بير يره تيز گلردي فرياده
بو سفر گيتدي گلمدي صالميوب مني ياده
رحم ايت اوزون گوزده ياشيما
نيه گلمدي بابام
------------------
قزيم رقيه آغلاما سفره گيدوب بابان
گوز ياشيوي قوي گليم سيليم -اغلاما سنه قربان
بو سفره من ديانمورام -قلبمي ايدوبسن قان
ديمه كول توكولدو باشيما-نيه گلمدي بابام

------------------

مني گونده قوجاغا آلان -هاردا قالدي گلمدي
فرض ايت بابام سفره گيديب - دردة صالدي گلمدي
صاغا صولا باخورام يولا - سس اوجالدي گلمدي
سو سپسين يانان آتاشيما -نيه گلمدي بابام

-----------------

قزيم گولوم يانما بو قدر - ياندروب مني ياخدين
بولوت مثالي دولموشام - يانا يانا سن آخدين
ابا الفضلين يولارينا سن - گوز تيكوب بيله باخدين
ديمه قاره صالدي باشيما -نيه گلمدي بابام

------------------

گوزوم ياشي دورمادان اخار - نيليوم فراقنده
ديمه بابام هله يوبانار كيم اويار يتاغنده
قرو ييرده ياتا بيلميرم راحتيم قوجاغنده
ألين چكوب خوردا باشيما -نيه گلمدي بابام

------------------
ياوريم ديميره م كي آغلاما. آغلا قوربانون اولوم
أما يواش آغلا كي دشمان - گلسه اينجدر قولوم
سن آغلاما قوي من آغليم - گول كيمي بتر صولوم
غباري غم قوندو قاشيما- نيه گلمدي بابام


----------------


عمه يولا دوشتو كاريوان - ديزلريمده طاقت يوخ
ناله م سمايه اوجالار - قابار اياغيمدا چوخ
قمچي وروبدو بيزه دوشمان - گل ديديم منه وور اوخ
اولوم حقدي باخما ياشيما - نيه گلمدي بابام

-----------------

شيرين ديليم يوخ بله ديمه - گلنين منه گلسين
سني گوزلريمده صاخلارام- قوي اونو حسين بيلسين
بابانين هجر اودونا يانوب - قلبِ زاريندن سيلسين
محنت جفا گلدي باشيما - نيه گلمدي بابام

-----------------
عمه بو يول چوخ خطرلدي - توت أليمي ترك ايتمه
أگر ايتسه م سن مني أرى- چوخ اوزاغلارا گيتمه
قمچي ووران گلسه دي اونا - بو يتيمي اينجتمه
بو يولدا نه گلدي باشيما - نيه گلمدي بابام

---------------
بو يول بيتر دوز گونن بلام - چوخي گيتدي آز قالدي
شامه گيدوبدور كي قافله - يول خرابه يه صالدي
غم روزگاري يتوب منه - يورگيم اتاش آلدي
ديمه نلر گلدي باشيما - نيه گلمدي بابام

--------------

عمه خرابيه آز قالوب - بلكي راحتيم آللام
أگر بابام گلسه بو ييره - آند اولا جانا قاللام
هاردان بيلر شامه گلميشيغ - من بونا يانوب داللام
نولور گلسه عمه باشيما - نيه گلمدي بابام

---------------
گلر قزيم گلسه سويله سن - دردوي ايله بيان
دشمن مني چوللره صالوب - اولمادي سنه عيان
زله ووروب گوگروب يوزوم - كيفلنوب زجر وسنان
وارندالار قمچي باشيما - نيه گلمدي بابام

---------------
عمه خرابه يوروب مني من كيمي بالا نيلر
سويله قزين چوخ سني سيور روز شب وفغان ايلر
سيجاغ قوم اوسته قويوب يوزون بابا واي ديوب زيلر
فلك صالوب قره باشيما- نيه گلمدي بابام

---------------
قزيم بو فكريله ياتموسان- دينجل من سنه قوربان
گل باشيني قويما توبراغا -قوي سنيم اوسته جانان
بيراز يوخلا بلكي گورسن -يوخونا گلر آلان
عمه بلا گلدي باشيما. نيه گلمدي بابام
———
يازان / سيد صادق الموسوي

أنا لقصيدة : يامن قتل عطشانا لوجه الله
الابيات :
حسينون آدينى يازدير كفنده
نكير ومنكره گوستر گلنده
حسين قويماز سنى يالقوز لحدده
گزرسن شادمان باغ عدنده
——————————-
حسينون آدينا قرباندى جانلار
محرملر گلر جوشه بو قانلار
عزا مجلسلرين مين باغه وئرمز
حسينين عندليبى نوحه خوانلار
——————————
حسينجان عشقوين بيماريوخ بيز
جمالون عاشق ديداريوخ بيز
اوقدرى كاش اجل مهلت وئريدى
گوريدوخ قبريون زواريوخ بيز
—————————-
اوركلر قانه دوندى فرقتوندن
يورولدوخ آرزو وحسرتوندن
يتشمور ال او قانلى قتلگاهه
نمازدا عطرون آللوخ تربتوندن
—————————-
ياللانچى عاشقين عشقى هدردى
اونا صحبت كنقش في المدردى
او قانلي داش كنار مرقدونده
مقام و ركندى لمس حجردى
—————————-
الهى سيد مظلومه خاطر
بتوله زينبه كلثومه خاطر
بو جمعى كه اچوب دل التماسه
باغشلا چارده معصومه خاطر
——————-
الهى قاف والقرانه خاطر
بيزه رحم ايله الرحمانه خاطر
الهى گئج بيزيم تقصير يميزدن
فرات اوسته توكولموش قانه خاطر
——————-
الهى عترت طاهايه خاطر
ربابه اصغره ليلايه خاطر
بيزى مأيوس قيترمه قابوندان
بالاسى سقط اولان زهرايه خاطر
———————-
خداوندا به حق ال عصمت
قابوندان بوش قيتمز اهل حاجت
الهى خاطر عطشان دوداقلار
بيزه لطف ايله بير باران رحمت
———————

اي بابا گيتمه دايان يانديم أمان من بو سحر
بيزي قويما باباسيز بوش يواسيز ياوري نيدر
أنام ئولدو بو حالا دوشدو بالا درده بتر
منده درده دوزره م گوزليره م هر نقدر

بابا جان اي بابا جان اي بابا جان اي بابا جان
——————————-

بو أناسيز بالالار هاردا قالار هاردا ياتار
گيجلر سس اوجالار كي أغالار حزنه باتار
حَسَنيم باخدي سنه همده منه دردين اوتار
آغليور گونده حسين- ناله سسين- كيم اونوتار

بابا جان اي بابا جان اي بابا جان اي بابا جان
——————————-

اي بابا گيتمه هله - چوخ عجله - ايتمه دايان
هله تازه دي يرا - باشتا قرا - قلبيده قان
صارالان گوللره باخ - قاخ بابا قاخ نولور اويان
ننه واي ديلده فغان - قلبي يانان - گل ننه جان

بابا جان اي بابا جان اي بابا جان اي بابا جان
——————————-

اي بابا رحم ايله سن - باغ وچمن - آلدي شرر
گوزون آچ باخ حسنه - باخدا منه - مَدِّ بصر
كربلاء شاهي باخير - گوز ياش آخير - ايله نظر
ديمه زينب گيديره م تابشيريره م من بو سفر

بابا جان اي بابا جان اي بابا جان اي بابا جان
——————————-

بابام آچتدي گوزونو - صون سوزونو - ايتدي بيان
ديدي صويما قرامى - باش يارامى - باغلاگينان
بو كيم آغلير هبله - قلبِ دله - ووردو نيشان
بودو عباسدي بابا - وا ابتا. - آغليري قان

بابا جان اي بابا جان اي بابا جان اي بابا جان
——————————-


ديدي عباسه بالام - سندن آلام- عهدُ وفا
وير ألين زينبه تا - بيلسين اخا - روحِ إبا
اوپوب أللره باخوب - گوز ياش آخوب - ايتدي دعا
مني تابشيردي اونا - باخ يولونا ايتمه نوا

بابا جان اي بابا جان اي بابا جان اي بابا جان
——————————-

زينبيم اغلاما چوخ - چاره سي يوخ - گلدي أجل
بو ئولوم قويسا فراغ - ويرمه قولاغ - يوخدو أمل
اي ولاية نامه سي - سِلسلسي - خير عمل
دوزه سن هر محنه - غدر ايدنه - ايتمه ملل


بابا جان اي بابا جان اي بابا جان اي بابا جان
——————————-

يارالار اولدو هزار - قلبي يارار - اشگِ تره م
سنه خاطر ياحسين - نور كي عين- چول گيزره م
يرالي باشه فدا - ايواي اخا - صبر ايدره م
قولو باغلي دُوشَره م - درد أسه رم - يول گيدره م

بابا جان اي بابا جان اي بابا جان اي بابا جان
——————————-

يازان سيد صادق الموسوي
3 رمضان
2025/3

اويان حسينم اويان اي قانينه بويانان
كلمات الشاعر محمد كريم اغا

مجلس عزاء الامام الحسين ع
في رابطة مصوري تازة
بمشاركة خادم الحسين سيد صادق الموسوي

رجبعلی محمدی زنجانی

. آنا ئولوبدی قارداشیم باشیمدا قاره گلمیشم
ایاقه دور تسلی وئر فغان و زاره گلمیشم


قولاق وئیر عرض ایدم آنا گلوبدی باشیمه نه لر
اگر بیان اولونماسا بو غصّه قلبیمی دَلَر

قدم قویاندان عالمه منه غم اوسته غم گلر ستم کشیده بیر قیزام بو غملی داره گلمیشم

. .

مدینه دن گیدنده من واریدی جاه و شوکتیم
یانیمدا یدّی قارداشیم منال و مال و دولتیم
شهید اولوب کمک لریم کئدوب الیمدن عزّتیم
حسیندن آیری دوشموشم اورگی یاره گلمیشم
. .

او چولده اون گون اولمادی سکونت ایلدیم آنا
نه چکمیشم خدا بولور محالیدور گله سانا نجه روادی صودامر سوسوزدان اود دوتوب یانا
اودور که اشک حسرتی توکوب عذاره گلمیشم

. .

ائلیکه ئولدی قارداشیم قوشون اَل آچدی غارته
وورولدی خیمه گاهه اود جفا یتوب نهایته گوزومده روز روشنیم دونوبدی لیل ظلمته یانان خیام تک اورک دوتوب شراره گلمیشم .


. نئجه دیوم که باغلانوب حرم غزالی قول قولا
اسیر روم تک بیزی سالوبلا کوفیه یولا گوروم جهاندا ظلم ائوی هایاندا وار خراب اولا
که جوره اهل ظلمدن جهاندا زاره گلمیشم . .


نظام عالمی سالوب بو ظلملر نظامدن جفای کوفه دن دیوم و یا جفای شامدن بیری آتوردی داش بیری اودی سپوردی بامدن
شهامتیله دوزموشم شرار ناره گلمیشم


. . لقبده «زاهد» آدلیام عملده چوخ گناهکار منی ائدوبدی منحرف جهاندا نفس نابکار آنان بتول حقّینه منی بو غصّه دن قوتار سنون قاپوندا بیلموشم بو درده چاره گلمیشم .

اوخشاملار
اربعین
شعر از استاد کلامی
بوگون قرخ گوندی زینب سینه داغلار
غریب قاداشینه چوللرده اغلار

بوگون قرخ گوندی باد ظلم اسوبدی
عدو هم باش کسوب هم ال کسوبدی

بوگون قرخ گوندی باغ دین صولوبدی
او قانلی گوزلره تپراق دولوبدی

بوگون قرخ گوندی لیلا دربه دردی
رباب اوز اصغرینن بی خبردی

بوگون قرخ گوندی سرگرداندی زینب
حسیندن آیریلوب نالاندی زینب

بوگون قرخ گوندی اعدا کام آلوبلار
ابولفضلین قولون تندن سالوبلار

بوگون قرخ گوندی زهرا ساخلیوب یاس
کنار نهریده باشسیزدی عباس

بوگون قرخ گوندی قان یرده قالوبدی
حسینون باشی اللرده قالوبدی

بوگون بیر گوندی گلمیش جان نوایه
گلوب زینب دوباره کربلایه

بو گون بیر گوندی عالم تار اولوبدی
باجی قارداشینه زوار اولوبدی

گلور زینب الینده قانلی سوغات
دیوردور یاحسین گیر کوینگون یات

گلور زینب وصال عشقی جاندا
ولی نازلی رقیه یوخ یاننیندا

گلور زینب قوناق شاه حجازه
حسین اما دورانمور پیشوازه

گلور زینب توکور دامانه قان یاش
دیوردور گوزلرون قربانی قارداش

گلور زینب وورا تل اوسته پرچم
اسه پرچم دوتا عباسه ماتم

کوفه

کلامی زنجانی

الله بو خانم کیمدی گزور کوفه نی حیران
دل داغلیدی قول باغلیدی احوالی پریشان
گوزلردن آخور گوز یاشی باشندان اخور قان
هر دم اوجالور آهی دل عالمی داغلور
غم ناقه سینون اوسته حسین وای دیوب آغلور


الله بو خانم کیمدی سالوب باشینه قاره
ظلم اهلی چکوب قافله سین غملی دیاره
قلبی یارالی یوز گوزی آلوده غباره
اول یدّی گوزل باشه باخور نیزه باشندا
قارداش باشنون قانی اخور نیزه باشندا


الله بو خانم کیمدی قولون باغلیوب اعدا
سسلور یتش امدادیمه یا حضرت زهرا
آغلور پوزولان حالینه گوگلرده مسیحا
عیسی سینی اشرار زمان داره چکوبلر
زهرا قزیدی ، محملینه قاره چکوبلر


الله بو خانم کیمدی سالوب عالمه طوفان
قربانلارینون نعشی دوشوب توپراقا عریان
خوش لحنیله جانانی اوخور نیزه ده قرآن
هی گوز یاشینی کوفه لیلر قانه قاتوللار
قرآن اوخیان قارداشینا هی داش آتوللار


باخدی دئدی قارداش باجون ئولسون بو نه حالدی
قانلی باشیون عشقی منی چولدن چوله سالدی
باشسیز بدنون یاره لی گودالیده قالدی
ای باغ حجازین گولی غربتده صولوبسان
بو قورخولی یولدا باجوا یولداش اولوبسان


بُلدیم گجه نی قلبی شکستیدون عزیزیم
سن شام غریبانیده خستِیدون عزیزیم
حالون پوزولوب اولما کول اوستِیدون عزیزیم
مرآت رُخون توزلودی درون بُلَرَم من
وئرسه باشیوی خولی ، عزیزیم سیلَرَم من

✔️ مرحوم #صراف_تبریزی
.
ای نور عینیم منزل مبارک
بی کس حسینیم منزل مبارک
.
چوخ اشک چشمون بنزتمه سیله
یاندوم منی گل یاندورما بیله
دور بیر آناوا خوش گلدین ایله
ای نور عینیم منزل مبارک
.
دیندیر منی من زهرا آنانم
بو دینمغدن چوخ بد گمانم
سن خانه صاحب من میهمانم
ای نور عینیم منزل مبارک
.
باشوندی مشکاة آیات نوره
مطبخ سرانی دؤندردی طوره
خولی اوتانموب قویموش تنوره
ای نور عینیم منزل مبارک
.
لازمدی یاتسون بلبل گول اوسته
تا سایه سالسون گول بلبل اوسته
دور سینمه گل یاتما کول اوسته
ای نور عینیم منزل مبارک
.
کسمیشدیم ایندی قان ایچره یانون
خشک ایلیردیم زلفمله قانون
ناگه یتیشدی ئوز ساربانون
ای نور عینیم منزل مبارک
.
ای پادشاه ملک مدینه
اولدون نشانه شمشیر کینه
سنسیز حسین بس نیلر سکینه
ای نور عینیم منزل مبارک
.
وجهی ندور بس اهلون آتوبسان
چون اشک زینب قانه باتوبسان
اکبر نولوبدور یالقوز یاتوبسان
ای نور عینیم منزل مبارک
.
گؤردوم وئروب جان یئتمیش ایکی جان
بیر آغلیان یوخ اولدوم پریشان
گلدیم دوتام من شام غریبان
ای نور عینیم منزل مبارک
.
گیرم داغیلدی جاه و جلالون
تالانه گئتدی مال و منالون
هاردا قالوب بس بیکس عیالون
ای نور عینیم منزل مبارک
.
یوخسا چکوبسن گوندوز اذیّت
ایندی اولوبسان بیر لحظه راحت
دور یاتما یاتماز اهل محبّت
ای نور عینیم منزل مبارک
.
گلدون وجوده «صرّاف» عدمدن
گئتمه کناره گل بزم غمدن
قوی نوحه اولسون جاری قلمدن
ای نور عینیم منزل مبارک

حسيني صحراده - باسوبدى آتلار -حسيني صحراده
باسوبدي آتلار
يرالى بدن اوسته اوينويوبلار -حسيني صحراده
باسوبدى آتلار
آتلار سينه اوسته اوينادبلار -حسيني صحراده
باسوبدى آتلار
قلنج خنجريله دالدان كسوبلر -حسيني صحراده
باسوبدي آتلار
باشين سر نيزه اوسته قاوزيبلار -حسيني صحراده

باسوبدى آتلار
زينب گوز ياشين قانه قاتوبلار - حسيني صحراده

باسوبدى اتلار
هامو خيملره أتاش صاليبلار -حسيني صحراده

باسوبدى آتلار
عيالي باش ْباشا چوله قاچيبلار- حسيني صحراده
باسوبدى آتلار
بابا بابا ديوب چوخ آغليبلار - حسيني صحراده
باسوبدى آتلار
او صحراده سينه لر داغليبلار- حسيني صحراده
باسوبدى آتلار
رقيه گوزلريني باغليبلار -حسيني صحراده
باسوبدى آتلار
يانان چادردا عزا ساخليبلار -حسيني صحراده
باسوبدى اتلار

حسين هر كيم ديوب قمچي وروبلار حسيني صحراده
باسوبدى اتلار
بو حاله زينبي حيران قويوبلار -حسيني صحراده
باسوبدى آتلار
گوزل بالالرى گولتك صولوبلار - حسيني صحراده
باسوبدى آتلار
صاغا قاجيبدلار صولا قاجبلار - حسيني صحراده
باسوبدى آتلار
زنجيرله اللريني باغليبلار - حسيني صحراده
باسوبدى آتلار
زينب جگريني داغليبلار -حسيني صحراده
باسوبدى آتلار
———-
10 محرم الحرام /2025/6/6 يوم الاحد يوم العاشر من محرم
يازان / صادق الموسوي

كيم اوراكدان ياحسين سسلر داريخماز ياحسين
عاشقون رنگى مجازى حسنه اخماز ياحسين
خنجرى اعجازيوى كيم قلبه تاخماز ياحسين
سن بوجمعه باخمسان اللهدا باخماز ياحسين