شاعر :یحیوی اردبیلی
.
ویرانه ده نازلی بالام جان وردی دینجلدی
بو دختر شیرین کلام جان وئردی دینجلدی
.
.
بختی بو طفلون اوجیدن دوشدی سرازیره
یکسر آتا قارداشلارین چکدیله شمشیره
کرب و بلادن شامه دین باغلاندی زنجیره
یاتماق اونا اولدی حرام جان وئردی دینجلدی
.
.
قالدی اراده بی کفن الله بالام ئولدی
بیر کیمسه نم یوخ دفن ایدن الله بالام ئولدی
آسوده اولدی ظلمیدن الله بالام ئولدی
هر زحمته ایتدی دوام جان وئردی دینجلدی
.
.
بعضی گئجه اکبر بوئین اوخشاردی یاتمازدی
شمری گورن گون اوُل گئجه قورخاردی یاتمازدی
چوخ یالواراردیم یات قیزیم آغلاردی یاتمازدی
ایندی نجه گور اولدو رام جان وئردی دینجلدی
.
.
غسلون وئرن یوخدور نِئدیم ئولدی بالام قالدی
ئوز معجرینله دفن ائدیم ئولدی بالام قالدی
سونمز اودون یاندیم دئدیم ئولدی بالام قالدی
هی آغلارام آرتار یارام جان وئردی دینجلدی
.
.
یاتدی حسینین بلبلی یانام اَلولانّام
یاده دوشر شیرین دیلی یانام اَلولانّام
واردور بونون بیر نیسگیلی یانام اَلولانّام
گیزلین دئدی عمه آجام جان وئردی دینجلدی
.
.
زنجیر کسن قولارینون نقشینه باخدوقجا
کهنه حصیردن آلنینون فرشینه باخدوقجا
یاننام بالامون خوار اولان نعشینه باخدوقجا
بو دللریله اوخشارام جان وئردی دینجلدی
.
.
ای هاشمون اوغلانلاری عباس و یا جعفر
هاردا قالوبسیز پس بوگون ای قاسم و اکبر
آخر سکینم (رقیّم) یئرده دور زینب سیزی گوزلر
چوخ اینجیدوبدور اهل شام جان وئردی دینجلدی
.
.
غساله گورسه آغلیور شمرون جفاسیندن
مالش ویرنده قویمارام قمچی یاراسیندن
زهرا آنامه بو قیزی باشیم بلاسیندن
من بیر نمونه یوللارام جان وئردی دینجلدی
.
.
یاز آغلا نوحه #یحیوی تا وار نفس جاندا
مظلوم حسینون بیر قیزی دفن اولدی ویراندا
چوخ اینجیوب اشکنجه دن آخر او زنداندا
شهزادۀ والا مقام جان ویردی دینجلدی
.
شاعر اهل البيت /يحيوى اردبيلى

يازان/ابوالفضل عباسی معروفان
.
.
ناقه دن یئره دوشموشم بابا
قلبیم اولدی قان گئتمه بیر دایان
بیلمورم هارا کاروان یولون
سالدی ساربان گئتمه بیر دایان
.
.
.
بیر یتیمه ام سینه ده یارا
تک قویوب منی کاروانیمیز
غم قطارینی چکدی نصف شب
سن دئنن هارا ساربانیمیز
قاره بختیمون مثلی قاره دی
بو گجه ایشیق آسمانیمیز
دادیمه یئتیش کاروان یولون
وئر منه نشان گئتمه بير دايان
.
.
.
گزمیشم پیاده بو چوللری
قان وئرور ایاقیم اولوب یارا
قورخولی بیاباندا بی امان
قاره یئل اسور قورخورام بابا
سسلورم سنی دادیمه ولی
قورخورام گله زجر بی حیا
چوخ ووروب منی چوخ یوروب منی
وئرمیوب امان گئتمه بیر دایان
.
.
.
هارداسان ئوزون تئز یتور منه
ماه صورتین بیر گؤروم بابا
یوز یوزه قویاق سن منه دانیش
من سنون گؤزوندن ئوپوم بابا
یا منی یئتور زینب عمه مه
یا دعا ائله تئز ئولوم بابا
عمم اولماسا نیلورم قالا
بو بدنده جان گئتمه بیر دایان
.

مه ن حسينه عاشقيم هواسيمدى
جنتمدى الديغيم نفسيمدى
بو ساسيمدى هوسمارام بو سسيمدى

كعده حسينية في احد بيوت المؤمنين
قضاء داقوق

عمه ندن أوزون يوللار
باغلاندى زنجيره قوللار
كيمسه رحم آيتمز من كبي
ندن يتيمى وراللار
قوللار باغلانان منم.
جيگرى داغلانان منم
منم رقيه منم رقيه

شارك الخادم الحسيني سيد صادق الموسوي
مجلس عزاء الامام الحسين ع 1447
في موكب الخيام الخالية حسينية شيخلر
داقوق - كركوك