بو حسين كيمدى كه عالم ديدى لبيك حسين
خلق اولوب حضرت ادم دئدى لبيك حسين
موكب خيام الخالية حسينية شيخلر داقوق

ختام المجلس الامام الحسين ع
في حسينية داقوق موكب الغلام التركي
بمشاركة الخادم الحسيني سيد صادق الموسوي

صحرای کربلاده ، طوفاندی یا محمد
گوندر کفن حسینه ، عریاندی یا محمد
.
.
یوم عزادی یاران ، یا روز عید اضحی
کرب و بلادی یا رب ، یا دشت ذبح مینا
برهم دی نظمِ عالم، قان آغلار اهلِ معنا
سر نیزه ده حسینین ، باشی اید‌ر تجلا
گون بیر جدانین اوسته ، تاباندی یا محمد
.
.
عباسمین کسیلدی ، قولاري باوفاسی
باش کاسه‌سینده قاسم،ایسلاتدی طوی حناسی
میداندا یاتمیش اکبر، آغلار قالوب آناسی
خاموش اولوبدور اصغر ، حلقینده اوخ یاراسی
سينه سي او سوت أمر، پیکاندی یا محمد
.
.
گلسین بو ييره گلسين بو انقلابه زهرا
گورسون حسینین عریان دوشموش ترابه زهرا
سالسین یارالی جسمین تا رخت خابه زهرا
غرق ایله‌سین یاراسین ، سیلِ گلابه زهرا
بو طفلٍ گوز ياشينا، درماندی یا محمد
.
.
شمرِ جفا شعارین ، آرتیرسین حق عذابین
یاندیردی خیمه‌گاهین ، پیراهن و طنابین
تالان ائدیب آپاردی، اجناسِ بی حسابین
پرده‌نشین حر‌ملر، الدن وئریب نقابین
چوللرده باشلار آچیق ، ویلاندی یامحمد
.
.
گل آخر اهلِ بیتین ، شامه گيدر پیاده
قولار طنابه باغلی ، غرقِ غم و بلاده
صد پاره نعشلردیر، عریان دوشوب آراده
وئرمیشله دسته دسته، قوشلار قاناد قاناده
گولگون بد‌نلر اوسته ،پرراندی یا محمد
.
.
زهرا ند‌ن دایانمیش،ترک ائیله‌مز، جنانی
بیلمز مگر او خاتون ، اوضاع کربلانی
زینب قالوب کمک سیز، سوزاندی خانمانی
اود دان چیخاردا بیلمور ، بیمارِ ناتوانی
زینب او اوددان آرتیق، سوزاندی یا محمد
.
.
بیر آز قاباق گورئیدین، سن نینو‌ا چولینده
ضعف ائیله‌یب حسینین اوز قانلی مقتلینده
نه وار دفاعه یارا ، نه وار سلاح الینده
نیزه برابر ینده ، اوخلار مقابلینده
سینه قلیج دمنده ، قلخاندی یا محمد
.

مرحوم یحیوی اردبیلی

ورود به کربلا

قافلم یتیشدی
کربلایه زینب
حاضر اول بو یرده
هر بلایه زینب

گوللرون سولان یردی
زلفی آغ اولان یردی

بو بلالی صحرا ( 2 )

کانال جامع شعر مذهبی ترکی و فارسی



من شهید عشقم مدفنیم بو یردی
سرور حجازم مسکنیم بو یردی
عندلیب عشقم گلشنیم بو یردی

باصفا گلستاندور
خوش هوا بیاباندور
بو بلالی صحرا ( 2 )



من خلیل عشقم گلمیشم منایه
صابرم بلایه راضیم قضایه
غبطه وار مناده دشت کربلایه

کعبه دن مجلّلدی
شاه عشقه مقتلدی
بو بلالی صحرا ( 2 )

کانال جامع شعر مذهبی ترکی و فارسی

کشف اولار بو یرده دلده کی مرامیم
دشتگاه ظلمی محو ایدر مقامیم
آخِرین مسیریم بهتریم مقامیم

بو دیار پرغمدور
رتبه ده معظّمدور
بو بلالی صحرا ( 2 )



تیز قالار بو چولده قارداشون اوغولسوز
اشقیا قویالّار بو غریبی یالقوز
قلبیمه وورولّار بیر خدنگ دلسوز

خاک خونیله هردم
یاره مه قویار مرهم
بو بلالی صحرا ( 2 )


کانال جامع شعر مذهبی ترکی و فارسی
ای آنام بتوله باوفا صبیّه
شان و منزلتده مریم سویّه
سندن اوتریدور بو تلّ زینبیّه

ظهر روز عاشورا
قانیله اولار دریا
بو بلالی صحرا ( 2 )



گوگلومه بو یرده غم گلور غم اوسته
دوغرانار ابوالفضل نهر علقم اوسته
زلفیوی توکرسن اوخلی سینم اوسته

تیترر آه و زاروندن
آه شعله باروندن
بو بلالی صحرا ( 2 )


کانال جامع شعر مذهبی ترکی و فارسی
اکبریم ویرر جان زینبا بو یرده
اصغریم ایچر قان برملا بو یرده
باشیمی کسه لّر اشقیا بو یرده

جای امتحانیمدور
آخِرین مکانیمدور
بو بلالی صحرا ( 2 )



جان کیمی بو صحرا جانیمی قوجاقلار
شان و منزلتده کعبه نی قاباقلار
پاره پاره جسمی سینه سینده ساخلار

اکبریم ایاقیمده
اصغریم قوجاقیمده
بو بلالی صحرا ( 2 )

کانال جامع شعر مذهبی ترکی و فارسی

ایمدیدن سرشکون باغلاما عذاره
اسمیوب سموم غم بو لاله زاره
ئولمیوب حسینون گلمه آه و زاره

اوندا آغلا اول غمگین
قانیله اولار رنگین
بو بلالی صحرا ( 2 )



قارداشون قالاندا شمر الینده آغلا
تشنه جان ویرنده آغلا سینه داغلا
ویرسه شمر مهلت گوزلریمی باغلا

حالیمه یانور گویلر
لرزیه دوشوب تیترر
بو بلالی صحرا ( 2 )



شیعه لر اولولّار بو یره مسافر
شهلر ایستور اولسون قبریمه مجاور
اولسا گر «کریمی» من غریبه زائر

عرض ایدر نه غوغادور
گور نه محنت افزادور
بو بلالی صحرا
آثار استاد بزرگوار ادیب فرزانه مرحوم
شیخ الشعرا
حاج حسین کریمی مراغه ای

زبانحال ابی عبدالله (ع) به حضرت ابوالفضل (ع)


(سبک : احوالیمیز یاماندی ...)


دین خیمه سی تالاندی
غم باده سی جالاندی
قوللار کسیلدی قارداش
باشیندا پارچالاندی
ایوای ابالفضل ایوای
ایوای سینان باش ایوای
اوخ آنلیوی سوکوبدی
قانین یئره توکوبدی
قارداشیوین او بیر اوخ
قارداش بئلین بوکوبدی
ایوای ابالفضل ایوای
ایوای سینان باش ایوای
دنیا خیالون آتدون
لب تشنه قانه باتدون
آتدان یره دوشنده
دینون باشین اوجاتدون
ایوای ابالفضل ایوای
ایوای سینان باش ایوای
قوردون بساط محشر
آلدون فراتی یکسر
سو اوسته ایچمدون سو
بیلدون سوسوزدی اصغر
ایوای ابالفضل ایوای
ایوای سینان باش ایوای
گئچدون ایکی قولوندان
هم ساق و هم صولوندان
لوح امانی جیزدون
سن دونمَدون یولوندان
ایوای ابالفضل ایوای
ایوای سینان باش ایوای
ای غملر آشناسی
امّ البنین بالاسی
هر کیم بلایه دوشسه
آدون اونون دواسی
ایوای ابالفضل ایوای
ایوای سینان باش ایوای

کنز مدارج اولدون
درده معالج اولدون
زهرا عنایت ائتدی
باب الحوائج اولدون
ایوای ابالفضل ایوای
ایوای سینان باش ایوای
**
محمدعلی مصیبی تبریزی

‎( قولو باغلي ﮔيديره م )
 
‎ﮔيديره م يوللار اوزاغ قـــاخ يولا صال قارداش مَني
‎نه دييـــم رقيـــــه يه خـــرابـــــده ايســـــــــــتر سَني
‎سينه داغلي ﮔيديره م ... قولو باغلي ﮔيديره م
----
‎بيتمَــــــدَن كربوبــــــلالر باشـــــــلادي شام يوللاري
‎نيجه قارداشســــــــز ﮔيديم كيسيلدي عباس قوللاري
‎ياتـﮕيـــــــــنان سَن بوردا راحت في آمان الله حسين
‎قويْ مَنــــــي باشــــــلارين آردينجا دولانيم ﭼوللري
‎دولانيم ديوانه تك ... باشييه ﭘروانه تك
----
‎ﮔيديره م قاخ يولا صال أي باجيسـين بي كس قويان
‎بو ﭘريشـــان حاليمه رحم إيت نولور قارداش اويان
‎قالمادي كيمــــسم ورار قمـﭼـي مَنه شـــــمري لعين
‎بير دوشــــوب بير قاخارام بير باخارام اويان بويان
‎باخارام ﮔوزده ياشيم ... ﮔلميري بير قارداشيم
----
‎ﮔيــــديره م باشــــــيمه صاللام آيريليغ غم عاباسين
‎ﮔيديـــــره م آهيمله يانديررام شامين خاراباســـــين
‎آلارام بير بير قوجــــــاغه اوخشــــــــارام بالالارين
‎بيري ايستير قارداشــــــــين او بيري ايستير باباسين
‎بيري صورار نه زمان ... ﮔلي عموم عمّه جان
----
 
 
‎بو فلَك بيلمَم نَـــــــدَن ﭼـــــيزدي بلالر باشــــــيمه
‎اوره كـــــــــي يانماز نَدَن قانـه دونَن ﮔوز ياشيمه
‎بوكتو بيليم ﭼـالدي ييـــــــردَن ييره يانديردي مَني
‎قويدو حَســــــرت مَني بير ﮔونده ايكي قارداشيمه
‎باخمادي ﮔوز ياشيمه ... اود وروب آتاشيمه
----
‎دونَرَم قيرخ ﮔون صـــــورا كربوبلا صحراســـينه
‎دونَرَم قولسوز صوصوز باشسز ياتانلار ياسـينه
‎من سَــــــنه ﮔَللَّم ﮔتيرميشَـــــم رقيه يدَن ســــلام
‎ايكي قول زهــــرا ننه مده ﮔتـــــيري عباســـــينه
‎توربه يْ اوسته ﮔلره م ... باشيمه كول ألَرَم
----
‎آغلا ( عبدالكريم اوغلو ) آغلـــيري زهرا بوﮔون
‎آغليري كربلا خســـته سي قولو يارا بوﮔــــــــون
‎ياريليب باش ﮔلي حــــــيدر يولا صالصن قيزيني
‎كربلادن ﮔيديري شـــــامه أســــــير حورا بوﮔون
‎بوﮔيده ن كروانه باخ ... آيريليغ هجرانه باخ
----
‎نسألكم الدعاء
‎خادمكم / محمـد كريم آغا..

موكب قناديل السماء -حسينية ده ده غائب
قصيدة في استقبال المحرم
سيد صادق الموسوي
محمد كريم اغا

گلميشيغ جان ويرماغه ياسيدي
جانى قوربان ويرمغه ياسيدي
(نه عرب نه فارس توركم اغا )
اسلم بن عمرو -مولى الامام الحسين ع الغلام التركي

سيد صادق الموسوي
محمد كريم اغا

سيد صادق الموسوي
في توضيح قصيدة :
نه عرب نه فارسم توركم اغا
الكلمات للشاعر المبدع محمد كريم اغا

عمه من جان ويريرام
داي الورام
جاغير بابام كلسين
وار نيازيم كفنه يوخ بيلرم جاغير بابام كلسين
----------
دييم اونا سوزومو
نشان ويريم يوزومو
گتيرسين اكبريمي
او باغلاسين كوزمو
جهاني ترك ايديرام حلال ايدين كيديرم
----------
قبريمين فكرينه قال
كونلومي آل
نفس دوشوب مندنن
قبريمي كيم قازاجاغ
كيم يازاجاغ
باش داشيما الدن
باخ عمه كوز ياشيما بو توز توتان باشيما
خبر وير اولمغيمي وفالي قرادشيما
---------
اكبريم بيلسه اكر
كلسه اكر
سويله او ديلبره
غصدن اولدو باجين
صولدو باجين
تبانماديم جاره
كوروبدي زله يوزو اورگده قالدى سوزو
قويبدو قبره الي اولوبدي يارة گوزو
---------
ئولسم ايتمه عجله
خسته گَله
عموم ابو الفضلي

واردي عباسْ عمومين
اللرينين شهامت وفضلي
سويله آج ئولدو بالا
وروبلا قمچي دالا
جان ويردي گوزلري بس
باخا قالبدي يولا

مرحوم تقایی اردبیلی
..
..
ای قولّاری باغلی ئولن مظلوم بالام وای
یورقون بالام وای
عمّون سنه تاپمور کفن مظلوم بالام وای
یورقون بالام وای
..
..
..
دینجلدی جانون ظلمدن ای نازدانه
سالدی سنی دیلدن عزیزیم تازیانه
ئولدون آجوندان قالدی عمه ون یانه یانه
ای اصغره لای لای دییَن مظلوم بالام وای
یورقون بالام وای
..
..
..
نیلی اولوب ظلمون الیله گُل ایاغلار
جبراً سارالدی قورخودان گوزل دوداقلار
قاچدون تیکان اوسته قابار اولدی ایاقلار
ای شمر الیندن دینجلن مظلوم بالام وای
یورقون بالام وای
..
..
..
زهرا آنام تک سینّون آز دردون چوخ اولدی
دل آچمیان قارداشیوه دایه اوخ اولدی
باشوندن عزّت سایه سی بیردن یوخ اولدی
ای حسرتیله جان ویرن مظلوم بالام وای
یورقون بالام وای
..
..
..
زجرون الی سنسون قولون اولموش یارالی
سالمیش کمنده دشمنون سن تک یارالی
سن تک یتیمون گون به گون رنگی سارالی
صولدون مثال نسترن مظلوم بالام وای
یورقون بالام وای
..
..
..
دولموش گوزون آلقانیله زهرا نظیریم
باتدون بو ویران خانه ده ماه منیریم
قالدون دیار شامیده غملی سفیریم
اطرافووی آلدی محن مظلوم بالام وای
یورقون بالام وای
..
..
..
بیر عمّه دئ قربانیوم بو دل کبابه
دونموش گوزومده گوز یاشیم غملی سحابه
قالمیش اوغولسوز رحم ایله بی کس ربابه
ای شمع جمع انجمن مظلوم بالام وای
یورقون بالام وای
..
..
..
شمری گورنده ابر تک ظلمیله دولدون
آخر او مشگین تللری حسرتله یولدون
گل برگ تک ای نازنین هر لحظه صولدون
سولماز سنون تک یاسمن مظلوم بالام وای
یورقون بالام وای…