گلوب فغانه آغلارام
گزوب بهانه آغلارام ا
لهی دورت بالام منیم
باتوبدی قانه آغلارام .
ئورگیم یانور اسور اللریم
منی گوزدن آتدی گوزللریم . . . .

بهار غمده سولموشام
بولوط مثالی دولموشام
اوغوللارین آناسیام
ولی اوغولسوز اولموشام

. وطنیمده کیم یتیشور منه
دئیور آغلاما قره گون ننه . . . .

ائدر منه اثر گجه
اولار چتین سحر گجه
دولاننام ائوده صبحه جک
عصا الیمده هرگجه .

بالا فکرینی آتا بیلمرم
نچه آیدی کی یاتا بیلمرم . . . .


گلوم سارالدی بیتمه دی
غمیم اورکده اختمه دی
سفردن ای خدا منیم
گئدنلریم قییتمه دی .

ئورک اوتلانار اولا گر سینیغ
بلیمی بوکوب منیم آیریلیغ . . . .


. همیشه سینه داغلارام
باشیما قاره باغلارام
سوسوز ئولوبدی دورت بالام
سَرین سو گورسَم آغلارام .

سسیمی سکوت عزا کسر
سو آدین دئینده دیلیم اسر . . . . .

گرک که شال غم سالام
ئولونجه خونجگر قالام
یاتوبدی خیردا قبریده
دیولّه قهرمان بالام .
علمین ئوپوب سینه داغلارام باخارام سو مشکینه آغلارام

قريبا ….ان شاءالله
گيوليمين سلطاني حسين
سيد صادق الموسوي
محمد كريم اغا