الـحـمـدلله وصـل عـاشور وإمـتد الـعمـر بيـه
وارد البـس اثياب السود واخدم بالحسينيه
..............................

الحمد لـلـه وصل عاشور وامـتـد للـسـنه عـمــري واحـضر منـبرك مـولاي وابـچـي ودمـعـتي تجري لوناعي مـصـابـك نـاح  اوشــم بـلـطــم صــدري بلچي اويه الخدم اسمـي يـتـســجــل ابــتـعــزيه

ــــــــــــــــــــــــــــــــ

يـبو اليمه العـمر ذوبل غـصـنـه و يبـسـت اوروده وشيـفيد الوسف عـلراح وعـمـر الراح شـيـعوده اخـافـن صـفـحـة اعمالي لـمـن تـنــكشـــف سوده انه ادخـيلك يبوالــيــمه وريـــدك تـــنغـر اعـــليه

ــــــــــــــــــــــــــــــــ

مـاريـدن ثــواب ابـچاي لا داعـــيك عـلأجــره
گلي بعد چـم عـاشور ابچـي اويـه امك الزهره اريدن جـمرة امـصابـك تبگه ابـضـامري اموجره ودمــعي عليك يا مولاي لا يــــنگــطـــع جـاريـه

ــــــــــــــــــــــــــــــــ

عليك ايـهـل دمـع عـيني ابـچي واذكر ابـنـوحك واتــخيـــّل اصـواباتـك واعـد للناس بجـروحـك گلب العرش ناح اعليك وانته التعالج ابـروحك
يا من كل جــرح گــلــبي يســاوي الف وتسع ميه

ــــــــــــــــــــــــــــــــ

عدّ اجـروح الـبـجـسـمـك يــعــني بلـعــدد اكـثر اهـون عندك مـن اجـروح جسـم اوليـدك الأكـبر لـوعــصر العـرس جاسم تـزفه الخيمـته امطـبر
لــو نـحـر عــله صـــدرك عـطـشان اخـتـفـه ضيه


الشاعر_عزیز_الفیصلي

الإمام محمد بن علي الجواد عليه السلام


بينك وبين الحسين بكربلاء
يالجواد بكل جرح دمعه ولقاء
جيتك باحزاني
ما نسيتك آني

ما نسيتك ما نسيتك
...............

آنه امك فاطمه الليله اعتنيتك
يالجواد وعالسطح ميّت لگيتك
تشبه حسين ابمحنتك وبقضيتك
ضامي مسموم الچبد ساعة منيتك

هم بقيت بلا دفن وحدك غريب
لا عشيرة الحضرتك لا من قريب
ياحُسين الثاني
ما نسيتك آني

ما نسيتك ما نسيتك
.................

يا مُحمّد يُمّه چبدك من تسمّم
مثل چبد حسين بالطف من تخذّم
لكن حسين السبط أكثر تألّم
سهم المثلّث مرد چبده ونزف دم

حرمله ماصاب چبدك بالسهام
يالجواد وماشفت حرگ الخيام
مصرعك اذّاني
ما نسيتك آني

ما نسيتك ما نسيتك
...............

تلث ليالي عله السطح مطروح جسمك
بدار غربه ولا اهل لا ناس يمّك
لكن اهون من مصاب حسين سمّك
ما گطع راسك شمر ما سال دمك

ما تكسّر صدرك بحافر خيول
ولا براس الرمح راسك ضل يجول
چم جرح بچّاني
ما نسيتك آني

ما نسيتك ما نسيتك
...............

بالشمس مطروح يبني وذاب چبدك
يالجواد ومن متت مسموم وحدك
ريتك تشوف الغريب حسين جدك
كل جرح لمن تشوفه يهون عندك

لچم گلبي مصابك وكسر الضلوع
يبني والله عليك ما تكفي الدموع
ابچي دم خلّاني
ما نسيتك آني

ما نسيتك ما نسيتك
...............

ما شفت نار بخيام ولا دمايه
ولا بنينك وخوتك طاحو ضحايه
ولا خواتك عالهزل راحن سبايه
ما شفت يوليدي كل هاي الرزايه

من بقيت عله السطح ضامي وّحيد
يالجواد اتذكّــرت جرح الشهيد
راسك باحضاني
ما نسيتك آني

ما نسيتك ما نسيتك
...............

سمّتك ام الفضل سمّ المنيه
مثل جَعَده السمّت ابني الناصبيه
عالحسن دمعاتي ما تنشف جريّه
يالجواد وجيتك بهاي المسيه

جيت اشيعك يبني يالبعدك شباب
ارد اواسيك واحضرك بالمصاب
بمرقدك تلگاني
ما نسيتك آني

ما نسيتك ما نسيتك

سيد زيد الفحام

مو هسه ميت من زمان
عالداسته اخيول الجثيره
مو هسه ميت من زمان 
عالملمو جسمه بحصيره
........
مو هسه اخذني الموت اخذني صارله سنين
من يوم كالولي أنذبح عطشان الحسين
ما ظل عمر عندي بقت بس دمعت العين
ويومية ذابحني الشمر مو مره مرتين

عالبلعطش يابس لسان
اسنيني العمر صارت كصيره
مو هسه ميت من زمان 
عالملمو جسمه بحصيره

.......
الميتله مثل حسين يبقى عايش اشلون
نوحو اعله جدي اعليه ما حاجه تنوحون
اتشيع اني حسين ما ظله اليشيعون
فوك الذبح دوس الحوافر باكت امتون

ودم منحره غطه المكان
واظلوعه يا وادم كسيره
مو هسه ميت من زمان 
عالملمو جسمه بحصيره
........
عاشر محرم يا خلك  شيبلي كل حال
من عندي اخذ روحي وتركني سارح البال
من عنده شنسه انه الحرك لو سبي الاعيال
لو عمتي زينب من خذوهه امكيده بحبال

ظِل عمتي ما ينشاف جان
هاي العلّيْ كلش جبيره
مو هسه ميت من زمان 
عالملمو جسمه بحصيره

.....
ما حاضر المقتل لجن وصلتني الاخبار
سولفلي ابوي وكلي جدك طمه الأحجار
ومن كثر ما داست عليهه اخيول الاشرار
صدره اعله ظهره انطبك جدي وصار طشار

مارحمو ابسيد الجنان
الجانت الوادم تستشيره
مو هسه ميت من زمان 
عالملمو جسمه بحصيره


......
عالاقل انه ابين ناسي اوماني اوحيد
بس جدي ما ظل عنده ناصر يا أجاويد
فوك الترب مطروح ظل امسبل الأيد
وعيونه تندار الخيامه الفزعته اتريد 

حتى الزمن تاريخه خان
ما راعه حرمه ولا زغيره
مو هسه ميت من زمان 
عالملمو جسمه بحصيره
.....
جعفر الصادق انه ما ذبوحني عطشان
ولا سلًّبو مني ثيابي وصرت عريان
ولا جسمي ظل ابكربله اموسد التربان
من غير تغسيل وجفن من غير دفان

ذبحو اويه حسين الامان
من سلبوه ذيج الظهيره
مو هسه ميت من زمان 
عالملمو جسمه بحصيره

......
كلمات
✍ موسى الخادم

مشاركة خادم اهل البيت ع
سيد صادق الموسوي
في مهرجان عيد الغدير افضل اعياد المؤمنين
وقد اقيمت هذه المهرجان في :
ناحية تازة خورماتو _كركوك

التصوير والمونتاج : رابطة مصوري تازة

اليوم ان شاءالله
سوف يشارك سيد صادق الموسوي
في المهرجان عيد الغدير الاغر المركزي للمشروع الثقافي شباب العراق منسقية كركوك
بحضور كل من : شيخ غزوان الخزاعي
والشيخ كرار العبادي
والرادود القدير ملا جليل الكربلائي
والشاعرين الكبيرين ناظم الحاشي و رجب بربر اوغلو

‏بسم الله الرحمن الرحيم
(من المؤمنين رجال صدقوا ما عاهدوا الله عليه فمنهم من قضاء نحبه ومنهم من ينتظر وما بدلوا تبديلا)
بتاريخ 2014/6/29 ذكرى سنوية استشهاد مجموعة أبطال الذين سطروا أروع الملاحم البطولية في قرية البشير وهم مجموعة الشهيد البطل السيد جعفر الموسوي وشهيد القائد عباس جوما مع مجموعة من الشهداء مايقارب 33 شهيدا الذين لقوا حتفهم في أول هجوم لقرية البشير بعد أن سيطر عليه داعش الجبان وقتل نساءها واطفالها وشيوخها وشبانها ونهب أموالها
‏كلنا فخر بهذا الشهداء رحمة الله تعالى عليهم أجمعين وحشر هم مع محمد وآل محمد أجمعين سيبقى هذا اليوم هو يوم شهداء العقيدة والمذهب والولاية التركمانية يوما خالدا في ضمائرنا وتأريخينا جميعا

🚩🚩 تنـــويه🚩🚩
اخواني واخواتي لا تقصروا في نصرة الامام الحسين ع،،هذه الليلة

مهـــرجان ســـلام ثار الله|🚩
هذه الليلة باذن الله تعالى سوف نحيي مهرجان [ثار الله 🚩] في ساحة الامام محمد الجواد / تازه خورماتو

بجهود مبذولة لايام وليالي من قبل هيئة الغدير /وهيئة الزينبيات
فلهم كل الحب والمودة والتقدير على خدمتهم وشكر الله سعيهم•
وتحية حب وتقدير لكل من يلّبي نداء [سلام ثار الله]
من الشيب والشباب والنساء والاطفال فسلامٌ على القلوب التي ملكت حب الحسين( ع)

الوقت في تمام الساعة /8:30

حيَّ علـــى العـــزاء 🚩

دوغدى هلال احزان گل 🌙 …. قان ياغاجاغدى اسمآن گل 🌌
بو محرم گلديده سن ….گلمز اولدون هرداسان گل
گل گيرديغ قرامز …. قان جوشدى يارامز 🩸
سندن ايري كيمه….كيدغ وار هرامز 💔

گلدى عاشورا گونو شيعه ديوانه بوگـــــون💔
قيزيل قان پيداه اولور ييره اسمانه بوگون🩸

مشاركات خادم المنبر الحسيني سيد صادق الموسوي
في العشرة الاولى من شهر محرم الحرام 1446
التفاصيل ⬆️ ⬆️ ⬆️ ⬆️ ⬆️