ماتت.      وكل حلمهه اولادهه همه اليشيعون
ماتت.      خلصت اسنين العمر هلبت يردون

بس جسد جاهه الحسين
ولكفيل ابلايه ادين
---------------------------------------------------
خلصن ايامج صبر----- وياعذاب الينتضر
انتضرتي بگد سؤالج عن الحسين
اشگد نطرتي ع الدرب----- بحسرت الماشت غرب
وشَّلت عينج نضرهه مامش ابنين
اشگد عگدتي ابشيلتج------ تالي متي ابحسرتج
حتى من تابوت نعشيج يطلع اونين
الليله وافاج الاجل------ عيونج ادور اهل
يااهل كلهم گضو ع الغبره ميتين


تبجي.   امن النعش يطلع صدى اولادي جاوين
تبجي.   باخر انفاس اوتون مشتاگه لحسين

اعله الارض دامي الحنين
ولكفيل ابلايه ادين

-----------------------
انتي عمرج بس حزن-----ابراسج النحر ومتن
انتي ميته من لفالج ضعن الايتام
من ابن حذلم لفه----- وسولف اسرار الجفه
من روالج رَكُض زينب حرگ الخيام
من روه قصة طفل----- اتروَّه من نحره النبل
كل عضو ابجسمج توفه من حِچَه الشام
طحتي من گلج گمر ----غازل اجفوفه النهر
ولشمس مطروح عاري ابلايه هندام

صعبه.   ام إلبنين وصفت وحشه الجنازه
صعبه.    ع اليفارگ دنيته وماهم اعزازه


اعزازج انتي امذبحين
ولكفيل ابلايه ادين
-------------------------------------------
صح الج حگ الربه---- اه يم النايبه
عذري ولدج بالمدامع ذبحي الامال
لاتحَمليهم عتب ----- دنيا شَبعتهم تعب
شافوو النار بخيمهم تركض اعيال
انتي حصلتي نعش----- هوه بالخيل انفرش
جسمه كله وبالحوافر صاير اوصال
ولكفل ينرف خدر----- خنگته جلمت شمر
لسه لوعه ابصدره تسعر ذيج الحبال


نوحي.   ابكربله ضلت جثثهم بس بلا روس
نوحي    گالوو اعليهم حوافر گامت ادوس

اتوكحت خيل اعله دين
ولكفيل ابلايه ادين

----------------------------------------------------
نفترض ليج اعتنوو----- ابيا وضع لمن اجوو
اشلون مگطوعه جفوفه ايگود مذبوح
اعليج يم النايحه------ اشلون يقره الفاتحه
هوه ماموجود راسه وكله مجروح
ولنعش من يحمله---- اجفوفه غاد ابكربله
ابلايه جفه وجرح راسه لسه مفتوح
رغم بيهم فاجعه------ جوج يم الاربعه
ولنحر شابگ عضيده وشاركه النوح



جوهه.    ولحسين اعله النعش يبجي النحر گام
جوهه.    وعين ابو فاضل على امه تنزف اسهام

يبجي دامي الودجين
ولكفيل ابلايه ادين

----------------------------------------
موتتج هسه قضه---- عمرج إنتي إنگضه
من سمعتي اخبار طف وطحنِ الاجساد
كِتْلتج قصة مره---- جان اسمهه امخدره
رگضت امن الخيل يرهب جان إلشراد
ولخيم اخ الخيم ----- خلت بگلبج سهم
اخيام ال الله صدگ تتحول ارماد
انتي يا دِين الوفه---- جرح گلبج ماشفه
ولزمان الراح صعبه ليج ينعاد

رحتي.  ولوعه ضلت بالگلب حلمج تشوفي
رحتي.   من جروحه لو اجالج ماتعرفي

كل جرح يشرح انين
ولكفيل ابلايه ادين
------------------------------
ياباب الحوائج يا ام البنين
علي سليم الحسناوي

نزلة ليلة ام البنين
.
.
.

 
 
يــم البنــين اتـــدللي    غير الحسين ماكو ولي
 
***
 
أمنه اوصــيتچ واجــبه بــس لاتوصـــينه
مــو اخوه لا احنه خــدم لحــسين تدرينه
نــيران غيــره ومــن نــشب محد يطفينه
ويم خيم زينب ننطفي بنفاس ابو سكينه
 
عدنه اليقين ابن علي    غير الحسين ماكو ولي
 
***
 
باجر اذا گال الشمــر ولد اختي مامونه
وداعـة حليبچ والربه نفــگسهن اعيونه
لايبقى گلبچ بي وجـل كلمتنه مضمونه
الدنيـــا نزعـلـــها اذا الغــالي يــزعلونه
 
حب الحنين حب ازلي   غير الحسين ماكو ولي
 
***
 
احچـايه نطيناچ وعــهد نبـقه اعله الحچايه
باجر گصــص تعله وگصــص نسحگها بالرايه
سـيل احــنه والسبعــين الف بالســيل كشايه
صــح اربعـــه بس العده يشــوفونه اهـــوايه
 
صوت الليوث من يعتلي     غير الحسين ماكو ولي
 
***
 
يم البنـــين اتطــمني زينـــب نــباريها
بعــيــونه مـــو بالخيــم احنه نخلــيها
بطاريها فن واحد يمر ويجيب طاريها
ساعة قــيامة وداعتـچ بالطف نسويها
 
حصن الحصين بالطف جلي    غير الحسين ماكو ولي
 
***
 
عباس اذا هز صارمه وعثـمان اذا زمجر
وجــه الجمع في كــربلا مـعــناتها اتــغير
عبد الله يا ام الوفـه ايگــر عينچ وجعفر
باچر يأمنــه هالرگـــب ترخص لبو الاكبر
 
وهذا الحچي ابلا جدلي       غير الحسين ماكو ولي
 
***
 
والينه ابو اليمه وبـعد منوالي أي والي
والمايوالي ابن النبي يضل دائـمن تالي
الرايد علــو شــانه وجوبـاً يتبــع العالي
الماعنده غالـي ابدنـيته مايعــتبر غالي
 
وللعنده دين گلنه بلي     غير الحسين ماكو ولي
 
***
 
غير الحسين وعترته منــــشوف أي واحد
الشاهد علينه ام الخـدر والنــهر هم شاهد
الأخــر رمــق بالمعـــركه لحســينه انجاهد
ابشيـلتـچ وبشيبـــاتـچ وبالمعصب انعاهد
 
متــمسكين بالأولي       غير الحسين ماكو ولي
***
حيدر تركي الكربلائي

نزال ..
قصيدة ( يا عباس )
🔹🔸#الليلة_السابعة 🔸🔹
بحق #الامام_العباس (ع)

أم البنين إتحشمّــــة .. ياعبـــاس
هالليلة فرَح فاطمة .. ياعبـــــاس
ـــــــــــــــــــــــــــــــــــــــــــــــــــــــــــــــــ
اليوم يمك ياكمر .. عوف كل ماي النهر
يمة يالطولك بحّر .. روّينة
كلها صاحت كربلة .. هايراعي الاولّة
ياهلة بحامي هلة .. وحامينة

ها ياجبل بالموزمة .. ياعباس
هالليلة فرّح فاطمة .. ياعباس
ـــــــــــــــــــــــــــــــــــــــــــــــــــــــــــــــــــ
يانبع كل الشرف .. يلّي بالغيرة إنعرف
يمك الكلبة وكف .. مالومة
من تهد ماتلّتفت .. يانبض كلب الوكت
والله من زغرك جنت جيدومة

خليلي زينب سالمة .. ياعباس
هالليلة فرّح فاطمة .. ياعباس
ــــــــــــــــــــــــــــــــــــــــــــــــــــــــــــــــــ
جم نصر دمك رسَّم .. ياعلَم شايل عَلَم
منك الموت انهزم بالحومة
من يمر بيك الزعَل .. منك ايخاف الاجل
والعدو اكبالك ختل .. بهدومة

ها ياشبل حامي الحمة .. ياعباس
هالليلة فرّح فاطمــــــة .. ياعباس
ــــــــــــــــــــــــــــــــــــــــــــــــــــــــــــــــــ
زينب أبذمتك ترة .. هاية بس للتذكرة
انتة ضنوت حيدرة ... وتربيتة
سوّي من ليلك ضوة .. وصير لحسينك هوة
انتة حماي اللوة .. وساريتة

دك رايتك فوك السمة .. ياعباس
هالليلة فرّح فاطمــــــة .. ياعباس
ــــــــــــــــــــــــــــــــــــــــــــــــــــــــــــــــــ
خلي جفينك ذخر.. وراسك اوكل العمر
يمة قدمهن نذِر .. لحسينك
يمة أريدك مفخرة ..حتى يوم الآخرة
أطالب الزهرة ترة .. إبجفينك

ذيج الحياة الدائمة .. ياعباس
هالليلة فرّح فاطمــــــة .. ياعباس
ــــــــــــــــــــــــــــــــــــــــــــــــــــــــــــــــــــ
ونسالكم الدعاء
لخادم اهل البيت (ع )
الشاعرمصطفى الطيب

#الشاعر_مصطفى_الطيب

#شاهدو
#طور_قديم_من_اداء_سيد_صادق_الموسوي
من #كلمات_المبدع_محمد_كريم_اغا

#شهادة_سيدة_ام_البنين_ام_البدور السواطع
#جامع_وحسينية_البشير
في قرية البشير

مرة اخرى بابداع جديد
الرادود المبدع حنجرة الشيعة التركمان العراق
#سيد_صادق_الموسوي
قصيدة
#يازهراء🌷
من كلمات الشاعر المبدع
#رجب_بربر_اوغلو
في مهرجان سن التكليف للفتيات شيعة التركمان
بمشاركة 300 بالغة
اقيم المهرجان في ناحية تازة خورماتو ساحة ابوسلمان
قامت بتنظيمها هيئة الغدير وادارة جامع الامام محمد الجواد ع
كادر التصوير والانتاج #اعلام_لواء_16_للحشد_الشعبييي🇮🇶
نشر من قبل -مدير الصفحة

المونتير/جيماز يلماز البياتي